Naat Lyrics Urdu

💐💐نعت رسول مقبول ﷺ💐💐

اے صبا مصطفٰی(صلی اللہ علیہ وآلہ وسلم ) سے کہہ دینا
اے صبا مصطفٰی(صلی اللہ علیہ وآلہ وسلم ) سے کہہ دینا غم کے مارے سلام کہتے ہیں
یاد کرتے ہیں تم کو شام و سحر دل ہمارے سلام کہتے ہیں
اللہ (عزوجل) اللہ (عزوجل) حضورکی باتیں مرحبا رنگ و نور کی باتیں
چاند جن سے بلائیں لیتا ہے اور تارے سلام کہتے ہیں
اللہ (عزوجل) اللہ (عزوجل) حضور (صلی اللہ علیہ وآلہ وسلم ) کے گیسو بھینی بھینی مہکتی وہ خوشبو
جن سے معمور ہے فضا ہر سو وہ نظارے سلام کہتے ہیں
جب محمدکا نام آتا ہے رحمتوں کا پیام لاتا ہے
لب ہمارے دورود پڑھتے ہیں دل ہمارے سلام کہتے ہیں
زائر طیبہ تو مدینے میں پیارے آقاسے اتنا کہہ دینا
آپ کی گرد راہ کو آقابے سہارے سلام کہتے ہیں
عاشقوں کا سلام لے جاؤ غم زدوں کا سلام لے جاؤ
یہ تڑپتے ہلکتے دیوانے ان کا بھی کچھ پیام لے جاؤ
ذکر تھا آخری مہینے کا تذکرہ چھڑ گیا مدینے کا
حاجیو مصطفٰی(صلی اللہ علیہ وآلہ وسلم )سے کہہ دینا غم کے مارے سلام کہتے ہیں
آپ عطار کیوں پریشان ہیں
عاصیوں پر وہ بہت مہربان ہیں
ان پہ رحمت وہ خاص کرتے ہیں

جو مسلماں سلام کہتے ہیں

Naat – 💐💐نعت رسول مقبول ﷺ💐💐
Naat

💐💐نعت رسول مقبول ﷺ💐💐

ہر وقت تصور میں مدینے کی گلی ہے ..
اب در بدری ہے نہ غریب الوطنی ہے ..

وہ شمع حرم جس سے منور ہے مدینہ ..
کعبے کی قسم رونق کعبہ بھی وہی ہے ..

اس شہر میں بک جاتے ہیں خود آ کے خریدار ..
یہ مصر کا بازار نہیں ، شہر نبیؐ ہے ..

اس ارضِ مقدس پہ ذرا دیکھ کے چلنا !
اے قافلے والو یہ مدینے کی گلی ہے ..

نظروں کو جھکائے ہوئے خاموش گزر جاؤ ..
بے تاب نگاہی بھی یہاں بے ادبی ہے ..

اقبال میں کس منہ سے کروں مدحِ محمدﷺ ..
منہ میرا بہت چھوٹا ہے اور بات بڑی ہے ..

شاعر _✍ اقبال عظیم ..

Naat

💐💐نعت رسول مقبول ﷺ💐💐

چھوڑ کر سارا جہاں یار مدینے جائیں
دل کی خواہش ہے کہ اک بار مدینے جائیں۔
دید کو جنکی ترستی ہیں ہماری آنکھیں
ہوگا انکا وہاں دیدار مدینے جائیں۔

روز رہ رہ کےستاتی ہے یہ حسرت ہمکو۔
کاش ہم سے بھی گنہگا ر مدینے جائیں

انکی مدحت سے سنور جائے مقدر اپنا
گنگناتے ہوئے اشعار مدینے جائیں

جاکے سفیان وہاں بگڑی بنالو اپنی۔
زندگی ہے یہاں بیکار مدینے جائیں۔

سفیان فلاحی

Naat

💐💐نعت رسول مقبول ﷺ💐💐

🌹🌹🌹🌹🌹🌹🌹🌹🌹

اشرف الانبیاء تیری کیا شان ہے
تیری توصیف میں سارا قرآن ہے

تیرے قدموں پہ شمس و قمر جھک گئے
تیرے انوار پر جان قربان ہے

ہے مزمل کہیں اور مدثر کہیں
بس تری مدح میں سارا قرآن ہے

ہیں جو یہ مہر و مہہ میں ضیا پاشیاں
نور کا تیرے ادنی سا فیضان ہے

اے حبیب خدا شاہ کون و مکاں
تم ہو حاجت روا میرا ایمان ہے

تو ہے ایسا بشر تجھ سا کوئی نہیں
خلق پر تیری رحمت کا احسان ہے

ہو دم آخری لب پہ یا مصطفٰی
مرتے مرتے یہی ایک ارمان ہے

تیری چاہت ہی ہے حاصل زندگی
تجھ پہ صدقے دل و جان و ایمان ہے

میں کہاں اور کہاں نعمت سرکار کل
یہ تو اجمل شہ دیں کا فیضان ہے

✍✍✍✍✍✍✍✍✍
سید محمد اجمل حسین کچھو چھوی

🌹🌹🌹🌹🌹🌹🌹🌹

Naat

🌹🌹 جــــــــان احمدﷺ 🌹🌹

صادقہ، صالحہ، صائمہ، صابرہ
صاف دل، نیک خو، پارسا، شاکرہ
عابدہ، زاہدہ، ساجدہ، ذاکرہ
سیّدہ، زاھرہ، طیبہ، طاہرہ
جانِ احمد کی راحت پہ لاکھوں سلام

