Zauq e Naat Lyrics

Zauq E Naat Lyrics

 

 

 

Hai Paak Rutba Fikr Se Us Beniyaaz Ka Hamd Lyrics

 

 

ہے پاک رتبہ فکر سے اس بے نیاز کا

ہے پاک رُتبہ فکر سے اُس بے نیاز کا

کچھ دَخل عقل کا ہے نہ کام اِمتیاز کا

 

شہ رَگ سے کیوں وِصال ہے آنکھوں سے کیوں حجاب

کیا کام اس جگہ خردِ ہرزہ تاز کا

 

لب بند اور دل میں ہیں جلوے بھرے ہوئے

اللّٰہ رے جگر ترے آگاہِ راز کا

 

غش آگیا کلیم سے مشتاقِ دِید کو

جلوہ بھی بے نیاز ہے اُس بے نیاز کا

 

ہر شے سے ہیں عیاں مِرے صانع کی صنعتیں

عالم سب آئنوں میں ہے آئینہ ساز کا

 

اَفلاک و اَرض سب ترے فرماں پذیر ہیں

حاکم ہے تو جہاں کے نشیب و فراز کا

 

اس بے کسی میں دِل کو مِرے ٹیک لگ گئی

شہرہ سنا جو رحمت بے کس نواز کا

 

مانندِ شمع تیری طرف لو لگی رہے

دے لطف میری جان کو سوز و گداز کا

 

تو بے حساب بخش کہ ہیں بے شمار جرم

دیتا ہوں واسطہ تجھے شاہِ حجاز کا

 

بندے پہ تیرے نفسِ لیں ہوگیا محیط

اللّٰہ کر علاج مری حرص و آز کا

 

Hai Paak Rutba Fikr Se Us Beniyaaz Ka
Kuch Dakhl Aql Ka Hai Na Kaam Imtiyaaz Ka

Lab Band Aur Dil Mein Woh Jalwe Bhare Huwe
Allah Re Jigar Tere Aagaahe Raaz Ka

Gash Aa Gaya Kaleem Ko Mushtaaqe Deed Se
Jalwa Bhi Be Niyaaz Hai Us Beniyaaz Ka

Har Shay Se Hain Ayaa(N) Mere Saane’ Ki San-Ate
Aalam Sab Aainon Mein Hai Aaina Saaz Ka

Aflaako Arz Sab Tere Farmaa(N) Pazeer Hain
Haakim Hai Tu Jahaa(N) Ke Nashebo Faraaz Ka

Is Bakasi Mein Dil Ko Mere Tek Lag Gayi
Shohra Suna Jo Rehmate Bekas Nawaaz Ka

Maaninde Sham’a Teri Taraf Lau Lagi Rahe
De Lutf Mere Jaan Ko Sozo Gudaaz Ka

Tu Be Hisaab Bakhsh Ki Hain Be Shumaar Jurm
Deta Hoon Waasta Tujhe Shaahe Hijaaz Ka

Bande Pe Tere Nafse Laee(N) Ho Gaya Muheet
Allah Kar Ilaaj Meri Hirso Aaz Ka

Kyun Kar Na Mere Kaam Banein Ghaib Se Hasan
Banda Bhi Hoon To Bade Kaar Saaz Ka

 

 

 

 

Fikr Asfal Hay Mayri Martaba A’la Tera

 

فکر اَسفل ہے مری مرتبہ اعلٰی تیرا

فکر اَسفل ہے مری مرتبہ اَعلیٰ تیرا

وَصف کیا خاک لکھے خاک کا پتلا تیرا

 

طور پر ہی نہیں موقوف اُجالا تیرا

کون سے گھر میں نہیں جلوۂ زیبا تیرا

 

ہر جگہ ذِکر ہے اے واحد و یکتا تیرا

کون سی بزم میں روشن نہیں اِکّا تیرا

 

پھر نمایاں جو سر طور ہو جلوہ تیرا

آگ لینے کو چلے عاشق شیدا تیرا

 

خیرہ کرتا ہے نگاہوں کو اُجالا تیرا

کیجئے کونسی آنکھوں سے نظارہ تیرا

 

جلوۂ یار نرالا ہے یہ پردہ تیرا

کہ گلے مل کے بھی کھلتا نہیں ملنا تیرا

 

کیا خبر ہے کہ علی العرش کے معنی کیا ہیں

کہ ہے عاشق کی طرح عرش بھی جویا تیرا

 

اَرِنِی گوئے سر طور سے پوچھے کوئی

کس طرح غش میں گراتا ہے تجلی تیرا

 

پار اُترتا ہے کوئی غرق کوئی ہوتا ہے

کہیں پایاب کہیں جوش میں دریا تیرا

 

باغ میں پھول ہوا شمع بنا محفل میں

جوش نیرنگ دَر آغوش ہے جلوہ تیرا

 

نئے انداز کی خلوت ہے یہ اے پردہ نشیں

آنکھیں مشتاق رہیں دِل میں ہو جلوہ تیرا

 

شہ نشیں ٹوٹے ہوئے دل کو بنایا اُس نے

آہ اے دیدۂ مشتاق یہ لکھا تیرا

 

سات پردوں میں نظر اور نظر میں عالم

کچھ سمجھ میں نہیں آتا یہ معما تیرا

طور کا ڈھیر ہوا غش میں پڑے ہیں موسیٰ

کیوں نہ ہو یار کہ جلوہ ہے یہ جلوہ تیرا

 

چار اَضداد کی کس طرح گرہ باندھی ہے

ناخن عقل سے کھلتا نہیں عقدہ تیرا

 

دَشت اَیمن میں مجھے خاک نظر آئے گا

مجھ میں ہو کر نظر آتا نہیں جلوہ تیرا

 

ہر سَحر نغمۂ مرغانِ نواسنج کا شور

گونجتاہے ترے اَوصاف سے صحرا تیرا

 

وحشیٔ عشق سے کھلتا ہے تو اے پردۂ راز

کچھ نہ کچھ چاک گریباں سے ہے رشتہ تیرا

 

سچ ہے انسان کو کچھ کھو کے ملا کرتا ہے

آپ کو کھو کے تجھے پائے گا جویا تیرا

 

ہیں تِرے نام سے آبادی و صحرا آباد

شہر میں ذِکر ترا دَشت میں چرچا تیرا

 

برقِ دیدار ہی نے تو یہ قیامت توڑی

سب سے ہے اور کسی سے نہیں پردہ تیرا

 

آمدِ حشر سے اِک عید ہے مشتاقوں کو

اسی پردہ میں تو ہے جلوۂ زیبا تیرا

 

سارے عالم کو تو مشتاقِ تجلی پایا

پوچھنے جائیے اب کس سے ٹھکانا تیرا

 

طور پر جلوہ دکھایا ہے تمنائی کو

کون کہتا ہے کہ اَپنوں سے ہے پردہ تیرا

 

کام دیتی ہیں یہاں دیکھئے کس کی آنکھیں

دیکھنے کو تو ہے مشتاق زمانہ تیرا

 

میکدہ میں ہے ترانہ تو اَذاں مسجد میں

وَصف ہوتا ہے نئے رنگ سے ہر جا تیرا

 

چاک ہو جائیں گے دِل جیب و گریباں کس کے

دے نہ چھپنے کی جگہ راز کو پردہ تیرا

 

بے نوا مفلس و محتاج و گدا کون کہ میں

صاحبِ جود و کرم وصف ہے کس کا تیرا

 

آفریں اہل محبت کے دلوں کو اے دوست

ایک کو زے میں لئے بیٹھے ہیں دریا تیرا

 

اتنی نسبت بھی مجھے دونوں جہاں میں بس ہے

تو مرا مالک و مولیٰ ہے میں بندہ تیرا

 

انگلیاں کانوں میں دے دے کے سنا کرتے ہیں

خلوتِ دِل میں عجب شور ہے برپا تیرا

 

اب جماتا ہے حسنؔ اُس کی گلی میں بستر

خوبرویوں کا جو محبوب ہے پیارا تیرا

 

 

جن و انسان و ملک کو ہے بھروسا تیرا

 

جن و اِنسان و مَلک کو ہے بھروسا تیرا

سروَرا مرجعِ کل ہے دَرِ والا تیرا

 

واہ اے عطرِ خدا ساز مہکنا تیرا

خوبرو ملتے ہیں کپڑوں میں پسینہ تیرا

 

دہر میں آٹھ پہر بٹتا ہے باڑا تیرا

وقف ہے مانگنے والوں پہ خزانہ تیرا

 

لامکاں میں نظر آتا ہے اُجالا تیرا

دُور پہنچایا ترے حسن نے شہرہ تیرا

 

جلوۂ یار اِدھر بھی کوئی پھیرا تیرا

حسرتیں آٹھ پہر تکتی ہیں رَستہ تیرا

 

یہ نہیں ہے کہ فقط ہے یہ مَدینہ تیرا

تو ہے مختار دو عالم پہ ہے قبضہ تیرا

 

کیا کہے وصف کوئی دشتِ مَدینہ تیرا

پھول کی جان نزاکت میں ہے کانٹا تیرا

 

کس کے دامن میں چھپے کس کے قدم پر لوٹے

تیرا سگ جائے کہاں چھوڑ کے ٹکڑا تیرا

 

خسروِ کون و مکاں اور تواضع ایسی

ہاتھ تکیہ ہے ترا خاک بچھونا تیرا

 

خوبرویانِ جہاں تجھ پہ فدا ہوتے ہیں

وہ ہے اے ماہِ عرب حسن دِل آرا تیرا

 

دشت پرہول میں گھیرا ہے درندوں نے مجھے

اے مِرے خضر اِدھر بھی کوئی پھیرا تیرا

 

بادشاہانِ جہاں بہرِ گدائی آئیں

دینے پر آئے اگر مانگنے والا تیرا

 

دشمن و دوست کے منہ پر ہے کشادہ یکساں

روئے آئینہ ہے مولیٰ درِ والا تیرا

 

پاؤں مجروح ہیں منزل ہے کڑی بوجھ بہت

آہ گر ایسے میں پایا نہ سہارا تیرا

 

نیک اچھے ہیں کہ اَعمال ہیں ان کے اچھے

ہم بدوں کے لئے کافی ہے بھروسا تیرا

 

آفتوں میں ہے گرفتار غلامِ عجمی

اے عرب والے اِدھر بھی کوئی پھیرا تیرا

 

اُونچے اُونچوں کو ترے سامنے ساجد پایا

کس طرح سمجھے کوئی رتبۂ اَعلیٰ تیرا

 

خارِ صحرائے نبی پاؤں سے کیا کام تجھے

آ مِری جان مِرے دل میں ہے رستہ تیرا

 

کیوں نہ ہو ناز مجھے اپنے مقدر پہ کہ ہوں

سگ تِرا بندہ تِرا مانگنے والا تیرا

 

اچھے اچھے ہیں تِرے دَر کی گدائی کرتے

اونچے اونچوں میں بٹا کرتا ہے صدقہ تیرا

 

بھیک بے مانگے فقیروں کو جہاں ملتی ہے

دونوں عالم میں وہ دروازہ ہے کس کا تیرا

 

کیوں تمنا مِری مایوس ہو اے اَبرِ کرم

سوکھے دھانوں کا مددگار ہے چھینٹا تیرا

 

ہائے پھر خندۂ بے جا مِرے لب پر آیا

ہائے پھر بھول گیا راتوں کا رونا تیرا

 

حشر کی پیاس سے کیا خوف گنہگاروں کو

تشنہ کاموں کا خریدار ہے دریا تیرا

 

سوزنِ گمشدہ ملتی ہے تبسم سے تِرے

شام کو صبح بناتا ہے اُجالا تیرا

 

صدق نے تجھ میں یہاں تک تو جگہ پائی ہے

کہہ نہیں سکتے اُلش کو بھی تو جھوٹا تیرا

 

خاص بندوں کے تصدق میں رِہائی پائے

آخر اس کام کا تو ہے یہ نکما تیرا

 

بندِ غم کاٹ دیا کرتے ہیں تیرے اَبرو

پھیر دیتا ہے بلاؤں کو اِشارہ تیرا

 

حشر کے روز ہنسائے گا خطاکاروں کو

میرے غمخوارِ دِل شب میں یہ رونا تیرا

 

عمل نیک کہاں نامۂ بدکاراں میں

ہے غلاموں کو بھروسا مِرے آقا تیرا

 

بہرِ دیدار جھک آئے ہیں زمیں پر تارے

واہ اے جلوۂ دِلدار چمکنا تیرا

 

اونچی ہو کر نظر آتی ہے ہر اِک شے چھوٹی

جا کے خورشید بنا چرخ پہ ذَرَّہ تیرا

 

اے مدینے کی ہوا دِل مِرا اَفسردہ ہے

سوکھی کلیوں کو کھلا جاتا ہے جھونکا تیرا

 

میرے آقا ہیں وہ اَبر کرم اے سوزِ اَلم

ایک چھینٹے کا بھی ہوگا نہ یہ دہرا تیرا

 

اب حسنؔ منقبت خواجۂ اَجمیر سنا

طبع پُرجوش ہے رُکتا نہیں خامہ تیرا

 

 

Wasf Kiya Khak Likhay Khak Ka Putla Tayra

Her Jagah Zikr Hay Ay Wahid-O-Yakta Tayra

Kon Si Bazm Mayn Roshan Nahin Ikka Tayra

Kheerah Karta Hay Nigahaun Ko Ujala Tayra

Kijiye Kon Si Ankhaun Say Nazarah Tayra

Hayn Tayray Naam Say Aabadi-O-Sahra Abad

Shehar Mayn Zikr Tayra Dasht Mayn Charcha Tayra

Bay-Nawa Muflis-O-Muhtaaj-O-Gada Kon Keh Mayn

Sahib-E-Jood-O-Karam Wasf Hay Kis Ka Tayra

Itni Nisbat Bhi Mujhay Donon Jahan Mayn Bas Hay

Tu Mayra Maalik-O-Maula Hay Mayn Bandah Tayra

Ab Jamata Hay Hasan Us Ki Gali Mayn Bistar

Khuburiyyon Ka Jo Mahboob Hay Piyara Tayra

 

KHWAJA E HIND WO DARBAAR HAI AALA TERA NAAT LYRICS

 

منقبت حضرت خواجہ غریب نواز رَضِیَ اللّٰہُ تَعَالٰی عَنْہ

خواجۂ ہند وہ دَربار ہے اَعلیٰ تیرا

کبھی محروم نہیں مانگنے والا تیرا

 

مَے سر جوش در آغوش ہے شیشہ تیرا

بیخودی چھائے نہ کیوں پی کے پیالہ تیرا

 

خفتگانِ شب غفلت کو جگا دیتا ہے

سالہا سال وہ راتوں کا نہ سونا تیرا

 

ہے تِری ذات عجب بحرِ حقیقت پیارے

کسی تیراک نے پایا نہ کنارا تیرا

 

جورِ پامالیٔ عالم سے اِسے کیا مطلب

خاک میں مل نہیں سکتا کبھی ذرَّہ تیرا

 

کس قدر جوشِ تحیر کے عیاں ہیں آثار

نظر آیا مگر آئینہ کو تلوا تیرا

 

گلشن ہند ہے شاداب کلیجے ٹھنڈے

واہ اے اَبر کرم زور برسنا تیرا

 

کیا مہک ہے کہ مُعَطَّر ہے دماغِ عالم

تختۂ گلشنِ فردوس ہے روضہ تیرا

 

تیرے ذرَّہ پہ مَعاصی کی گھٹا چھائی ہے

اس طرف بھی کبھی اے مہر ہو جلوہ تیرا

 

تجھ میں ہیں تربیتِ خضر کے پیدا آثار

بحر و بر میں ہمیں ملتا ہے سہارا تیرا

 

پھر مجھے اپنا درِ پاک دکھا دے پیارے

آنکھیں پُر نور ہوں پھر دیکھ کے جلوہ تیرا

 

ظلِ حق غوث پہ ہے غوث کا سایہ تجھ پر

سایہ گستر سرِ خدام پہ سایہ تیرا

 

تجھ کو بغداد سے حاصل ہوئی وہ شانِ رَفیع

دَنگ رہ جاتے ہیں سب دیکھ کے رُتبہ تیرا

 

کیوں نہ بغداد میں جاری ہو ترا چشمۂ فیض

بحرِ بغداد ہی کی نہر ہے دریا تیرا

 

کرسی ڈالی تری تخت شہ جیلاں کے حضور

کتنا اُونچا کیا اللّٰہ نے پایا تیرا

 

رَشک ہوتا ہے غلاموں کو کہیں آقا سے

کیوں کہوں رَشک دہِ بدر ہے تلوا تیرا

 

بشر افضل ہیں مَلک سے تِری یوں مدح کروں

نہ مَلک خاص بشر کرتے ہیں مجرا تیرا

 

جب سے تو نے قدمِ غوث لیا ہے سر پر

اَولیا سر پہ قدم لیتے ہیں شاہا تیرا

 

محیِ دیں غوث ہیں اور خوا جہ معین الدیں ہے

اے حسنؔ کیوں نہ ہو محفوظ عقیدہ تیرا

 

گمشدہ سوئی

اُم المؤمنین حضرت سیدتنا عائشہ صدیقہ رَضِیَ اللّٰہُ تَعَالٰی عَنْہَا روایت فرماتی ہیں : میں سحری کے وقت گھر میں کپڑے سی رہی تھی کہ اچانک سوئی ہاتھ سے گرگئی اورساتھ ہی چراغ بھی بجھ گیا۔ اتنے میں مدینے کے تاجدار، منبع اَنوار صَلَّی اللّٰہ تَعَالٰی عَلَیْہِ وَاٰلِہٖ وَسَلَّم گھر میں داخل ہوئے اورسارا گھر مدینے کے تاجور صَلَّی اللّٰہ تَعَالٰی عَلَیْہِ وَاٰلِہٖ وَسَلَّم کے چہرہ انور کے نور سے روشن ومنور ہوگیااورگمشدہ سوئی مل گئی ۔

)القول البدیع، ص۳۰۲، مؤسسۃ الریان بیروت(

 

 

Khwaja E Hind Wo Darbaar Hai Aala Tera
Kabhi Mehroom Nahi Maangne Waala Tera

Khuftgane Shabe Ghaflat Ko Jaga Deta Hai
Saalhasaal Wo Raato Ka Na Sona Tera

Hai Teri Zaat Ajab Bahre Haqeeqat Pyare
Kisi Tairaak Ne Paaya Na Kinara Tera

Gulshan E Hind Se Shadaab Kaleje Thande
Wah Ay Abre Karam Zor Barasna Tera

Kya Mahak Hai Ki Mu’attar Hai Dimaag E Aalam
Takhta E Gulshan E Firdaus Hai Rouza Tera

Tujhme Hai Tarbiyate Khizr Ke Paida Aasaar
Bahro Bar Me Hume Milta Hai Sahara Tera

Zille Haq Ghous Pe Hai Ghous Ka Saaya Tujh Par
Saaya Gustar Sare Khuddam Pe Saaya Tera

Tujhko Baghdad Se Haasil Hui Wo Shaan E Rafe’a
Dang Rah Jaate Hai Sab Dekh Ke Rutba Tera

Kyo Na Baghdad Me Jaari Ho Tera Chashma E Faiz
Bahre Baghdad Hi Ki Nahar Hai Dariya Tera

Jabse Tune Qadme Ghous Liya Hai Sarr Par
Awliyah Sar Pe Qadam Lete Hai Shaha Tera

Muhiyyudi(N) Ghous Hai Aur Khwaja Mueenuddi(N) Hai
Ay Hasan Kyu Na Ho Mehfooz Aqeeda Tera

 

Aasma Gar Tere Talwoon Ka Nazara Karta

 

 

آسماں گر تیرے تلووں کا نظارہ کرتا

آسماں گر تیرے تلووں کا نظارہ کرتا

روز اِک چاند تصدق میں اُتارا کرتا

 

طوفِ روضہ ہی پہ چکرائے تھے کچھ ناواقف

میں تو آپے میں نہ تھا اور جو سجدہ کرتا

 

صرصرِ دشت مدینہ جو کرم فرماتی

کیوں میں افسردگیٔ بخت کی پروا کرتا

 

چھپ گیا چاند نہ آئی ترے دیدار کی تاب

اور اگر سامنے رہتا بھی تو سجدہ کرتا

 

یہ وہی ہیں کہ گرو آپ اور ان پر مچلو

الٹی باتوں پہ کہو کون نہ سیدھا کرتا

 

ہم سے ذَرَّوں کی تو تقدیر ہی چمکا جاتا

مہر فرما کے وہ جس راہ سے نکلا کرتا

 

دُھوم ذَرَّوں میں اَنَا الشَّمْس کی پڑ جاتی ہے

جس طرف سے ہے گزر چاند ہمارا کرتا

 

آہ کیا خوب تھا گر حاضرِ دَر ہوتا میں

ان کے سایہ کے تلے چین سے سویا کرتا

 

شوق و آداب بہم گرم کشاکش رہتے

عشق گم کردہ تو ان عقل سے اُلجھا کرتا

 

آنکھ اُٹھتی تو میں جھنجھلا کے پَلک سی لیتا

دل بگڑتا تو میں گھبرا کے سنبھالا کرتا

 

بیخودانہ کبھی سجدہ میں سوئے دَر گرتا

جانب قبلہ کبھی چونک کے پلٹا کرتا

 

بام تک دل کو کبھی بالِ کبوتر دیتا

خاک پر گر کے کبھی ہائے خدایا کرتا

 

گاہ مرہم نہیٔ زخم جگر میں رہتا

گاہ نشتر زنیٔ خون تمنا کرتا

 

ہمرہِ مہر کبھی گردِ خطیرہ پھرتا

سایہ کے ساتھ کبھی خاک پہ لوٹا کرتا

 

صحبتِ داغِ جگر سے کبھی جی بہلاتا

اُلفتِ دَست و گریباں کا تماشا کرتا

 

دلِ حیراں کو کبھی ذَوقِ تپش پر لاتا

تپش دِل کو کبھی حوصلہ فرسا کرتا

 

کبھی خود اپنے تحیر پہ حیراں رہتا

کبھی خود اپنے سمجھنے کو نہ سمجھا کرتا

 

کبھی کہتا کہ یہ کیا بزم ہے کیسی ہے بہار

کبھی اَندازِ تجاہل سے میں توبہ کرتا

 

کبھی کہتا کہ یہ کیا جوشِ جنوں ہے ظالم

کبھی پھر گر کے تڑپنے کی تمنا کرتا

 

ستھری ستھری وہ فضا دیکھ کے میں غرقِ گناہ

اپنی آنکھوں میں خود اس بزم میں کھٹکا کرتا

 

کبھی رحمت کے تصور میں ہنسی آجاتی

پاسِ آداب کبھی ہونٹوں کو بخیہ کرتا

 

دِل اگر رَنجِ مَعاصی سے بگڑنے لگتا

عفو کا ذِکر سنا کر میں سنبھالا کرتا

 

یہ مزے خوبیٔ قسمت سے جو پائے ہوتے

سخت دیوانہ تھا گر خلد کی پرواہ کرتا

 

موت اس دن کو جو پھر نام وطن کا لیتا

خاک اس سر پہ جو اس دَر سے کنارا کرتا

 

اے حسنؔ قصدِ مدینہ نہیں رونا ہے یہی

اور میں آپ سے کس بات کا شکوہ کرتا

 

 

 

Aasma Gar Tere Talwoon Ka Nazara Karta
Roz Ek Chand Tasaddukh Me Utara Karta

Chup Gaya Chand Na Ayi Tere Didar Ki Tab
Or Agar Samne Rehta To Bhi Sajda Karta

Aah Kya Khub Tha Gar Hazir E Dar Hota Mai
Unke Saye Ke Tale Chain Se Soya Karta

Aank Uthti To Mai Jhunjh Lake Palak Si Leta
Dil Bigad Ta To Mai Ghabra Ke Sambhala Karta

Kabhi Khud Apne Taghaiyyur Pe Mai Hairan Hota
Kabhi Khud Apne Samajh Ne Ko Na-Samjha Karta

Kabhi Kehta Ke Ye Kya Bazm Hai Kaisi Hai Bahar
Kabhi Andaz E Tajahul Se Mai Taoba Karta

Maut Us Din Ko Jo Phir Naam Watan Ka Leta
Khaak Us Sir Pe Jo Is Dar Se Kanara Karta

Be Khuda Na Kabhi Sajde Me Sue-Dar Girta
Janib E Khibla Kabhi Chonk Ke Palta Karta

Ye Maze Khoobi Ye Khismat Se Jo Paye Hote
Sab Se Diwana Tha Gar Khuld Ki Parwah Karta

Aye Hasan Khasd E Madina Nahi Rona Hai Yahi
Or Mai Aap Se Kis Baat Ka Shikwa Karta

 

Aasiyon Ko Dar Tumhara Mil Gaya,

 

عاصیوں کو در تمہارا مل گیا

عاصیوں کو در تمہارا مل گیا

بے ٹھکانوں کو ٹھکانہ مل گیا

 

فضلِ رب سے پھر کمی کس بات کی

مل گیا سب کچھ جو طیبہ مل گیا

 

کشفِ رازِ مَن رَّاٰنی یوں ہوا

تم ملے تو حق تعالیٰ مل گیا

 

بیخودی ہے باعثِ کشفِ ِحجاب

مل گیا ملنے کا رستہ مل گیا

 

ان کے دَر نے سب سے مستغنی کیا

بے طلب بے خواہش اتنا مل گیا

 

ناخدائی کے لئے آئے حضور

ڈوبتو نکلو سہارا مل گیا

 

دونوں عالم سے مجھے کیوں کھو دیا

نفسِ خود مطلب تجھے کیا مل گیا

 

آنکھیں پر نم ہو گئیں سر جھک گیا

جب ترا نقشِ کفِ پا مل گیا

 

خلد کیسا کیا چمن کس کا وطن

مجھ کو صحرائے مدینہ مل گیا

 

ہے محبت کس قدر نامِ خدا

نامِ حق سے نامِ والا مل گیا

 

ان کے طالب نے جو چاہا پالیا

ان کے سائل نے جو مانگا مل گیا

 

تیرے در کے ٹکڑے ہیں اور میں غریب

مجھ کو روزی کا ٹھکانا مل گیا

 

اے حسنؔ فردوس میں جائیں جناب

ہم کو صحرائے مدینہ مل گیا

 

دَر و دِیوار روشن ہو جاتے

جب رحمت عالم، نورِ مجسم صَلَّی اللّٰہ تَعَالٰی عَلَیْہِ وَاٰلِہٖ وَسَلَّممسکراتے تو آپ کے دندان مبارک کے نور سے دَر ودِیوار روشن ہوجاتے ۔ (الشفا، ص۶۱ ، مرکز اہل سنت برکات رضا، ہند)

Aasiyon Ko Dar Tumhara Mil Gaya,
Be-Thikano Ko Thikana Mil Gaya.

Fazl-E-Rab Se Fir Kami Kis Baat Ki,
Mil Gaya Sab Kuch Jo Taiba Mil Gaya.

Kashf-E-Raaz-E-Man Ra’aani Yuñ Hua,
Tum Mile To Haq Ta’ala Mil Gaya.

Bekhudi Hai Baa-Ees-E-Kashf-E-Hijaab,
Mil Gaya Milne Ka Rasta Mil Gaya.

Un Ke Dar Ne Sabse Mustagni Kiya,
Be-Talab Be-Khwahish Itna Mil Gaya.

Na-Khudaai Ke Liye Aaye Huzoor (ﷺ)
Dubto Niklo Sahara Mil Gaya.

Dono Aalam Se Mujhe Kyuñ Kho Diya,
Nafs-E-Khud Matlb Tujhe Kya Mil Gaya.

Aañkheñ Pur-Nam Ho Gaye Sar Jhuk Gaya,
Jab Tera Naqsh-E-Kafe-Pa Mil Gaya.

Khuld Kaisa Kya Chaman Kiska Watan,
Mujhko Sehraaye Madina Mil Gaya.

Hai Mohabbat Kis Qadar Naam-E-Khuda,
Naam-E-Haq Se Naam-E-Waala Mil Gaya.

Un Ke Taalib Ne Jo Chaha Pa Liya,
Un Ke Saa’il Ne Jo Manga Mil Gaya.

Tere Dar Ke Tukde Haiñ Aur Maiñ Gareeb,
Mujh Ko Rozi Ka Thikana Mil Gaya.

