Roze Pe Mustafa Ke Lyrics
Roze Pe Mustafa Ke Udaasi Si Chaayi Hai
Kunbe Ko Khoke Zainab E Nashaad Aayi Hai
Rokar Pukare Nana Ke Faryaad Laayi Hoo
Main Chor Kar Hussain Ko Jungle May Ayi Hoo
Nana Ajeeb Sanae Hampar Guzar Gaye
Ranjo Alam Ne Ghayr Liya Hum Jidhar Gaye
Nana Khuda Ke Ghar May Na Hamko Ama Mili
Bhai Ne Shehar Chor Ke Jungle Ki Raah Li
Nana Hamare Ghar Ka Sab Asbaab Lut Gaya
Nana Hamare Sar Pe Na Baakhi Rahi Rida
Nana Hazaar Tarha Jafa Ki Laeeno Ne
Khaime Main Haye Aag Lagadi Laeeno Ne
Nana Shaheed Hogae Bhai Ke Janisaar
Ek Ek Karke Mar Gaye Ashaab E Zewiqaar
Nana Bala Ke Bun Me Qayamat Ka Run Pada
Bhai Se Bhai Baap Se Beta Bichad Gaya
Nana Zameen E Karbobala Laal Hogayi
Qasim Ki Laash Ghodo Se Pamaal Hogayi
Nana Kata Ke Shano Ko Abbas Margaye
Ghurbath Main Bhai Jaan Ko Be Aas Kargaye
Nana Aseer Bara Thay Aur Ek Thi Rasan
Bandhe Gaye Thay Misle Gunagaare Khastatan
Nana Hum Apne Haal Pe Rote Thy Haal Zaar
Nana Hamare Haal Pe Haste Thy Badshuaar
Itne Main Aik Shaami Ne Nana Ghazab Kiya
Sydani Ko Kaneezi Main Nana Talab Kiya
Hote Thi Laak Zillatein Hum Dekhte Rahe
Has Has Ke Taazeyane Sitam Jhayllte Rahe
Nana Tabah Hoke Hum Aaye Hai Shaam Se
Ek Daaghe Nou Sakina Ka Laye Hai Shaam Se
Ab Tak Hai Neel Rassi Ke Shano Ko Dekhlo
Nana Hamare Tan Pe Nishano Ko Dekhlo
Zainab Jo Roke Karti Thi Qabre Nabi Pe Bain
Tharra Raha Tha Rozae Sultane Mashraqain
Bas Qatm Kar Nisaar Ye Gham Naak Dastaan
Roye Hai Is Alam Me Zameen Aur Asmaan
Roze Pe Mustafa Ke Udaasi Si Chaayi Hai