سر تا بقدم ہے تنِ سلطانِ زمن پھول Lyrics in Urdu
سر تا بقدم ہے تنِ سلطانِ زمن پھول
لب پھول دہن پھول ذقن پھول بدن پھول
صدقے میں تیرے باغ تو کیا لائے ہیں بن پھول
اس غنچۂ دل کو بھی تو ایما ہو کہ بن پھول
تنکا بھی ہمارے تو ہلائے نہیں ہلتا
تم چاہو تو ہو جائے ابھی کوہِ محن پھول
واللہ جو مل جائے میرے گل کا پسینہ
مانگے نہ کبھی عطر، نہ پھر چاہے دلہن پھول
دل بستہ و خوں گشتہ، نہ خوشبو نہ لطافت
کیوں غنچہ کہوں؟ ہے میرے آقا کا دہن پھول
شب یاد تھی کن دانتوں کی شبنم کہ دمِ صبح
شوخانِ بہاری کے جڑاؤ ہیں کرن پھول
دنداں و لب و زلف و رخِ شاہ کے فدائی
ہیں درِ عدن، لعلِ یمن، مشکِ ختن، پھول
بو ہو کہ نہاں ہو گئے تابِ رخِ شاہ میں
لو بن گئے ہیں اب تو حسینوں کا دہن پھول
ہوں بارِ گناہ سے نہ خجل دوشِ عزیزاں
للہ میری نعش کر اے جانِ چمن پھول
دل اپنا بھی شیدائی ہے اس ناخنِ پا کا
اتنا بھی مہِ نو پہ نہ اے چرخِ کہن پھول
دل کھول کے خوں رو لے غمِ عارضِ شاہ میں
نکلے تو کہیں حسرتِ خوں نابہ شدن پھول
کیا غازہ ملا گردِ مدینہ کا جو ہے آج
نکھرے ہوئے جوبن میں قیامت کی پھبن پھول
گرمی یہ قیامت ہے کہ کانٹے ہیں زباں پر
بلبل کو بھی اے ساقیِ صہبا و لبن پھول
ہے کون کہ گریہ کرے یا فاتحہ کو آئے
بے کس کے اٹھائے تری رحمت کے بھرن پھول
دل غم تجھے گھیرے ہیں خدا تجھ کو وہ چمکائے
سورج ترے خرمن کو بنے تیری کرن پھول
کیا بات رضا اس چمنستانِ کرم کی
زہرا ہے کلی جس میں حسین اور حسن پھول
شاعر
امام احمد رضا خان
نعت خواں
اویس رضا قادری
حافظ فیصل نوری
Sar-Ta-Ba-Qadam Hai Tan-e-Sultan-e-Zaman Phool Lyrics in Roman English
Sar-ta-ba-qadam hai tan-e-sultaan-e-zaman phool
Lab phool, dahan phool, zaqan phool, badan phool
Sadqe mein tere baagh to kya laaye hain ban phool
Is guncha-e-dil ko bhi to eemaa ho ki ban phool
Tinka bhi hamaare to hilaaye nahin hilta
Tum chaaho to ho jaaye abhi koh-e-mihan phool
Wallah jo mil jaaye mere gul ka paseena
Maange na kabhi itr, na phir chaahe dulhan phool
Dil-basta-o-khoon-gashta, na khushboo na lataafat
Kyun guncha kahoon? Hai mere Aaqa ka dahan phool
Shab yaad thi kin daanton ki shabnam ki dam-e-subah
Shokhaan-e-bahaari ke jadaau hain karan phool
Dandaan-o-lab-o-zulf-o-rukh-e-Shah ke fidaai
Hain durr-e-Adan, laal-e-Yaman, mushk-e-Khutan, phool
Boo ho ki nihaan ho gaye taab-e-rukh-e-Shah mein
Lo ban gaye hain ab to haseenon ka dahan phool
Hon baar-e-gunah se na khajil dosh-e-azeezaan
Lillah meri naash kar ai jaan-e-chaman phool
Dil apna bhi shaidaai hai us naakhun-e-paa ka
Itna bhi mah-e-nau pe na ai charkh-e-kuhan phool
Dil khol ke khoon ro le gham-e-aariz-e-Shah mein
Nikle to kahin hasrat-e-khoon-naaba shudan phool
Kya ghaaza mala gard-e-Madina ka jo hai aaj
Nikhre hue joban mein qayaamat ki phaban phool
Garmi ye qayaamat hai ki kaante hain zabaan par
Bulbul ko bhi ai saaqi-e-sahba-o-laban phool
Hai kaun ki girya kare ya faatiha ko aaye
Bekas ke uthaaye teri rahmat ke bharan phool
Dil gham tujhe ghere hain Khuda tujh ko wo chamkaaye
Sooraj tere khirman ko bane teri kiran phool
Kya baat Raza us chamanistaan-e-karam ki
Zahra hai kali jis mein Hussain aur Hasan phool