Ay «Hasan» Firdaus Me Jaayeñ Janaab,
Hamko Sahraaye Madina Mil Gaya.

 

 

 

Dil Mera Duniya Pe Shaida Ho Gaya Lyrics

 

دل مرا دنیا پہ شیدا ہوگیا

دل مرا دنیا پہ شیدا ہوگیا

اے مرے اللّٰہ یہ کیا ہو گیا

 

کچھ مرے بچنے کی صورت کیجئے

اب تو جو ہونا تھا مولیٰ ہوگیا

 

عیب پوشِ خلق دامن سے تِرے

سب گنہگاروں کا پردہ ہوگیا

 

رکھ دیا جب اس نے پتھر پر قدم

صاف اک آئینہ پیدا ہوگیا

 

دور ہو مجھ سے جو اُن سے دور ہے

اس پہ میں صدقے جو ان کا ہوگیا

 

گرمیٔ بازار مولیٰ بڑھ چلی

ِ نرخِ رحمت خوب سستا ہوگیا

 

دیکھ کر اُن کا فروغِ حسنِ پا

مہرِ ذَرَّہ چاند تارا ہوگیا

 

رَبِّ سَلِّم وہ اِدھر کہنے لگے

اس طرف پار اپنا بیڑا ہوگیا

 

ان کے جلووں میں ہیں یہ دلچسپیاں

جو وہاں پہنچا وہیں کا ہوگیا

 

تیرے ٹکڑوں سے پلے دونوں جہاں

سب کا اس در سے گزارا ہوگیا

 

اَلسَّلَام اے ساکنانِ ُکوئے دوست

ہم بھی آتے ہیں جو اِیما ہوگیا

 

اُن کے صدقہ میں عذابوں سے چھٹے

کام اپنا نام اُن کا ہوگیا

 

سر وہی جو اُن کے قدموں سے لگا

دل وہی جو اُن پہ شیدا ہوگیا

 

حسن یوسف پر زُلیخا مٹ گئیں

آپ پر اللّٰہ پیارا ہو گیا

 

اس کو شیروں پر شرف حاصل ہوا

آپ کے دَر کا جو کتا ہوگیا

 

زاہدوں کی خلد پر کیا دھوم تھی

کوئی جانے گھر یہ ان کا ہوگیا

 

غول ان کے عاصیوں کے آئے جب

چھنٹ گئی سب بھیڑ رَستہ ہوگیا

 

جا پڑا جو دشتِ طیبہ میں حسنؔ

گلشنِ جنت گھر اس کا ہوگیا

 

Dil Mera Duniya Pe Shaida Hogaya
Aye Mere Allah Yeh Kia Hogaya

Kuch Mere Bachne Ki Soorat Kijiye
Ab To Jo Hona Tha Maula Hogaya

Aib Posh-E-Khalq-E-Daaman Se Mere
Sab Gunah Garon Ka Parda Hogaya

Rakh Diya Jab Usne Pathar Per Kadam
Saaf Ek Aaina Paida Ho Gaya

Dur Ho Mujhse Jo Unse Dur Hai
Use Pe Main Sadqe Jaun Ka Ho Gaya

Rab-E-Sallim Wo Idhar Kehnay Lagay
Us Taraf Paar Apna Bera Hogaya

Unke Jalwon Mein Hai Ye Dil Chaspiya
Jo Wahan Pahuncha Wahi Ka Ho Gaya

 

Kahoon Kya Haal Zahid Gulshan Tayyiba Ki Nuzhat Ka Lyrics

 

کہوں کیا حال زاہد گلشن طیبہ کی نزہت کا

کہوں کیاحال زاہد گلشنِ طیبہ کی نزہت کا

کہ ہے خلد بریں چھوٹا سا ٹکڑا میری جنت کا

 

تَعَالَی اللّٰہ شوکت تیرے نام پاک کی آقا

کہ اب تک عرشِ اعلیٰ کوہے سکتہ تیری ہیبت کا

 

وکیل اپنا کیا ہے اَحمد مختار کو میں نے

نہ کیوں کر پھر رہائی میری منشا ہو عدالت کا

 

بلاتے ہیں اسی کو جس کی بگڑی یہ بناتے ہیں

کمر بندھنا دیارِ طیبہ کو کھلنا ہے قسمت کا

 

کھلیں اِسلام کی آنکھیں ہوا ساراجہاں روشن

عرب کے چاندصدقے کیاہی کہنا تیری طلعت کا

 

نہ کر رُسوائے محشر واسطہ محبوب کا یارب

یہ مجرم دُور سے آیا ہے سن کر نام رحمت کا

 

مرادیں مانگنے سے پہلے ملتی ہیں مدینہ میں

ہجوم جود نے روکا ہے بڑھنا دست حاجت کا

 

شب اَسری ترے جلوؤں نے کچھ ایسا سماں باندھا

کہ اب تک عرشِ اَعظم منتظر ہے تیری رخصت کا

 

یہاں کے ڈوبتے دَم میں ادھر جا کر اُبھرتے ہیں

کنارہ ایک ہے بحرِ ندامت بحرِ رحمت کا

 

غنی ہے دل بھرا ہے نعمت کونین سے دامن

گدا ہوں میں فقیر آستانِ خود بدولت کا

 

طوافِ روضۂ مولیٰ پہ نا واقف بگڑتے ہیں

عقیدہ اور ہی کچھ ہے اَدَب دانِ محبت کا

 

خزانِ غم سے رکھنا دور مجھ کواس کے صدقے میں

جو گل اے باغباں ہے عطر تیرے باغ صنعت کا

 

الٰہی بعد مردن پردہ ہائے حائل اُٹھ جائیں

اُجالا میرے مرقد میں ہو اُن کی شمع تربت کا

 

سنا ہے روزِ محشرآپ ہی کا مونہہ تکیں گے سب

یہاں پورا ہوا مطلب دلِ مشتاق رُویت کا

 

وجودِ پاک باعث خلقت مخلوق کا ٹھہرا

تمہاری شانِ وَحدت سے ہوا اِظہار کثرت کا

 

ہمیں بھی یاد رکھنا ساکنانِ کوچۂ جاناں

سلامِ شوق پہنچے بیکسانِ دَشت غربت کا

 

حسنؔ سرکارِ طیبہ کا عجب دَربارِ عالی ہے

درِ دولت پہ اِک میلا لگا ہے اَہل حاجت کا

 

 

 

Kahoon Kya Haal Zahid , Gulshan Tayyiba Ki Nuzhat Ka
Ke Hai Khuld Bareen Chhota Sa Tukda Meri Jannat Ka

Taala Allah Shaukat Tairay Naam Pak Ki Aaqa
Ke Ab Tak Arsh Aala Ko Hai Saktah Teri Haibat Ka

Wakeel Apna Kya Hai Ahmed Mukhtaar Ko Mein Ne
Nah Kyun Kar Phir Rihayi Meri Mansha Ho Adalat Ka

Bulatay Hain Usi Ko Jis Ki Bigri Woh Banatay Hain
Kamar Bandhna Dyarِ Tayyiba Ko Khilna Hai Qismat Ka

Khulein Islam Ki Ankhen Sun-Hwa Sara Jahan Roshan
Arab Ke Chaand Sadqy Kya Hi Kehna Teri Talat Ka

Nah Kar رسواے Mahshar , Vaastaa Mehboob Ka Ya Rab
Yeh Mujrim Door Se Aaya Hai Sun Kar Naam Rehmat Ka

Mradin Mangnay Se Pehlay Millti Hain Madinah Mein
Hajhoom Jood Ne Roka Hai Barhna Dastay Haajat Ka

Shab_E_ اسری Tre Jloon Ne Kuch Aisa Samaa Baandha
Ke Ab Tak Arsh Azam Muntazir Hai Teri Rukhsat Ka

Yahan Ke Doubtey Dam Mein Udhar Ja Kar Ubharte Hain
Kinara Aik Hai Behar Nedamat Behar Rehmat Ka

Ghanni Hai Dil, Bhara Hai Nemat Konain Se Daman
Gadda Hon Mein Faqeer Aastan Khud Badolat Ka

Tuwaf Roza Mooli Pay Nawaqif Bigartai Hain
Aqeedah Aur Hi Kuch Hai Adab Daan Mohabbat Ka

Khazaan Gham Se Rakhna Door Mujh Ko Uss Ke Sadqy Mein
Jo Gul Ae باغباں Hai Itar Tairay Baghِ Sanat Ka

Ellahi Baad مردن Parda ہاے Haail Aُth Jayen
Ujala Mere Marqad Mein Ho Unn Ki Shama Tُrbt Ka

Suna Hai Roz-E- Mahshar Aap Hi Ka Mun تکیں Ge Sab
Yahan Poora Sun-Hwa Matlab Dil E Mshtaqِ رؤیت Ka

Wujood Pak Baais Khalqat Makhlooq Ka Thehra
Tumhari Shan-E Wahdat Se Sun-Hwa Izhaar Kasrat Ka

Hamein Bhi Yaad Rakhna ساکنان Koocha Janan
Salam Shoq Puhanche Be Kisaan Dast-E Gurbat Ka

حسنؔ Sarkar Tayyiba Ka Ajab Darbaar Aliiiii Hai
Dar-E Doulat Pay Ik Mela Laga Hai Ehley Haajat Ka

 

Tasawwur Lutf Deta Hai Dahane Paak Sarwar Ka Lyrics

 

تصور لطف دیتا ہے دہانِ پاک سرور کا

تصور لطف دیتا ہے دہانِ پاک سروَر کا

بھرا آتا ہے پانی میرے مونہہ میں حوضِ کوثر کا

 

جو کچھ بھی وَصف ہو اُن کے جمالِ ذَرَّہ پروَر کا

مِرے دیوان کا مَطلع ہو مَطلع مہرِ محشر کا

 

مجھے بھی دیکھنا ہے حوصلہ خورشیدِ محشر کا

لئے جاؤں گا چھوٹا سا کوئی ذَرَّہ تِرے دَر کا

 

جو اِک گوشہ چمک جائے تمہارے ذَرَّۂ در کا

ابھی مونہہ دیکھتا رہ جائے آئینہ سکندر کا

 

اگر جلوہ نظر آئے کف پائے منور کا

ذرا سا مونہہ نکل آئے ابھی خورشید محشر کا

 

اگر دَم بھر تصور کیجئے شانِ پیمبر کا

زباں پر شور ہو بے ساختہ اَللّٰہُ اَکْبَر کا

 

اُجالا طور کا دیکھیں جمالِ جاں فزا دیکھیں

کلیم آکر اُٹھا دیکھیں ذرا پردہ ترے دَر کا

 

دو عالم میہماں تو میزباں خوانِ کرم جاری

ادھر بھی کوئی ٹکڑا میں بھی کتا ہوں ترے در کا

 

نہ گھر بیٹھے ملے جوہر صفا و خاکساری کے

مرید ذرّۂ طیبہ ہے آئینہ سکندر کا

 

اگر اس خندۂ دنداں نما کا وصف موزوں ہو

ابھی لہرا چلے بحرِ سخن سے چشمہ گوہر کا

 

تِرے دامن کا سایہ اور دامن کتنے پیارے ہیں

وہ سایہ دشت محشر کا یہ حامی دِیدۂ تر کا

 

تمہارے کوچہ و مرقد کے زائر کو میسر ہے

نظارہ باغِ جنت کا تماشہ عرشِ اَکبر کا

 

گنہگارانِ اُمت ان کے دامن پر مچلتے ہوں

الٰہی چاک ہو جس دم گریباں صبح محشر کا

 

ملائک جن و اِنساں سب اسی دَر کے سلامی ہیں

دو عالم میں ہے اک ُشہرہ مِرے محتاج پروَر کا

 

الٰہی تشنہ کامِ ہجر دیکھے دشت محشر میں

برسنا اَبر رحمت کا چھلکنا حوضِ کوثر کا

 

زیارت میں کروں اور وہ شفاعت میری فرمائیں

مجھے ہنگامۂ عیدین یارب دن ہو محشر کا

 

نصیب دوستاں ان کی گلی میں گر سکونت ہو

مجھے ہو مغفرت کا سلسلہ ہر تار بستر کا

 

وہ گریہ اُستن حنانہ کا آنکھوں میں پھرتا ہے

حضوری نے بڑھایا تھا جو پایا اَوجِ منبر کا

 

ہمیشہ رہروانِ طیبہ کے زیر قدم آئے

الٰہی کچھ تو ہو اعزاز میرے کاسۂ سر کا

 

سہارا کچھ نہ کچھ رکھتا ہے ہر فردِ بشر اپنا

کسی کو نیک کاموں کا حسنؔ کو اپنے یاوَر کا

 

 

Tasawwur Lutf Deta Hai Dahane E Paak Sarwar Ka

Bhara Aata Hai Pani Mere Muhn Main Hauz E Kausar Ka

Jo Kuchh Bhi Ho Un Ke Jamal E Zarrahe Parwar Ka
Mere Deewan Ka Matla Mahre Maheshar Ka

Tasawwur Lutaf Deta Hai دہان Pak Suroor Ka
Bhara Aata Hai Pani Mere Mun Mein Hoz Kusar Ka

Jo Kuch Bhi Wasf Ho Unn Ke Jamal Zarraa Parwar Ka
Marey Dewan Ka Mutala Ho Mutala Mohar Mahshar Ka

Mujhe Bhi Dekhna Hai Hosla Khurshid Mahshar Ka
Liye جاؤں Ga Chhota Sa Koi Zarraa Tre Dar Ka

Jo Ik Gosha Chamak Jaye Tumahray Zarraa Dar Ka
Abhi Mun Daikhta Reh Jaye Aaina Sikandar Ka

Agar Jalva Nazar Aaye Kaf-E پاے Munawar Ka
Zara Sa Mun Nikal Aaye Abhi Khurshid Mahshar Ka

Agar Dam Bhar Tasawwur Kiijiye Shan-E Peyambar Ka
Zuba Pay Shore Ho Be Sakhta اﷲ Akbar Ka

Ujala Tor Ka Dekhen Jamal Jaan Fza Dekhen
Claim Aa Kar Uttha Dekhen Zara Parda Tre Dar Ka

Do Aalam میہماں, To Mizban, Khawan Karam Jari
Idher Bhi Koi Tukda Mein Bhi Kutta Hon Tre Dar Ka

Nah Ghar Baithy Miley Johar Safa O Khaksari Ke
Mureed Zarraa Tayyiba Hai Aaina Sikandar Ka

Agar Uss Khanda Dandan Numa Ka Wasf Mozoon Ho
Abhi Lehra Chalay Behar Sukhan Se Chashma Gohar Ka

Tre Daman Ka Saya Aur Daman Kitney Pyare Hain
Woh Saya Dast-E Mahshar Ka Yeh Haami Deedaa Tar Ka

Tumahray Koocha O Marqad Ke Zair Ko Muyassar Hai
Nzarah Baghِ Jannat Ka, Tamasha Arsh Akbar Ka

گنہ گاران Aُmt Unn Ke Daman Par Machaltay Hon
Ellahi Chaak Ho Jis Dam Gireybn Subh-E Mahshar Ka

ملائک Jin O INSAA Sab Aِsi Dar Ke Salami Hain
Do Aalam Mein Hai Ik Shahrah Marey Mohtaaj Parwar Ka

Ellahi Tishna Kaam Hijar Dekhe Dast-E Mahshar Mein
Barasna Abre Rehmat Ka, Chhalakna Hoz Kusar Ka

Ziyarat Mein Karoon Aur Woh Shafaat Meri Farmaen
Mujhe Hungama Aydin Ya Rab Din Ho Mahshar Ka

Naseeb Doastaan Unn Ki Gali Mein Gir Sukoonat Ho
Mujhe Ho Mughfirat Ka Silsila Har Taar Bistar Ka

Woh Giryaa اسْتن Hinana Ka Aankhon Mein Phirta Hai
Huzoori Ne Badhaya Tha Jo Paya Awj Minbar Ka

Hamesha رہروان Tayyiba Ke Zair-E Qadam Aaye
Ellahi Kuch To Ho Aizaz Mere Kaasa Sir Ka

Sahara Kuch Nah Kuch Rakhta Hai Har Frdِ Bashar Apna
Kisi Ko Naik Kamon Ka حسنؔ Ko –Apne Yawar Ka

 

Mujrim E Haibat Zada Jab Fard E Isyan Lyrics

 

 

دن اور رات میں یکساں دیکھنا

امام بیہقی رَحْمَۃُ اللّٰہِ تَعَالٰی عَلَیْہ نے بروایت حضرت سیدنا ابن عباس رَضِیَ اللّٰہُ تَعَالٰی عَنْہُمَا نقل کیا کہ رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم اندھیری رات میں روشن دن کی طرح دیکھتے تھے ۔

(الخصائص الکبری للسیوطی، ۱ / ۱۰۴، دارالکتب العلمیۃ بیروت)

 

مجرم ہیبت زدہ جب فرد عصیاں لے چلا

مجرمِ ہیبت زَدہ جب فردِ عصیاں لے چلا

لطف شہ تسکین دیتا پیش یزداں لے چلا

 

دل کے آئینہ میں جو تصویر جاناں لے چلا

محفل جنت کی آرائش کا ساماں لے چلا

 

رَہروِ جنت کو طیبہ کا بیاباں لے چلا

دامن دل کھینچتا خارِ مغیلاں لے چلا

 

گل نہ ہو جائے چراغِ زینت گلشن کہیں

اپنے سر میں میں ہوائے دشت جاناں لے چلا

 

رُوئے عالم تاب نے بانٹا جو باڑا نور کا

ماہِ نو کشتی میں پیالا مہر تاباں لے چلا

 

گو نہیں رکھتے زمانہ کی وہ دولت اپنے پاس

پر زمانہ نعمتوں سے بھر کے داماں لے چلا

 

تیری ہیبت سے ملا تاجِ سلاطیں خاک میں

تیری رحمت سے گدا تخت سلیماں لے چلا

 

ایسی شوکت پر کہ اُڑتا ہے پھریرا عرش پر

جس گدا نے آرزو کی ان کو مہماں لے چلا

 

دَبدبہ کس سے بیاں ہو ان کے نام پاک کا

شیر کے مونھ سے سلامت جانِ سلماں لے چلا

 

صدقے اس رحمت کے ان کو روزِ محشر ہر طرف

ناشکیبا شورِ فریادِ اَسیراں لے چلا

 

ساز و سامانِ گدائے کوئے سروَر کیا کہوں

ان کا منگتا سروَری کے ساز و ساماں لے چلا

 

 

دو قدم بھی چل نہ سکتے ہم سر شمشیر تیز

ہاتھ پکڑے رَبِّ سَلِّم کا نگہباں لے چلا

 

دستگیرِ خستہ حالاں دستگیری کیجیے

پاؤں میں رَعشہ ہے سر پر بارِ عصیاں لے چلا

 

وقتِ آخر نااُمیدی میں وہ صورت دیکھ کر

دل شکستہ دل کے ہر پارہ میں قرآں لے چلا

 

قیدیوں کی جنبش اَبرو سے بیڑی کاٹ دو

ورنہ جرموں کا تسلسل سوئے زِنداں لے چلا

 

روزِ محشر شاد ہوں عاصی کہ پیش کبریا

رحم ان کو امتی گویاں و گریاں لے چلا

 

شکل شبنم راتوں کا رونا ترا اَبر کرم

صبحِ محشر صورتِ گل ہم کو خنداں لے چلا

 

کشتگانِ ناز کی قسمت کے صدقے جائیے

ان کو مقتل میں تماشائے شہیداں لے چلا

 

اختر اسلام چمکا کفر کی ظلمت چھنٹی

بدر میں جب وہ ہلالِ تیغ براں لے چلا

 

بزمِ خوباں کو خدا نے پہلے دیں آرائشیں

پھر مرے دولہا کو سوئے بزمِ خوباں لے چلا

 

اللّٰہ اللّٰہ صَرصَرِ طیبہ کی رنگ آمیزیاں

ہر بگولا نزہت سروِ گلستاں لے چلا

 

غمزدوں کو جب شفاعت نے کیا امیدوار

عفو خوشخبری سناتا پیش یزداں لے چلا

 

قطرہ قطرہ اُن کے گھر سے بحر عرفاں ہو گیا

ذَرَّہ ذَرَّہ اُن کے دَر سے مہر تاباں لے چلا

 

صبح محشر ہر اَدائے عارِضِ روشن میں وہ

شمع نور اَفشاں پئے شامِ غریباں لے چلا

 

شافع روزِ قیامت کا ہوں اَدنیٰ امتی

پھر حسنؔ کیا غم اگر میں بارِ عصیاں لے چلا

Mujrim Haibat Zada Jab Fardِe Isyaan Le Chala
Lutaf Sheh Taskeen Deta Paish Yazdan Le Chala

Dil Ke Aaina Mein Jo Tasweer Janan Le Chala
Mehfil Jannat Ki Araish Ka Saman Le Chala

Rubru Jannat Ko Tayyiba Ka Biyaabaan Le Chala
Daman E Dil Khinchtaa Khaar مغیلاں Le Chala

Gul Nah Ho Jaye Chairag Zeenat Gulshan Kahin
–Apne Sir Mein Mein ہواے Dast-E Janan Le Chala

Ravay Aalam Taab Ne Bnta Jo Baara Noor Ka
Mahe No Kashti Mein Piyala Mohar Taban Le Chala

Go Nahi Rakhtay Zamane Ki Woh Doulat –Apne Paas
Par Zamana Nematon Se Bhar Ke Daman Le Chala

Teri Haibat Se Mila Taaj سلاطیں Khaak Mein
Teri Rehmat Se Gadda Tkhtِ سلیماں Le Chala

Aisi Shaukat Par Ke Udta Hai Pharera Arsh Par
Jis Gadda Ne Arzoo Ki Unn Ko Mehmaan Le Chala

Dabdaba Kis Se Bayan Ho Unn Ke Naam Pak Ka
Sher Ke Mun Se Salamat Jaan-E سلماں Le Chala

Sadqy Uss Rehmat Ke Unn Ko Roz-E- Mahshar Har Taraf
ناشکیبا Shore Faryaad اسیراں Le Chala

Saaz O Samanِ گداے Kaway Suroor Kya Kahoon
Uss Ka منگتا Saroori Ke Saaz O Saman Le Chala

Do Qadam Bhi Chal Nah Satke Hum Sar-E Shamsheer Taiz
Haath Pakdae Rab سلمْ Ka Ng_Hban Le Chala

Dastagir Khasta Halan Dast Gary Kiijiye
Paon Mein Rasha Hai Sir Par Bari عصیاں Le Chala

Waqt E Aakhir Na Aُmidi Mein Woh Soorat Dekh Kar
Dil Shakista Dil Ke Har Parah Mein Qraan Le Chala

Qaidyoun Ki Jnbshِ Abrow Se Beyri Kaat Do
Warna Jrmon Ka Tasalsul سوے Zandan Le Chala

Roz-E- Mahshar Shaad Hon Aassi Ke Pishِ Kibriya
REHAM Unn Ko امتیْ Goyan O Giryaan Le Chala

Shakal Shabnam Raton Ka Rona Tra Abre Karam
Subh-E Mahshar Surat_E_ Gul Hum Ko Khandan Le Chala

کشتگان Naz Ki Qismat Ke Sadqy Jayye
Unn Ko Maqtal Mein تماشاے Shaheedan Le Chala

Akhtar Islam Chamka, Kufar Ki Zulmat چھنٹی
Badar Mein Jab Woh Hlalِ Tegh Barran Le Chala

Bzmِ Khuban Ko Kkhuda Ne Pehlay Di آرائشیں
Phir Marey Dulha Ko سوے Bzmِ Khuban Le Chala

اﷲ اﷲ Sar Sar Tayyiba Ki Rang آمیزیاں
Har Bagula Nuzhat Saro Gulisitan Le Chala

Qatra Qatra Unn Ke Ghrse Behar Arfaan Ho Gaya
Zarraa Zarraa Unn Ke Dar Se Mohar Taban Le Chala

Subh-E Mahshar Har اداے Aariz Roshan Hain Woh
Shama Noor Afshaan Piye Shamِ Gharibaan Le Chala

Shafey Roz-E- Qayamat Ka Hon Adna Ummati
Phir حسنؔ Kya Gham Agar Mein Bari عصیاں Le Chala

 

 

 

Qibla Ka Bhi Kaaba Rukhe Neko Nazar Aaya Lyrics

 

قبلہ کا بھی کعبہ رُخِ نیکو نظر آیا

قبلہ کا بھی کعبہ رُخِ نیکو نظر آیا

کعبہ کا بھی قبلہ خمِ اَبرو نظر آیا

 

محشر میں کسی نے بھی مری بات نہ پوچھی

حامی نظر آیا تو بس اِک تو نظر آیا

 

پھر بند کشاکش میں گرفتار نہ دیکھے

جب معجزۂ جنبش اَبرو نظر آیا

 

اس دل کے فدا جو ہے تری دید کا طالب

اُن آنکھوں کے قربان جنہیں تو نظر آیا

 

سلطان و گدا ہیں سب تِرے دَر کے بھکاری

ہر ہاتھ میں دروازہ کا بازو نظر آیا

 

سجدہ کو جھکا جائے براہیم میں کعبہ

جب قبلۂ کونین کا اَبرو نظر آیا

 

بازارِ قیامت میں جنہیں کوئی نہ پوچھے

ایسوں کا خریدار ہمیں تو نظر آیا

 

محشر میں گنہگار کا پلہ ہوا بھاری

پلہ پہ جو وہ قربِ ترازو نظر آیا

 

یا دیکھنے والا تھا ترا یا ترا جویا

جو ہم کو خدا بین و خدا جو نظر آیا

 

شل ہاتھ سلاطیں کے اُٹھے بہر گدائی

دروازہ ترا قوتِ بازو نظر آیا

 

یوسف سے حسیں اور تمنائے نظارہ

عالم میں نہ تم سا کوئی خوش رُو نظر آیا

 

فریادِ غریباں سے ہے محشر میں وہ بے چین

کوثر پہ تھا یا قربِ ترازو نظر آیا

 

تکلیف اُٹھا کر بھی دعا مانگی عدو کی

خوش خلق نہ ایسا کوئی خوش خو نظر آیا

 

ظاہر ہیں حسنؔ احمد مختار کے معنٰے

کونین پہ سرکار کا قابو نظر آیا

 

 

Qibla Ka Bhi Kaaba Rukhe Neko Nazar Aaya

Kabba Ka Bhi Qibla Khame Abru Nazar Aaya

 

Mahshr Mr Kisi Ne Bhi Meri Bat Na Puchhi

Hami Nazar Aaya To Bas Ik Tu Nazar Aaya

 

Qibla Ka Bhi Kaaba Rukh E Naiko Nazar Aaya
Kaaba Ka Bhi Qibla Khham Abrow Nazar Aaya

Mahshar Mein Kisi Ne Bhi Meri Baat Nah Poochi
Haami Nazar Aaya To Bas Ik To Nazar Aaya

Phir Bndِ Kashakash Mein Girftar Nah Dekhe
Jab Moujza Jnbshِ Abrow Nazar Aaya

Uss Dil Ke Fida Jo Hai Tri Deed Ka Taalib
Unn Aankhon Ke Qurbaan Jinhen To Nazar Aaya

Sultan O Gadda Sab Hain Tre Dar Ke Bhikari
Har Haath Mein Darwazay Ka Baazu Nazar Aaya

Sajda Ko Jhuka Jaye Baraahim Mein Kaaba
Jab Qibla Konain Ka Abrow Nazar Aaya

Bazarِ Qayamat Mein Jinhen Koi Nah Pouchye
Aison Ka Khredar Hamein To Nazar Aaya

Mahshar Mein گنہ Gaar Ka Palla Sun-Hwa Bhaari
Palla Pay Jo Woh Qurb Traazo Nazar Aaya

Ya Dekhnay Wala Tha Tra Ya Tra Joya
Jo Hum Ko Kkhuda Bِin O Kkhuda Jُo Nazar Aaya

Shall Haath سلاطیں Ke Uthay Bahar Gadai
Darwaaza Tra Qotِ Baazu Nazar Aaya

Yousuf Se Hsin Aur تمناے Nzarah
Aalam Mein Nah Tum Sa Koi Khush Roo Nazar Aaya

Faryaad Gharibaan Se Hai Mahshar Mein Woh Be Chain
Kusar Pay Tha Ya Qurb Traazo Nazar Aaya

Takleef Uttha Kar Bhi Dua Mangi Ado Ki
Khush Khalq Nah Aisa Koi Khush Khoo Nazar Aaya

