hadd e kunfikan se guzar gaya Lyrics
fikr e manzil hai na hosh e jada e manzil mujhe
jaa raha hoon jis taraf le jaa raha hai dil mujhe
kisi se meri manzil ka pata paaya nahi jaata
jahaan man hun farishton se wahaan jaaya nahi jaata
hadd e kunfikan se guzar gaya
hadde lamakaan se guzar gaya
teri justju mein khabar nahi
main kahaan kahaan se guzar gaya
kabhi misl e mauj e hawa e gul
kabhi bann ke dood e fughan e dil
tere shauk e deed mein baarha
tere aastaan se guzar gaya
yeh toh apna apna hai hausla
yeh to apni apni udaan hai
koi ud ke reh gaya baam tak
koi kehkashaan se guzar gaya
shab e hijr has ke guzaar li
gham e ishq dil se laga liya
mere jazbe shauk ki daad de
main har inteha se guzar gaya
wo makaam dair o haram bane
wahin sab ki gardanein kham hui
wahin sar basajda hui jabeen
tu jahaan jahaan se guzar gaya