بن کے نورِ خدا، مصطفیٰ آ گئے
مرحبا مرحبا مصطفیٰ آ گئے
اجڑی دنیا تھی آقا نے آباد کی
ہر طرف دھوم ان کے ہی میلاد کی
سب کے مشکل کشا، مصطفیٰ آ گئے
مرحبا مرحبا مصطفیٰ آ گئے
ہو گئے نور دنیا کے ظلمت تلے
جن کے آنے سے ماؤں کو بیٹے ملے
سرورِ انبیا، مصطفیٰ آ گئے
مرحبا مرحبا مصطفیٰ آ گئے
عرش پر جشن جن کا منایا گیا
سب رسولوں کو جس میں بلایا گیا
ہاں وہی دل رُبا مصطفیٰ آ گئے
مرحبا مرحبا مصطفیٰ آ گئے
اب نہ مایوس ہوگا سوالی کوئی
آج ناصر نہ لوٹے گا خالی کوئی
مسکرا اے گدا، مصطفیٰ آ گئے
مرحبا مرحبا مصطفیٰ آ گئے