Zahir Hain حسنؔ Ahmed Mukhtaar Ke Maienay
Konain Pay Sarkar Ka Qaboo Nazar Aaya

 

AISA TUJHE KHALIQ NE TARAH DAAR BANAYA LYRICS

 

ایسا تجھے خالق نے طرح دار بنایا

ایسا تجھے خالق نے طرح دار بنایا

یوسف کو ترا طالب دیدار بنایا

 

طلعت سے زمانہ کو پراَنوار بنایا

نکہت سے گلی کوچوں کو گلزار بنایا

 

دیواروں کو آئینہ بناتے ہیں وہ جلوے

آئینوں کو جن جلوؤں نے دیوار بنایا

 

وہ جنس کیا جس نے جسے کوئی نہ پوچھے

اس نے ہی مرا تجھ کو خریدار بنایا

 

اے نظم رسالت کے چمکتے ہوئے مقطع

تو نے ہی اِسے مطلعِ اَنوار بنایا

 

کونین بنائے گئے سرکار کی خاطر

کونین کی خاطر تمہیں سرکار بنایا

 

کنجی تمہیں دی اپنے خزانوں کی خدا نے

محبوب کیا مالک و مختار بنایا

 

اللّٰہ کی رحمت ہے کہ ایسے کی یہ قسمت

عاصی کا تمہیں حامی و غمخوار بنایا

 

آئینۂ ذات احدی آپ ہی ٹھہرے

وہ حسن دیا ایسا طرح دار بنایا

 

اَنوارِ تجلی سے وہ کچھ حیرتیں چھائیں

سب آئینوں کو پشت بدیوار بنایا

 

عالم کے سلاطین بھکاری ہیں بھکاری

سرکار بنایا تمہیں سرکار بنایا

گلزار کو آئینہ کیا مونھ کی چمک نے

آئینہ کو رخسار نے گلزار بنایا

 

یہ لذتِ پابوس کہ پتھر نے جگر میں

نقش قدمِ سید اَبرار بنایا

 

خدام تو بندے ہیں ترے خلق حسن نے

پیارے تجھے بدخواہ کا غمخوار بنایا

 

بے پردَہ وہ جب خاک نشینوں میں نکل آئے

ہر ذَرَّہ کو خورشید پُراَنوار بنایا

 

اے ماہِ عرب مہر عجم میں تِرے صدقے

ظلمت نے مِرے دن کو شب تار بنایا

 

لِلّٰہ کرم میرے بھی ویرانۂ دل پر

صحرا کو تِرے حسن نے گلزار بنایا

 

اللّٰہ تعالیٰ بھی ہوا اس کا طرفدار

سرکار تمہیں جس نے طرفدار بنایا

 

گلزارِ جناں تیرے لئے حق نے بنائے

اپنے لئے تیرا گل رُخسار بنایا

 

بے یار و مددگار جنہیں کوئی نہ پوچھے

ایسوں کا تجھے یار و مددگار بنایا

 

ہر بات بداَعمالیوں سے میں نے بگاڑی

اور تم نے مِری بگڑی کو ہر بار بنایا

 

اُس جلوہ ٔ رنگیں کا تصدق تھا کہ جس نے

فردوس کے ہر تختہ کو گلزار بنایا

 

ان کے دُرِ دَنداں کا وہ صدقہ تھا کہ جس نے

ہر قطرۂ نیساں دُرِّ شہوار بنایا

 

اس رُوحِ مجسم کے تبرک نے مسیحا

جاں بخش تمہیں یوں دَمِ ُگفتار بنایا

 

اس چہرۂ پر نور کی وہ بھیک تھی جس نے

مہر و مہ و انجم کو پُراَنوار بنایا

 

ان ہاتھوں کا جلوہ تھا یہ اے حضرتِ موسیٰ

جس نے ید بیضا کو ضیا بار بنایا

 

ان کے لب رنگیں کی نچھاور تھی وہ جس نے

پتھر میں حسنؔ لعل پُراَنوار بنایا

 

 

Aisa Tujhe Khaaliq Ne Tarahdaar Banaya
Yusuf Ko Tera Taalib E Deedar Banaya

Kaunain Banaaye Gaye Sarkaar Ki Khaatir
Kaunain Ki Khaatir Tumhein Sarkaar Banaya

Kunji Tumhein Di Apne Khazaanon Ki Khuda Ne
Mehboob Kiya Maalik O Mukhtaar Banaya

Allah Ki Rehmat Hai Ke Aise Ki Ye Qismat
Aasi Ka Tumhein Haami O Ghumkhwaar Banaya

Aalam Ke Salaateen Bhikaari Hain Bhikaari
Sarkaar Banaya Tumhein Sarkaar Banaya

Lillah Karam Mere Bhi Veerana E Dil Par
Sehra Ko Tere Husn Ne Gulzaar Banaya

Allah Ta’ala Bhi Huwa Uss Ka Tarafdaar
Sarkaar Tumhein Jis Ka Tarafdaar Banaya

Gulzaar E Jinaan Tere Liye Haq Ne Banaye
Apne Liye Tera Gul E Rukhsaar Banaya

Be Yaaro Madadgaar Jinhein Koi Na Pooche
Aison Ka Tujhe Yaaro Madadgaar Banaya

Har Baat Bad A’amaliyon Se Maine Bigaadi
Aur Tum Ne Meri Bigdi Ko Har Baar Banaya

Unn Ke Lab E Rangeen Ki Nichhaawar Thi Wo Jis Ne
Patthar Mein Hasan La’al E Pur Anwaar Banaya

 

Tumhara Naam Musibat Mein Jab Liya Hoga Complete Lyrics

 

تمھارا نام مصیبت میں جب لیا ہو گا

تمہارا نام مصیبت میں جب لیا ہوگا

ہمارا بگڑا ہوا کام بن گیا ہوگا

 

گناہگار پہ جب لطف آپ کا ہوگا

کیا بغیر کیا بے کیا کیا ہوگا

 

خدا کا لطف ہوا ہوگا دست گیر ضرور

جو گرتے گرتے ترا نام لے لیا ہوگا

 

دکھائی جائے گی محشر میں شانِ محبوبی

کہ آپ ہی کی خوشی آپ کا کہا ہوگا

 

خدائے پاک کی چاہیں گے اَگلے پچھلے خوشی

خدائے پاک خوشی اُن کی چاہتا ہوگا

 

کسی کے پاؤں کی بیڑی یہ کاٹتے ہونگے

کوئی اَسیر غم ان کو پکارتا ہوگا

 

کسی طرف سے صدا آئے گی حضور آؤ

نہیں تو دَم میں غریبوں کا فیصلہ ہوگا

 

کسی کے پلہ پہ یہ ہوں گے وقت وَزنِ عمل

کوئی اُمید سے مونھ ان کا تک رہا ہوگا

 

کوئی کہے گا دُہائی ہے یَا رَسُوْلَ اللّٰہ

تو کوئی تھام کے دامن مچل گیا ہوگا

 

کسی کو لے کے چلیں گے فرشتے سوئے جحیم

وہ اُن کا راستہ پھر پھر کے دیکھتا ہوگا

 

شکستہ پا ہوں مِرے حال کی خبر کر دو

کوئی کسی سے یہ رو رو کے کہہ رہا ہوگا

 

خدا کے واسطے جلد ان سے عرض حال کرو

کسے خبر ہے کہ دَم بھر میں ہائے کیا ہو گا

 

پکڑ کے ہاتھ کوئی حالِ دل سنائے گا

تو رو کے قدموں سے کوئی لپٹ گیا ہوگا

 

زبان سوکھی دکھا کر کوئی لب کوثر

جنابِ پاک کے قدموں پہ گر گیا ہوگا

 

نشانِ خسروِ دِیں دُور کے غلاموں کو

لوائے حمد کا پرچم بتا رہا ہوگا

 

کوئی قریب ترازو کوئی لبِ کوثر

کوئی صراط پر ان کو پکارتا ہوگا

 

یہ بے قرار کرے گی صدا غریبوں کی

مقدس آنکھوں سے تار اَشک کا بندھا ہو گا

 

وہ پاک دل کہ نہیں جس کو اپنا اَندیشہ

ہجومِ فکر و تردُّد میں گھر گیا ہوگا

 

ہزار جان فدا نرم نرم پاؤں سے

پکار سن کے اَسیروں کی دوڑتا ہوگا

 

عزیز بچہ کو ماں جس طرح تلاش کرے

خدا گواہ یہی حال آپ کا ہوگا

 

خدائی بھر انہیں ہاتھوں کو دیکھتی ہوگی

زمانہ بھر انہیں قدموں پہ لوٹتا ہوگا

 

بنی ہے دَم پہ دُہائی ہے تاج والے کی

یہ غل یہ شور یہ ہنگامہ جا بجا ہوگا

 

مقام فاصلوں پر کام مختلف اتنے

وہ دن ظہورِ کمالِ حضور کا ہوگا

 

کہیں گے اور نبی اِذْ ھَبُوْا اِلٰی غَیْرِیْ

مرے حضور کے لب پر اَنَا لَھَا ہوگا

 

دُعائے امت بدکار وِردِ لب ہوگی

خدا کے سامنے سجدہ میں سر جھکا ہوگا

 

غلام ان کی عنایت سے چین میں ہونگے

عدو حضور کا آفت میں مبتلا ہوگا

 

میں ان کے در کا بھکاری ہوں فضل مولیٰ سے

حسنؔ فقیر کا جنت میں بسترا ہوگا

 

Tumhara Naam Musibat Mein Jab Liya Hoga
Hamara Bigda Huwa Kaam Bann Gaya Hoga

Gunahgaar Pe Jab Lutf Aapka Hoga
Kiya Bagair Kiya Be-Kiya Kiya Hoga

Khuda Ka Lutf Huwa Hoga Dastageer Zaroor
Jo Girte Girte Tera Naam Le Liya Hoga

Dikhayi Jayegi Mehshar Mein Shaan E Mehboobi
Ke Aap Hi Ki Khushi Aapka Kaha Hoga

Khuda E Paak Ki Chahenge Agle Pichle Khushi
Khuda E Paak Khushi Unki Chahta Hoga

Kisi Ke Paanv Ki Bedi Ye Kaat-Te Honge
Koyi Aseer E Gham Unko Pukarta Hoga

Kisi Taraf Se Sada Aayegi Huzoor Aao
Nahi To Damm Mein Ghareebo Ka Faysla Hoga

Kisi Ke Palle Pe Ye Honge Waqt E Wazn E Amal
Koyi Ummeed Se Muh Unnka Tak Raha Hoga

Koyi Kahega Duhayi Hai Ya Rasoolallah
To Koyi Thaam Ke Daman Machal Gaya Hoga

Kisi Ko Le Ke Chalenge Firishte Suwe Jaheem
Woh Unka Raasta Phir Phir Ke Dekhta Hoga

Shikashta Pa Hu Mere Haal Ki Khabar Kar Do
Koyi Kisi Ye Ro Ro Ke Keh Raha Hoga

Khuda Ke Waaste Jald Unse Arz E Haal Karo
Kise Khabar Hai Ke Damm Bhar Mein Haaye Kya Hoga

Pakad Ke Haath Koyi Haal E Dil Sunayega
To Ro Ke Qadmo(N) Se Koyi Lipat Gaya Hoga

Zaban Sukhi Dikha Kar Koyi Lab E Kausar
Janaab E Paak Ke Qadmo Pe Gir Gaya Hoga

Nishaan E Khushrave Di Door Ki Ghulamo Ko
Liwaye Hamd Ka Parcham Bata Raha Hoga

Koyi Qareeb E Tarazu Koyi Lab E Kausar
Koyi Siraat Se Unko Pukaarta Hoga

Ye Beqaraar Karegi Sadaa Ghareebo Ki
Muqaddas Aankhon Se Taar Ashq Ka Bandha Hoga

Wo Paak Dil Ke Nahi Jisko Apna Andesha
Hujoom E Fiqr O Taraddud Mein Ghir Gaya Hoga

Hazaar Jaan Fida Narm Narm Pau Se
Pukaar Sun Ke Aseero(N) Ki Daudta Hoga

Azeez Bachhe Ko Maa(N) Jis Tarah Talaash Kare
Khuda Gawah Wahi Haal Aapka Hoga

Khudayi Bhar Inhi Haathon Ko Dekhti Hogi
Zamana Bhar Inhi Qadmo(N) Pe Laut-Ta Hoga

Bani Hai Damm Pe Duhayi Hai Taaj Waale Ki
Ye Ghul Ye Shour Ye Hungame Ja-Ba-Ja Hoga

Maqaam Faasilo(N) Par Kaam Mukhtalif Itne
Ye Din Zuhoor E Kamaal E Huzoor Ka Hoga

Kahenge Aur Nabi “Iz Habu Ila Gayri”
Mere Huzoor Ke Lab Par “Ana Laha” Hoga

Dua E Ummate Badkaar Wird E Lab Hogi
Khuda Ke Saamne Sajdeh Mein Sarr Jhuka Hoga

Ghulam Unki Inayat Se Chayn Mein Honge
Aduu Huzoor Ka Aafat Mein Mubtala Hoga

Main Unke Dar Ka Bhikari Hu Fazl E Maula Se
Hasan Faqeer Ka Jannat Mein Bistara Hoga

 

Ye Ikraam Hai Mustafa Par Khuda Ka Naat Lyrics

 

یہ اکرام ہے مصطفٰے پر خدا کا

یہ اِکرام ہے مصطفیٰ پر خدا کا

کہ سب کچھ خدا کا ہوا مصطفیٰ کا

 

یہ بیٹھا ہے سکہ تمہاری عطا کا

کبھی ہاتھ اُٹھنے نہ پایا گدا کا

 

چمکتا ہوا چاند غارِ حرا کا

اُجالا ہوا برجِ عرشِ خدا کا

 

لحد میں عمل ہو نہ دیو بلا کا

جو تعویذ میں نقش ہو نقشِ پا کا

 

جو بندہ خدا کا وہ بندہ تمہارا

جو بندہ تمہارا وہ بندہ خدا کا

 

مِرے گیسوؤں والے میں تیرے صدقے

کہ سر پر ہجومِ بلا ہے بلا کا

 

تِرے زیر پا مسندِ مُلک یزداں

تِرے فرق پر تاج مُلکِ خدا کا

 

سہارا دیا جب مِرے ناخدا نے

ہوئی ناؤ سیدھی پھرا رُخ ہوا کا

 

کیا ایسا قادِر قضا و قدر نے

کہ قدرت میں ہے پھیر دینا قضا کا

 

اگر زیر دیوارِ سرکار بیٹھوں

مِرے سر پہ سایہ ہو فضلِ خدا کا

 

ادَب سے لیا تاجِ شاہی نے سر پر

یہ پایا ہے سرکار کے نقشِ پا کا

 

خدا کرنا ہوتا جو تحت مشیت

خدا ہو کر آتا یہ بندہ خدا کا

 

اَذاں کیا جہاں دیکھو ایمان والو

پسِ ذِکر حق ذِکر ہے مصطفی کا

 

کہ پہلے زباں حمد سے پاک ہو لے

تو پھر نام لے وہ حبیب خدا کا

 

یہ ہے تیرے اِیمائے اَبرو کا صدقہ

ہدف ہے اثر اپنے تیر دعا کا

 

ترا نام لے کر جو مانگے وہ پائے

ترا نام لیوا ہے پیارا خدا کا

 

نہ کیونکر ہو اس ہاتھ میں سب خدائی

کہ یہ ہاتھ تو ہاتھ ہے کبریا کا

 

جو صحرائے طیبہ کا صدقہ نہ ملتا

کھلاتا ہی نہ پھول جھونکا صبا کا

 

عجب کیا نہیں گر سراپا کا سایہ

سراپا سراپا ہے سایہ خدا کا

 

خدا مدح خواں ہے خدا مدح خواں ہے

مِرے مصطفیٰ کا مِرے مصطفیٰ کا

 

خدا کا وہ طالب خدا اس کا طالب

خدا اس کا پیارا وہ پیارا خدا کا

 

جہاں ہاتھ پھیلا دے منگتا بھکاری

وہی در ہے داتا کی دولت سرا کا

 

تِرے رتبہ میں جس نے چون و چرا کی

نہ سمجھا وہ بدبخت رُتبہ خدا کا

 

تِرے پاؤں نے سر بلندی وہ پائی

بنا تاجِ سر عرشِ ربِّ علا کا

 

کسی کے جگر میں تو سر پر کسی کے

عجب مرتبہ ہے تِرے نقش پا کا

 

ترا دَردِ اُلفت جو دِل کی دوا ہو

وہ بے دَرد ہے نام لے جو دَوا کا

 

تِرے بابِ عالی کے قربان جاؤں

یہ ہے دُوسرا نام عرشِ خدا کا

 

چلے آؤ مجھ جاں بلب کے کنارے

کہ سب دیکھ لیں پھر کے جانا قضا کا

 

بھلا ہے حسنؔ کا جنابِ رضا سے

بھلا ہو الٰہی جنابِ رضا کا

 

Ye Ikraam Hai Mustafa Par Khuda Ka
Ke Sub Kuch Khuda Ka Huwa Mustafa Ka

Ye Betha Hai Sikka Tumhari Ataa Ka
Kabhi Haat Uthne Na Payaa Ghadaa Ka

Ye Ikram Hai Mustafa Par Khuda Ka
Ke Sub Kuch Khuda Ka Huwa Mustafa Ka

Saharaa Diya Jub Mere Na Khuda Ne
Huwee Nawa Sayyidee Pira Roekh Huwa Ka

Ye Ikram Hai Mustafa Par Khuda Ka
Ke Sub Kuch Khuda Ka Huwa Mustafa Ka

Azaan Kya Jahaan Dekho Imaan Waalo
Pase Zikre Hai Mustafa Ka

Ye Ikram Hai Mustafa Par Khuda Ka
Ke Sub Kuch Khuda Ka Huwa Mustafa Ka

Ke Pehle Zubaan Hamd Se Paak Howe
To Phir Naam Le Wo Habeebe Khuda Ka

Ye Ikram Hai Mustafa Par Khuda Ka
Ke Sub Kuch Khuda Ka Huwa Mustafa Ka

Tera Naam Le Kar Jo Maanghe Woh Paaye
Tera Naam Lewaa Hai Pyaara Khuda Ka

Ye Ikram Hai Mustafa Par Khuda Ka
Ke Sub Kuch Khuda Ka Huwa Mustafa Ka

Bhalaa He Hasan Ka Janaabe Raza Se
Bhalaa Ho Ilahee Janaabe Raza Ka

Ye Ikram Hai Mustafa Par Khuda Ka
Ke Sub Kuch Khuda Ka Huwa Mustafa Ka

 

 

Aaein Baharain Barse Jhale Lyrics
Aap Ke Dar Ki Ajab Tauqeer Hai Lyrics
Ae Madine Ke Tajdar Salam Lyrics
Aey Rahat E Jaan Jo Tere Qadmon Se Laga Ho Lyrics
Agar Chamka Muqaddar Khaak Paye Rah-Rwaan Ho Kar Lyrics
Agar Qismat Se Mein Un Ki Gali Mein Khak Ho Jata Lyrics
Aisa Tujhe Khaliq Ne Tarah Daar Banaya Lyrics
Ajab Karam Shah E Wala Tabar Karte Hain Lyrics
Ajab Rang Par Hai Bahare Madina Lyrics

 

سر صبح سعادت نے گریباں سے نکالا

 

سر صبح سعادت نے گریباں سے نکالا

ظلمت کو ملا عالم اِمکاں سے نکالا

 

پیدائشِ محبوب کی شادی میں خدا نے

مدت کے گرفتاروں کو زِنداں سے نکالا

 

رحمت کا خزانہ پئے تقسیمِ گدایاں

اللّٰہ نے تہ خانۂ پنہاں سے نکالا

 

خوشبو نے عنادِل سے چھڑائے چمن و گل

جلوے نے پتنگوں کو شبستاں سے نکالا

 

ہے حُسنِ گلوئے مہ بطحا سے یہ روشن

اب مہر نے سر ان کے گریباں سے نکالا

 

پردہ جو تِرے جلوۂ رنگیں نے اُٹھایا

صَرصَر کا عمل صحنِ گلستاں سے نکالا

 

اُس ماہ نے جب مہر سے کی جلوہ نمائی

تاریکیوں کو شامِ غریباں سے نکالا

 

اے مہر کرم تیری تجلی کی ادا نے

ذَرَّوں کو بلائے شب ہجراں سے نکالا

 

صدقے تِرے اے مرد مک دیدۂ یعقوب

یوسف کو تری چاہ نے کنعاں سے نکالا

 

ہم ڈوبنے ہی کو تھے کہ آقا کی مدد نے

گرداب سے کھینچا ہمیں طوفاں سے نکالا

 

اُمت کے کلیجہ کی خلش تم نے مٹائی

ٹوٹے ہوئے نشتر کو رَگِ جاں سے نکالا

 

ان ہاتھوں کے قربان کہ ان ہاتھوں سے تم نے

خارِ رہِ غم پائے غریباں سے نکالا

 

اَرمان زَدوں کی ہیں تمنائیں بھی پیاری

اَرمان نکالا تو کس اَرماں سے نکالا

 

یہ گردنِ پر نور کا پھیلا ہے اُجالا

یا صبح نے سر اُن کے گریباں سے نکالا

 

گلزارِ براہیم کیا نار کو جس نے

اس نے ہی ہمیں آتش سوزاں سے نکالا

 

دینی تھی جو عالم کے حسینوں کو ملاحت

تھوڑا سا نمک اُن کے نمکداں سے نکالا

 

قرآں کے حواشی پہ جلالین لکھی ہے

مضموں یہ خطِ عارِضِ جاناں سے نکالا

 

قربان ہوا بندگی پر لطف رِہائی

یوں بندہ بنا کر ہمیں زِنداں سے نکالا

 

اے آہ مِرے دل کی لگی اور نہ بجھتی

کیوں تو نے دھواں سینۂ سوزاں سے نکالا

 

مدفن نہیں پھینک آئیں گے اَحباب گڑھے میں

تابوت اگر کوچۂ جاناں سے نکالا

 

کیوں شور ہے کیا حشر کا ہنگامہ بپا ہے

یا تم نے قدم گورِ غریباں سے نکالا

 

لاکھوں تِرے صدقے میں کہیں گے دمِ محشر

زِنداں سے نکالا ہمیں زِنداں سے نکالا

 

جو بات لب حضرتِ عیسٰی نے دکھائی

وہ کام یہاں جنبش داماں سے نکالا

 

منہ مانگی مرادوں سے بھری جیب دو عالم

جب دست کرم آپ نے داماں سے نکالا

 

کانٹا غمِ عقبے کا حسنؔ اپنے جگر سے

امت نے خیالِ سر مژگاں سے نکالا

 

 

اگر قسمت سے میں ان کی گلی میں خاک ہو جاتا

اگر قسمت سے میں ان کی گلی میں خاک ہو جاتا

غمِ کونین کا سارا بکھیڑا پاک ہو جاتا

 

جو اے گل جامۂ ہستی تری پوشاک ہو جاتا

تو خارِ نیستی سے کیوں اُلجھ کے چاک ہو جاتا

 

جو وہ اَبر کرم پھر آبروئے خاک ہو جاتا

تو اس کے دو ہی چھینٹوں میں زمانہ پاک ہو جاتا

 

ہوائے دامنِ رنگیں جو ویرانہ میں آ جاتی

لباسِ گل میں ظاہر ہر خس و خاشاک ہو جاتا

 

لب جاں بخش کی قربت حیاتِ جاوِداں دیتی

اگر ڈورا نفس کا ریشۂ مسواک ہو جاتا

 

ہوا دل سوختوں کو چاہیے تھی اُن کے دامن کی

الٰہی صبح محشر کا گریباں چاک ہو جاتا

 

اگر دو بوند پانی چشمۂ رحمت سے مل جاتا

مری ناپاکیوں کے میل دُھلتے پاک ہو جاتا

 

 

اگر پیوند ملبوسِ پیمبر کے نظر آتے

ترا اے حلۂ شاہی کلیجہ چاک ہوجاتا

 

جو وہ گل سونگھ لیتا پھول مرجھایا ہوا بلبل

بہارِ تازگی میں سب چمن کی ناک ہو جاتا

 

چمک جاتا مقدر جب دُرِ دَنداں کی طلعت سے

نہ کیوں رشتہ گہر کا ریشۂ مسواک ہوجاتا

 

عدو کی آنکھ بھی محشر میں حسرت سے نہ منھ تکتی

اگر تیرا کرم کچھ اے نگاہِ پاک ہو جاتا

 

بہارِ تازہ رہتیں کیوں خزاں میں دَھجیاں اُڑتیں

لباسِ گل جو اُن کی ملگجی پوشاک ہو جاتا

 

کماندارِ نبوت قادر اندازی میں یکتا ہیں

دو عالم کیوں نہ ان کا بستۂ فتراک ہو جاتا

 

نہ ہوتی شاق اگر دَر کی جدائی تیرے ذَرَّہ کو

قمر اِک اَور بھی روشن سر اَفلاک ہو جاتا

 

تری رحمت کے قبضہ میں ہے پیارے قلب ماہیت

مِرے حق میں نہ کیوں زہرِ گنہ تریاک ہو جاتا

 

خدا تارِ رَگِ جاں کی اگر عزت بڑھا دیتا

شراکِ نعل پاک سید لولاک ہو جاتا

 

تجلی گاہِ جاناں تک اُجالے سے پہنچ جاتے

جو تو اے توسن عمر رَواں چالاک ہو جاتا

 

اگر تیری بھرن اے اَبر رحمت کچھ کرم کرتی

ہمارا چشمۂ ہستی اُبل کر پاک ہو جاتا

 

حسنؔ اہل نظر عزت سے آنکھوں میں جگہ دیتے

اگر یہ مشت خاک اُن کی گلی کی خاک ہو جاتا

 

دشمن ہے گلے کا ہار آقا

دشمن ہے گلے کا ہار آقا لٹتی ہے مری بہار آقا

تم دل کے لیے قرار آقا تم راحتِ جانِ زار آقا

تم عرش کے تاجدار مولی تم فرش کے باوَقار آقا

 

دامن دامن ہوائے دامن گلشن گلشن بہار آقا

بندے ہیں گنہگار بندے آقا ہے کرم شعار آقا

اس شان کے ہم نے کیا کسی نے دیکھے نہیں زِینہار آقا

بندوں کا اَلم نے دل دکھایا اور ہوگئے بے قرار آقا

آرام سے سوئیں ہم کمینے جاگا کریں باوَقار آقا

ایسا تو کہیں سنا نہ دیکھا بندوں کا اُٹھائیں بار آقا

جن کی کوئی بات تک نہ پوچھے ان پر تمھیں آئے پیار آقا

پاکیزہ دلوں کی زینتِ اِیماں ایمان کے تم سنگار آقا

صدقہ جو بٹے کہیں سلاطیں ہم بھی ہیں امیدوار آقا

چکرا گئی ناؤ بے کسوں کی آنا مِرے غمگسار آقا

اللّٰہ نے تم کو دے دیا ہے ہر چیز کا اختیار آقا

ہے خاک پہ نقشِ پا تمہارا آئینۂ بے غبار آقا

عالم میں ہیں سب بنی کے ساتھی بگڑی کے تمہیں ہو یار آقا

سرکار کے تاجدار بندے سرکار ہیں تاجدار آقا

دے بھیک اگر جمالِ رنگیں جنت ہو مرا مزار آقا

آنکھوں کے کھنڈر بھی اب بسا دو دل کا تو ہوا وقار آقا

ایمان کی تاک میں ہے دشمن آؤ دَمِ اِحتضار آقا

ہو شمعِ شبِ سیاہ بختاں تیرا رُخِ نور بار آقا

تو رحمت بے حساب کو دیکھ جرموں کا نہ لے شمار آقا

دیدار کی بھیک کب بٹے گی منگتا ہے امیدوار آقا

بندوں کی ہنسی خوشی میں گزرے اس غم میں ہوں اَشکبار آقا

آتی ہے مدد بلا سے پہلے کرتے نہیں انتظار آقا

سایہ میں تمہارے دونوں عالم تم سایۂ کردگار آقا

جب فوجِ اَلم کرے چڑھائی ہو اَوجِ کرم حصار آقا

ہر مِلکِ خدا کے سچے مالک ہر مُلک کے شہریار آقا

مانا کہ میں ہوں ذلیل بندہ آقا تو ہے با وقار آقا

ٹوٹے ہوئے دل کو دو سہارا اب غم کی نہیں سہار آقا

ملتی ہے تمہیں سے داد دل کی سنتے ہو تمہیں پکار آقا

تیری عظمت وہ ہے کہ تیرا اللّٰہ کرے وقار آقا

اللّٰہ کے لاکھوں کارخانے سب کا تمہیں اختیار آقا

کیا بات تمہارے نقش پا کی ہے تاجِ سرِ وقار آقا

خود بھیک دو خود کہو بھلا ہو اس دَین کے میں نثار آقا

وہ شکل ہے وہ ادا تمہاری اللّٰہ کو آئے پیار آقا

جو مجھ سے مجھے چھپائے رکھے وہ جلوہ کر آشکار آقا

جو کہتے ہیں بے زباں تمہارے گونگوں کی سنو پکار آقا

وہ دیکھ لے کربلا میں جس نے دیکھے نہ ہوں جاں نثار آقا

آرام سے شش جہت میں گزرے غم دل سے نہ ہو دو چار آقا

ہو جانِ حسنؔ نثار تجھ پر ہو جاؤں تِرے نثار آقا

 

