ابر کرم گیسو محمد
صلی اللہ علیہ و سلم
دونوں حرم ابرو محمد
صلی اللہ علیہ و سلم
سب سے انوکھا مو محمد
سب سے نرالی کو محمد
صلی اللہ علیہ و سلم
سب کی نظر ہے سوئے کعبہ
کعبہ تکے ہے روئے محمد
صلی اللہ علیہ و سلم
کعبے کو کس نے بنایا قبلہ
کعبے کا کعبہ روئے محمد
صلی اللہ علیہ و سلم
سجدہ سر ہے سوئے کعبہ
سجدہ دل ہے سوئے محمد
صلی اللہ علیہ و سلم
سارے چمن میں کس کی خوشبو
خوشبو ہے خوشبوئے محمد
صلی اللہ علیہ و سلم
کس کی چمک ہے پیکر گل میں
گل میں کھلا ہے روئے محمد
صلی اللہ علیہ و سلم
دھارے چلے ہر انگلی سے ان کی
دیکھو وہ نکلی جوئے محمد
صلی اللہ علیہ و سلم
کس کا مو دیتا ہے گواہی
موئے محمد، موئے محمد
صلی اللہ علیہ و سلم
زندہ ہے واللہ! زندہ ہے واللہ!
جان دو عالم روئے محمد
صلی اللہ علیہ و سلم
بھینی بھینی خوشبو لہکی
کھل گئے جب گیسو محمد
صلی اللہ علیہ و سلم
یہ راہ مہکی، وہ راہ مہکی
کھل گئے جب گیسو محمد
صلی اللہ علیہ و سلم
صبح رخ روشن سے دو بالا
حسن شب گیسوئے محمد
صلی اللہ علیہ و سلم
صبح منور، شام معطر
ہر دو بہم در روئے محمد
صلی اللہ علیہ و سلم
اختر خستہ! چل دے جناں کو
باغ جناں ہے کوئے محمد
صلی اللہ علیہ و سلم