وجہ تسکینِ قلبِ شہِ دوسَرا
راضیہ، عابدہ، ساجدہ، شاکرہ
صابرہ، زاہدہ، صادقہ، ذاکرہ
سیّدہ، زاھرہ، طیبہ، طاہرہ
جانِ احمد کی راحت پہ لاکھوں سلام

جن کا نامِ مُبارک ہے بی فاطمہ
جو خواتینِ عالَم میں ہیں عالیہ
عابدہ، زاہدہ، ساجدہ، صالحہ
سیّدہ، زاھرہ، طیبہ، طاہرہ
جانِ احمد کی راحت پہ لاکھوں سلام

عالمہ، عاملہ، کاملہ، عادلہ
صالحہ، صاحبہ، ساترہ، سالکہ
مالکہ، حاکمہ، راحمہ، عاطفہ
سیّدہ، زاھرہ، طیبہ، طاہرہ
جانِ احمد کی راحت پہ لاکھوں سلام

صالحہ،صادقہ، صائمہ، صابرہ
فاطمہ، کاملہ، زاہدہ، ذاکرہ
نُورِ چشمِ نبی، عابدہ، شاکرہ
سیّدہ، زاھرہ، طیبہ، طاہرہ
جانِ احمد کی راحت پہ لاکھوں سلام

اُس کی عظمت کاہےکب کسی کو پتہ
کب کسی پر عیاں اُس کا ہے مرتبہ
جس کی خاکِ قدم سُرمہِ چشمِ مَہ
سیّدہ، زاھرہ، طیبہ، طاہرہ
جانِ احمد کی راحت پہ لاکھوں سلام

قدسیوں کی درِ فاطمہ بوسہ گہ
جس کی پاکی کی کھائیں قسم مہر و مَہ
جس کا مریم سے بھی ہے بڑا مرتبہ
سیّدہ، زاھرہ، طیبہ، طاہرہ

جانِ احمد کی راحت پہ لاکھوں سلام

Naat

💐💐نعت رسول مقبول ﷺ💐💐

🌹🌹🌹🌹🌹🌹🌹🌹🌹🌹

رحمت عالم فخر پیمبر ﷺ
مہر مروت خلق کے پیکر ﷺ

اذہب اذہب نفسی نفسی عالم محشر اللہ اللہ
آکے بچالو شافع محشر ﷺ

عیب نہاں تو ظاہر تھے ہی اعضاء نے بھی دیدی گواہی
لاج تمہارے ہاتھ ہے دلبر ﷺ

تشنہ رہینگے کیسے عاصی روح مسلماں اور ہو پیاسی
آپ ہی ہیں جب ساقئ کوثر ﷺ

گزرے ہے امت پل سے ایسے بجلی رہ رہ چمکے جیسے
بچھ گئے جب جبریل کے شہپر ﷺ

رشک کرے ہے ساری دنیا کتنا ہے ذیشان میرا آقا
ثانی ہے ان کا اور نہ ہمسر ﷺ

اشرف و افضل اکمل و اجمل اکرم و اعظم احمد و انور
صدقے مرے ماں باپ ہوں تم پر ﷺ

🌹🌹🌹🌹🌹🌹🌹🌹🌹🌹

Naat

💐💐نعت رسول مقبول ﷺ💐💐

دلوں کے گلشن مہک رہے ہیں
یہ کیف کیوں آج آرہے ہیں
کچھ ایسا محسوس ہو رہا ہے
کی حضور تشریف لا رہے ہیں

نوازشوں پر نوازشیں ہیں
عنایتوں پر عنایتیں ہیں
نبی کی نعتیں سنا سنا کر
ہم اپنی قسمت جگا رہے ہیں

کہیں پے رونق ہے مے کشوں کی
کہیں پے محفل ہے دلجلوں کی
وہ کتنے خوش بخت ہیں جو اپنے
نبی کی محفل سجا رہے ہیں

بنے گا جانے کا پھر بہانا
کہیگا آکر کوئی دوانہ
چلو نیازی تمہیں مدینے
مدینے والے بلا رہے ہیں

کہاں کی دولت کہاں کا منصب
قسم خدا کی ہے یہ حقیقت
کی جنہیں بلا یا ہے مصطفٰی نے
وہی مدینے کو جا رہے ہیں