 

 

واہ کیا مرتبہ ہوا تیرا

واہ کیا مرتبہ ہوا تیرا

تو خدا کا خدا ہوا تیرا

 

تاج والے ہوں اس میں یا محتاج

سب نے پایا دِیا ہوا تیرا

 

ہاتھ خالی کوئی پھرا نہ پھرے

ہے خزانہ بھرا ہوا تیرا

 

آج سنتے ہیں سننے والے کل

دیکھ لیں گے کہا ہوا تیرا

 

اسے تو جانے یا خدا جانے

پیش حق رُتبہ کیا ہوا تیرا

 

گھر ہیں سب بند دَر ہیں سب تیغے

ایک دَر ہے کھلا ہوا تیرا

 

کام توہین سے ہے نجدی کو

تو ہوا یا خدا ہوا تیرا

 

تاجداروں کا تاجدار بنا

بن گیا جو گدا ہوا تیرا

 

اَور میں کیا لکھوں خدا کی حمد

حمد اُسے وہ خدا ہوا تیرا

 

جو ترا ہو گیا خدا کا ہوا

جو خدا کا ہوا ہوا تیرا

 

حوصلے کیوں گھٹیں غریبوں کے

ہے اِرادہ بڑھا ہوا تیرا

 

ذات بھی تیری اِنتخاب ہوئی

نام بھی مصطفیٰ ہوا تیرا

 

جسے تو نے دیا خدا نے دیا

دَین رب کی دِیا ہوا تیرا

 

ایک عالم خدا کا طالب ہے

اور طالب خدا ہوا تیرا

 

بزمِ اِمکاں ترے نصیب کھلے

کہ وہ دولھا بنا ہوا تیرا

 

میری طاعت سے میرے جرم فزوں

لطف سب سے بڑھا ہوا تیرا

 

خوفِ وَزْنِ عمل کسے ہو کہ ہے

دل مَدد پر تلا ہوا تیرا

 

کام بگڑے ہوئے بنا دینا

کام کس کا ہوا ہوا تیرا

 

ہر ادا دل نشیں بنی تیری

ہر سخن جاں فزا ہوا تیرا

 

آشکارا کمالِ شانِ حضور

پھر بھی جلوہ چھپا ہوا تیرا

 

پردہ دارِ اَدا ہزار حجاب

پھر بھی پردہ اُٹھا ہوا تیرا

 

بزمِ دنیا میں بزمِ محشر میں

نام کس کا ہوا ہوا تیرا

 

مَنْ رَّاٰنِیْ فَقَدْ رَاَی الْحَقّ

حسن یہ حق نما ہوا تیرا

 

بارِ عصیاں سروں سے پھینکے گا

پیش حق سر جھکا ہوا تیرا

 

یم جودِ حضور پیاسا ہوں

یم گھٹا سے بڑھا ہوا تیرا

 

وَصل وَحدت پھر اُس پہ یہ خلوت

تجھ سے سایہ جدا ہوا تیرا

 

صنع خالق کے جتنے خاکے ہیں

رنگ سب میں بھرا ہوا تیرا

 

اَرضِ طیبہ قدومِ والا سے

ذَرَّہ ذَرَّہ سما ہوا تیرا

 

اے جناں میرے گل کے صدقے میں

تختہ تختہ بسا ہوا تیرا

 

اے فلک مہر حق کے باڑے سے

کاسہ کاسہ بھرا ہوا تیرا

 

اے چمن بھیک ہے تبسم کی

غنچہ غنچہ کھلا ہوا تیرا

 

ایسی شوکت کے تاجدار کہاں

تخت تختِ خدا ہوا تیرا

 

اس جلالت کے شہریار کہاں

مُلک مُلکِ خدا ہوا تیرا

 

اِس وَجاہت کے بادشاہ کہاں

حکم حکمِ خدا ہوا تیرا

 

خلق کہتی ہے لامکاں جس کو

شہ نشیں ہے سجا ہوا تیرا

 

زِیست وہ ہے کہ حسن یار رہے

دِل میں عالم بسا ہوا تیرا

 

موت وہ ہے کہ ذِکر دوست رہے

لب پہ نقشہ جما ہوا تیرا

 

ہوں زمیں والے یا فلک والے

سب کو صدقہ عطا ہوا تیرا

 

ہر گھڑی گھر سے بھیک کی تقسیم

رات دن دَر کھلا ہوا تیرا

 

 

نہ کوئی دَوسرا میں تجھ سا ہے

نہ کوئی دوسرا ہوا تیرا

 

سوکھے گھاٹوں مرا اُتار ہو کیوں

کہ ہے دریا چڑھا ہوا تیرا

 

سوکھے دھانوں کی بھی خبر لے لے

کہ ہے بادَل گھرا ہوا تیرا

 

مجھ سے کیا لے سکے عدو اِیماں

اور وہ بھی دِیا ہوا تیرا

 

لے خبر ہم تباہ کاروں کی

قافلہ ہے لٹا ہوا تیرا

 

مجھے وہ دَرد دے خدا کہ رہے

ہاتھ دِل پر دَھرا ہوا تیرا

 

تیرے سر کو ترا خدا جانے

تاجِ سر نقش پا ہوا تیرا

 

بگڑی باتوں کی فکر کر نہ حسنؔ

کام سب ہے بنا ہوا تیرا

 

معطی مطلب تمہارا ہر اشارہ ہوگیا

مُعْطِیِ مطلب تمہارا ہر اِشارہ ہوگیا

جب اِشارہ ہوگیا مطلب ہمارا ہوگیا

 

ڈوبتوں کا یانبی کہتے ہی بیڑا پار تھا

غم کنارے ہوگئے پیدا کنارا ہوگیا

 

تیری طلعت سے زمیں کے ذرّے مَہ پارے بنے

تیری ہیبت سے فلک کا مَہ دو پارا ہوگیا

 

اللّٰہ اللّٰہ محو حسن رُوئے جاناں کے نصیب

بند کرلیں جس گھڑی آنکھیں نظارہ ہوگیا

 

یوں تو سب پیدا ہوئے ہیں آپ ہی کے واسطے

قسمت اُس کی ہے جسے کہہ دو ہمارا ہوگیا

 

تِیرگی باطل کی چھائی تھی جہاں تاریک تھا

اُٹھ گیا پردہ ترا حق آشکارا ہوگیا

 

کیوں نہ دم دیں مرنے والے مرگِ عشقِ پاک پر

جان دی اور زندگانی کا سہارا ہوگیا

 

نام تیرا ذکر تیرا تو ترا پیارا خیال

ناتوانوں بے سہاروں کا سہارا ہوگیا

 

ذرۂ کوئے حبیب اللّٰہ رے تیرے نصیب

پاؤں پڑ کر عرش کی آنکھوں کا تارا ہوگیا

 

ترے صانِع سے کوئی پوچھے ترا حسن و جمال

خود بنایا اور بنا کر خود ہی پیارا ہوگیا

 

ہم کمینوں کا انہیں آرام تھا اتنا پسند

غم خوشی سے دُکھ تہ دل سے گوارا ہوگیا

 

کیوں نہ ہو تم مالک مُلکِ خدا مِلکِ خدا

سب تمہارا ہے خدا ہی جب تمہارا ہوگیا

 

روزِ محشر کے اَلم کا دشمنوں کو خوف ہو

دُکھ ہمارا آپ کو کس دِن گوارا ہوگیا

 

جو اَزَل میں تھی وہی طلعت وہی تنویر ہے

آئینہ سے یہ ہوا جلوہ دوبارا ہوگیا

 

تو ہی نے تو مصر میں یوسف کو یوسف کردیا

تو ہی تو یعقوب کی آنکھوں کا تارا ہوگیا

 

ہم بھکاری کیا ہماری بھیک کس گنتی میں ہے

تیرے در سے بادشاہوں کا گزارا ہوگیا

 

اے حسن ؔقربان جاؤں اس جمالِ پاک پر

سینکڑوں پردوں میں رہ کر عالم آرا ہوگیا

منقبت خلیفۂ اوّل رَضِیَ اللّٰہُ تَعَالٰی عَنْہ

بیاں ہو کس زباں سے مرتبہ صدیق اکبر کا

ہے یارِ غار محبوبِ خدا صدیق اکبر کا

 

الٰہی رحم فرما خادمِ صدیق اکبر ہوں

تری رحمت کے صدقے واسطہ صدیق اکبر کا

 

رُسل اور انبیاء کے بعد جو افضل ہو عالم سے

یہ عالم میں ہے کس کا مرتبہ صدیق اکبر کا

 

گدا صدیق اکبر کا خدا سے فضل پاتا ہے

خدا کے فضل سے میں ہوں گدا صدیق اکبر کا

 

نبی کا اور خدا کا مدح گو صدیق اکبر ہے

نبی صدیق اکبر کا خدا صدیق اکبر کا

 

ضیا میں مہرِ عالم تاب کا یوں نام کب ہوتا

نہ ہوتا نام اگر وجہِ ضیا صدیق اکبر کا

 

ضعیفی میں یہ قوت ہے ضعیفوں کو قوی کر دیں

سہارا لیں ضعیف و اَقویا صدیق اکبر کا

 

خدا اِکرام فرماتا ہے اَ تْقٰی کہہ کے قرآں میں

کریں پھر کیوں نہ اِکرام اَ تْقِیَا صدیق اکبر کا

 

صفا وہ کچھ ملی خاکِ سر کوئے پیمبر سے

مُصَفَّا آئینہ ہے نقشِ پا صدیق اکبر کا

 

ہوئے فاروق و عثمان و علی جب داخل بیعت

بنا فخرِ سلاسل سلسلہ صدیق اکبر کا

 

مقامِ خوابِ راحت چین سے آرام کرنے کو

بنا پہلوئے محبوبِ خدا صدیق اکبر کا

 

علی ہیں اس کے دشمن اور وہ دشمن علی کاہے

جو دشمن عقل کا دشمن ہوا صدیق اکبر کا

 

لٹایا راہِ حق میں گھر کئی بار اس محبت سے

کہ لٹ لٹ کر حسن ؔگھر بن گیا صدیق اکبر کا

منقبت خلیفۂ دوّم رَضِیَ اللّٰہُ تَعَالٰی عَنْہ

نہیں خوش بخت محتاجانِ عالم میں کوئی ہم سا

ملا تقدیر سے حاجت رَوا فاروقِ اعظم سا

 

ترا رشتہ بنا شیرازۂ جمعیت خاطر

پڑا تھا دفتر دِین کتابُ اللّٰہ برہم سا

 

مراد آئی مرادیں ملنے کی پیاری گھڑی آئی

ملا حاجت رَوا ہم کو دَرِ سلطانِ عالم سا

 

تِرے جود و کرم کا کوئی اندازہ کرے کیونکر

ترا اِک اِک گدا فیض و سخاوت میں ہے حاتم سا

 

خدارا مہر کر اے ذَرَّہ پروَر مہرِ نورانی

سیہ بختی سے ہے رَوزِ سیہ میرا شبِ غم سا

 

تمہارے دَر سے جھولی بھر مرادیں بھر کر اُٹھیں گے

نہ کوئی بادشاہ تم سا نہ کوئی بے نوا ہم سا

 

فدا اے اُمِّ کلثوم آپ کی تقدیر یاوَر کے

علی بابا ہوا دولہا ہوا فاروقِ اَکرم سا

 

غضب میں دشمنوں کی جان ہے تیغ سر افگن سے

خروج و رَفض کے گھر میں نہ کیوں برپا ہو ماتم سا

 

شیاطیں مضمحل ہیں تیرے نامِ پاک کے ڈر سے

نکل جائے نہ کیوں رَفَّاضِ بد اَطوار کا دَم سا

 

منائیں عید جو ذی الحجہ میں تیری شہادت کی

الٰہی روز و ماہ و سن انہیں گزرے محرم سا

 

حسنؔ دَر عالمِ پستی سَرِ رِفعت اگر داری

بیا َفرقِ اِرادت بر دَرِ فاروق اعظم سا

 

روشنی بخش چہرہ

حضرت سیدنا اسید بن ابی اناس رَضِیَ اللّٰہُ تَعَالٰی عَنْہ فرماتے ہیں : آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ایک بار میرے چہرے اور سینے پر اپنا دست پراَنوار پھیر دیا۔ اس کی برکت یہ ظاہر ہوئی کہ میں جب بھی کسی اندھیرے گھر میں داخل ہوتا وہ گھر روشن ہوجاتا۔(الخصائص الکبری للسیوطی، ۲ / ۱۴۲ملتقطاً، دارالکتب العلمیۃ بیروت تاریخ مدینہ دمشق لابن عساکر، ۲۰ / ۲۱، دارالفکر بیروت)

 

منقبت خلیفۂ سوّم رَضِیَ اللّٰہُ تَعَالٰی عَنْہ

اللّٰہسے کیا پیار ہے عثمانِ غنی کا

محبوبِ خدا یار ہے عثمانِ غنی کا

 

رنگین وہ رُخسار ہے عثمانِ غنی کا

بلبل گلِ گلزار ہے عثمانِ غنی کا

 

گرمی پہ یہ بازار ہے عثمانِ غنی کا

اللّٰہ خریدار ہے عثمانِ غنی کا

 

کیا لعل شکر بار ہے عثمانِ غنی کا

قند ایک نمک خوار ہے عثمانِ غنی کا

 

سرکار عطا پاش ہے عثمانِ غنی کی

دَربار دُرَر بار ہے عثمانِ غنی کا

 

دل سوختو ہمت جگر اَب ہوتےہیں ٹھنڈے

وہ سایۂ دیوار ہے عثمانِ غنی کا

 

جو دل کو ضیا دے جو مقدر کو جِلا دے

وہ جلوۂ دیدار ہے عثمانِ غنی کا

 

جس آئینہ میں نورِ الٰہی نظر آئے

وہ آئینہ رخسار ہے عثمانِ غنی کا

 

سرکار سے پائیں گے مرادوں پہ مرادیں

دَربار یہ دُربار ہے عثمانِ غنی کا

 

آزاد گرفتارِ بلائے دو جہاں ہے

آزاد گرفتار ہے عثمانِ غنی کا

 

بیمار ہے جس کو نہیں آزارِ محبت

اچھا ہے جو بیمار ہے عثمانِ غنی کا

 

اللّٰہ غنی حد نہیں انعام و عطا کی

وہ فیض پہ دَربار ہے عثمانِ غنی کا

 

رُک جائیں مرے کام حسنؔ ہو نہیں سکتا

فیضان مددگار ہے عثمانِ غنی کا

منقبت خلیفۂ چہارم کَرَّمَ اللّٰہُ تَعَالٰی وَجْہَہٗ الْکَرِیْم

اے حبِ وطن ساتھ نہ یوں سوئے نجف جا

ہم اور طرف جاتے ہیں تو اور طرف جا

 

چل ہند سے چل ہند سے چل ہند سے غافل

اُٹھ سوئے نجف سوئے نجف سوئے نجف جا

 

پھنستا ہے وَبالوں میں عبث اَخترِ طالع

سرکار سے پائے گا شرف بہرِ شرف جا

 

آنکھوں کو بھی محروم نہ رکھ ُحسنِ ضیا سے

کی دل میں اگر اے مہ بے داغ و کلف جا

 

اے کلفت غم بندۂ مولیٰ سے نہ رکھ کام

بے فائدہ ہوتی ہے تری عمر تلف جا

 

اے طلعت شہ آ تجھے مولیٰ کی قسم آ

اے ظلمت دل جا تجھے اس رُخ کا حلف جا

 

ہو جلوہ فزا صاحب قوسین کا نائب

ہاں تیر دعا بہر خدا سوئے ہدف جا

 

کیوں غرقِ اَلم ہے دُرِّ مقصود سے مونھ بھر

نیسانِ کرم کی طرف اے تشنہ صدف جا

 

جیلاں کے شرف حضرتِ مولیٰ کے خلف ہیں

اے ناخلف اُٹھ جانبِ تعظیمِ خلف جا

 

تفضیل کا جویا نہ ہو مولا کی وِلا میں

یوں چھوڑ کے گوہر کو نہ تو بہر خذف جا

 

مولیٰ کی امامت سے محبت ہے تو غافل

اَربابِ جماعت کی نہ تو چھوڑ کے صف جا

 

کہدے کوئی گھیرا ہے بلاؤں نے حسنؔ کو

اے شیرِ خدا بہرِ مدد تیغِ بکف جا

 

درد دل کر مجھے عطا یارب

دردِ دِل کر مجھے عطا یارب دے مرے دَرد کی دَوا یارب

لاج رکھ لے گنہگاروں کی نام رحمن ہے ترا یارب

عیب میرے نہ کھول محشر میں نام ستار ہے ترا یارب

بے سبب بخش دے نہ پوچھ عمل نام غفار ہے ترا یارب

زخم گہرا سا تیغ اُلفت کا میرے دل کو بھی کر عطا یارب

یوں گموں میں کہ تجھ سے مل جاؤں یوں گما اس طرح ملا یارب

بھول کر بھی نہ آئے یاد اپنی میرے دل سے مجھے بھلا یارب

خاک کر اپنے آستانے کی یوں ہمیں خاک میں ملا یارب

 

میری آنکھیں مرے لئے ترسیں مجھ سے ایسا مجھے چھپا یارب

ٹیس کم ہو نہ دَردِ اُلفت کی دل تڑپتا رہے مرا یارب

نہ بھریں زخم دل ہرے ہو کر رہے گلشن ہرا بھرا یارب

تیری جانب یہ مشتِ خاک اُڑے بھیج ایسی کوئی ہوا یارب

داغِ اُلفت کی تازگی نہ گھٹے باغ دِل کا رہے ہرا یارب

سَبَقَتْ رَحْمَتِیْ عَلٰی غَضَبِیْ جب سے تو نے سنا دیا یارب

آسرا ہم گناہگاروں کا اَور مضبوط ہو گیا یارب

ہے اَنَا عِنْدَ ظَنِّ عَبْدِیْ بِیْ میرے ہر دَرد کی دَوا یارب

تونے میرے ذلیل ہاتھوں میں دامنِ مصطفٰے دیا یارب

تو نے دی مجھ کو نعمتِ اسلام پھر جماعت میں لے لیا یارب

کر دیا تو نے قادِری مجھ کو تیری قدرت کے میں فدا یارب

دولتیں ایسی نعمتیں اتنی بے غرض تو نے کیں عطا یارب

دے کے لیتے نہیں کریم کبھی جو دِیا جس کو دے دِیا یارب

تو کریم اور کریم بھی ایسا کہ نہیں جس کا دُوسرا یارب

ظن نہیں بلکہ ہے یقین مجھے وہ بھی تیرا دِیا ہوا یارب

ہو گا دنیا میں قبر و محشر میں مجھ سے اچھا معاملہ یارب

اس نکمے سے کام لے ایسے یہ نکما ہو کام کا یارب

مجھے ایسے عمل کی دے توفیق کہ ہو راضی تری رضا یارب

جس نے اپنے لئے برائی کی ہے یہ نادان وہ برا یارب

ہر بھلے کی بھلائی کا صدقہ اس برے کو بھی کر بھلا یارب

میں نے بنتی ہوئی بگاڑی بات بات بگڑی ہوئی بنا یارب

میں نے سُبْحٰنَ رَبِّیَ الْاَعْلٰی خاک پر رکھ کے سر کہا یارب

صدقہ اس دی ہوئی بلندی کا پستیوں سے مجھے بچا یارب

بونے والے جو بوئیں وہ کاٹیں یہ ہوا تو میں مر مٹا یارب

آہ جو بو چکا ہوں وقت دِرَوْ ہو گا حسرت کا سامنا یارب

صدقہ ماہِ رَبیع الاوّل کا گیہوں اس کھیت سے اُگا یارب

پاک ہے دُرد و دَرد سے جو مئے جام اس کا مجھے پلا یارب

کر کے گستر دہ خوانِ اُدْعُوْنِیْ تو نے بندوں کو دی صلا یارب

آستاں پر تِرے ترا منگتا سن کرآیا ہے یہ صدا یارب

نعمتِ اَسْتَجِبسے پائے بھیک ہاتھ پھیلا ہوا مرا یارب

تجھ سے وہ مانگوں میں جو بہتر ہو مُدَّعی ہو نہ مُدَّعا یارب

مجھے دونوں جہاں کے غم سے بچا شاد رکھ شاد دائما یارب

مجھ پر اور میرے دونوں بھائیوں پر سایہ ہو تیرے فضل کا یارب

عیش تینوں گھروں کے تینوں کو اپنی رحمت سے کر عطا یا رب

میرے فاروق و حامد و حسنین دَرد و غم سے رہیں جدا یارب

لخت دل مصطفیٰ حسین رضا ہر جگہ پائیں مرتبہ یارب

سایۂ پنجتن ہو پانچوں پر دائما ہو تیری عطا یارب

دونوں عالم کی نعمتیں پائے مرتضیٰ بہر مصطفیٰ یارب

 

 

علم و عمر و عمل فراخ معاش مجتبیٰ کو بھی کر عطا یارب

کر دے فضل و نعم سے مالا مال غم اَلم سے انہیں بچا یارب

ان کے دشمن ذلیل و خوار رہیں رَد رہے ان کی ہر بلا یارب

بال بیکا کبھی نہ ہو ان کا بول بالا ہو دائما یارب

میری ماںمیری بہنیں بھانجے سب پائیں آرامِ دَوسرا یارب

اَور بھی جتنے میرے پیارے ہیں حاجتیں سب کی ہوں رَوا یارب

میرے اَحباب پر بھی فضل رہے تیرا تیرے حبیب کا یارب

اَہل سنت کی ہر جماعت پر ہر جگہ ہو تری عطا یارب

دشمنوں کے لئے ہدایت کی تجھ سے کرتا ہوں اِلتجا یارب

تو حسنؔ کو اُٹھا حسن کر کے ہو مع الخیر خاتمہ یارب

 

 

سر سے پا تک ہر ادا ہے لاجواب

 

سر سے پا تک ہر اَدا ہے لاجواب

خوبرویوں میں نہیں تیرا جواب

 

حسن ہے بے مثل صورت لا جواب

میں فدا تم آپ ہو اپنا جواب

 

پوچھے جاتے ہیں عمل میں کیا کہوں

تم سکھا جاؤ مِرے مولا جواب

 

میری حامی ہے تیری شانِ کریم

پرسشِ روزِ قیامت کا جواب

 

ہیں دعائیں سنگ دشمن کا عوض

اس قدر نرم ایسے پتھر کا جواب

 

پلتے ہیں ہم سے نکمے بے شمار

ہیں کہیں اس آستانہ کا جواب

 

روزِ محشر ایک تیرا آسرا

سب سوالوں کا جوابِ لا جواب

 

میں ید بیضا کے صدقے اے کلیم

پر کہاں اُن کی کفِ پا کا جواب

 

کیا عمل تو نے کئے اس کا سوال

تیری رحمت چاہیے میرا جواب

 

مہر و مہ ذَرّے ہیں ان کی راہ کے

کون دے نقشِ کفِ پا کا جواب

 

تم سے اس بیمار کو صحت ملے

جس کو دے دیں حضرتِ عیسیٰ جواب

 

دیکھ رِضواں دَشتِ طیبہ کی بہار

میری جنت کا نہ پائے گا جواب

 

شور ہے لطف و عطا کا شور ہے

مانگنے والا نہیں سنتا جواب

 

جرم کی پاداش پاتے اَہلِ جرم

اُلٹی باتوں کا نہ ہو سیدھا جواب

 

پر تمہارے لطف آڑے آگئے

دے دیا محشر میں پرسش کا جواب

 

ہے حسنؔ محوِ جمالِ رُوئے دوست

اے نکیرین اس سے پھر لینا جواب

جانب مغرب وہ چمکا آفتاب

جانبِ مغرب وہ چمکا آفتاب

بھیک کا مشرق سے نکلا آفتاب

 

جلوہ فرما ہو جو میرا آفتاب

ذَرَّہ ذَرَّہ سے ہو پیدا آفتاب

 

عارضِ پرنور کا صاف آئینہ

جلوۂ حق کا چمکتا آفتاب

 

یہ تجلی گاہِ ذاتِ بحت ہے

زُلف اَنور ہے شب آسا آفتاب

 

دیکھنے والوں کے دل ٹھنڈے کیے

عارِضِ اَنور ہے ٹھنڈا آفتاب

 

ہے شبِ دیجورِ طیبہ نور سے

ہم سیہ کاروں کا کالا آفتاب

 

بخت چمکا دے اگر شانِ جمال

ہو مری آنکھوں کا تارا آفتاب

 

نور کے سانچے میں ڈھالا ہے تجھے

کیوں تِرے جلوؤں کا ڈھلتا آفتاب

 

ناخدائی سے نکالا آپ نے

چشمۂ مغرب سے ڈوبا آفتاب

 

ذَرَّہ کی تابش ہے ان کی راہ میں

یا ہوا ہے گر کے ٹھنڈا آفتاب

 

گرمیوں پر ہے وہ حسن بے زَوال

ڈھونڈتا پھرتا ہے سایہ آفتاب

 

ان کے دَر کے ذَرَّہ سے کہتا ہے مہر

ہے تمہارے دَر کا ذَرَّہ آفتاب

 

شامِ طیبہ کی تجلی دیکھ کر

ہو تری تابش کا تڑکا آفتاب

 

رُوئے مولیٰ سے اگر اُٹھتا نقاب

چرخ کھا کر غش میں گرتا آفتاب

 

کہہ رہی ہے صبحِ مولد کی ضیا

آج اندھیرے سے ہے نکلا آفتاب

 

وہ اگر دیں نکہت و طلعت کی بھیک

ذَرَّہ ذَرَّہ ہو مہکتا آفتاب

 

تلوے اور تلوے کے جلوے

پر نثار پیارا پیارا نور پیارا آفتاب

 

اے خدا ہم ذَرّوں کے بھی دن پھریں

جلوہ فرما ہو ہمارا آفتاب

 

ان کے ذَرَّہ کے نہ سر چڑھ حشر میں

دیکھ اب بھی ہے سویرا آفتاب

 

جس سے گزرے اے حسنؔ وہ مہر حسن

اُس گلی کا ہو اندھیرا آفتاب

پُر نور ہے زمانہ صبح شب وِلادت

پرنور ہے زمانہ صبحِ شبِ وِلادت

پردہ اُٹھا ہے کس کا صبحِ شبِ وِلادت

 

جلوہ ہے حق کا جلوہ صبحِ شبِ وِلادت

سایہ خدا کا سایہ صبحِ شبِ وِلادت

 

فصل بہار آئی شکل نگار آئی

گلزار ہے زمانہ صبحِ شبِ وِلادت

 

پھولوں سے باغ مہکے شاخوں پہ مرغ چہکے

عہدِ بہار آیا صبحِ شبِ وِلادت

 

پژمردہ حسرتوں کے سب کھیت لہلہائے

جاری ہوا وہ دریا صبحِ شبِ وِلادت

 

گل ہے چراغِ صرصر گل سے چمن معطر

آیا کچھ ایسا جھونکا صبحِ شبِ وِلادت

 

قطرہ میں لاکھ دریا گل میں ہزار گلشن

نشوونما ہے کیا کیا صبحِ شبِ وِلادت

 

جنت کے ہر مکاں کی آئینہ بندیاں ہیں

آراستہ ہے دنیا صبحِ شبِ وِلادت

 

