YAAD ATI HAI WATAN KI YAAD ATI HAI
MUHARRAM ME HAME APNE WATAN KI YAAD ATI HAI.
KAREN KIS SE GILA PARDES ME AYE FATEMA ZAHRA
1- AY BIBI MAJLISO MATAM KA MAUSAM ANE WALA HAI
TADAPTE HAIN KI AB MAHE MUHARRAM ANE WALA HAI
GHUTAN HOTI HAI IS PARDES ME AB DIL NAHI LAGTA.- muharram……..
2- SADA JAB MAJLISO MATAM KI IN KANON ME ATI HAI
WATAN KI YAAD HMKO KHUN KE ANSU RULATI HAI
TADAP JATA HAI DIL TANHAION ME HAM GARIBON KA- muharram……
3-MANAYN KIS TARAH YE GAM BAHUT MAJBUR HAIN BIBI
FATA JATA HAI DIL APNE WATAN SE DUR HAIN BIBI
LABON PAR DAM BADAM AATA HAI SHAHZADI YEHI FIQRA – muharram…………
4-KAREN BHI KIS TARAH KHUL KAR SHAHE WALA KA HM MATAM
MANAYN KIS TARAH PARDES ME UN BEKASON KA GAM
WO GHAR ZINDAAN LAGTA HAI JAHAN MATAM NAHI HOTA -muharram……….
5-TAMANNA THI KI GHAR JAKAR AZAKHANA SAJAYNGE
ALAM ABBAS KA KHUD AONE HATON SE UTHAYNGE
CHADHAYNGE JARI KI MASHK PAR FULON KA EK SEHRA -muharram………..
6- ZIARAT KE LIY ASHUR KI SHAB HAM NIKALTE THE
TO APNE GAON KE HAR TAZIYA KHANE ME JATE THE
KUCH IS ANDAAZ SE DETE THE HM MAZLUM KO PURSA-muharram………….
7-PILATE THE JO HM NAME SAKINA PAR WAHAN PANI
KUCH IS ANDAAZ SE KARTE THE PIYASON KI NIGAHBANI
WATAN ME EHTEMAM IS TARAH KARTE THE SABILON KA -muharram…………………..
8-KALEJA HOGA USKI YAAD ME EK BAR FIR ZAKHMI
UTHEGI JIS GHADI FARWA TUMHARE LAAL KI MEHNDI
KARENGE ZABT KAISE SAATWIN KO HM MERE AAQA- muharram……….
9-MERE MAULA YE SB MAJBURIYAN JEENE NAHI DETIN
PARAY DES ME YE DURIYAN JEENE NAHI DETIN
BULA LIJE HAME APNE WATAN AB JALD AY MAULA – muharram ……………….
10-DUAYN MANGTE HAIN ROZ HAM APNE MUSALLE PAR
KI HM PARDES SE KAB LAOT KE JAYNGE APNE GHAR
NA JANE KAB SAJAYNGE ALI ASGAR KA GAHWARA – muharram………….
11-BHARA GHAR LUT GAYA ZAHRA KA EK PARDES ME AAKAR
KAHIN ASGAR KI MAIYAT HAI KAHIN HAI LASHAY AKBAR
BIKHAR KE RAH GAYA DASHTE BALA ME SHAH KA KUNBA -muharram…………..
12-NA ROYA HAI (SHABAB )ITNA KABHI PARDES ME KOI
WATAN KI YAAD ME ( AAMIR ) SAKINA JIS QADAR ROI
WO BACCHI AAJ BHI ZINDAAN ME PADHTI HAI YEHI NAUHA – muharram………
*——*