💐🌹💐🌹💐🌹💐🌹💐🌹💐

Naat

🌹🌹🌹🌹نعت شریف ﷺ🌹🌹🌹🌹

بادیدہ پرنم ، ہوں چلا شہرِ مدینہ
پہونچادے مرے مولا مجھے شہرِ مدینہ

مدت کی تمنا مری ہوجائے گی پوری
پہونچے گا مرا قافلہ جب شہرِ مدینہ

اعمال مرے ایسے کچھ اچھے نہیں لیکن
امّید کرم لے کے چلا شہرِ مدینہ

ہے رختِ سفر عشق،تو ہے شوق سواری
لرزیدہ قدم سے ہوں چلا شہرِ مدینہ

شاید کہ رحم کردے خدا میرے حال پر
اس حوصلے سے میں ہوں چلا شہرِ مدینہ

رک جاؤ فرشتو!نہ ابھی چھیڑو مجھے تم
چلنے دو ذرا تیز مجھے شہرِ مدینہ

اے جذبہء دل یوں نہ مچل تھوڑا صبر کر
کچھ پل میں ہی آجائے گا بس شہرِ مدینہ

بے تاب ہوں اتنا کہ ہر اک راہ رو سے میں
کہتا ہوں کہاں سے ہے رہِ شہرِ مدینہ

سوجان سے قربان میں اس غیبی ندا پہ
لو دیکھ لو،آجاؤ،یہ ہے شہرِ مدینہ

جاہل کی ہے اوقات بھلا؟نعت لکھےوہ!
ہر شعر میں بس کہتا رہا شہرِ مدینہ

مرزا جاہل

Naat

🌹🌹🌹🌹نعت شریف ﷺ🌹🌹🌹🌹

أعوذ بالله من الشيطان، الرجيم.
بِسْــــــــــــــــــــــمِ اﷲِارَّحْمَنِ ارَّحِيم.

الٰہی تیری چوکھٹ پر بھکاری بن کے آیا ہوں
سراپا فقر ہوں عجزوندامت ساتھ لایاہوں
بھکاری وہ کہ جس کے پاس جھولی ہے نہ پیالہ ہے
بھکاری وہ جسے حرص و ہوس نے مارڈالاہے
متاع دین و دانش نفس کے ہاتھوں سے لٹوا کر
سکونِ قلب کی دولت ہوس کی بھینٹ چڑھوا کر
لٹا کر ساری پونجی غفلت و نسیاں کی دلدل میں
سہارا لینے آیا ہوں ترے کعبے کے آنچل میں
گناہوں کی لپٹ سے کائناتِ قلب افسردہ
ارادے مضمحل،ہمت شکستہ،حوصلے مردہ
کہاں سے لاؤں طاقت دل کی سچی ترجمانی کی
کہ کس جھنجھال میں گزری ہیں گھڑیاں زندگانی کی
خلاصہ یہ کہ بس جل بُھن کے اپنی روسیاہی سے
سراپا فقر بن کر اپنی حالت کی تباہی سے
ترے دربار میں لایا ہوں اب اپنی زبوں حالی
تری چوکھٹ کے لائق ہر عمل سے ہاتھ ہیں خالی
یہ تیرا گھر ہے تیرے مہر کا دربار ہے مولا
سراپا نور ہے اک مَہبطِ انوار ہے مولا
تری چوکھٹ کے جو آداب ہیں میں ان سے خالی ہوں
نہیں جس کو سلیقہ مانگنے کا وہ سوالی ہوں
زباں غرقِ ندامت دل کی ناقص ترجمانی پر
خدایا رحم میرے اس زبانِ بے زبانی پر
یہ آنکھیں خشک ہیں یارب انہیں رونا نہیں آتا
سلگتے داغ ہیں دل میں جنہیں دھونا نہیں آتا
الٰہی تیری چوکھت پر بھکاری بن کے آیا ہوں

سراپا فقر ہوں عجزوندامت ساتھ لایاہوں

Naat

🌹🌹🌹🌹نعت شریف ﷺ🌹🌹🌹🌹

💐💐💐💐💐💐💐💐💐💐💐

ﮔﻞ ﺍﺯ ﺭﺧﺖ ﺁﻣﻮﺧﺘﻪ ﻧﺎﺯﮎ ﺑﺪﻧﯽ ﺭﺍ ﺑﺪﻧﯽ ﺭﺍ
ﺑﻠﺒﻞ ﺯ ﺗﻮ ﺁﻣﻮﺧﺘﮧ ﺷﯿﺮﯾﮟ ﺳﺨﻨﯽ ﺭﺍ ﺳﺨﻨﯽ ﺭﺍ

پھولوں نے نازک بدنی آپ سے سیکھی
بلبل نے اپنی زبان کی مٹھاس آپ سے سیکھی

Flower has learnt tender-being from your face,
And nightingale has learnt from you the sweet words

ﮨﺮ ﮐﺲ ﮐﮧ ﻟﺐ ﻟﻌﻞ ﺗﺮﺍ ﺩﯾﺪﮦ ﺑﮧ ﺩﻝ ﮔﻔﺖ
ﺣﻘﺎ ﮐﮧ ﭼﮧ ﺧﻮﺵ ﮐﻨﺪﮦ ﻋﻘﯿﻖ ﯾﻤﻨﯽ ﺭﺍ

جس نے بھی آپ کے ہونٹوں کو دیکھا تو دل سے کہا
حق ہے کہ کیا خوب یمنی عقیق ہیں

Whoever saw your red lips, praised them
Even the nicely carved carnelian of Yemen