دل جگمگا رہے ہیں قسمت چمک اٹھی ہے

پھیلا نیا اُجالا صبحِ شبِ وِلادت

 

ِچکٹے ہوئے دِلوں کے مدت کے میل چھوٹے

اَبر کرم وہ برسا صبحِ شبِ وِلادت

 

بلبل کا آشیانہ چھایا گیا گلوں سے

قسمت نے رنگ بدلا صبحِ شبِ وِلادت

 

اَرض و سما سے منگتا دوڑے ہیں بھیک لینے

بانٹے گا کون باڑا صبحِ شبِ وِلادت

 

اَنوار کی ضیائیں پھیلی ہیں شام ہی سے

رکھتی ہے مہر کیسا صبحِ شبِ وِلادت

 

مکہ میں شام کے گھر روشن ہیں ہر نگہ پر

چمکا ہے وہ اُجالا صبحِ شبِ وِلادت

 

شوکت کا دَبدبہ ہے ہیبت کا زلزلہ ہے

شق ہے مکانِ کسریٰ صبحِ شبِ وِلادت

 

خطبہ ہوا زمیں پر سکہ پڑا فلک پر

پایا جہاں نے آقا صبحِ شبِ وِلادت

 

آئی نئی حکومت سکہ نیا چلے گا

عالم نے رنگ بدلا صبحِ شبِ وِلادت

 

رُوحُ الامیں نے گاڑا کعبہ کی چھت پہ جھنڈا

تا عرش اُڑا پھریرا صبحِ شبِ وِلادت

 

دونوں جہاں کی شاہی ناکتخدا دُولہن تھی

پایا دولہن نے دولہا صبحِ شبِ وِلادت

 

پڑھتے ہیں عرش والے سنتے ہیں فرش والے

سلطانِ نو کا خطبہ صبحِ شبِ وِلادت

 

چاندی ہے مفلسوں کی باندی ہے خوش نصیبی

آیا کرم کا داتا صبحِ شبِ وِلادت

 

عالم کے دفتروں میں ترمیم ہو رہی ہے

بدلا ہے رنگ دنیا صبحِ شبِ وِلادت

 

ظلمت کے سب رِجسٹر حرفِ غَلَط ہوئے ہیں

کاٹا گیا سیاہا صبحِ شبِ وِلادت

 

ملک اَزَل کا سروَر سب سروَروں کا اَفسر

تخت اَبد پہ بیٹھا صبحِ شبِ وِلادت

 

سوکھا پڑا ہے ساوا دریا ہوا سماوا

ہے خشک و تر پہ قبضہ صبحِ شبِ وِلادت

 

نوابیاں سدھاریں جاری ہیں شاہی آئیں

کچا ہوا علاقہ صبحِ شبِ وِلادت

 

دن پھر گئے ہمارے سوتے نصیب جاگے

خورشید ہی وہ چمکا صبحِ شبِ وِلادت

 

قربان اے دوشنبہ تجھ پر ہزار جمعے

وہ فضل تو نے پایا صبحِ شبِ وِلادت

 

پیارے رَبیع الاوّل تیری جھلک کے صدقے

چمکا دیا نصیبا صبحِ شبِ وِلادت

 

وہ مہر مہر فرما وہ ماہ عالم آراء

تاروں کی چھاؤں آیا صبحِ شبِ وِلادت

 

نوشہ بناؤ ان کو دولہا بناؤ ان کو

ہے عرش تک یہ ُشہرا صبحِ شبِ وِلادت

 

شادی رَچی ہوئی ہے بجتے ہیں شادیانے

دولہا بنا وہ دولہا صبحِ شبِ وِلادت

 

محروم رہ نہ جائیں دن رات برکتوں سے

اس واسطے وہ آیا صبحِ شبِ وِلادت

 

عرشِ عظیم جھومے کعبہ زمین چومے

آتا ہے عرش والا صبحِ شبِ وِلادت

 

ُہشیار ہوں بھکاری نزدیک ہے سواری

یہ کہہ رہا ہے ڈَنکا صبحِ شبِ وِلادت

 

بندوں کو عیش و شادی اَعدا کو نامرادی

کڑکیت کا ہے کڑکا صبحِ شبِ وِلادت

 

تارے ڈھلک کر آئے کاسے کٹورے لائے

یعنی بٹے گا صدقہ صبحِ شبِ وِلادت

 

آمد کا شور سن کر ِگھر آئے ہیں بھکاری

گھیرے کھڑے ہیں رستہ صبحِ شبِ وِلادت

 

ہر جان منتظر ہے ہر دیدہ رہ نگر ہے

غوغا ہے مرحبا کا صبحِ شبِ وِلادت

 

جبریل سر جھکائے قدسی پرے جمائے

ہیں سروِ قد ستادہ صبحِ شبِ وِلادت

 

کس داب کس اَدَب سے کس جوش کس طرب سے

پڑھتے ہے ان کا کلمہ صبحِ شبِ وِلادت

 

ہاں دِین والو اُٹھو تعظیم والو اُوٹھو

آیا تمہارا مولا صبحِ شبِ وِلادت

 

اُٹھو حضور آئے شاہِ غیور آئے

سلطانِ دین و دنیا صبحِ شبِ وِلادت

 

اُٹھومَلک اُٹھے ہیں عرش و فلک اُٹھے ہیں

کرتے ہیں ان کو سجدہ صبحِ شبِ وِلادت

 

آؤ فقیرو آؤ مونھ مانگی آس پاؤ

بابِ کریم ہے وا صبحِ شبِ وِلادت

 

سوکھی زبانوں آؤ اے جلتی جانوں آؤ

لہرا رہا ہے دریا صبحِ شبِ وِلادت

 

مرجھائی کلیوں آؤ ُکمھلائے پھولوں آؤ

برسا کرم کا جھالا صبحِ شبِ وِلادت

 

تیری چمک دمک سے عالم چمک رہا ہے

میرے بھی بخت چمکا صبحِ شبِ وِلادت

 

تاریک رات غم کی لائی بلا ستم کی

صدقہ تجلیوں کا صبحِ شبِ وِلادت

 

لایا ہے شیر تیرا نورِ خدا کا جلوہ

دِل کر دے دودھ دھویا صبحِ شبِ وِلادت

 

بانٹا ہے دو جہاں میں تو نے ضیا کا باڑا

دیدے حسنؔ کا حصہ صبحِ شبِ وِلادت

باغ جنت کے ہیں بہر مَدح خوانِ اَہل بیت

باغ جنت کے ہیں بہرِ مَدح خوانِ اَہلِ بیت

 

تم کو مژدہ نار کا اے دُشمنانِ اَہلِ بیت

 

کس زباں سے ہو بیاں عز و شانِ اَہل بیت

مَدح گوئے مصطفی ہے مَدح خوانِ اَہل بیت

 

ان کی پاکی کا خدائے پاک کرتا ہے بیاں

آیۂ تطہیر سے ظاہر ہے شانِ اَہل بیت

 

مصطفیٰ عزت بڑھانے کے لیے تعظیم دیں

ہے بلند اِقبال تیرا دُودمانِ اَہل بیت

 

اُن کے گھرمیں بے اجازت جبرئیل آتے نہیں

قدر والے جانتے ہیں قدر و شانِ اَہل بیت

 

مصطفی بائع خریدار اس کا اَللّٰہ مشتری

خوب چاندی کر رہا ہے کاروانِ اَہل بیت

 

رَزم کا میداں بنا ہے جلوہ گاہِ ُحسن و عشق

کربلا میں ہو رہا ہے اِمتحانِ اَہل بیت

 

پھول زخموں کے کھلائے ہیں ہوائے دوست نے

خون سے سینچا گیا ہے گلستانِ اَہل بیت

 

حوریں کرتی ہے عروسانِ شہادت کا سنگار

خوبرو دولھا بنا ہے ہر جوانِ اَہل بیت

 

ہو گئی تحقیق عید دید آبِ تیغ سے

اپنے روزے کھولتے ہیں صائمانِ اَہل بیت

 

جمعہ کا دن ہے کتابیں زِیست کی طے کر کے آج

کھیلتے ہیں جان پر شہزادگان اَہل بیت

 

اے شبابِ فصلِ گل یہ چل گئی کیسی ہوا

کٹ رہا ہے لہلہاتا بوستانِ اَہل بیت

 

کس شقی کی ہے حکومت ہائے کیا اَندھیر ہے

دن دِہاڑے لٹ رہا ہے کاروانِ اَہل بیت

 

 

خشک ہو جا خاک ہو کر خاک میں مل جا فرات

 

خاک تجھ پر دیکھ تو سوکھی زبانِ اَہل بیت

 

خاک پر عباس و عثمانِ علمبردار ہیں

بیکسی اب کون اُٹھائے گا نشانِ اَہل بیت

 

تیری قدرت جانور تک آب سے سیراب ہوں

پیاس کی شدت میں تڑپے بے زبانِ اَہل بیت

 

قافلہ سالار منزل کو چلے ہیں سونپ کر

وارثِ بے وارثاں کو کاروانِ اَہل بیت

 

فاطمہ کے لاڈلے کا آخری دیدار ہے

حشر کا ہنگامہ برپا ہے میانِ اَہل بیت

 

وقت رخصت کہہ رہا ہے خاک میں ملتا سہاگ

لو سلامِ آخری اے بیوگانِ اَہل بیت

 

اَبر فوجِ دشمناں میں اے فلک یوں ڈوب جائے

فاطمہ کا چاند مہر آسمانِ اَہل بیت

 

کس مزے کی لذ تیں ہیں آبِ تیغِ یار میں

خاک و خوں میں لوٹتے ہیں تشنگانِ اَہل بیت

 

باغِ جنت چھوڑ کر آئے ہیں محبوبِ خدا

اے زہے قسمت تمہاری کشتگانِ اَہل بیت

 

حوریں بے پردہ نکل آئی ہیں سر کھولے ہوئے

آج کیسا حشر ہے یارب میانِ اَہل بیت

 

کوئی کیوں پوچھے کسی کو کیا غرض اے بیکسی

آج کیسا ہے مریضِ نیم جانِ اَہل بیت

 

گھر لٹانا جان دینا کوئی تجھ سے سیکھ جائے

جانِ عالم ہو فدا اے خاندانِ اَہل بیت

 

سر شہیدانِ محبت کے ہیں نیزوں پر بلند

اَور اُونچی کی خدا نے قدر و شانِ اَہل بیت

 

 

دولت دیدار پائی پاک جانیں بیچ کر

 

کربلا میں خوب ہی چمکی دُکانِ اَہل بیت

 

زخم کھانے کو تو آبِ تیغ پینے کو دیا

خوب دعوت کی بلا کر دشمنانِ اَہل بیت

 

اپنا سودا بیچ کر بازار سونا کر گئے

کونسی بستی بسائی تاجرانِ اَہل بیت

 

اَہل بیت پاک سے گستاخیاں بے باکیاں

لَعْنَۃُ اللّٰہِ عَلَیْکُم دشمنانِ اَہل بیت

 

بے ادب گستاخ فرقہ کو سنا دے اے حسنؔ

یوں کہا کرتے ہیں سنی داستانِ اَہل بیت

جاں بلب ہوں آمری جاں اَلْغِیَاث

جاں بلب ہوں آ مری جاں اَلْغِیَاث

ہوتے ہیں کچھ اور ساماں اَلْغِیَاث

 

دَرد مندوں کو دَوا ملتی نہیں

اے دَوائے دَردمنداں اَلْغِیَاث

 

جاں سے جاتے ہیں بے چارے غریب

چارہ فرمائے غریباں اَلْغِیَاث

 

حد سے گزریں دَرد کی بے دَردیاں

دَرد سے بے حد ہوں نالاں اَلْغِیَاث

 

بے قراری چین لیتی ہی نہیں

اے قرارِ بے قراراں اَلْغِیَاث

 

حسرتیں دِل میں بہت بے چین ہیں

گھر ہوا جاتا ہے زِنداں اَلْغِیَاث

 

خاک ہے پامال میری کوبکو

اے ہوائے کوئے جاناں اَلْغِیَاث

 

اَلْمَدَد اے زُلفِ سروَر اَلْمَدَد

ہوں بلاؤں میں پریشاں اَلْغِیَاث

 

دل کی اُلجھن دُور کر گیسوئے پاک

اے کرم کے سنبلستاں اَلْغِیَاث

 

اے سرِّ پرنور اے سرِّ خدا

ہوں سراسیمہ پریشاں اَلْغِیَاث

 

غمزَدوں کی شام ہے تاریک رات

اے جبیں اے ماہِ تاباں اَلْغِیَاث

 

اَبروِ شہ کاٹ دے زَنجیرِ غم

تیرے صدقے تیرے قرباں اَلْغِیَاث

 

دل کے ہر پہلو میں غم کی پھانس ہے

میں فدا مژگانِ جاناں اَلْغِیَاث

 

چشم رحمت آگیا آنکھوں میں دَم

دیکھ حالِ خستہ حالاں اَلْغِیَاث

 

مردُمَک اے مہرِ نورِ ذاتِ بحت

ہیں سیہ بختی کے ساماں اَلْغِیَاث

 

تیر غم کے دِل میں چھد کر رہ گئے

اے نگاہِ مہرِ جاناں اَلْغِیَاث

 

اے کرم کی کان اے گوشِ حضور

سن لے فریادِ غریباں اَلْغِیَاث

 

عارِضِ رنگیں خزاں کو دُور کر

اے جناں آرا گلستاں اَلْغِیَاث

 

بینی پرنور حالِ ما بہ بیں

ناک میں دَم ہے مری جاں اَلْغِیَاث

 

جاں بلب ہوں جاں بلب پر رحم کر

اے لب اے عیسیِٰ دَوراں اَلْغِیَاث

 

اے تَبَسُّمِ ُغنچہائے دِل کی جان

کھل چلیں مرجھائی کلیاں اَلْغِیَاث

 

اے دہن اے چشمۂ آبِ حیات

مر مٹے دے آبِ حیواں اَلْغِیَاث

 

دُرِّ مقصد کے لئے ہوں غرقِ غم

گوہرِ شادابِ دَنداں اَلْغِیَاث

 

اے زبانِ پاک کچھ کہہ دے کہ ہو

رَد بلائے بے زباناں اَلْغِیَاث

 

اے کلام اے راحتِ جانِ کلیم

کلمہ گو ہے غم سے نالاں اَلْغِیَاث

 

کام شہ اے کام بخش کامِ دل

ہوں میں ناکامی سے گریاں اَلْغِیَاث

 

چاہِ غم میں ہوں گرفتارِ اَلم

چاہِ یوسف اے زنخداں اَلْغِیَاث

 

ریشِ اَطہر سنبل گلزارِ خلد

ریشِ غم سے ہوں پریشاں اَلْغِیَاث

 

اے گلو اے صبحِ جنت شمعِ نور

تیرہ ہے شامِ غریباں اَلْغِیَاث

 

غم سے ہوں ہمدوش اے دَوش المدد

دَوش پر ہے بارِ عصیاں اَلْغِیَاث

 

اے بغل اے صبحِ کافورِ بہشت

مہر بر شامِ غریباں اَلْغِیَاث

 

غنچۂ گل عطر دانِ عطرِ خلد

بوئے غم سے ہوں پریشاں اَلْغِیَاث

 

بازوئے شہ دست گیری کر میری

اے توانِ ناتواناں اَلْغِیَاث

 

دَست اَقدس اے مِرے نیسانِ جود

غم کے ہاتھوں سے ہوں گریاں اَلْغِیَاث

 

اے کفِ دست اے ید بیضا کی جان

تیرہ دِل ہوں نور اَفشاں اَلْغِیَاث

 

ہم سیہ ناموں کو اے تحریر دست

تو ہو دستاویز غفراں اَلْغِیَاث

 

پھر بہائیں اُنگلیاں اَنہارِ فیض

پیاس سے ہونٹوں پہ ہے جاں اَلْغِیَاث

 

بہرِ حق اے ناخن اے عقدہ ُکشا

مشکلیں ہو جائیں آساں اَلْغِیَاث

 

سینۂ پُرنور صدقہ نور کا

بے ضیا سینہ ہے وِیراں اَلْغِیَاث

 

قلبِ اَنور تجھ کو سب کی فکر ہے

کر دے بے فکری کے ساماں اَلْغِیَاث

 

اے جگر تجھ کو غلاموں کا ہے دَرد

میرے دُکھ کا بھی ہو دَرماں اَلْغِیَاث

 

اے شکم بھر پیٹ صدقہ نور کا

پیٹ بھر اے کانِ اِحساں اَلْغِیَاث

 

پشتِ والا میری پُشتی پر ہو تو

رُوبرو ہیں غم کے ساماں اَلْغِیَاث

 

مہرِ پشتِ پاک میں تجھ پر فدا

دیدے آزادی کا فرماں اَلْغِیَاث

 

تیرے صدقے اے کمر بستہ کمر

ٹوٹی کمروں کا ہو دَرماں اَلْغِیَاث

 

پائے اَنور اے سر اَفرازی کی جاں

میں شکستہ پا ہوں جاناں اَلْغِیَاث

 

نقش پا اے نو گلِ گلزار خلد

ہو یہ اُجڑا بن گلستاں اَلْغِیَاث

 

اے سراپا اے سراپا لطف حق

ہوں سراپا جرم و عصیاں اَلْغِیَاث

 

اے عمامہ دَورِ گردِش دُور کر

گرد پھر پھر کر ہوں قرباں اَلْغِیَاث

 

نیچے نیچے دامنوں والی عبا

خوار ہے خاکِ غریباں اَلْغِیَاث

 

پڑ گئی شامِ اَلم میرے گلے

جلوۂ صبحِ گریباں اَلْغِیَاث

 

کھول مشکل کی گرہ بند قبا

بندِ غم میں ہوں پریشاں اَلْغِیَاث

 

آستیں نقدِ عطا دَر آستیں

بے نوا ہیں اَشک ریزاں اَلْغِیَاث

 

چاک اے چاکِ جگر کے بخیہ گر

دل ہے غم سے چاک جاناں اَلْغِیَاث

 

عیب کھلتے ہیں گدا کے روزِ حشر

دامنِ سلطانِ خوباں اَلْغِیَاث

 

دَورِ دامن دَور دَورَہ ہے تیرا

دُور کر دُوری کا دَوراں اَلْغِیَاث

 

ہوں فسردہ خاطر اے گلگوں قبا

دِل کھلا دیں تیری کلیاں اَلْغِیَاث

 

دِل ہے ٹکڑے ٹکڑے پیوندِ لباس

اے پناہِ خستہ حالاں اَلْغِیَاث

 

ہے پھٹے حالوں مرا رَختِ عمل

اے لباسِ پاکِ جاناں اَلْغِیَاث

 

نعلِ شہ عزت ہے میری تیرے ہاتھ

اے وقارِ تاجِ شاہاں اَلْغِیَاث

 

اے شراکِ نعل پاکِ مصطفیٰ

زیر نشتر ہے رگِ جاں اَلْغِیَاث

 

شانۂ شہ دل ہے غم سے چاک چاک

اے اَنیسِ سینہ چاکاں اَلْغِیَاث

 

سرمہ اے چشم و چراغِ کوہِ طور

ہے سیہ شامِ غریباں اَلْغِیَاث

 

ٹوٹتا ہے دَم میں ڈَورا سانس کا

ریشۂ مسواکِ جاناں اَلْغِیَاث

 

آئینہ اے منزلِ اَنوارِ قدس

تیرہ بختی سے ہوں حیراں اَلْغِیَاث

 

سخت دشمن ہے حسنؔ کی تاک میں

المدد محبوبِ یزداں اَلْغِیَاث

پڑے مجھ پر نہ کچھ افتاد یاغوث

پڑے مجھ پر نہ کچھ اُفتاد یاغوث

مدد پر ہو تیری اِمداد یاغوث

 

اُڑے تیری طرف بعد فنا خاک

نہ ہو مٹی مری برباد یاغوث

 

مِرے دل میں بسیں جلوے تمہارے

یہ وِیرانہ بنے بغداد یاغوث

 

نہ بھولوں بھول کر بھی یاد تیری

نہ یاد آئے کسی کی یاد یاغوث

 

مُرِیْدِیْ لَا تَخَف فرماتے آؤ

بلاؤں میں ہے یہ ناشاد یاغوث

 

گلے تک آ گیا سیلاب غم کا

چلا میں آئیے فریاد یاغوث

 

نشیمن سے اُڑا کر بھی نہ چھوڑا

ابھی ہے گھات میں صیاد یاغوث

 

خمیدہ سر گرفتارِ قضا ہے

کشیدہ خنجر جلاد یاغوث

 

اندھیری رات جنگل میں اکیلا

مدد کا وقت ہے فریاد یاغوث

 

کھلا دو غنچۂ خاطر کہ تم ہو

بہارِ گلشنِ اِیجاد یاغوث

 

مِرے غم کی کہانی آپ سن لیں

کہوں میں کس سے یہ رُوداد یاغوث

 

رہوں آزاد قید عشق کب تک

کرو اِس قید سے آزاد یاغوث

 

کرو گے کب تک اچھا مجھ بُرے کو

مِرے حق میں ہے کیا ارشاد یاغوث

 

غمِ دنیا غمِ قبر و غمِ حشر

خدارا کر دے مجھ کو شاد یاغوث

 

حسنؔ منگتا ہے دیدے بھیک داتا

رہے یہ راج پاٹ آباد یاغوث

کیا مژدۂ جاں بخش سنائے گا قلم آج

کیا مژدۂ جاں بخش سنائے گا قلم آج

کاغذ پہ جو سو ناز سے رکھتا ہے قدم آج

 

آمد ہے یہ کس بادشہِ عرش مکاں کی

آتے ہیں فلک سے جو حسینانِ اِرَم آج

 

کس گل کی ہے آمد کہ خزاں دِیدہ چمن میں

آتا ہے نظر نقشۂ گلزارِ اِرَم آج

 

نذرانہ میں سر دینے کو حاضر ہے زمانہ

اس بزم میں کس شاہ کے آتے ہیں قدم آج

 

بادَل سے جو رحمت کے سرِ شام گھرے ہیں

برسے گا مگر صبح کو بارانِ کرم آج

 

کس چاند کی پھیلی ہے ضیا کیا یہ سماں ہے

ہر بام پہ ہے جلوہ نما نورِ قدم آج

 

کھلتا نہیں کس جانِ مسیحا کی ہے آمد

بت بولتے ہیں قالبِ بے جاں میں ہے دَم آج

 

بت خانوں میں وہ قہر کا کہرام پڑا ہے

مل مل کے گلے روتے ہیں کفار و صنم آج

 

کعبہ کا ہے نغمہ کہ ہوا لوث سے میں پاک

بت نکلے کہ آئے مِرے مالک کے قدم آج

 

تسلیم میں سر وجد میں دل منتظر آنکھیں

کس پھول کے مشتاق ہیں مرغانِ حرم آج

 

اے کفر جھکا سر وہ شہ بت شکن آیا

گردن ہے تیری دَم میں تہ تیغ دو دَم آج

 

کچھ رعبِ شہنشاہ ہے کچھ ولولۂ شوق

ہے طرفہ کشاکش میں دلِ بیت و حرم آج

 

پرنور جو ظلمت کدۂ دہر ہوا ہے

روشن ہے کہ آتا ہے وہ مہتابِ کرم آج

 

ظاہر ہے کہ سلطانِ دو عالم کی ہے آمد

کعبہ پہ ہوا نصب جو یہ سبز علم آج

 

گر عالم ہستی میں وہ مہ جلوہ فگن ہے

تو سایہ کے جلوہ پہ فدا اَہل عدم آج

 

ہاں مفلسو خوش ہو کہ مِلا دامن دولت

تردامنو مژدہ وہ اُٹھا اَبرِ کرم آج

 

تعظیم کو اُٹھے ہیں مَلک تم بھی کھڑے ہو

پیدا ہوئے سلطانِ عرب شاہِ عجم آج

 

کل نارِ جہنم سے حسنؔ اَمن و اَماں ہو

اس مالک ِفردوس پہ صدقے ہوں جو ہم آج

 

مَدینہ منورہ کا سب سے میٹھا کنواں

حضرت اَنس رَضِیَ اللّٰہُ تَعَالٰی عَنْہُ کے گھر میں ایک کنواں تھا۔ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے اپنا لعاب دہن اس میں ڈال دیا۔ اس کا پانی ایسا شیریں ہو گیا کہ تمام مدینہ منورہ میں اس سے بڑھ کر میٹھا کوئی کنواں نہ تھا۔)الخصائص الکبری للسیوطی، ۱ / ۱۰۵ملتقطاً، دارالکتب العلمیۃ بیروت(

 

دشتِ مدینہ کی ہے عجب پر بہار صبح

دشتِ مَدینہ کی ہے عجب پربہار صبح

ہر ذَرَّہ کی چمک سے عیاں ہیں ہزار صبح

 

مونھ دھو کے جوئے شیر میں آئے ہزار صبح

شامِ حرم کی پائے نہ ہرگز بہار صبح

 

لِلّٰہ اپنے جلوۂ عارِض کی بھیک دے

کر دے سیاہ بخت کی شب ہائے تار صبح

 

روشن ہیں ان کے جلوۂ رنگیں کی تابشیں

بلبل ہیں جمع ایک چمن میں ہزار صبح

 

رکھتی ہے شامِ طیبہ کچھ ایسی تجلیاں

سو جان سے ہو جس کی ادا پر نثار صبح

 

نسبت نہیں سحر کو گریبانِ پاک سے

جوشِ فروغ سے ہے یہاں تار تار صبح

 

آتے ہے پاسبانِ دَرِ شہ فلک سے روز

ستر ہزار شام تو ستر ہزار صبح

 

اے ذَرَّۂ مَدینہ خدا را نگاہِ مہر

تڑکے سے دیکھتی ہے ترا انتظار صبح

 

زُلف حضورِ عارِضِ پرنور پر نثار

کیا نور بار شام ہے کیا جلوہ بار صبح

 

نورِ وِلادَتِ مہِ بطحیٰ کا فیض ہے

رہتی ہے جنتوں میں جو لیل و نہار صبح

 

ہر ذَرَّۂ حرم سے نمایاں ہزار مہر

ہر مہر سے طلوع کناں بے شمار صبح

 

گیسو کے بعد یاد ہو رخسارِ پاک کی

ہو مشک بار شام کی کافور بار صبح

 

کیا نورِ دِل کو نجدیٔ تیرہ دَروں سے کام

تا حشر شام سے نہ ملے زینہار صبح

 

 

حُسنِ شبابِ ذرۂ طیبہ کچھ اَور ہے

کیا کور باطن آئنہ کیا شیر خوار صبح

 

بس چل سکے تو شام سے پہلے سفر کرے

طیبہ کی حاضری کے لیے بے قرار صبح

 

مایوس کیوں ہو خاک نشیں حُسنِ یار سے

آخر ضیائے ذَرَّہ کی ہے ذمہ دار صبح

 

کیا دشتِ پاکِ طیبہ سے آتی ہے اے حسنؔ

لائی جو اپنی جیب میں نقد بہار صبح

جو نور بار ہوا آفتاب حسن ملیح

جو نور بار ہوا آفتابِ ُحسنِ َملیح

ہوئے زمین و زماں کامیابِ ُحسنِ َملیح

 

زوال مہر کو ہو ماہ کا جمال گھٹے

مگر ہے اَوجِ اَبد پر شبابِ ُحسنِ َملیح

 

زمیں کے پھول گریباں دَریدۂ غمِ عشق

فلک پہ بدر دِل اَفگارِ تابِ ُحسنِ َملیح

 

دلوں کی جان ہے لطفِ صباحتِ یوسف

مگر ہوا ہے نہ ہو گا جوابِ ُحسنِ َملیح

 

الٰہی موت سے یوں آئے مجھ کو میٹھی نیند

مرے خیال کی راحت ہو خوابِ حسن ملیح

 

جمال والوں میں ہے شورِ عشق اور ابھی

ہزار پردوں میں ہے آب و تابِ حسن ملیح

 

زمینِ شور بنے تختۂ گل و سنبل

عرق فشاں ہو اگر آب و تابِ حسن ملیح

 

نثار دولت بیدار و طالع اَزواج

نہ دیکھی چشم زلیخا نے خوابِ حسن ملیح

 

تجلیوں نے نمک بھر دیا ہے آنکھوں میں

ملاحت آپ ہوئی ہے حجابِ حسن ملیح

 

نمک کا خاصہ ہے اپنے کیف پر لانا

ہر ایک شے نہ ہو کیوں بہرہ یابِ حسن ملیح

 

