TAJALLI E NOOR E QIDAM GHAUS E AZAM LYRICS

TAJALLI E NOOR E QIDAM GHAUS E AZAM LYRICS

Mukhaalif Hoñ Go Sou Padam Ghaus e Azam
Hame Kuch Nahi Iska Gham Ghaus e Azam

Chala Aisi Taigh e Do Dum Ghaus e Azam
Ke A’da Ke Sar Hoñ Qalam Ghaus e Azam

Wo Ik Waar Ka Bhi Na Hoga Tumhare
Kahaañ He Mukhaalif Me Dum Ghaus e Azam

Tere Hote Hum Par Sitam D’haa-eñ Dushman
Sitam He Sitam He Sitam Ghaus e Azam

Kahaañ Tuk Suneñ Hum Mukhaalif Ke Ta’ane
Kahaañ Tuk Saheñ Hum Sitam Ghaus e Azam

Bar’he Howsle Dushmanoñ Ke Ghat’aa De
Zaraa Le-Le Taigh e Do Dum Ghaus e Azam

Nahiñ Laata Khaatir Me Shaahoñ Ko Shaaha
Tera Banda e Be Diram Ghaus e Azam

Karam Chaahiye Tera, Tere Khuda Ka
Karam Ghaus e Azam, Karam Ghaus e Azam

Ghat’aa Howsla Gham Ki Kaali Ghat’aa Ka
Bar’hi he Ghata Dum Ba Dum Ghaus e Azam

Bar’haa Nakhuda Sar Se Paani Alam Ka
Khabar Lijiye ‘Doobe Hum Ghaus e Azam

Karo Paani Gham Ko Bahaa Do Alam Ko
Ghata-eñ Bar’heeñ Ho Karam Ghaus e Azam

Nazar Aa-e Mujhko Na Soorat Alam Ki
Na Dekhuñ Kabhi Roo-e Gham Ghaus e Azam

Bar’ha Haath Kar Dastageeri Hamaari
Bar’ha Abre Gham Dum Ba Dum Ghaus e Azam

Khudara Zara Haath Seene Pe Rakh Do
Abhi Mit’tay Haiñ Gham, Alam Ghaus e Azam

Khuda Ne Tumheñ Mahw o Isbaat Bakhsha
Ho Sultaan e Lauh O Qalam Ghaus e Azam

He Qismat Meri T’eyr’hee Tum Seedhi Kar Do
Nikal Jaa-eñ Sub Pech o Kham Ghaus e Azam

