Han Sa Bhi Hoga Jahaan Mein Koi Nadaan Jaanaa
Hum Sa Bhi Hoga Jahaan Mein Koi Nadaan Jaanaa..
Be-rukhi Ko Bhi Jo Samjhe Tera Ahsaan Jaanaa.!
Main Tere Pahli Nazar Ko Nahi Bhoola Ab Tak..
Aaj Bhi Dil Mein Hai Paiwast Wo Paikaa’n Jaanaa.!
Dasht-e-gul-rang Hai Kis Aabla Pa Ke Khoon Se..
Kar Gaya Kaun Bayabaan Ko Gulistaan Jaanaa.!
Kabhi Aate Hue Dekhun Tujhe Apne Ghar Mein..
Kaash Poora Ho Mere Dil Ka Ye Armaan Jaanaa.!
Ye Tera Husn, Ye Kaafir Si Adaa’en Teri..
Kaun Rah Sakta Hai Aise Mein Musalman Jaanaa.!
Kyun Tujhe Toot Ke Chaahe Na Khudaai Saari..
Kaun Hai Tere Siwa Yusuf-e-dauraa’n Jaanaa.!
Naghma O Sher Mere Zauq Ka Hissa To Na The..
Teri Aankhon Ne Banaya Hai Ghazal-khwaa’n Jaanaa.!
Ye To Poochh Us Se Ke Jis Par Ye Balaa Guzri Hai..
Kya Khabar Tujh Ko Ke Kya Hai Shab-e-hijraa’n Jaanaa.!
Wo To Ek Naam Tumhaara Tha Ke Aarhe Aaya..
Warna Dhar Leti Mujhe Gardish-e-dauraa’n Jaanaa.!
Ye Wo Nisbat Hai Jo Tooti Hai Na Tootegi Kabhi..
Main Tera Khaak-nasheen Tu Mera Sultaan Jaanaa.!
Kya Tamasha Ho Ke Khamosh Khadi Ho Duniya..
Main Chalun Hashr Mein Kahte Hue Jaanaa Jaanaa.!
Dar Pe Haazir Hai Tere Aaj Naseer-e-aasi..
Tera Mujrim, Tera Sharminda-e-ahsaan Jaanaa.!!
“Naseeruddin Naseer”
ہم سا بھی ہوگا جہاں میں کوئی ناداں جاناں
بے رُخی کو بھی جو سمجھے ترا احساں جاناں..
میں تری پہلی نظر کو نہیں بھولا اب تک
آج بھی دل میں ہے پیوست وہ پیکاں جاناں..
دشتِ گلرنگ ہے کس آبلہ پا کے خوں سے
کر گیا کون بیاباں کو گلستاں جاناں..
کبھی آتے ہوئے دیکھوں تجھے اپنے گھر میں
کاش پورا ہو مرے دل کا یہ ارماں جاناں..
یہ ترا حُسن ، یہ کافر سی ادائیں تیری
کون رہ سکتا ہے ایسے میں مسلماں جاناں..
کیوں تجھے ٹوٹ کے چاہے نہ خُدائی ساری
کون ہے تیرے سوا یوسفِ دوراں جاناں..
نغمہ و شعر مرے ذوق کا حصّہ تو نہ تھے
تیری آنکھوں نے بنایا ہے غزلخواں جاناں..
یہ تو پوچھ اس سے کہ جس پر یہ بلا گُزری ہے
کیا خبر تجھ کو کہ کیا ہے شبِ ہجراں جاناں..
وہ تو اک نام تمہارا تھا کہ آڑے آیا
ورنہ دھر لیتی مجھے گردشِ دوراں جاناں..
یہ وہ نسبت ہے جو ٹوٹی ہے نہ ٹوٹے گی کبھی
میں ترا خاکِ نشیں تو میرا سلطاں جاناں..
کیا تماشہ ہو کہ خاموش کھڑی ہو دنیا
میں چلوں حشر میں کہتے ہوا جاناں جاناں..
در پہ حاضر ہے ترے آج نصیرِؔ عاصی
تیرا مجرم، ترا شرمندہِ احساں جاناں..
“نصیرالدین نصیر”
Popular Posts
-
Wo Sue Lalazar Phirte Hain 25 views
-
Na Mere Sukhan Ko Sukhan Kaho (Naat) 24 views