عسل ہو آب بنیں کوزہائے قند حباب

جو بحرِ شور میں ہو عکسِ آبِ حسن ملیح

 

دلِ صباحتِ یوسف میں سوزِ عشق حضور

نبات و قند ہوئے ہیں کبابِ حسن ملیح

 

صبیح ہوں کہ صباحت جمیل ہوں کہ جمال

غرض سبھی ہیں نمک خوارِ بابِ حسن ملیح

 

کھلے جب آنکھ نظر آئے وہ ملاحتِ پاک

بیاضِ صبح ہو یارب کتابِ حسن ملیح

 

حیاتِ بے مزہ و بخت تیرہ میدارم

بتاب اے مہِ گردوں جنابِ حسن ملیح

 

حسنؔ کی پیاس بجھا کر نصیب چمکا دے

تِرے نثار میں اے آب و تابِ حسن ملیح

سحاب رحمت باری ہے بارھویں تاریخ

سحابِ رحمت باری ہے بارہویں تاریخ

کرم کا چشمۂ جاری ہے بارہویں تاریخ

 

ہمیں تو جان سے پیاری ہے بارہویں تاریخ

عدو کے دل کو کٹاری ہے بارہویں تاریخ

 

اسی نے موسم گل کو کیا ہے موسم گل

بہار فصل بہاری ہے بارہویں تاریخ

 

بنی ہے سرمۂ چشم بصیرت و ایماں

اُٹھی جو گردِ سواری ہے بارہویں تاریخ

 

ہزار عید ہوں ایک ایک لحظہ پر قرباں

خوشی دلوں پہ وہ طاری ہے بارہویں تاریخ

 

فلک پہ عرشِ بریں کا گمان ہوتا ہے

زمین خلد کی کیاری ہے بارہویں تاریخ

 

تمام ہو گئی میلادِ انبیا کی خوشی

ہمیشہ اب تری باری ہے بارہویں تاریخ

 

دلوں کے میل دُھلے گل کھلے سرور ملے

عجیب چشمۂ جاری ہے بارہویں تاریخ

 

چڑھی ہے اَوج پہ تقدیر خاکساروں کی

خدا نے جب سے اُتاری ہے بارہویں تاریخ

 

خدا کے فضل سے ایمان میں ہیں ہم پورے

کہ اپنی روح میں ساری ہے بارہویں تاریخ

 

ولادتِ شہ دِیں ہر خوشی کی باعث ہے

ہزار عید سے بھاری ہے بارہویں تاریخ

 

ہمیشہ تو نے غلاموں کے دل کئے ٹھنڈے

جلے جو تجھ سے وہ ناری ہے بارہویں تاریخ

 

خوشی ہے اہل سنن میں مگر عدو کے یہاں

فغان و شیوَن و زاری ہے بارہویں تاریخ

 

جدھر گیا سنی آواز یَا رَسُوْلَ اللّٰہ

ہر اِک جگہ اسے خواری ہے بارہویں تاریخ

 

عدو وِلادتِ شیطاں کے دن منائے خوشی

کہ عید عید ہماری ہے بارہویں تاریخ

 

حسنؔ ولادتِ سرکار سے ہوا روشن

مِرے خدا کو بھی پیاری ہے بارہویں تاریخ

ذات والا پہ بار بار درود

ذاتِ والا پہ بار بار دُرود

بار بار اور بے شمار دُرود

 

رُوئے اَنور پہ نور بار سلام

زُلفِ اَطہر پہ مشکبار دُرود

 

اس مہک پر شمیم بیز سلام

اس چمک پہ فروغ بار دُرود

 

ان کے ہر جلوہ پر ہزار سلام

ان کے ہر لمعہ پر ہزار دُرود

 

ان کی طلعت پہ جلوہ ریز سلام

ان کی نکہت پہ عطر بار دُرود

 

جس کی خوشبو بہارِ خلد بسائے

ہے وہ محبوبِ گل عذار دُرود

 

سر سے پا تک کرور بار سلام

اور سراپا پہ بے شمار دُرود

 

دل کے ہمراہ ہوں سلام فدا

جان کے ساتھ ہو نثار دُرود

 

چارۂ جان درد مند سلام

مرہمِ سینۂ فگار دُرود

 

بے عدد اور بے عدد تسلیم

بے شمار اور بے شمار دُرود

 

بیٹھتے اٹھتے جاگتے سوتے

ہو الٰہی مرا شعار دُرود

 

شہریارِ رُسل کی نذر کروں

سب دُرودوں کی تاجدار دُرود

 

گورِ بیکس کو شمع سے کیا کام

ہو چراغِ سرِ مزار دُرود

 

قبر میں خوب کام آتی ہے

بیکسوں کی ہے یارِ غار دُرود

 

انہیں کس کی دُرود کی پروا

بھیجے جب ان کا کردِگار دُرود

 

ہے کرم ہی کرم کہ سنتے ہیں

آپ خوش ہو کے بار بار دُرود

 

جان نکلے تو اس طرح نکلے

تجھ پر اے غمزدوں کے یار دُرود

 

دل میں جلوے بسے ہوئے تیرے

لب سے جاری ہو بار بار دُرود

 

اے حسنؔ خارِ غم کو دِل سے نکال

غمزدوں کی ہے غمگسار دُرود

رنگ چمن پسند نہ پھولوں کی بو پسند

رنگ چمن پسند نہ پھولوں کی بو پسند

صحرائے طیبہ ہے دلِ بلبل کو تو پسند

 

اپنا عزیز وہ ہے جسے تو عزیز ہے

ہم کو ہے وہ پسند جسے آئے تو پسند

 

مایوس ہو کے سب سے میں آیا ہوں تیرے پاس

اے جان کر لے ٹوٹے ہوئے دل کو تو پسند

 

ہیں خانہ زاد بندۂ احساں تو کیا عجب

تیری وہ خو ہے کرتے ہیں جس کو عدو پسند

 

کیونکر نہ چاہیں تیری گلی میں ہوں مٹ کے خاک

دنیا میں آج کس کو نہیں آبرو پسند

 

ہے خاکسار پر کرمِ خاص کی نظر

عاجز نواز ہے تیری اے خوبرو پسند

 

قل کہہ کر اپنی بات بھی لب سے تِرے سنی

اللّٰہ کو ہے اتنی تری گفتگو پسند

 

حور و فرشتہ جن و بشر سب نثار ہیں

ہے دو جہاں میں قبضہ کئے چار سو پسند

 

ان کے گناہگار کی اُمید عفو کو

پہلے کرے گی آیت لَا تَقْنَطُوْا پسند

 

طیبہ میں سر جھکاتے ہیں خاکِ نیاز پر

کونین کے بڑے سے بڑے آبرو پسند

 

ہے خواہشِ وصالِ درِ یار اے حسنؔ

 

 

آئے نہ کیوں اَثر کو مری آرزو پسند

شفاعت واجب ہو گئی

فرمانِ مصطفیٰ : جس نے میری قبر کی زیارت کی اس کے لئے میری شفاعت واجب ہوگئی۔

)دارقطنی، ۳ / ۳۳، الحدیث : ۲۶۹۵، مدینۃ الاولیاء ملتان(

ہو اگر مدحِ کفِ پا سے منوّر کاغذ

ہو اگر مدحِ کف پا سے منور کاغذ

عارضِ حور کی زینت ہو سراسر کاغذ

 

صفت خارِ مدینہ میں کروں گل کاری

دفتر گل کا عنادِل سے منگا کر کاغذ

 

عارضِ پاک کی تعریف ہو جس پرچہ میں

سو سیہ نامہ اُجالے وہ منور کاغذ

 

شامِ طیبہ کی تجلی کا کچھ اَحوال لکھوں

دے بیاضِ سحر اک ایسا منور کاغذ

 

یادِ محبوب میں کاغذ سے تو دل کم نہ رہے

کہ جدا نقش سے ہوتا نہیں دَم بھر کاغذ

 

وَرَقِ مہر اُسے خط غلامی لکھ دے

ہو جو وَصف رُخِ پُر نور سے اَنور کاغذ

 

تِرے بندے ہیں طلبگار تری رحمت کے

سن گناہوں کے نہ اے داورِ محشر کاغذ

 

لب جاں بخش کی تعریف اگر ہو تجھ میں

ہو مجھے تارِ نفس ہر خط مسطر کاغذ

 

مدحِ رخسار کے پھولوں میں بسا لوں جو حسنؔ

حشر میں ہو مِرے نامہ کا معطر کاغذ

اگر چمکا مقدر خاک پائے رہرواں ہو کر

اگر چمکا مقدر خاک پائے رہرواں ہو کر

چلیں گے بیٹھتے اُٹھتے غبارِ کارواں ہو کر

 

شب معراج وہ دم بھر میں پلٹے لا مکاں ہو کر

بہارِ ہشت جنت دیکھ کر ہفت آسماں ہو کر

 

چمن کی سیر سے جلتا ہے جی طیبہ کی فرقت میں

مجھے گلزار کا سبزہ رُلاتا ہے دُھواں ہو کر

 

تصور اس لب جاں بخش کا کس شان سے آیا

دلوں کا چین ہو کر جان کا آرامِ جاں ہو کر

 

کریں تعظیم میری سنگِ اَسود کی طرح مومن

تمہارے در پہ رہ جاؤں جو سنگِ آستاں ہو کر

 

دکھا دے اے خدا گلزارِ طیبہ کا سماں مجھ کو

پھروں کب تک پریشاں بلبل بے آشیاں ہو کر

 

ہوئے یمن قدم سے فرش و عرش و لامکاں زندہ

خلاصہ یہ کہ سرکار آئے ہیں جانِ جہاں ہو کر

 

ترے دست عطا نے دولتیں دیں دل کئے ٹھنڈے

کہیں گوہر فشاں ہو کر کہیں آبِ رَواں ہو کر

 

فدا ہو جائے امت اس حمایت اس محبت پر

ہزاروں غم لئے ہیں ایک دل پر شادماں ہو کر

 

جو رکھتے ہیں سلاطیں شاہی ٔجاوید کی خواہش

نشاں قائم کریں ان کی گلی میں بے نشاں ہو کر

 

وہ جس رہ سے گزرتے ہیں بسی رہتی ہے مدت تک

نصیب اس گھر کے جس گھر میں وہ ٹھہریں میہماں ہو کر

 

حسنؔ کیوں پاؤں توڑے بیٹھے ہو طیبہ کا رستہ لو

زمینِ ہند سرگرداں رکھے گی آسماں ہو کر

مرحبا عزت و کمال حضور

مرحبا عزت و کمالِ حضور

ہے جلالِ خدا جلالِ حضور

 

ان کے قدموں کی یاد میں مریئے

کیجیے دل کو پائمالِ حضور

 

دشتِ اَیمن ہے سینۂ مومن

دل میں ہے جلوۂ خیالِ حضور

 

آفرنیش کو ناز ہے جس پر

ہے وہ اَندازِ بے مثال حضور

 

ماہ کی جان مہر کا ایماں

جلوۂ حسن بے زوالِ حضور

 

حسن یوسف کرے زلیخائی

خواب میں دیکھ کر جمالِ حضور

 

وقف اِنجاحِ مقصد خدام

ہر شب و روز و ماہ و سالِ حضور

 

سکہ رائج ہے حکم جاری ہے

دونوں عالم ہیں ملک و مالِ حضور

 

تابِ دیدار ہو کسے جو نہ ہو

پردۂ غیب میں جمالِ حضور

 

جو نہ آئی نظر نہ آئے نظر

ہر نظر میں ہے وہ مثالِ حضور

 

انہیں نقصان دے نہیں سکتا

دشمن اپنا ہے بدسگالِ حضور

 

حال سے کشف رازِ قال نہ ہو

قال سے کیا عیاں ہو حالِ حضور

 

دُرَّۃُ التَّاج فرقِ شاہی ہے

ذَرَّۂ شوکت نعالِ حضور

 

منزلِ رُشد کے نجوم اَصحاب

کشتی خیر و اَمن آلِ حضور

 

ہے مس قلب کے لئے اِکسیر

اے حسنؔ خاک پائمالِ حضور

سیر گلشن کون دیکھے دشت طیبہ چھوڑ کر

سیر گلشن کون دیکھے دشتِ طیبہ چھوڑ کر

سوئے جنت کون جائے دَر تمہارا چھوڑ کر

 

سر گزشت غم کہوں کس سے تِرے ہوتے ہوئے

کس کے در پر جاؤں تیرا آستانہ چھوڑ کر

 

 

بے لقائے یار ان کو چین آ جاتا اگر

بار بار آتے نہ یوں جبریل سدرہ چھوڑ کر

 

کون کہتا ہے دلِ بے مُدَّعا ہے خوب چیز

میں تو کوڑی کو نہ لوں ان کی تمنا چھوڑ کر

 

مر ہی جاؤں میں اگر اس دَر سے جاؤں دو قدم

کیا بچے بیمارِ غم قربِ مسیحا چھوڑ کر

 

کس تمنا پر جئیں یارب اَسیرانِ قفس

آ چکی بادِ صبا باغِ مدینہ چھوڑ کر

 

بخشوانا مجھ سے عاصی کا رَوا ہو گا کسے

کس کے دامن میں چھپوں دامن تمہارا چھوڑ کر

 

خلد کیسا نفس سرکش جاؤں گا طیبہ کو میں

بد چلن ہٹ کر کھڑا ہو مجھ سے رَستہ چھوڑ کر

 

ایسے جلوے پر کروں میں لاکھ حوروں کو نثار

کیا غرض کیوں جاؤں جنت کو مدینہ چھوڑ کر

 

حشر میں ایک ایک کا مونھ تکتے پھرتے ہیں عدو

آفتوں میں پھنس گئے اُن کا سہارا چھوڑ کر

 

مر کے جیتے ہیں جو اُن کے دَر پہ جاتے ہیں حسنؔ

جی کے مرتے ہیں جو آتے ہیں مَدینہ چھوڑ کر

 

تمہارا رکوع اور خشوع مجھ سے پو شید ہ نہیں

حدیث صحیح میں ہے کہ رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے فرمایاکہ مجھ سے تمہارا رکوع اور خشوع پو شید ہ نہیں ۔ میں تم کواپنی پیٹھ کے پیچھے سے دیکھتا ہوں ۔

)بخاری، ۱ / ۱۶۱، الحدیث : ۴۱۸، دارالکتب العلمیۃ بیروت(

جتنا مرے خدا کو ہے میرا نبی عزیز

جتنا مِرے خدا کو ہے میرا نبی عزیز

کونین میں کسی کو نہ ہوگا کوئی عزیز

 

خاکِ مَدینہ پر مجھے اللّٰہ موت دے

وہ مردہ دل ہے جس کو نہ ہو زندگی عزیز

 

کیوں جائیں ہم کہیں کہ غنی تم نے کر دیا

اب تو یہ گھر پسند یہ در یہ گلی عزیز

 

جو کچھ تری رضا ہے خدا کی وہی خوشی

جو کچھ تری خوشی ہے خدا کو وہی عزیز

 

گو ہم نمک حرام نکمے غلام ہیں

قربان پھر بھی رکھتی ہے رحمت تری عزیز

 

شانِ کرم کو اچھے برے سے غرض نہیں

اس کو سبھی پسند ہیں اس کو سبھی عزیز

 

منگتا کا ہاتھ اٹھا تو مدینہ ہی کی طرف

تیرا ہی دَر پسند تری ہی گلی عزیز

 

اس دَر کی خاک پر مجھے مرنا پسند ہے

تخت شہی پہ کس کو نہیں زندگی عزیز

 

کونین دے دیے ہیں تِرے اختیار میں

اللّٰہ کو بھی کتنی ہے خاطر تری عزیز

 

محشر میں دو جہاں کو خدا کی خوشی کی چاہ

میرے حضور کی ہے خدا کو خوشی عزیز

 

قرآن کھا رہا ہے اسی خاک کی قسم

ہم کون ہیں خدا کو ہے تیری گلی عزیز

 

طیبہ کی خاک ہو کہ حیاتِ اَبد ملے

اے جاں بلب تجھے ہے اگر زندگی عزیز

 

سنگ ستم کے بعد دُعائے فلاح کی

بندے تو بندے ہیں تمہیں ہیں مدعی عزیز

 

دِل سے ذرا یہ کہہ دے کہ اُن کا غلام ہوں

ہر دشمن خدا ہو خدا کو ابھی عزیز

 

طیبہ کے ہوتے خلد بریں کیا کروں حسنؔ

مجھ کو یہی پسند ہے مجھ کو یہی عزیز

ہوں جو یاد رخ پرنور میں مرغان قفس

ہوں جو یادِ رُخِ پرنور میں مرغانِ قفس

چمک اُٹھے چہ یوسف کی طرح شانِ قفس

 

کس بلا میں ہیں گرفتار اَسیرانِ قفس

کل تھے مہمانِ چمن آج ہیں مہمانِ قفس

 

حیف در چشم زَدن صحبتِ یار آخر ُشد

اب کہاں طیبہ وہی ہم وہی زِندانِ قفس

 

رُوئے گل سیر ندیدیم و بہار آخر شد

ہائے کیا قہر کیا اُلفتِ یارانِ قفس

 

نوحہ گر کیوں نہ رہے مرغ خوش الحان چمن

باغ سے دَام ملا دَام سے زِندانِ قفس

 

پائیں صحرائے مدینہ تو گلستاں مل جائے

ہند ہے ہم کو قفس ہم ہیں اَسیرانِ قفس

 

زخمِ دِل پھول بنے آہ کی چلتی ہے نسیم

روز اَفزوں ہے بہارِ چمنستانِ قفس

 

قافلہ دیکھتے ہیں جب سوئے طیبہ جاتے

کیسی حسرت سے تڑپتے ہیں اَسیرانِ قفس

 

تھا چمن ہی ہمیں زِنداں کہ نہ تھا وہ گل تر

قید پر قید ہوا اور یہ زِندانِ قفس

 

دشت طیبہ میں ہمیں شکل وطن یاد آئی

بد نصیبی سے ہوا باغ میں اَرمانِ قفس

 

اب نہ آئیں گے اگر کھل گئی قسمت کی گرہ

اب گرہ باندھ لیا ہم نے یہ پیمانِ قفس

 

ہند کو کون مدینہ سے پلٹنا چاہے

عیش گلزار بھلا دے جو نہ دورانِ قفس

 

چہچہے کس گل خوبی کی ثنا میں ہیں حسنؔ

نکہت خلد سے مہکا ہے جو زِندانِ قفس

جناب مصطفے ہوں جس سے ناخوش

جنابِ مصطفیٰ ہوں جس سے نا خوش

نہیں ممکن کہ ہو اس سے خدا خوش

 

شہِ کونین نے جب صدقہ بانٹا

زمانے بھر کو دَم میں کر دیا خوش

 

سلاطیں مانگتے ہیں بھیک اس سے

یہ اپنے گھر سے ہے ان کا گدا خوش

 

پسند حق تعالیٰ تیری ہر بات

تِرے اَنداز خوش تیری ادا خوش

 

مٹیں سب ظاہر و باطن کے اَمراض

مدینہ کی ہے یہ آب و ہوا خوش

 

فَتَرْضٰی کی محبت کے تقاضے

کہ جس سے آپ خوش اس سے خدا خوش

 

ہزاروں جرم کرتا ہوں شب و روز

خوشا قسمت نہیں وہ پھر بھی نا خوش

 

الٰہی دے مِرے دل کو غم عشق

نشاطِ دہر سے ہو جاؤں نا خوش

 

نہیں جاتیں کبھی دَشت نبی سے

کچھ ایسی ہے بہاروں کی فضا خوش

 

مدینے کی اگر سرحد نظر آئے

دلِ ناشاد ہو بے اِنتہا خوش

 

نہ لے آرام دَم بھر بے غم عشق

دلِ مضطر میں خوش میرا خدا خوش

 

نہ تھا ممکن کہ ایسی معصیت پر

گنہگاروں سے ہو جاتا خدا خوش

 

تمہاری روتی آنکھوں نے ہنسایا

تمہارے غمزدہ دل نے کیا خوش

 

الٰہی دھوپ ہو ان کی گلی کی

مِرے سر کو نہیں ظل ہما خوش

 

حسنؔ نعت و چنیں شیریں بیانی

تو خوش باشی کہ کر دی وقتِ ماخوش

خدا کی خلق میں سب انبیا خاص

خدا کی خلق میں سب انبیا خاص

گروہِ اَنبیا میں مصطفیٰ خاص

 

نرالا حسن انداز و ادا خاص

تجھے خاصوں میں حق نے کر لیا خاص

 

تری نعمت کے سائل خاص تا عام

تری رحمت کے طالب عام تا خاص

 

شریک اس میں نہیں کوئی پیمبر

خدا سے ہے جو تجھ کو واسطہ خاص

 

گنہگارو نہ ہو مایوسِ رحمت

نہیں ہوتی کریموں کی عطا خاص

 

گدا ہوں خاص رحمت سے ملے بھیک

نہ میں خاص اور نہ میری التجا خاص

 

ملا جو کچھ جسے وہ تم سے پایا

تمہیں ہو مالک مُلکِ خدا خاص

 

غریبوں بے نواؤں بے کسوں کو

خدا نے دَر تمہارا کردیا خاص

 

جو کچھ پیدا ہوا دونوں جہاں میں

تصدق ہے تمہاری ذات کا خاص

 

تمہاری اَنجمن آرائیوں کو

ہوا ہنگامۂ قَالُوْا بَلٰی خاص

 

نبی ہم پایہ ہوں کیا تو نے پایا

نبوت کی طرح ہر معجزہ خاص

 

جو رکھتا ہے جمالِ مَنْ رَّاٰنِیْ

اسی مونھ کی صفت ہے وَالضُّحٰی خاص

 

نہ بھیجو اَور دروازوں پر اس کو

حسنؔ ہے آپ کے دَر کا گدا خاص

سن لو خدا کے واسطے اپنے گدا کی عرض

سن لو خدا کے واسطے اپنے گدا کی عرض

یہ عرض ہے حضور بڑے بے نوا کی عرض

 

اُن کے گدا کے دَر پہ ہے یوں بادشاہ کی عرض

جیسے ہو بادشاہ کے دَر پر گدا کی عرض

 

عاجز نوازیوں پہ کرم ہے تلا ہوا

وہ دِل لگا کے سنتے ہیں ہر بے نوا کی عرض

 

قربان اُن کے نام کے بے اُن کے نام کے

مقبول ہو نہ خاص جنابِ خدا کی عرض

 

غم کی گھٹائیں چھائی ہیں مجھ تیرہ بخت پر

اے مہر سن لے ذَرَّۂ بے دست و پا کی عرض

 

اے بیکسوں کے حامی و یاوَر سوا تِرے

کس کو غرض ہے کون سنے مبتلا کی عرض

 

اے کیمیائے دل میں تِرے دَر کی خاک ہوں

خاکِ دَر حضور سے ہے کیمیا کی عرض

 

اُلجھن سے دُور نور سے معمور کر مجھے

اے زُلفِ پاک ہے یہ اَسیرِ بلا کی عرض

 

دُکھ میں رہے کوئی یہ گوارا نہیں انہیں

مقبول کیوں نہ ہو دلِ دَرد آشنا کی عرض

 

کیوں طول دوں حضور یہ دیں یہ عطا کریں

خود جانتے ہیں آپ مِرے مُدَّعا کی عرض

 

دامن بھریں گے دولتِ فضل خدا سے ہم

خالی کبھی گئی ہے حسنؔ مصطفیٰ کی عرض

 

بابرکتپیالہ

امام ابن مامون کا بیان ہے کہ ہمارے پاس رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے پیالوں میں سے ایک پیالہ تھاہم اس میں بغرض شفاء بیماروں کو پانی پلایا کرتے تھے ۔

)الشفاء ، ۲ / ۳۳۱ ، مرکز اہل سنت برکات رضا، ہند(

 

چشم دل چاہے جو انوار سے ربط

چشمِ دل چاہے جو اَنوار سے ربط

رکھے خاکِ دَرِ دِلدار سے ربط

 

ان کی نعمت کا طلبگار سے میل

ان کی رحمت کا گنہگار سے ربط

 

دشت طیبہ کی جو دیکھ آئیں بہار

ہو عنادِل کو نہ گلزار سے ربط

 

یا خدا دِل نہ ملے دنیا سے

نہ ہو آئینہ کو زَنگار سے ربط

 

نفس سے میل نہ کرنا اے دل

قہر ہے ایسے ستم گار سے ربط

 

دِلِ نجدی میں ہو کیوں ُحبِ حضور

ظلمتوں کو نہیں اَنوار سے ربط

 

تلخی نزع سے اس کو کیا کام

ہو جسے لعل شکر بار سے ربط

 

خاک طیبہ کی اگر مل جائے

آپ صحت کرے بیمار سے ربط

 

ان کے دامانِ گہربار کو ہے

کاسۂ دست طلبگار سے ربط

 

کل ہے اِجلاس کا دن اَور ہمیں

میل عملہ سے نہ دَربار سے ربط

 

عمر یوں ان کی گلی میں گزرے

ذَرَّہ ذَرَّہ سے بڑھے پیار سے ربط

 

سرِ شوریدہ کو ہو دَر سے میل

کمرِ خستہ کو دِیوار سے ربط

 

اے حسنؔ خیر ہے کیا کرتے ہو

یار کو چھوڑ کر اَغیار سے ربط

خاک طیبہ کی اگر دل میں ہو وقعت محفوظ

 

خاکِ طیبہ کی اگر دل میں ہو وَقعت محفوظ

عیب کوری سے رہے چشمِ بصیرت محفوظ

 

دل میں روشن ہو اگر شمع وِلائے مولیٰ

دُزدِ شیطاں سے رہے دِین کی دولت محفوظ

 

یا خدا محو نظارہ ہوں یہاں تک آنکھیں

شکل قرآں ہو مِرے دل میں وہ صورت محفوظ

 

سلسلہ زلف مبارک سے ہے جس کے دل کو

ہر بلا سے رکھے اللّٰہ کی رحمت محفوظ

 

تھی جو اُس ذات سے تکمیل فرامیں منظور

رکھی خاتم کے لئے مہرِ نبوت محفوظ

 

اے نگہبان مِرے تجھ پہ صلاۃ اور سلام

دو جہاں میں تِرے بندے ہیں سلامت محفوظ

 

واسطہ حفظِ الٰہی کا بچا رہزن سے

رہے ایمانِ غریباں دمِ رحلت محفوظ

 

شاہیٔ کون و مکاں آپ کو دی خالق نے

کنز قدرت میں اَزَل سے تھی یہ دولت محفوظ

 

تیرے قانون میں گنجائش تبدیل نہیں

نسنح و ترمیم سے ہے تری شریعت محفوظ

 

جسے آزاد کرے قامتِ شہ کا صدقہ

رہے فتنوں سے وہ تا روزِ قیامت محفوظ

 

اس کو اَعدا کی عداوَت سے ضرر کیا پہنچے

جس کے دِل میں ہو حسنؔ اُن کی محبت محفوظ

 

اَن چھنے آٹے کی روٹی

ابن سعد بروایت ابو اسحاق نقل کرتے ہیں کہ امیر المؤمنین حضرت سیدنا عمر فاروق رَضِیَ اللّٰہُ تَعَالٰی عَنْہُ نے فرمایا کہ میں نے رسول اللّٰہ صَلَّی اللّٰہُ تَعَالٰی عَلَیْہِ وَسَلَّم کو بن چھانے آٹے کی روٹی کھاتے دیکھا ہے اس لئے میرے واسطے آٹا نہ چھانا جائے ۔ )طبقات الکبری لابن سعد ، ۱ / ۳۰۱، دارالکتب العلمیۃ بیروت(

مدینہ میں ہے وہ سامان بارگاہ رفیع

مَدینہ میں ہے وہ سامانِ بارگاہِ رفیع

عروج و اَوج ہیں قربانِ بارگاہِ رفیع

 

نہیں گدا ہی َ سرِخوانِ بارگاہِ رفیع

خلیل بھی تو ہیں مہمانِ بارگاہِ رفیع

 

بنائے دونوں جہاں مجرئی اُسی دَر کے

کیا خدا نے جو سامانِ بارگاہِ رفیع

 

زمین عجز پہ سجدے کرائیں شاہوں سے

فلک جنابِ غلامانِ بارگاہِ رفیع

 

ہے اِنتہائے علا اِبتدائے اَوج یہاں

وَرا خیال سے ہے شانِ بارگاہِ رفیع

 