ﺧﯿﺎﻁ ﺍﺯﻝ ﺩﻭﺧﺘﮧ ﺑﺮ ﻗﺎﻣﺖ ﺯﯾﺒﺎ
ﺩﺭ ﻗﺪ ﺗﻮ ﺍﯾﮟ ﺟﺎﻣﺌﮧ ﺳﺮﻭ ﭼﻤﻨﯽ ﺭﺍ

ازل کے درزی یعنی خدا نے آپ کی کیا خوب قامت بنائی ہے
آپ کے تن کو باغ کے سرو کی طرح سجایا ہے

Tailor of the eternity has sewed over your pretty stature
this green dress of garden over your body

ﺩﺭ ﻋﺸﻖ ﺗﻮ ﺩﻧﺪﺍﻥ ﺷﮑﺴﺖ ﺍﺳﺖ ﺑﮧ ﺍﻟﻔﺖ
ﺗﻮ ﺟﺎﻣﻪ ﺭﺳﺎﻧﯿﺪ ﺍﻭﯾﺲ ﻗﺮﻧﯽ ﺭﺍ ﻗﺮﻧﯽ ﺭﺍ

آپ کے عشق میں دانت ٹوٹ گئے اور آپ کی محبت میں
یہ نعت اویس قرنی کوبھی سنا دو

In your love teeth are broken, mere due to love
Make this news reach to Owais of Qarn

ﺍﺯ ﺟﺎﻣﯽ ﺑﮯ ﭼﺎﺭﺍ ﺭﺳﺎﻧﯿﺪ ﺳﻼﻣﮯ
ﺑﺮ ﺩﺭ ﮔﮩﮧ ﺩﺭﺑﺎﺭ ﺭﺳﻮﻝ ﻣﺪﻧﯽ ﺭﺍ

بے چارہ جامی سلام پیش کرتا ہے
رسول مدنی کے دربار پرانوار پر

From poor Jami, reaches salam
to the Holy Kingdom of Prophet (PBUH) of Madina

🌹🌹🌹ﻋﺒﺪﺍﻟﺮﺣﻤٰﻦ ﺟﺎﻣﯽ🌹🌹🌹

Naat

🌹🌹🌹🌹نعت شریف ﷺ🌹🌹🌹🌹

کہاں اعمال ہیں ایسے کہ ہم سرکار کو دیکھیں
مگر دل کی تمنا ہے جمال یار کو دیکھیں

سخاوت میں,عنایت میں, مروت میں, اخوت میں
یگانہ ہیں، مرے سرکار کے اطوار کو دیکھیں

زمانہ میں اگر چاہو سکون و امن قائم ہو
تو پھرسرکار کے ہر سیرت و کردار کو دیکھیں

نکیرو چاہنا جو پوچھ لینا تم ,مگر پہلے
نگاہوں کی تمنا ہے رخ سرکار کو دیکھیں

تمنائے دلی ہے کاش وہ دن بھی میسر ہو
مدینہ جائیں اور جاکر گل و گلزار کو دیکھیں

خدا کے پاس لمحہ میں چلے جانا,چلے آنا
شب اسری مرے سرکار کی رفتار کو دیکھیں

ہے فضل بے نوا کی یہ تمنا اے میرے آقا
کہ جب بھی بند ہوں آنکهيں ترے انوار کو دیکھیں

ڈاکٹر سید فضل الرحمن کاظمی

Naat

🌹🌹🌹🌹نعت شریف ﷺ🌹🌹🌹🌹

MADEENE KE WAALI, DO AALAM KE DAATA

Madeene ke waali, do aalam ke daata,
Meri bhi nazar sue taiba lagi hai.
Main mohtaaj hoon ek nigaah-e karam ka,
tumhare karam par meri zindagi hai.

Yahaan rehke jeena hai marne se bad-tar,
Waha jaake marna hai jeene se behtar.
Mayassar jo ho unke kadmo mei rehkar,
Wahi zindagi asl main zindagi hai.

Faqeeri ka mujh mein nahi hai saleeqa
Na aaata hai kuch maangne ka tareeqa,
Jo tujh se na maangu to phir kisse maangu
tumhare karam par meri zindagi hai.

Naat

🌹🌹🌹🌹نعت شریف ﷺ🌹🌹🌹🌹

NAZAR AAYA

Zameen ka aasman ka arsh ka jalwa nazar aaya,
Hujume yaad-e maula mein hame kya kya nazar aaya

Ajab andaaz mein wo gumbade khazra nazar aaya,
Meri qismat ka jaise wo hara parda nazar aaya.

Ana basharum ki taabiro se deewane ulajhte hain,
Wo ek raaz-e mashiyat tha jo baa parda nazar aaya
.
Nishaat-e zindagi mein doobne waale bhi kehte hain,
Museebat mein hamesha rehmato wala nazar aaya.

