آمد مصطفیٰ سے ہے پھولا پھلا چمن چمن Lyrics in Urdu
آمد مصطفیٰ سے ہے پھولا پھلا چمن چمن
آئی بہار ہر طرف کھلنے لگا چمن چمن
شادی ہے ہر مقام میں نخل میں سب قیام ہے
ڈالیاں ہیں سلام میں سر ہے جھکا چمن چمن
ٹھنڈی ہوائیں آتی ہیں کلیاں بھی مسکراتی ہیں
بلبلیں چیں چہاتی ہیں کھلنے لگا چمن چمن
جھومتے ہیں شجر شجر تازہ ہوا ہے پھول پھول
سبزہ ہوئی روش روش غُل سے بھرا چمن چمن
کلیاں تمام کھل گئیں شاخیں خوشی سے ہل گئیں
بلبلیں غُل سے مل گئیں ہسنے لگا چمن چمن
نعت میں کیل و کال ہو مدحت ذوالجلال ہو
اکبر خوش مقال ہو نغمہ سرا چمن چمن