کمند رشتۂ عمر خضر پہنچ نہ سکے

بلند اتنا ہے ایوانِ بارگاہِ رفیع

 

وہ کون ہے جو نہیں فیضیاب اس دَر سے

سبھی ہیں بندۂ احسانِ بارگاہِ رفیع

 

نوازے جاتے ہیں ہم سے نمک حرام غلام

ہماری جان ہو قربانِ بارگاہِ رفیع

 

مطیع نفس ہیں وہ سرکشانِ جن و بشر

نہیں جو تابع فرمانِ بارگاہِ رفیع

 

صلائے عام ہے مہماں نواز ہیں سرکار

کبھی اُٹھا ہی نہیں خوانِ بارگاہِ رفیع

 

جمالِ شمس و قمر کا سنگار ہے شب و روز

فروغِ شمسۂ ایوانِ بارگاہِ رفیع

 

ملائکہ ہیں فقط دابِ سلطنت کے لئے

خدا ہے آپ نگہبانِ بارگاہِ رفیع

 

حسنؔ جلالتِ شاہی سے کیوں جھجکتا ہے

گدا نواز ہے سلطانِ بارگاہِ رفیع

خوشبوئے دشتِ طیبہ سے بس جائے گر دماغ

خوشبوئے دشت ِطیبہ سے بس جائے گر دِماغ

مہکائے بوئے خلد مرا سر بسر دِماغ

 

پایا ہے پائے صاحب معراج سے شرف

ذَرَّاتِ کوئے طیبہ کا ہے عرش پر دِماغ

 

مومن فدائے نور و شمیم حضور میں

ہر دِل چمک رہا ہے مُعَطَّر ہے ہر دِماغ

 

ایسا بسے کہ بوئے گل خلد سے بسے

ہو یادِ نقش پائے نبی کا جو گھر دِماغ

 

آباد کر خدا کے لئے اپنے نور سے

ویران دِل ہے دل سے زیادہ کھنڈر دِماغ

 

ہر خارِ طیبہ زینتِ گلشن ہے عندلیب

نادان ایک پھول پر اتنا نہ کر دِماغ

 

زاہد ہے مستحق کرامت گنہگار

اللّٰہ اکبر اتنا مزاج اس قدر دِماغ

 

اے عندلیب خارِ حرم سے مثالِ گل

بک بک کے ہرزہ گوئی سے خالی نہ کر دِماغ

 

بے نور دِل کے واسطے کچھ بھیک مانگتے

ذَرَّاتِ خاکِ طیبہ کا ملتا اگر دِماغ

 

ہر دَم خیالِ پاک اِقامت گزیں رہے

بن جائے گھر دِماغ نہ ہو رہ گزر دِماغ

 

شاید کہ وصف پائے نبی کچھ بیاں کرے

پوری ترقیوں پہ رَسا ہو اگر دِماغ

 

اس بد لگام کو خر دَجَّال جانئے

منہ آئے ذِکر پاک کو سن کر جو خر دِماغ

 

اُن کے خیال سے وہ ملے امن اے حسنؔ

سر پر نہ آئے کوئی بلا ہو سپر دِماغ

کچھ غم نہیں اگرچہ زمانہ ہو بر خلاف

کچھ غم نہیں اگرچہ زمانہ ہو بر خلاف

اُن کی مدد رہے تو کرے کیا اَثر خلاف

 

اُن کا عدو اَسیرِ بلائے نفاق ہے

اس کی زبان و دل میں رہے عمر بھر خلاف

 

کرتا ہے ذکرِ پاک سے نجدی مخالفت

کم بخت بد نصیب کی قسمت ہے برخلاف

 

اُن کی وَجاہتوں میں کمی ہو محال ہے

بالفرض اِک زمانہ ہو اُن سے اگر خلاف

 

اُٹھوں جو خوابِ مرگ سے آئے شمیم یار

یارب نہ صبح حشر ہو بادِ سحر خلاف

 

قربان جاؤں رحمت عاجز نواز پر

ہوتی نہیں غریب سے اُن کی نظر خلاف

 

شان کرم کسی سے عوض چاہتی نہیں

لاکھ اِمتثالِ اَمر میں دِل ہو اِدھر خلاف

 

کیا رحمتیں ہیں لطف میں پھر بھی کمی نہیں

کرتے رہے ہیں حکم سے ہم عمر بھر خلاف

 

تعمیلِ حکمِ حق کا حسنؔ ہے اگر خیال

ارشادِ پاکِ سروَرِ دِیں کا نہ کر خلاف

عطائے رسول کی ایک برکت

حضرت عمیرہ بنت مسعود انصاریہ رَضِیَ اللّٰہُ تَعَالٰی عَنْہَا روایت کرتی ہیں کہ میں اور میری پانچ بہنیں رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی خدمت میں حاضر ہوئیں ۔ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم قدید(یعنی خشک کیا ہوا گوشت) تناول فرمارہے تھے ۔آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے چبا کر ایک ٹکڑا ان کو دیا، انہوں نے بانٹ کر کھا لیا مرتے دم تک ان میں سے کسی کے منہ میں بو ئے نا خوش پیدا نہ ہوئی اور نہ کوئی منہ کی بیماری ہوئی۔ )الاصابۃ فی تمییز الصحابۃ، ۸ / ۲۵۱دارالکتب العلمیۃ بیروت(

رحمت نہ کس طرح ہو گنہ گار کی طرف

رحمت نہ کس طرح ہو ُگنہ گار کی طرف

رحمن خود ہے میرے طرفدار کی طرف

 

جانِ جناں ہے دشت مدینہ تری بہار

بلبل نہ جائے گی کبھی گلزار کی طرف

 

اِنکار کا وُقوع تو کیا ہو کریم سے

مائل ہوا نہ دِل کبھی اِنکار کی طرف

 

جنت بھی لینے آئے تو چھوڑیں نہ یہ گلی

مونھ پھیر بیٹھیں ہم تری دیوار کی طرف

 

مونھ اس کا دیکھتی ہیں بہاریں بہشت کی

جس کی نگاہ ہے ترے رُخسار کی طرف

 

جاں بخشیاں مسیح کو حیرت میں ڈالتیں

چپ بیٹھے دیکھتے تری رفتار کی طرف

 

محشر میں آفتاب اُدھر گرم اَور اِدھر

آنکھیں لگی ہیں دامنِ دِلدار کی طرف

 

پھیلا ہوا ہے ہاتھ ترے دَر کے سامنے

گردن جھکی ہوئی تری دیوار کی طرف

 

گوبے شمار جرم ہوں گو بے عدد گناہ

کچھ غم نہیں جو تم ہو گنہگار کی طرف

 

یوں مجھ کو موت آئے تو کیا پوچھنا مرا

میں خاک پر نگاہ درِ یار کی طرف

 

کعبے کے صدقے دل کی تمنا مگر یہ ہے

مرنے کے وقت مونھ ہو دَرِ یار کی طرف

 

دے جاتے ہیں مراد جہاں مانگئے وہاں

مونھ ہونا چاہیے دَرِ سرکار کی طرف

 

روکے گی حشر میں جو مجھے پاشکستگی

دَوڑیں گے ہاتھ دامن دِلدار کی طرف

 

آہیں دلِ اَسیر سے لب تک نہ آئی تھیں

اور آپ دوڑے آئے گرفتار کی طرف

 

دیکھی جو بے کسی تو اُنہیں رحم آگیا

گھبرا کے ہوگئے وہ گنہگار کی طرف

 

بٹتی ہے بھیک دوڑتے پھرتے ہیں بے نوا

دَر کی طرف کبھی کبھی دیوار کی طرف

 

عالم کے دِل تو بھرگئے دولت سے کیا عجب

گھر دَوڑنے لگیں درِ سرکار کی طرف

 

 

آنکھیں جو بند ہوں تو مقدر کھلے حسنؔ

جلوے خود آئیں طالبِ دِیدار کی طرف

مُصافحہ کی برکت

حضرت وَائل بن حجر رَضِیَ اللّٰہُ تَعَالٰی عَنْہُ فرماتے ہیں کہ جب میں رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم سے مصافحہ کرتا تھا یا میرا بدن آپ کے بدن سے مس کر تا تو میرا ہاتھ کستوری سے زیادہ خوشبو دار ہوتا۔)المواہب اللدنیۃ مع شرح الزرقانی، ۵ / ۴۵۲، دارالکتب العلمیۃ بیروت(

ترا ظہور ہوا چشم نور کی رونق

ترا ظہور ہوا چشم نور کی رونق

ترا ہی نور ہے بزمِ ظہور کی رونق

 

رہے نہ عفو میں پھر ایک ذَرَّہ شک باقی

جو اُن کی خاکِ قدم ہو قبور کی رونق

 

نہ فرش کا یہ تجمل نہ عرش کا یہ جمال

فقط ہے نور و ظہورِ حضور کی رونق

 

تمہارے نور سے روشن ہوئے زمین و فلک

یہی جمال ہے نزدیک و دُور کی رونق

 

زبانِ حال سے کہتے ہیں نقش پا اُن کے

ہمیں ہیں چہرۂ غلمان و حور کی رونق

 

تِرے نثار ترا ایک جلوۂ رنگیں

بہارِ جنت و حور و قصور کی رونق

 

ضیا زمین و فلک کی ہے جس تجلی سے

الٰہی ہو وہ دلِ ناصبور کی رونق

 

یہی فروغ تو زیب صفا و زینت ہے

یہی ہے حسن و تجلی و نور کی رونق

 

حضور تیرہ و تاریک ہے یہ پتھر دل

تجلّیوں سے ہوئی کوہِ طور کی رونق

 

سجی ہے جن سے شبستانِ عالم اِمکاں

وہی ہیں مجلس رَوزِ نشور کی رونق

 

کریں دلوں کو منور سراج[1]؎ کے جلوے

فروغِ بزمِ عوارِف ہو نور [2]؎ کی رونق

 

[1] سراج العوارف مصنفہ حضرت پیرو مرشد برحق رَضِیَ اللّٰہُ تَعَالٰی عَنْہ۔۱۲

[2] تخلص حضرت سیدنا شاہ ابوالحسین احمد نوری مارہروی رَحْمَۃُ اللّٰہِ تَعَالٰی عَلَیْہ۔۱۲

 

 

 

دعا خدا سے غمِ عشقِ مصطفیٰ کی ہے

حسنؔ یہ غم ہے نشاط و سرور کی رونق

جو ہو سر کو رسائی اُن کے دَر تک

جو ہو سر کو رَسائی اُن کے دَر تک

تو پہنچے تاجِ عزت اپنے سر تک

 

وہ جب تشریف لائے گھر سے دَر تک

بھکاری کا بھراہے دَر سے گھر تک

 

دُہائی ناخدائے بے کساں کی

کہ سیلابِ اَلم پہنچا کمر تک

 

الٰہی دل کو دے وہ سوزِ اُلفت

پھنکے سینہ جلن پہنچے جگر تک

 

نہ ہو جب تک تمہارا نام شامل

دعائیں جا نہیں سکتیں اَثر تک

 

گزر کی راہ نکلی رَہ گزر میں

ابھی پہنچے نہ تھے ہم ان کے در تک

 

خدا یوں اُن کی اُلفت میں گمادے

نہ پاؤں پھر کبھی اپنی خبر تک

 

بجائے چشم خود اُٹھ تا نہ ہو آڑ

جمالِ یار سے تیری نظر تک

 

تری نعمت کے بھوکے اَہل دولت

تری رحمت کا پیاسا اَبر تک

 

نہ ہوگا دو قدم کا فاصلہ بھی

الٰہ آباد سے اَحمد نگر تک

 

تمہارے حُسن کے باڑے کے صدقے

نمک خوارِ َملاحت ہے قمر تک

 

شبِ معراج تھے جلوے پہ جلوے

شبستانِ دَنیٰ سے ان کے گھر تک

 

 

 

 

بلائے جان ہے اب وِیرانیٔ دل

چلے آؤ کبھی اس اُجڑے گھر تک

 

نہ کھول آنکھیں نگاہِ شوقِ ناقص

بہت پردے ہیں حسن جلوہ گر تک

 

جہنم میں دھکیلیں نجدیوں کو

حسنؔ جھوٹوں کو یوں پہنچائیں گھر تک

طور نے تو خوب دیکھا جلوۂ شان جمال

طور نے تو خوب دیکھا جلوۂ شانِ جمال

اس طرف بھی اِک نظر اے برقِ تابانِ جمال

 

اِک نظر بے پردَہ ہو جائے جو لمعانِ جمال

مردُمِ دِیدہ کی آنکھوں پر جو احسانِ جمال

 

چل گیا جس راہ میں سروِ خرامانِ جمال

نقش پا سے کھل گئے لاکھوں گلستانِ جمال

 

ہے شب غم اور گرفتارانِ ہجرانِ جمال

مہر کر ذَرّوں پہ اے خورشیدِ تابانِ جمال

 

کر گیا آخر لباسِ لالہ و گل میں ظہور

خاک میں ملتا نہیں خونِ شہیدانِ جمال

 

ذَرَّہ ذَرَّہ خاک کا ہو جائے گا خورشید حشر

قبر میں لے جائیں گے عاشق جو اَرمانِ جمال

 

ہوگیا شاداب عالم آگئی فصل بہار

اُٹھ گیا پردَہ کھلا بابِ گلستانِ جمال

 

جلوۂ موئے محاسن چہرۂ اَنور کے گرد

آبنوسی رحل پر رکھا ہے قرآنِ جمال

 

اس کے جلوے سے نہ کیوں کافور ہوں ظلماتِ کفر

پیش گاہِ نور سے آیا ہے فرمانِ جمال

 

کیا کہوں کتنا ہے ان کی رہ گزر میں جوشِ حسن

آشکارا ذَرَّہ ذَرَّہ سے ہے میدانِ جمال

 

ذَرَّۂ دَر سے تِرے ہمسر ہوں کیا مہر و قمر

یہ ہے سلطانِ جمال اور وہ گدایانِ جمال

 

کیا مزے کی زندگی ہے زندگی عشاق کی

آنکھیں ان کی جستجو میں دِل میں ارمانِ جمال

 

رُو سیاہی نے شب دِیجور کو شرما دیا

مونھ اُجالا کر دے اے خورشیدِ تابانِ جمال

 

اَبروئے پُر خم سے پیدا ہے ہلالِ ماہِ عید

مطلعِ عارِض سے روشن بدرِ تابانِ جمال

 

دل کشیٔ حُسنِ جاناں کا ہو کیا عالم بیاں

دل فدائے آئنہ آئینہ قربانِ جمال

 

پیشِ یوسف ہاتھ کاٹے ہیں زَنانِ مصر نے

تیری خاطر سر کٹا بیٹھے فدایانِ جمال

 

تیرے ذَرَّہ پر شب غم کی جفائیں تابکے

نور کا تڑکا دکھا اے مہر تابانِ جمال

 

اتنی مدت تک ہو دید َمصحفِ عارِض نصیب

حفظ کر لوں ناظرہ پڑھ پڑھ کے قرآنِ جمال

 

یا خدا دل کی گلی سے کون گزرا ہے کہ آج

ذَرَّہ ذَرَّہ سے ہے طالع مہر تابانِ جمال

 

اُن کے دَر پر اِس قدر بٹتا ہے باڑہ نور کا

جھولیاں بھر بھر کے لاتے ہیں گدایانِ جمال

 

نور کی بارش حسنؔ پر ہو ترے دیدار سے

دِل سے دُھل جائے الٰہی داغِ حرمانِ جمال

بزم محشر منعقد کر میر سامان جمال

بزمِ محشر منعقد کر میرِ سامانِ جمال

دل کے آئینوں کو مدت سے ہے اَرمانِ جمال

 

اپنا صدقہ بانٹتا آتا ہے سلطانِ جمال

جھولیاں پھیلائے دوڑیں بے نوایانِ جمال

 

جس طرح سے عاشقوں کا دل ہے قربانِ جمال

ہے یوہیں قربان تیری شکل پر جانِ جمال

 

بے حجابانہ دِکھا دو اِک نظر آنِ جمال

صدقے ہونے کے لئے حاضر ہیں خواہانِ جمال

 

تیرے ہی قامت نے چمکایا مقدر حسن کا

بس اسی اِکِّے سے روشن ہے شبستانِ جمال

 

رُوح لے گی حشر تک خوشبوئے جنت کے مزے

گر بسا دے گا کفن عطر گریبانِ جمال

 

مر گئے عشاق لیکن وا ہے چشم منتظر

حشر تک آنکھیں تجھے ڈھونڈیں گی اے جانِ جمال

 

پیشگی ہی نقد جاں دیتے چلے ہیں مشتری

حشر میں کھولے گا یارب کون دکانِ جمال

 

عاشقوں کا ذکر کیا معشوق عاشق ہوگئے

انجمن کی انجمن صدقے ہے اے جانِ جمال

 

تیری ذُرِّیت کا ہر ذَرَّہ نہ کیوں ہو آفتاب

سر زمین حسن سے نکلی ہے یہ کانِ جمال

 

بزمِ محشر میں حسینانِ جہاں سب جمع ہیں

پر نظر تیری طرف اُٹھتی ہے اے جانِ جمال

 

آرہی ہے ظلمت شب ہائے غم پیچھا کئے

نورِ یزداں ہم کو لے لے زیر دامانِ جمال

 

وسعت بازارِ محشر تنگ ہے اس کے حضور

کس جگہ کھولے کسی کا حسن دکان جمال

 

خوبرویانِ جہاں کو بھی یہی کہتے سنا

تم ہو شانِ حسن جانِ حسن ایمانِ جمال

 

تیرہ و تاریک رہتی بزمِ خوبانِ جہاں

گر تیرا جلوہ نہ ہوتا شمع ایوانِ جمال

 

میں تصدق جاؤں اے شمس الضحٰے بدرالدجیٰ

اس دلِ تاریک پر بھی کوئی لمعانِ جمال

 

سب سے پہلے حضرتِ یوسف کا نامِ پاک لوں

میں گناؤں گر تیرے اُمیدوارانِ جمال

 

بے بصر پر بھی یہ اُن کے حسن نے ڈالا اثر

دل میں ہے پھوٹی ہوئی آنکھوں پہ ارمانِ جمال

 

عاشقوں نے رَزمگاہوں میں گلے کٹوا دئیے

واہ کس کس لطف سے کی عید قربانِ جمال

 

یاخدا دیکھوں بہارِ خندۂ دنداں نما

برسے کشت آرزو پر اَبر نیسانِ جمال

 

ظلمت مرقد سے اَندیشہ حسنؔ کو کچھ نہیں

ہے وہ مداحِ حسیناں منقبت خوانِ جمال

اے دین حق کے رہبر تم پر سلام ہر دم

اے دین حق کے رہبر تم پر سلام ہر دم

میرے شفیعِ محشر تم پر سلام ہر دم

 

اس بے کس و حزیں پر جو کچھ گزر رہی ہے

ظاہر ہے سب وہ تم پر، تم پر سلام ہر دم

 

دنیا و آخرت میں جب میں رہوں سلامت

پیارے پڑھوں نہ کیونکر تم پر سلام ہر دم

 

دل تفتگانِ فرقت پیاسے ہیں مدتوں سے

ہم کو بھی جامِ کوثر تم پر سلام ہر دم

 

بندہ تمہارے دَر کا آفت میں مبتلا ہے

رحم اے حبیب داوَر تم پر سلام ہر دم

 

بے وارثوں کے وارث بے والیوں کے والی

تسکین جانِ مضطر تم پر سلام ہر دم

 

لِلّٰہ ابہماری فریاد کو پہنچئے

بے حد ہے حال اَبتر تم پر سلام ہر دم

 

جلاد نفس بد سے دیجے مجھے رِہائی

اب ہے گلے پہ خنجر تم پر سلام ہر دم

 

دَریوزہ گر ہوں میں بھی اَدنیٰ سا اس گلی کا

لطف و کرم ہو مجھ پر تم پر سلام ہر دم

 

کوئی نہیں ہے میرا میں کس سے داد چاہوں

سلطانِ بندہ پروَر تم پر سلام ہر دم

 

غم کی گھٹائیں گھِر کر آئی ہیں ہر طرف سے

اے مہر ذَرَّہ پروَر تم پر سلام ہر دم

 

بلوا کے اپنے دَر پر اب مجھ کو دیجے عزت

پھرتا ہوں خوار دَر دَر تم پر سلام ہر دم

 

محتاج سے تمہارے کرتے ہیں سب کنارہ

بس اِک تمہیں ہو یاوَر تم پر سلام ہر دم

 

بہر خدا بچاؤ اِن خارہائے غم سے

اِک دل ہے لاکھ نشتر تم پر سلام ہر دم

 

کوئی نہیں ہمارا ہم کس کے دَر پہ جائیں

اے بیکسوں کے یاوَر تم پر سلام ہر دم

 

کیا خوف مجھ کو پیارے نارِ جحیم سے ہو

تم ہو شفیع محشر تم پر سلام ہر دم

 

اپنے گدائے در کی لیجے خبر خدارا

کیجیکرم حسنؔ پر تم پر سلام ہر دم

اے مدینے کے تاجدار سلام

اے مَدینے کے تاجدار سلام

اے غریبوں کے غمگسار سلام

 

تیری اِک اِک اَدا پر اے پیارے

سو دُرودیں فدا ہزار سلام

 

رَبِّ سَلِّم کے کہنے والے پر

جان کے ساتھ ہوں نثار سلام

 

 

میرے پیارے پہ میرے آقا پر

میری جانب سے لاکھ بار سلام

 

میری بگڑی بنانے والے پر

بھیج اے میرے کردگار سلام

 

اُس پناہِ گناہ گاراں پر

یہ سلام اور کرور بار سلام

 

اُس جوابِ سلام کے صدقے

تا قیامت ہوں بے شمار سلام

 

اُن کی محفل میں ساتھ لے جائیں

حسرتِ جان بے قرار سلام

 

پردہ میرا نہ فاش حشر میں ہو

اے مرے حق کے راز دار سلام

 

وہ سلامت رہا قیامت میں

پڑھ لئے جس نے دل سے چار سلام

 

عرض کرتا ہے یہ حسنؔ تیرا

تجھ پر اے خلد کی بہار سلام

باوضو مرنے والا شہید ہے

مدینے کے تاجدار صَلَّی اللّٰہ تَعَالٰی عَلَیْہِ وَاٰلِہٖ وَسَلَّم نے حضرت انس رَضِیَ اللّٰہُ تَعَالٰی عَنْہُ سے فرمایا : بیٹا اگر تم ہمیشہ باوضو رہنے کی استطاعت رکھو تو ایسا ہی کرو کیونکہ ملک الموت جس کی روح حالت وضو میں قبض کرتا ہے اس کے لیے شہادت لکھ دی جاتی ہے ۔(کنزالعمال، ۹ / ۱۳۰، الحدیث : ۲۶۰۶۰، دارالکتب العلمیۃ بیروت)

تیرے در پہ ساجد ہیں شاہانِ عالم

تیرے دَر پہ ساجد ہیں شاہانِ عالم

تو سلطانِ عالم ہے اے جانِ عالم

 

یہ پیاری ادائیں یہ نیچی نگاہیں

فدا جانِ عالم ہو اے جانِ عالم

 

کسی اَور کو بھی یہ دولت ملی ہے

گدا کس کے دَر کے ہیں شاہانِ عالم

 

میں دَر دَر پھروں چھوڑ کر کیوں ترا دَر

اُٹھائے بلا میری احسانِ عالم

 

میں سرکارِ عالی کے قربان جاؤں

 

بھکاری ہیں اس دَر کے شاہانِ عالم

 

مِرے دَبدبہ والے میں تیرے صدقے

ترے دَر کے کتے ہیں شیرانِ عالم

 

تمہاری طرف ہاتھ پھیلے ہیں سب کے

تمہیں پورے کرتے ہو اَرمانِ عالم

 

مجھے زندہ کر دے مجھے زندہ کر دے

مِرے جانِ عالم مِرے جانِ عالم

 

مسلماں مسلماں ہیں تیرے سبب سے

مری جان تو ہی ہے ایمانِ عالم

 

مِرے آن والے مِرے شان والے

گدائی تِرے دَر کی ہے شانِ عالم

 

تو بحر حقیقت تو دریائے عرفاں

ترا ایک قطرہ ہے عرفانِ عالم

 

کوئی جلوہ میرے بھی روزِ سیہ پر

خدا کے قمر مہر تابانِ عالم

 

بس اب کچھ عنایت ہوا اب ملا کچھ

انہیں تکتے رہنا فقیرانِ عالم

 

وہ دولھا ہیں ساری خدائی براتی

اُنہیں کے لئے ہے یہ سامانِ عالم

 

نہ دیکھا کوئی پھول تجھ سا نہ دیکھا

بہت چھان ڈالے گلستانِ عالم

 

تِرے کوچہ کی خاک ٹھہری اَزَل سے

مری جاں علاجِ مریضانِ عالم

 

کوئی جانِ عیسیٰ کو جا کر خبر دے

مرے جاتے ہیں دَرد مندانِ عالم

 

ابھی سارے بیمار ہوتے ہیں اچھے

اگر لب ہلا دے وہ دَرمانِ عالم

 

سَمِیْعًا خدارا حسنؔ کی بھی سن لے

بلا میں ہے یہ لوثِ دامانِ عالم

جاتے ہیں سوئے مدینہ گھر سے ہم

جاتے ہیں سوئے مَدینہ گھر سے ہم

باز آئے ہند بد اَختر سے ہم

 

مار ڈالے بے قراری شوق کی

خوش تو جب ہوں اس دلِ مُضطَر سے ہم

 

بے ٹھکانوں کا ٹھکانہ ہے یہی

اب کہاں جائیں تمہارے دَر سے ہم

 

تشنگیٔ حشر سے کچھ غم نہیں

ہیں غلامانِ شہ کوثر سے ہم

 

اپنے ہاتھوں میں ہے دامانِ شفیع

ڈَر چکے بس فتنۂ محشر سے ہم

 

نقش پا سے جو ہوا ہے سرفراز

دِل بدل ڈالیں گے اُس پتھر سے ہم

 

گردنِ تسلیم خم کرنے کے ساتھ

پھینکتے ہیں بارِ عصیاں سر سے ہم

 

گور کی شب تار ہے پر خوف کیا

لو لگائے ہیں رُخِ اَنور سے ہم

 

دیکھ لینا سب مرادیں مل گئیں

جب لپٹ کر روئے اُن کے در سے ہم

 

کیا بندھا ہم کو خدا جانے خیال

آنکھیں ملتے ہیں جو ہر پتھر سے ہم

 

جانے والے چل دئیے کب کے حسنؔ

پھر رہے ہیں ایک بس مضطر سے ہم

برص کا مرض

سیر ہونے کی حالت میں (یعنی جب پیٹ بھرا ہوا ہو)کھانا برص پیدا کرتا ہے ۔(قوت القلوب، ۲ / ۵۸۹)

اللّٰہ برائے غوث اعظم رَضِیَ اللّٰہُ تَعَالٰی عَنْہ

اللّٰہ برائے غوثِ اعظم

 

دے مجھ کو وِلائے غوثِ اعظم

 

دیدارِ خدا تجھے مبارک

اے محو لقائے غوثِ اعظم

 

وہ کون کریم صاحبِ جود

میں کون گدائے غوثِ اعظم

 

سوکھی ہوئی کھیتیاں ہری کر

اے اَبر سخائے غوثِ اعظم

 

اُمیدیں نصیب مشکلیں حل

قربانِ عطائے غوثِ اعظم

 

کیا تیزیٔ مہر حشر سے خوف

ہیں زیر لوائے غوثِ اعظم

 

وہ اَور ہیں جن کو کہئے محتاج

ہم تو ہیں گدائے غوثِ اعظم

 

ہیں جانبِ نالۂ غریباں

گوشِ شنوائے غوثِ اعظم

 

کیوں ہم کو ستائے نارِ دوزخ

کیوں رَد ہو دُعائے غوثِ اعظم

 

بیگانے بھی ہو گئے یگانے

دل کش ہے اَدائے غوثِ اعظم

 

آنکھوں میں ہے نور کی تجلی

پھیلی ہے ضیائے غوثِ اعظم

 

جو دَم میں غنی کرے گدا کو

وہ کیا ہے عطائے غوثِ اعظم

 

کیوں حشر کے دن ہو فاش پردہ

ہیں زیر قبائے غوثِ اعظم

 

