Nabi Sarware har Rasool o Wali hai Naat Lyrics
Nabi Sarware har Rasool o Wali hai
Nabi raazdaare Ma’Allahi-lee hai
Woh naami ki naame Khuda naam tera
Rauf o Raheem o Aleem o Ali hai
Hai betaab jiske liye arshe aazam
Woh is Reh Rawe laa maqaan ki gali hai
Nakeerain karte hain taazeem meri
Fida hoke tujh par yeh izzat mili hai
Talaatum hai kashti pe Toofaan e Gham ka
Yeh kaisi hawaaye mukhaalif chali hai
Na kyun kar kahoon Ya Habeebi Agithni
Isi naam se har museebat tali hai
Saba hai mujhe sar sare Dashte Taiba
Isi se kali mere dil ki khili hai
Tere charon hardum hai yak jaan yak dil
Abu Bakr Farooq Usman Ali hai
Khuda ne kiya tujhko aagaah sab se
Do aalam me joh kuch Khafi o Jali hai
Tamanna hai farmaaiye roze mehshar
Yeh teri rihaayi ki chitthi mili hai
Joh maqsad ziyarat ka bar aaye phir toh
Na kuch qasd kijiye yeh qasde dili hai
Tere dar ka darbaan hai Jibreel e Aazam
Tera madha khwaan har Nabi wa Wali hai
Karoon arz kya tujh se aye aalimusir
Ke tujh par meri haalate dil khuli hai
Shafa’at kare hashr me joh Raza ki
Siwa tere kisko yeh qudrat mili hai