Tumhaari zika ki rifat alam Nash-rah mein hai lekin,
Mujhe to saare quran mein Tera charcha nazar aaya.

(ANWAR SHAYAR)

Naat

🌹🌹🌹🌹نعت شریف ﷺ🌹🌹🌹🌹

KARAM SARKAR HOJAAYE

Karam baar- e digar mujhpar mere sarkaar hojaaye,
Tere roze par jab aau tera deedaar hojaaye,

Sanad banjaaye bakh-shish ki huzoor-e- dawaar-e- mahshar
Mere maula meri naato mein wo ikhlaas hojaaye,

Khudaai uski hojaaye khuda bhi uska hojaaye,
Rasoolallah ki chaahat me jo beemaar hojaye,

Khuda farmaata hai quraan mein mehboob farmado,
Jo mera pyaara banjaaye wo rab ka pyaara banjaaye.

Nabuwat tujhpe waari hai risaalat tujh pe qurbaan hai,
Mere aaqa tere sadqe mera sansar hojaaye.

Kiya zarro ko jisne pal mein sadre shak mahe anjum,
Wahi chashme karam mujhpar shah ek baar hojaaye

Naat

🌹🌹🌹🌹نعت شریف ﷺ🌹🌹🌹🌹

DIL MEIN ISHQ E NABI KI HO AISI LAGAN

Dil mein ishq e Nabi ki ho aisi lagan,
Ruh tadapti rahe dil machalta rahe
Zindagi ka maza hai kay har saans say
Ya Muhammad Muhammad nikalta rahey.

Ya Muhammad Muhammad main kehta raha
Noor kay motiyo ki ladi ban gayi,
Ayaton sey milaaata raha aayatein,
Phir jo dekha to Naat e Nabi ban gayi.

Jo bhi aansoo bahe mere Mehboob kay,
Sab kay sab abr e rehmat kay cheentay banay,
Chha gayi raat jab zulf lehra gayi,
Jab tabassum kiya chandani ban gayi

Jab chhida tazkira unkay rukhsar ka,
Wadduha padh liya, wal qamar keh dia,
Sooraton ki tilawat bhi hoti rahi,
Naat bhi ho gayi baat bhi ban gayi.

Sab say saim zaman ay mein mazoor tha,
Sab sey beykas tha beybas tha majboor tha,
Unko rahem agaya merey halaat par,

Meri azmat meri beybasee ban gayi.

Naat

🌹🌹🌹🌹نعت شریف ﷺ🌹🌹🌹🌹

Bekhud kiye dete hain, andaaz hijabaana
Aa Dil mein tujhe rakh loon, ai jalwa-e-janana

یبخود کیے دیتے ہیں انداز حجابانہ
آ دل میں تجھے رکھ لوں اے جلوہء جانانہ

Bas itna karam karna aye chasme kareemana
Jab Jaan Laboun Per ho Tum Samne Aa jana

بس اتنا کرم کرنا اے چشمِ کریمانہ
جب جان لبوں پر ہو تم سامنے آجانا

Dunya main mujhay tu ne gar Apna banaya hai
Mehshar mein bhi keh daina yeah hai mera deewana

دنیا میں مجھے تو نے گر اپنا بنایا ہے
محشرمیں بھی کہہ دینا یہ ہے میرا دیوانہ

Jee chahta tuhfay main bhaijoon main unhain Ankhain
Darshan ka to darshan ho Nazrane ka Nazrana

جی چاہتا ہے تحفے میں بیھجوں میں اُنہیں آنکھیں
درشن کا تو درشن ہو نزرانے کا نذرانہ

Peeney ko to pee loun ga per araz zara see hai
Ajmair ka saqi ho baghdad ka maikhana

پینے کو تو پی لوں گا پر عرض ذرا سی ہے
اجمیر کا ساقی ہو بغداد کا میخانہ

Kyun aankh milai thi, kyoon aag lagai thee
Aab rukh ko chupa baithay kar kay mujhay deewana.

کیوں آنکھ ملائی تھی کیوں آگ لگائی تھی
اب رُخ کو چھپا بیٹھے کر کہ مجھے دیوانہ

Har Phool main boo teri Har Shama mai Zoa teri
Bulbul hai tera bulbul parwana tera perwana

ہر پھول میں بُو تیری، ہر شمع میں ضو تیری
بلبل ہے ترا بلبل، پروانہ ترا پروانہ

Jis Ja nazar aate ho sajday wahin karta houn
Es say nahin kuch matlab Kaaba ho ya butkhana

جس جاء نظر آتے ہو سجدے وہیں کرتا ہوں
اس سے نہیں کچھ مطلب کعبہ ہو یا بُت خانہ

Main Hosh hawaas apne es baat pe kho baitha
Hans ker jo kaha tu ne aaya mera deewana

میں ہوش و حواس اپنے اس بات پہ کھو بیٹھا
ہنس کر جو کہا تُو نے آیا میرا دیوانہ

Zahid meri kismat mein sajday hain usi dar kay
Chuta hai na chuthay ga sange dar e janana.