Khabar Lo Hamaari Ke Hum Haiñ Tumhare
Karo Hum Pe Fazl o Karam Ghaus e Azam

Tum Aise Ghareeboñ Ke Faryaad Ras Ho
Ke Tehera Tumhara Alam Ghaus e Azam

Ba Ain e Inaayat Ba Chashm e Karaamat
Bideh Jur’aa e Na Chashm Ghaus e Azam

Tera Ek Qatra Awaalim Numa He
Nahiñ Chaahiye Jaam e Jam Ghaus e Azam

Kuch Aisa Guma De Muhabbat Me Apni
Ke Khud Keh Uth’tuñ Me Manam Ghaus e Azam

Jisay Chaahe Jo De Jisay Chaahe Na De
Tere Haath Me He Ni’am Ghaus e Azam

Tera Husn Namkeeñ Bharay Zakhm e Dil Ke
Bana Marhamay Bar Dilam Ghaus e Azam

Taraq’qi Kare Roz O Shab Dard e Ulfat
Na Ho Qalb Ka Dard Kam Ghaus e Azam

Khuda Rakhe Tum Ko Hamaare Saroñ Par
He Bus Ik Tumhara Hee Dum Ghaus e Azam

Dum e Naza’ Sirhaane Aa Jaawo Pyaare
Tumheñ Dekh Kar Nikle Dum Ghaus e Azam

Teri Deed Ke Shawq Me Jaan e Jaanañ
Khinch Aaya He Aankhoñ Me Dum Ghaus e Azam

Ko-ee Dum Ke Mehmaañ Haiñ Aa Jaawo Is Dum
Ke Seene Me Atka He Dum Ghaus e Azam

Dam e Naz’a Aawo Ke Dum Aa-e Dum Me
Karo Hum Pe Yaaseen Dum Ghaus e Azam

Ye Dil Ye Jigar He Ye Aankheñ Ye Sar He
Jahaañ Chaaho Rakho Qadam Ghaus e Azam

Sar Khud Ba Shamsheer e Abroo Farosham
Ba Mazhgaan Tu Seena Am Ghaus e Azam

Ba Pekaan e Teerat Jigar Mee Farosham
Ba Teer e Nigaahat Dilam Ghaus e Azam

Dimaagham Rasad Bar Sar e Arsh e A’aala
Ba-Paayat Agar Sar Naham Ghaus e Azam

Meri Sar Bulandi Yaheeñ Se He Zaahir
Ke Shud Zeyr e Paayat Saram Ghaus e Azam

Laga Lo Mere Sar Ko Qadmoñ Se Apne
Tumheñ Sir’r e Haq Ki Qasam Ghaus e Azam

Qadam Kyuñ Liya Awliyah Ne Saroñ Par
Tumheeñ Jaano Is Ke Hikam Ghaus e Azam

Kiya Faisla Haq O Baatil Me Tum Ne
Kiya Haq Ne Tum Ko Hakam Ghaus e Azam

Tumhari Mahak Se Galee Kooche Mehke
He Baghdad Rashk e Iram Ghaus e Azam

Karam Se Kiya Rah-numa Rahzano Ko
Idhar Bhi Nigaahe Karam Ghaus e Azam

Mera Nafs e Sarkash Bhi Rahzan He Mera
Ye Deta He Dum-Dum Ba Dum Ghaus e Azam

Dikha De Tu In-ni Azoomun Ke Jalwe
Suna De Sada e Manam Ghaus e Azam

Mere Dum Ko Is Ke Damoñ Se Bacha Le
Karam Kar, Karam Kar, Karam Ghaus e Azam

Me Huñ Na-Tawaañ Sakht Kamzor Hud Ka
Haiñ Zowroñ Cha’rhe Us Ke Dum Ghaus e Azam

Na Pal’la Ho Halka Humaara Na Hum Hoñ
Na Bigr’e Humaara Bharam Ghaus e Azam

Kahaañ Tuk Hamaari Khataa-eñ Ginenge
Kareñ Afwu Sub Yak Qalam Ghaus e Azam

Hamaari Khataa-oñ Se Daftar Bharay Haiñ
Karam Kar Ke Huñ Kal ‘Adam Ghaus e Azam

Tumhare Karam Ka He Noori Bhi Pyaasa
Milay Yam Se Us Ko Bhi Nam Ghaus e Azam

MEERAN WALIYON KE IMAM DE DO PANJTAN KE NAAM (MANQABAT) NAAT LYRICS

MADAD PAR HO TERI IMDAAD YA GHOUS NAAT LYRICS

KHILA MERE DIL KI GALI GHOUS E AAZAM NAAT LYRICS

KHUDA KE FAZL SE HUM PAR HAI SAAYA GHOUS E AZAM KA NAAT LYRICS

KHWAAB ME GAR HO GYA DEEDAR GAUSE AAZAM KA NAAT LYRICS

Ghouse Azam Lo Mureedon Ka Salam Lyrics

Mushkil Pade To Yaad Karo Dastagir Ko Lyrics

Aseero Ke Mushkil Kusha Gaus e Aazam lyrics

Al madad ya ghouse Aazam dastageer lyrics

Khila Mere Dil Ki Gali Ghouse Azam Naat Lyrics

Khuda Ke Fazl Se Hum Par Hai Saya Ghouse Azam Ka Naat Lyrics

Har Ek Dil Me Karbala Basa Diya Hussain Ne Lyrics

Aseeron Ke Mushkil Kusha Ghous e Azam Lyrics

Pade Mujh Par Na Kuch Uftaad Ya Ghous Lyrics