Aye saqiye maikhana deewana bana dena lyrics
Zid pe aajaayeñ to rukh pher deñ toofanoñ ke
Tumne dekhe nahi tevar abhi deewanoñ ke
Aye saqiye maikhana deewana bana dena
Aye saqiye maikhana deewana bana dena
Jitni bhi maikade mein hai saqi pila de aaj
Hum tishna kaam zohd ke sahra se aaye hain
Aye saqiye maikhana deewana bana dena
Phir doosra ek maikash mujh sa na bana dena.
Har simt teri soorat aa jaaye Nigahoñ meiñ
Tauhid ki masti mein mastana bana dena.
Peena haraam hai na pilana haram hai
Peene ke baad hosh mein aana haram hai
Tauhid ki masti mein mastana bana dena.
Ek jaam ke peene se kya khaak Nasha aaye
Tum apni nigaahon ko maikhana bana dena.
Mere saqi ye tamasha tere Maikhane ka
Saari Mehfil ko Nasha ek hi paimane ka
Chashm-e saqi hai udhar aur mera dil hai idhar
Aaj takraao hai paimane se paimane ka.
Tum apni nigaahon ko maikhana bana dena.
Tum apni nigaahon ko maikhana bana dena.
Laahoot ki manzil se aage hai safar mera
Matloob ko taalib ka deewana bana dena.
Maiñ daar se deta hooñ aawaz “anal haq” ki
Is sar ko bhi aye maula nazrana bana dena.
Maiñ Raah e Haqeeqat ka ik raaz e Haqeeqat hooñ
ik raaz e Haqeeqat hooñ..
ik raaz e Haqeeqat hooñ..
Bashar ke roop mein ik raaz e kibriya hoon main
Samajh sake na farishte wo falsafa hoon main
Maiñ Woh bashar hoon farishte jise kiye sajda
Ab is ke aage khuda jaane aur kya hoon main
ik raaz e Haqeeqat hooñ..
ik raaz e Haqeeqat hooñ..
Haqiqat maan’ni Padti hai manvayi nahin jati
ik raaz e Haqeeqat hooñ..
ik raaz e Haqeeqat hooñ..
Maiñ Raah e Haqeeqat ka ik raaz e Haqeeqat hooñ
Mera na zamane mein afsana bana dena
Tum hosh ki duniya mein diwane ko mat laao
Maiñ qatra hooñ qatre ko turda(*) na bana dena.
Mahtab ne kalme se mastoñ ko sikhaya hai
Tauheed o Risalat ka kaashana bana dena.
Peera Dil e Khasta ki bas itni tamanna
Ai shamma e haq mujhko parvana bana dena.