بیدم میری قسمت میں سجدے ہیں اُسی در کہ
چُھوٹا ہے نہ چُھوٹے گا سنگِ در جانانہ

Kiya lutf ho mehshar mein main shikway kiye jaoon
Woh haskay kahay jayein deewana hai dewana.

کیا لطف ہو محشر میں میں شکوے کیے جاؤں
وہ ہنس کہ کہے جائیں دیوانہ ہے دیوانہ

Saaqi teray aatey hee yeh josh hai masti ka
Sheshay pay gira sheesha paimane pe paimana.

ساقی تیرے آتے ہی یہ جوش ہے مستی کا
شیشے پہ گرا شیشہ پیمانے پہ پیمانہ

Maloom nahin bedam mein kon houn aur kiya hoon
Youn apnoon main apna houn baiganoon mein baigana

معلوم نہیں بیدم میں کون ہوں اور کیا ہوں
یوں اپنوں میں اپنا ہوں بیگانوں میں بیگانہ

✍✍✍✍بیدم وارثی✍✍✍✍

✍✍✍✍Bedam Warsi✍✍✍✍

Naat

🌹🌹🌹🌹نعت شریف ﷺ🌹🌹🌹🌹

ہوا بھی سبز گنبد کو ادب سے چوم کر گذرے
شہنشاہوں کی عظمت بھی جھکائے اپنا سر گذرے

گماں گذرا نہ جس جاتک فرشتوں کےنہ پر گذرے
اک ایسی بھی تو منزل سے مرے خیرالبشر گذرے

جہالت کے اندھیروں میں لیے شمع ہنر گذرے
منوّر ہو گئی ہر شئے مرے آقا جدھر گذرے

کبھی بزمِ تصوُّر میں ادیب ایسا بھی ہو جاتا
سناؤں میں سنیں آقا جو حالِ زار پر گذرے

صلی اللہ علیہ و آلہ و سلم

(ادیب غازی پوری ..مالیگاؤں)

Naat

🌹🌹🌹🌹نعت شریف ﷺ🌹🌹🌹🌹

وہ جس کے لئے محفل کونین سجی ہے
فردوس بریں جس کے وسیلے سے بنی ہے
وہ ہاشمی مکّی مدنیُ العربی ہے
وہ میرا نبی ، میرا نبی ، میرا نبی ہے۔

احمد ہے محمد ہے وہی ختم ِ رُسل ہے
مخدوم و مربّی ہے وہی والئ کل ہے
اُس پر ہی نظر سارے زمانے کی لگی ہے
وہ میرا نبی ، میرا نبی ، میرا نبی ہے۔

والشمس ضحٰی چہرہء انور کی جھلک ہے
والیل سجیٰ گیسوئے حضرت کی لچک ہے
عالم کو ضیاء جس کے وسیلے سے ملی ہے
وہ میرا نبی ، میرا نبی ، میرا نبی ہے۔

اللہ کا فرماں الم نشرح لک صدرک
منسوب ہے جس سے ورفعنا لک ذکرک
جس ذات کا قرآن میں بھی ذکر جلی ہے
وہ میرا نبی ، میرا نبی ، میرا نبی ہے۔

مُزّمل و یٰسین و مدّثر و طٰہٰ
کیا کیا نئے القاب سے مولا نے پکارا
کیا شان ہے اس کی کہ جو اُمّی لقبی ہے
وہ میرا نبی ، میرا نبی ، میرا نبی ہے۔

وہ ذات کہ جو مظہر لو لاک لما ہے
جو صاحب ۔۔۔ ۔۔ بہ معراج ہوا ہے
اصرام امامت جسے نبیوں کی ملی ہے
وہ میرا نبی ، میرا نبی ، میرا نبی ہے۔

کس درجہ زمانے میں تھی مظلوم یہ عورت
پھر جس کی بدولت ملی اسے عزت و رفعت
وہ محسن و غم خوار ہمارا ہی نبی ہے
وہ میرا نبی ، میرا نبی ، میرا نبی ہے۔

وہ ا ِن کا نبی ، اُن کا نبی ، سب کا نبی ہے۔۔۔

صل اللہ علیہ وآلہ وسلم۔
۔۔۔۔۔

Naat

🌹🌹🌹🌹نعت شریف ﷺ🌹🌹🌹🌹

بے پردہ تھا گنجینہ پنہاں شبِ معراج
اللہ کی قدرت تھی نمایاں شبِ معراج

بس واقعہ اتنا تھا میری جاں شب معراج
جاناں سے ملا جلوۂ جاناں شب معراج

مِنْ اَیْن مَتٰی کَیْف اِلٰی سبکو تھی حیرت
ادراک تھا انگشت بدنداں شب معراج

تھا شانِ خدائی کا گزر بزم قدم میں
کس اوج پہ تھا رتبہ امکاں شب معراج

اللہ کو ان آنکھوں سے خود دیکھ کے آیا
انسانونکی آنکھوں کا اک انساں شب معراج

یہ کسکے قدم آئے کہ اب اوج پہ پہونچی
خوش بختی تعمیر سلیماں شب معراج

انکار کا حق کس کو پہونچتا ہے جو پہنچا
قرآں کے قریں صاحب قرآں شب معراج

تا طور گئے موسیٰ تو تا چرخ مسیحا
تا عرش گئے شاہِ رسولاں شب معراج

بارانِ کرم دیکھ کے سید بھی ہے آیا
ہاتھوں میں لئے دفترِ عصیاں شب معراج

کلامِ محدثِ اعظم ہند سید محمد اشرفی جیلانی رحمۃ اللہ تعالیٰ علیہ

Naat

🌹🌹🌹🌹نعت شریف ﷺ🌹🌹🌹🌹

سہانی رات تھی ،
اور پُرسکوں زمانہ تھا
اثر میں ڈوبا ہوا جذ ب ِعا شقانہ تھا
انہِیں تو عرش پر محبوب کو بُلا نا تھا
ہوس تھی دِید کی
معراج کا بہانہ تھا
یہ کمال ِ حسن کا تھا معجزہ
کہ فراق حق بھی نہ سہہ سکا
شب ِ معراج لِیا عرش بریں پر بلوا
صدمہءِ ہجر خدا سے بھی گوارا نہ ہوا
سرِ لا مکاں سے طلب ہوئی
سوئے منتہٰی وہ چلے نبؐی
کوئی حد ہے اُن کے عروج کی
کوئی حد ہے اُن کے عروج کی
سرِ لا مکا ں سے طلب ہوئی
سوئے منتہٰی وہ چلے نبیؐ
کوئی حد ہے ان کے عُروج کی
بلغ العلا بکما لہ
کشف الد جٰی بجما لہ
حسنت جمیع و خِصالہ*
صلوُا علیہ وآلہ
جو گیا فرش سے عرش تک
وہ بُراق لے گیا بے دھڑک
طبقِ زمیں ورقِ فلک
گئے نیچے پا وں سے پُل سرک
لٹیں زلف کی جو گئِں لٹک
تو جہاں سارا گیا مہک
ہوِِِِِئیں مست بُلبلیں اس قدر
تو یہ غنچے بولے بولےچٹک چٹک
کوئی حد ہے اُن کی عروج کی
کوئی حد ہے اُن کے عروج کی
رُخ ِمصطفٰیؐ کی یہ روشنی یہ تجلیوں کی ہما ہمی
کہ ہر ایک چیز چمک اُٹھی ۔ ۔ ۔
کشف الد جٰی بجمالہ
نہ فلک نہ چاند تارے نہ سحر،نہ رات ہوتی
نہ تیرا جمال ہوتا نہ یہ کا ئنا ت ہوتی
وہ سراپا رحمتِ کبریا کہ ہر ایک پہ جس کا کرم ہوا
یہ قرانِ پاک ہے برملا ۔ ۔ ۔
*حسنت جمیع و خِصالہ
یہ کمالِ حقِ محمدیؐ کہ ہراک پہ چشمِ کرم رہی
سرِ حشر نعرءِ اُمتی ۔ ۔ ۔
حسنت جمیعُ خصالہ
وہ حق نگر وہی حق نُما
رخِ مصطفٰیؐ ہے وہ آئِںہ
کہ خدایے پاک نے خود کہا ۔ ۔ ۔
صلو ا علیہ وآلہ
میرا دین عمبرِ وارثی
بخدا ہے عشقِ محمدیؐ
میرا زکر و فکر ہے بس یہی
صلو ا علیہ و آلہ
صلوا علیہ و آلہ

صلوا علیہ و آلہ

Naat

🌹🌹🌹🌹نعت شریف ﷺ🌹🌹🌹🌹

انوار کی ہوتی ہے برسات مدینے میں
بگڑی ہوئی بنتی ہے ہر بات مدینے میں

دل نور سے روشن ہو، ایمان سے یہ جھولی
سچ ہے کہ بدلتے ہیں حالات مدینے میں

جب ہاتھ مرے اٹھے دل سے یہ دعا نکلی
اے کاش مرے گذریں دن رات مدینے میں

سچ ہے کہ مہکتی ہیں مٹی بھی ہوائیں بھی
ہیں آپﷺ کے قدموں کی برکات مدینے میں

میں تھام کے جالی کو،آقاﷺ کی کروں مدحت
بڑھ جائے مری شاید اوقات مدینے میں

لفظوں کی جگہ آنسو گرتے ہیں ندامت سے
اٹھتے ہیں دعاؤں کو جب ہاتھ مدینے میں

کب گنبد خضرٰی کو دیکھیں گی مری آنکھیں
کب دل میں سمیٹوں گا سوغات مدینے میں

لفظوں میں بیاں کرنا ممکن ہی نہیں ارماں
جو دل میں مہکتے ہیں جذبات مدینے میں

🌿 خاکپائے خاتم الانبیاء ﷺ 🌿 ابوحماد
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

Naat

🌹🌹🌹🌹نعتِ شہِ کونین صل اللہ علیہ و سلم پیش کررہاہوں ملاحظہ فرمائیں 🌹🌹🌹🌹

تجھے اندیشہ کیا اے دل غمِ روزِ جزا سے ہے_
مکمّل رابطہ جب کہ درِ خیرالوری’ سے ہے_

بڑے نازوں میں رہتا ہوں بڑا بے فکر جیتا ہوں_
مجھے جب سے تعلق دامنِ شاہِ ہُدی’ سے ہے_

نبی کا نام لکھوں تو قلم سے پھول جھڑتے ہیں_
میرے افکار میں خوشبو گلابِ خوشنما سے ہے_

میں اپنی زندگی کو غیبتوں سے پاک رکھتا ہوں_
میں شاعر ہوں مجھے نسبت ثناے مصطفٰی سے ہے_

جسے ہم اصطلاحِ عام میں فردوس کہتے ہیں_
فضا اسکی معطّر دامنِ صلی علی’سے ہے_

محمـّد یا محمـّد اسلئے کہتا ہوں رہ رہ کر_
کہ دل کی زندگی در اصل ذکرِ مصطفی’ سے ہے_

محبّت سرورِ کونین کی ایمان ہے اُسکا_
شہِ لولاک پر شیدا یہ “ارشد” ابتداء سے ہے_

(شرف الدین” ارشد” ظہیرآبادی حالمقیم حیدرآباد) ِ

Naat

🌹🌹🌹🌹بلا نقط نعت شریف ﷺ🌹🌹🌹🌹

اگر رسول ہدٰی کا کلمہ مدام وردِ عام ہوگا
کرم کا معمول عام ہوگا ہر اِک دو عالم کا کام ہوگا
اگر محمد کا دل کو سودا اصولِ رسمِ عوام ہوگا
اِدھر درود و سلام ہوگا اُدھر درود و سلام ہوگا
اِدھر ہمارے عمل مکمل اصولِ اسلام حمدِ داور
رہا اُدھر کا معاملہ وہ رسولِ اکرم کا کام ہوگا
محل کو مدِ مراد رکھ کر عمل کو مدِ مراد رکھ کر
دمِ سوال مآلِ آدم سلوک مولا کا عام ہوگا
گواہ اللہ ہر دو عالم اور اس کا ہر اِک وہ حکم محکم
گر اسم احمد کا ورد ہوگا کرم احد کا مدام ہوگا
عطا و عدل و ہدا مکرر علوم سر علٰی سراسر
ہر اک کا ہوگا اگر وہ مصدر رسول ہوگا امام ہوگا
طلوع طالع ہوا ہمارا درِ محمد کھلا وہ آؤ
ملک کا دورہ مدام ہوگا کلامِ محمود عام ہوگا
دراصل مدحِ رسولِ اکرم مع اک درود سلام اسلم
طرح طرح کا کلام و کلمہ سدا ہوا اور دوام ہوگا
عدوِ آلِ رسول ہوگا اگر دل اس کا گواہ عادل
گو لاکھ صالح عمل رہا ہو حلال سودا حرام ہوگا
اِلٰہ العالم کا حکم ہوگا ہمارا کلمہ کلام سارا
اگر محمد رسول ہوگا اگر محمد امام ہوگا
سوال علامہ آؤ کرلو ہوا رسول ہدٰی کا در وا
درِ محمد کا ہر گدا اک اُدھر مدارالمہام ہوگا

علامہ ظفر اورنگ آبادی

Naat

🌹🌹🌹🌹نعت شریف ﷺ🌹🌹🌹🌹

یا رسول الله تیرے در کی فضاؤں کو سلام
گنبدِ خضریٰ کی ٹھنڈی ٹھنڈی چھاؤں کو سلام

جو مدینے کے گلی کوچوں میں دیتے ہیں صدا
ان فقیروں ، راہگیروں ، ان گداؤں کو سلام

والہانہ جو طوافِ روضہِ اقدس کرے
مست و بے خود وَجد کرتی اُن ہواؤں کو سلام

مسجدِ نبوی کے صُبحوں اور شاموں کو سلام
یا نبی تیرے غلاموں کے غلاموں کو سلام

جو پڑھا کرتے ہیں روز و شب تیرے دربار میں
پیش کرتا ہے ظہوری ان سلاموں کو سلام .
یا رسول الله تیرے در کی فضاؤں کو سلام
گنبدِ خضریٰ کی ٹھنڈی ٹھنڈی چھاؤں کو سلام.
السلام سیّد و سردارِ ماﷺ!
السلام مالِک و مختارِ ماﷺ!
سیّد و سرور محمدﷺنُورِ جاں!
مہتر و بہتر شفیعِ مجرماںﷺ!
🌹 صَلَّی اللّٰهُ عَلٰی حَبِیبِہ مُحَمَّدٍ وَّآلِه وَسَلَّمَ.🌹

💚💚💚

Naat

🌹🌹🌹🌹 نذرانہ بحضور سرور کونینؐ ﷺ🌹🌹🌹🌹