آئینۂ رُوئے خوبرویاں

نقش کف پائے غوثِ اعظم

 

اے دل نہ ڈر ان بلاؤں سے اب

وہ آئی صدائے غوثِ اعظم

 

اے غم جو ستائے اَب تو جانوں

لے دیکھ وہ آئے غوثِ اعظم

 

تارِ نفسِ ملائکہ ہے

ہر تارِ قبائے غوثِ اعظم

 

سب کھول دے عقدہائے مشکل

اے ناخن پائے غوثِ اعظم

 

کیا اُن کی ثنا لکھوں حسنؔ میں

جاں باد فدائے غوثِ اعظم

اسیروں کے مشکل کشا غوثِ اعظم رَضِیَ اللّٰہُ تَعَالٰی عَنْہ

اَسیروں کے مشکل کشا غوثِ اعظم

فقیروں کے حاجت رَوا غوثِ اعظم

 

گھرا ہے بلاؤں میں بندہ تمہارا

مدد کے لئے آؤ یاغوثِ اعظم

 

تِرے ہاتھ میں ہاتھ میں نے دیا ہے

تِرے ہاتھ ہے لاج یاغوثِ اعظم

 

مریدوں کو خطرہ نہیں بحر غم سے

کہ بیڑے کے ہیں ناخدا غوثِ اعظم

 

تمہیں دکھ سنو اپنے آفت زَدوں کا

تمہیں دَرد کی دو دَوا غوثِ اعظم

 

بھنور میں پھنسا ہے ہمارا سفینہ

بچا غوثِ اعظم بچا غوثِ اعظم

 

جو دکھ بھر رہا ہوں جو غم سہ رہا ہوں

کہوں کس سے تیرے سوا غوثِ اعظم

 

زمانے کے دُکھ دَرد کی رَنج و غم کی

تِرے ہاتھ میں ہے دَوا غوثِ اعظم

 

اگر سلطنت کی ہوس ہے فقیرو

کہو شَیْئَا لِّلّٰہ یاغوثِ اعظم

 

نکالا ہے پہلے تو ڈُوبے ہوؤں کو

اور اب ڈُوبتوں کو بچا غوثِ اعظم

 

جسے خلق کہتی ہے پیارا خدا کا

اسی کا ہے تو لاڈلا غوثِ اعظم

 

کیا غور جب گیارہویں بارہویں میں

معما یہ ہم پر کھلا غوثِ اعظم

 

تمہیں وَصل بے فصل ہے شاہِ دیں سے

دیا حق نے یہ مرتبہ غوثِ اعظم

 

پھنسا ہے تباہی میں بیڑا ہمارا

سہارا لگا دو ذرا غوثِ اعظم

 

مشائخ جہاں آئیں بہر گدائی

وہ ہے تیری دولت سرا غوثِ اعظم

 

مری مشکلوں کو بھی آسان کیجے

کہ ہیں آپ مشکل کشا غوثِ اعظم

 

وہاں سر جھکاتے ہیں سب اُونچے اُونچے

جہاں ہے ترا نقش پا غوثِ اعظم

 

قسم ہے کہ مشکل کو مشکل نہ پایا

کہا ہم نے جس وقت یاغوثِ اعظم

 

مجھے پھیر میں نفسِ کافر نے ڈالا

بتا جائیے راستا غوثِ اعظم

 

کھلا دے جو مرجھائی کلیاں دِلوں کی

چلا کوئی ایسی ہوا غوثِ اعظم

 

مجھے اپنی اُلفت میں ایسا گما دے

نہ پاؤں پھر اپنا پتا غوثِ اعظم

 

بچا لے غلاموں کو مجبوریوں سے

کہ تو عبدِ قادِر ہے یاغوثِ اعظم

 

دکھا دے ذرا مہر رُخ کی تجلی

کہ چھائی ہے غم کی گھٹا غوثِ اعظم

 

گرانے لگی ہے مجھے لغزشِ پا

سنبھالو ضعیفوں کو یاغوثِ اعظم

 

لپٹ جائیں دامن سے اُس کے ہزاروں

پکڑ لے جو دامن ترا غوثِ اعظم

 

سروں پر جسے لیتے ہیں تاج والے

تمہارا قدم ہے وہ یاغوثِ اعظم

 

دوائے نگاہے عطائے سخائے

کہ ُشد دردِ مَا لادوا غوثِ اعظم

 

ز ہر رُو ہر راہ رَوِیم بگرداں

سوئے خویش راہم نما غوثِ اعظم

 

اسیرِ کمندِ ہوایم کریما

بہ بخشائے بر حالِ ما غوثِ اعظم

 

فقیر تو چشم کرم از تو دارد

نگاہے بحالِ گدا غوثِ اعظم

 

گدایم مگر اَز گدایانِ شاہے

کہ گویندش اَہلِ صفا غوثِ اعظم

 

کمر بست بَر خونِ َمن نفسِ قاتل

اَغِثْنِیْ برائے خدا غوثِ اعظم

 

اَدھر میں پیا موری ڈولت ہے نیّا

کہوں کا سے اپنی بتھا غوثِ اعظم

 

بپت میں کٹی موری سگری عمریا

کرو مو پہ اپنی دَیا غوثِ اعظم

 

بھیو دو جو بیکنٹھ بگداد تو سے

کہو موری نگری بھی آ غوثِ اعظم

 

کہے کس سے جا کر حسنؔ اپنے دل کی

سنے کون تیرے سوا غوثِ اعظم

کون کہتا ہے کہ زینت خلد کی اچھی نہیں

کون کہتا ہے کہ زینت خلد کی اچھی نہیں

لیکن اے دل فرقتِ کوئے نبی اچھی نہیں

 

رحم کی سرکار میں پرسش ہے ایسوں کی بہت

اے دل اچھا ہے اگر حالت مری اچھی نہیں

 

تیرہ دل کو جلوۂ ماہِ عرب دَرکار ہے

چودھویں کے چاند تیری چاندنی اچھی نہیں

 

کچھ خبر ہے میں برا ہوں کیسے اچھے کا برا

مجھ برے پہ زاہدو طعنہ زَنی اچھی نہیں

 

اس گلی سے دُور رہ کر کیا مریں ہم کیا جئیں

آہ ایسی موت ایسی زندگی اچھی نہیں

 

اُن کے دَر کی بھیک چھوڑیں سروَری کے واسطے

اُن کے دَر کی بھیک اچھی سروَری اچھی نہیں

 

خاک اُن کے آستانے کی منگا دے چارہ گر

فکر کیا حالت اگر بیمار کی اچھی نہیں

 

سایۂ دیوارِ جاناں میں ہو بستر خاک پر

آرزوئے تاج و تخت خسروَی اچھی نہیں

 

دَردِ عصیاں کی ترقی سے ہوا ہوں جاں بلب

مجھ کو اچھا کیجیے حالت مری اچھی نہیں

 

ذَرَّۂ طیبہ کی طلعت کے مقابل اے قمر

گھٹتی بڑھتی چار دن کی چاندنی اچھی نہیں

 

موسم گل کیوں دکھائے جاتے ہیں یہ سبز باغ

دشتِ طیبہ جائیں گے ہم رہزنی اچھی نہیں

 

بیکسوں پر مہرباں ہے رحمتِ بیکس نواز

 

کون کہتا ہے ہماری بیکسی اچھی نہیں

 

بندۂ سرکار ہو پھر کر خدا کی بندگی

ورنہ اے بندے خدا کی بندگی اچھی نہیں

 

رُوسیہ ہوں منہ اُجالا کر دے اے طیبہ کے چاند

اس اندھیرے پاکھ کی یہ تیرگی اچھی نہیں

 

خار ہائے دشتِ طیبہ چبھ گئے دل میں مِرے

عارِضِ گل کی بہارِ عارِضی اَچھی نہیں

 

صبحِ محشر چونک اے دل جلوۂ محبوب دیکھ

نور کا تڑکا ہے پیارے کاہلی اچھی نہیں

 

اُن کے دَر پر موت آ جائے تو جی جاؤں حسن ؔ

اُن کے دَر سے دُور رہ کر زندگی اچھی نہیں

دست مبارک کی برکت

حضرت اُسید بن اَبی اُناس کنانی دُئلی رَضِیَ اللّٰہُ تَعَالٰی عَنْہُکے سینے پر حضور عَلَیْہِ الصَّلٰوۃُ وَالسَّلَام نے اپنا دست مبارک رکھااور چہرے پرپھیرا ۔ اس کی برکت یہ ظاہر ہوئی کہ جب وہ تاریک گھر میں داخل ہو تے تو گھر روشن ہو جاتا۔ (الخصائص الکبری للسیوطی، ۲ / ۱۴۲، دارالکتب العلمیۃ بیروت)

نگاہ لطف کے امیدوار ہم بھی ہیں

نگاہِ لطف کے اُمیدوار ہم بھی ہیں

لئے ہوئے یہ دلِ بے قرار ہم بھی ہیں

 

ہمارے دَست تمنا کی لاج بھی رکھنا

تِرے فقیروں میں اے شہر یار ہم بھی ہیں

 

اِدھر بھی توسن اَقدس کے دو قدم جلوے

تمہاری راہ میں مشت غبار ہم بھی ہیں

 

کھلا دو غنچۂ دل صدقہ بادِ دامن کا

امیدوارِ نسیمِ بہار ہم بھی ہیں

 

تمہاری ایک نگاہِ کرم میں سب کچھ ہے

پڑے ہوئے تو سرِ راہ گزار ہم بھی ہیں

 

جو سر پہ رکھنے کو مل جائے نعل پاکِ حضور

تو پھر کہیں گے کہ ہاں تاجدار ہم بھی ہیں

 

یہ کس شہنشہ والا کا صدقہ بٹتا ہے

کہ خسروؤں میں پڑی ہے پکار ہم بھی ہیں

 

ہماری بگڑی بنی اُن کے اِختیار میں ہے

سپرد اُنہیں کے ہیں سب کاروبار ہم بھی ہیں

 

حسنؔ ہے جن کی سخاوَت کی دُھوم عالم میں

انہیں کے تم بھی ہواِک ریزہ خوار ہم بھی ہیں

کیا کریں محفلِ دلدار کو کیونکر دیکھیں

کیا کریں محفلِ دِلدار کو کیونکر دیکھیں

اپنے سرکار کے دَربار کو کیونکر دیکھیں

 

تابِ نظارہ تو ہو یار کو کیونکر دیکھیں

آنکھیں ملتی نہیں دِیدار کو کیونکر دیکھیں

 

دِلِ مردہ کو تِرے کوچہ میں کیونکر لے جائیں

اَثرِ جلوۂ رَفتار کو کیونکر دیکھیں

 

جن کی نظروں میں ہے صحرائے مَدینہ بلبل

آنکھ اُٹھا کر ترے گلزار کو کیونکر دیکھیں

 

عوضِ عفو گنہ بکتے ہیں اِک مجمع ہے

ہائے ہم اپنے خریدار کو کیونکر دیکھیں

 

ہم گنہگار کہاں اور کہاں رُویتِ عرش

سر اُٹھا کر تری دیوار کو کیونکر دیکھیں

 

اَور سرکار بنے ہیں تو انہیں کے دَر سے

ہم گدا اَور کی سرکار کو کیونکر دیکھیں

 

دَستِ صیاد سے آہو کو ُچھڑائیں جو کریم

دامِ غم میں وہ گرفتار کو کیونکر دیکھیں

 

تابِ دِیدار کا دعویٰ ہے جنہیں سامنے آئیں

دیکھتے ہیں تِرے رُخسار کو کیونکر دیکھیں

 

دیکھئے کوچہ محبوب میں کیونکر پہنچیں

دیکھئے جلوۂ دیدار کو کیونکر دیکھیں

 

اہلکارانِ سقر اور ارادہ سے حسنؔ

ناز پروردۂ سرکار کو کیونکر دیکھیں

بد ترین چور

فرمانِ مصطفیٰصَلَّی اللّٰہ تَعَالٰی عَلَیْہِ وَاٰلِہٖ وَسَلَّم : لوگوں میں بدترین چور وہ ہے جو اپنی نماز میں چوری کرے عرض کی گئی ، یارسول اللّٰہ (صَلَّی اللّٰہ تَعَالٰی عَلَیْکَ وَسَلَّم)نماز کا چور کون ہے فرمایا : (وہ جو نماز کے ) رکوع اور

 

سجدے پورے نہ کرے ۔ (مسند امام احمد ، ۸ / ۳۸۶، الحدیث : ۲۲۷۰۵، دارالفکر بیروت)

نہ کیوں آرائشیں کرتا خدا دنیا کے ساماں میں

نہ کیوں آرائشیں کرتا خدا دنیا کے ساماں میں

تمہیں دولھا بنا کر بھیجنا تھا بزمِ اِمکاں میں

 

یہ رنگینی یہ شادابی کہاں گلزارِ رِضواں میں

ہزاروں جنتیں آکر بسی ہیں کوئے جاناں میں

 

خزاں کا کس طرح ہو دخل جنت کے گلستاں میں

بہاریں بس چکی ہیں جلوۂ رنگینِ جاناں میں

 

تم آئے روشنی پھیلی ہوا دن کھل گئی آنکھیں

اندھیرا سا اندھیرا چھا رہا تھا بزمِ اِمکاں میں

 

تھکا ماندا وہ ہے جو پاؤں اپنے توڑ کر بیٹھا

وہی پہنچا ہوا ٹھہرا جو پہنچا ُکوئے جاناں میں

 

تمہارا کلمہ پڑھتا اُٹھے تم پر صدقے ہونے کو

جو پائے پاک سے ٹھوکر لگا دو جسم بے جاں میں

 

عجب اَنداز سے محبوبِ حق نے جلوہ فرمایا

سرور آنکھوں میں آیا جان دل میں نور ایماں میں

 

فدائے خار ہائے دشتِ طیبہ پھول جنت کے

یہ وہ کانٹے ہیں جن کو خود جگہ دیں گل رگِ جاں میں

 

ہر اِک کی آرزو ہے پہلے مجھ کو ذبح فرمائیں

تماشا کر رہے ہیں مرنے والے عید قرباں میں

 

ظہورِ پاک سے پہلے بھی صدقے تھے نبی تم پر

تمہارے نام ہی کی روشنی تھی بزمِ خوباں میں

 

کلیم آسا نہ کیونکر غش ہوں ان کے دیکھنے والے

نظر آتے ہیں جلوے طور کے رُخسارِ تاباں میں

 

ہوا بدلی گھرے بادل کھلے گل بلبلیں چہکیں

تم آئے یا بہارِ جاں فزا آئی گلستاں میں

 

کسی کو زندگی اپنی نہ ہوتی اس قدر میٹھی

مگر دھووَن تمہارے پاؤں کا ہے شیرۂ جاں میں

 

اُسے قسمت نے اُس کے جیتے جی جنت میں پہنچایا

جو دَم لینے کو بیٹھا سایۂ دیوارِ جاناں میں

 

کیا پروانوں کو بلبل نرالی شمع لائے تم

گرے پڑتے تھے جو آتش پہ وہ پہنچے گلستاں میں

 

نسیم طیبہ سے بھی شمع گل ہو جائے لیکن یوں

کہ گلشن پھولیں جنت لہلہا اُٹھے چراغاں میں

 

اگر دُودِ چراغِ بزمِ شہ چھو جائے کاجل سے

شب قدرِ تجلی کا ہو سرمۂ چشم خوباں میں

 

کرم فرمائے گر باغِ مدینہ کی ہوا کچھ بھی

گل جنت نکل آئیں ابھی سروِ چراغاں میں

 

چمن کیونکر نہ مہکیں بلبلیں کیونکر نہ عاشق ہوں

تمہارا جلوۂ رنگیں بھرا پھولوں نے داماں میں

 

اگر دُودِ چراغِ بزمِ والا مَس کرے کچھ بھی

شمیمِ مشک بس جائے گلِ شمعِ شبستاں میں

 

یہاں کے سنگریزوں سے حسنؔ کیا لعل کو نسبت

یہ ان کی رہ گزر میں ہیں وہ پتھر ہے بدخشاں میں

عجب کرم شہ والا تبار کرتے ہیں

عجب کرم شہِ والا تبار کرتے ہیں

کہ نااُمیدوں کو اُمیدوار کرتے ہیں

 

جما کے دِل میں صفیں حسرت و تمنا کی

نگاہِ لطف کا ہم اِنتظار کرتے ہیں

 

مجھے فَسُردَگیٔ بخت کا اَلم کیا ہو

وہ ایک دم میں خزاں کو بہار کرتے ہیں

 

خدا سگانِ نبی سے یہ مجھ کو سنوا دے

ہم اپنے کتوں میں تجھ کو شمار کرتے ہیں

 

ملائکہ کو بھی ہیں کچھ فضیلتیں ہم پر

کہ پاس رہتے ہیں طوفِ مزار کرتے ہیں

 

جو خوش نصیب یہاں خاکِ در پہ بیٹھتے ہیں

جلوسِ مسندِ شاہی سے عار کرتے ہیں

 

ہمارے دل کی لگی بھی وہی بجھا دیں گے

جو دَم میں آگ کو باغ و بہار کرتے ہیں

 

اشارہ کر دو تو بادِ خلاف کے جھونکے

ابھی ہمارے سفینے کو پار کرتے ہیں

 

تمہارے در کے گداؤں کی شان عالی ہے

وہ جس کو چاہتے ہیں تاجدار کرتے ہیں

 

گدا گدا ہے گدا تو کیا ہی چاہے اَدَب

بڑے بڑے تیرے دَر کا وقار کرتے ہیں

 

تمام خلق کو منظور ہے رضا جن کی

رضا حضور کی وہ اِختیار کرتے ہیں

 

سُنا کے وصفِ رُخِ پاک عندلیب کو ہم

رہینِ آمدِ فصلِ بہار کرتے ہیں

 

ہوا خلاف ہو چکرائے ناؤ کیا غم ہے

وہ ایک آن میں بیڑے کو پار کرتے ہیں

 

اَنَا لَھَا سے وہ بازارِ کسمپرساں میں

تسلیٔ دلِ بے اختیار کرتے ہیں

 

بنائی پشت نہ کعبہ کی ان کے گھر کی طرف

جنہیں خبر ہے وہ ایسا وقار کرتے ہیں

 

کبھی وہ تاجورانِ زمانہ کر نہ سکیں

جو کام آپ کے خدمت گزار کرتے ہیں

 

ہوائے دامن جاناں کے جانفزا جھونکے

خزاں رَسیدوں کو باغ و بہار کرتے ہیں

 

سگانِ ُکوئے نبی کے نصیب پر قرباں

پڑے ہوئے سرِ رہ اِفتخار کرتے ہیں

 

کوئی یہ پوچھے مِرے دل سے میری حسرت سے

کہ ٹوٹے حال میں کیا غمگسار کرتے ہیں

 

وہ ان کے دَر کے فقیروں سے کیوں نہیں کہتے

جو ِشکوۂ ستمِ روزگار کرتے ہیں

 

تمہارے ہجر کے صدموں کی تاب کس کو ہے

یہ چوبِ خشک کو بھی بے قرار کرتے ہیں

 

کسی بلا سے انہیں پہنچے کس طرح آسیب

جو تیرے نام سے اپنا حصار کرتے ہیں

 

یہ نرم دِل ہیں وہ پیارے کہ سختیوں پر بھی

عدو کے حق میں دُعا بار بار کرتے ہیں

 

کشودِ عقدۂ مشکل کی کیوں میں فکر کروں

یہ کام تو مِرے طیبہ کے خار کرتے ہیں

 

زمین کوئے نبی کے جو لیتے ہیں بوسے

فرشتگانِ فلک ان کو پیار کرتے ہیں

 

تمہارے دَر پہ گدا بھی ہیں ہاتھ پھیلائے

تمہیں سے عرضِ دعا شہریار کرتے ہیں

 

کسے ہے دِیدِ جمالِ خدا پسند کی تاب

وہ پورے جلوے کہاں آشکار کرتے ہیں

 

ہمارے نخلِ تمنا کو بھی وہ پھل دیں گے

درخت خشک کو جو باردَار کرتے ہیں

 

پڑے ہیں خوابِ تغافل میں ہم مگر مولیٰ

طرح طرح سے ہمیں ہوشیار کرتے ہیں

 

سنا نہ مرتے ہوئے آج تک کسی نے انہیں

جو اپنے جان و دل ان پر نثار کرتے ہیں

 

انہیں کا جلوہ سرِ بزم دیکھتے ہیں پتنگ

انہیں کی یاد چمن میں ہزار کرتے ہیں

 

مِرے کریم نہ آہو کو قید دیکھ سکے

عبث اَسیر اَلم اِنتشار کرتے ہیں

 

جو ذَرّے آتے ہیں پائے حضور کے نیچے

 

چمک کے مہر کو وہ شرمسار کرتے ہیں

 

جو موئے پاک کو رکھتے ہیں اپنی ٹوپی میں

شجاعتیں وہ دمِ کارزار کرتے ہیں

 

جدھر وہ آتے ہیں اب اس میں دل ہوں یا راہیں

مہک سے گیسووں کی مشکبار کرتے ہیں

 

حسنؔ کی جان ہو اس وُسعتِ کرم پہ نثار

کہ ِاک جہان کو اُمیدوار کرتے ہیں

منقبت حضور اچھے میاں رَضِیَ اللّٰہُ تَعَالٰی عَنْہ

سن لو میری اِلتجا اچھے میاں

میں تصدق میں فدا اچھے میاں

 

اب کمی کیا ہے خدا دے بندہ لے

میں گدا تم بادشاہ اچھے میاں

 

دین و دنیا میں بہت اچھا رہا

جو تمہارا ہوگیا اچھے میاں

 

اس برے کو آپ اچھا کیجیے

آپ اچھے میں برا اچھے میاں

 

ایسے اچھے کا برا ہوں میں برا

جن کو اَچھوں نے کہا اچھے میاں

 

میں حوالے کر چکا ہوں آپ کے

اپنا سب اچھا برا اچھے میاں

 

آپ جانیں مجھ کو اس کی فکر کیا

میں برا ہوں یا بھلا اچھے میاں

 

مجھ برے کے کیسے اچھے ہیں نصیب

میں برا ہوں آپ کا اچھے میاں

 

اپنے منگتا کو بلا کر بھیک دی

اے میں قربانِ عطا اچھے میاں

 

مشکلیں آسان فرما دیجیے

اے مِرے مشکل کشا اچھے میاں

 

میری جھولی بھر دو دست فیض سے

حاضرِ دَر ہے گدا اچھے میاں

 

دم قدم کی خیر منگتا ہوں ترا

دم قدم کی خیر لا اچھے میاں

 

جاں بَلَبہوں دَردِ عصیاں سے حضور

جاں بَلَب کو دو شفا اچھے میاں

 

دشمنوں کی ہے چڑھائی اَلغیاث

ہے مَدد کا وقت یا اچھے میاں

 

نفسِ سرکش درپئے آزار ہے

ہے مَدد کا وقت یا اچھے میاں

 

شام ہے نزدیک صحرا ہولناک

ہے مَدد کا وقت یا اچھے میاں

 

نزع کی تکلیف اِغوائے عدو

ہے مَدد کا وقت یا اچھے میاں

 

وہ سوالِ قبر وہ شکلیں مُہِیب

ہے مَدد کا وقت یا اچھے میاں

 

پرسش اَعمال اور مجھ سا اَثیم

ہے مَدد کا وقت یا اچھے میاں

 

بارِ ِعصیاں سر پہ رَعشہ پاؤں میں

ہے مَدد کا وقت یا اچھے میاں

 

خالی ہاتھ آیا بھرے بازار میں

ہے مَدد کا وقت یا اچھے میاں

 

مجرمِ ناکارہ و دِیوانِ عدل

ہے مَدد کا وقت یا اچھے میاں

 

پوچھتے ہیں کیا کہا تھا کیا کیا

ہے مَدد کا وقت یا اچھے میاں

 

پا شکستہ اور عبورِ پل صراط

ہے مَدد کا وقت یا اچھے میاں

 

خائن و خاطی سے لیتے ہیں حساب

ہے مَدد کا وقت یا اچھے میاں

 

بھول جاؤں نہ میں سیدھی راہ کو

میرے اچھے رہنما اچھے میاں

 

تم مجھے اپنا بنا لو بہر غوث

میں تمہارا ہو چکا اچھے میاں

 

کون دے مجھ کو مرادیں آپ دیں

میں ہوں کس کا آپ کا اچھے میاں

 

یہ گھٹائیں غم کی یہ روزِ سیاہ

مہر فرما مہ لقا اچھے میاں

 

احمد نوری کا صدقہ ہر جگہ

منہ اُجالا ہو مرا اچھے میاں

 

آنکھ نیچی دونوں عالم میں نہ ہو

بول بالا ہو مرا اچھے میاں

 

میرے بھائی جن کو کہتے ہیں رضا

جو ہیں اس دَر کے گدا اچھے میاں

 

ان کی منہ مانگی مرادیں ہوں حصول

آپ فرمائیں عطا اچھے میاں

 

عمر بھر میں اُن کے سایہ میں رہوں

اُن پہ سایہ آپ کا اچھے میاں

 

مجھ کو میرے بھائیوں کو حشر تک

ہو نہ غم کا سامنا اچھے میاں

 

مجھ پہ میرے بھائیوں پر ہر گھڑی

ہو کرم سرکار کا اچھے میاں

 

مجھ سے میرے بھائیوں سے دُور ہو

دُکھ مرض ہر قسم کا اچھے میاں

میری میرے بھائیوں کی حاجتیں

فضل  سے کیجے رَوا  اچھے  میاں

ہم غلاموں کے جو ہیں لختِ جگر

خوش رہیں سب دائما اچھے میاں

پنجتن کا سایہ پانچوں پر رہے

اور ہو فضل خدا اچھے میاں

سب عزیزوں سب قریبوں پر رہے

سایۂ فضل و عطا اچھے میاں

غوثِ اعظم قطب عالم کے لیے

رَد نہ ہو میری دعا اچھے میاں

ہو حسن سرکار والا کا حسنؔ

کیجیے ایسی عطا اچھے میاں

دل میں ہو یاد تری گوشۂ تنہائی ہو

دل میں ہو یاد تری گوشۂ تنہائی ہو

پھر تو خلوت میں عجب اَنجمن آرائی ہو

آستانہ پہ تِرے سر ہو اَجل آئی ہو

اور اے جانِ جہاں تو بھی تماشائی ہو

خاکِ پامال غریبوں کو نہ کیوں زندہ کرے

جس کے دامن کی ہوا بادِ مسیحائی ہو

اُس کی قسمت پہ فدا تخت شہی کی راحت

خاکِ طیبہ پہ جسے چین کی نیند آئی ہو

تاج والوں کی یہ خواہش ہے کہ اُن کے دَر پر

ہم کو حاصل شرفِ ناصیہ فرسائی ہو

اِک جھلک دیکھنے کی تاب نہیں عالم کو

وہ اگر جلوہ کریں کون تماشائی ہو

آج جو عیب کسی پر نہیں کھلنے دیتے

کب وہ چاہیں گے مری حشر میں رُسوائی ہو

 

کیوں کریں بزمِ شبستانِ جناں کی خواہش

جلوۂ یار جو شمعِ شبِ تنہائی ہو

 

خِلْعَتِ مغفرت اس کے لئے رحمت لائے

جس نے خاکِ دَرِ شہ جائے کفن پائی ہو

 

یہی منظور تھا قدرت کو کہ سایہ نہ بنے

ایسے یکتا کے لئے ایسی ہی یکتائی ہو

 

ذِکرِ خدام نہیں مجھ کو بتا دیں دشمن

کوئی نعمت بھی کسی اَور سے گر پائی ہو

 

جب اُٹھے دست ِاَجل سے میری ہستی کا حجاب

کاش اس پردہ کے اندر تری زیبائی ہو

 

دیکھیں جاں بخشیٔ لب کو تو کہیں خضر و مسیح

کیوں مَرے کوئی اگر ایسی مسیحائی ہو

 

کبھی ایسا نہ ہوا اُن کے کرم کے صدقے

ہاتھ کے پھیلنے سے پہلے نہ بھیک آئی ہو

 

بند جب خوابِ اَجل سے ہوں حسن کی آنکھیں

اس کی نظروں میں ترا جلوۂ زیبائی ہو

اے راحت جاں جو تِرے قدموں سے لگا ہو

اے راحت جاں جو تِرے قدموں سے لگا ہو

کیوں خاک بسر صورتِ نقش کف پا ہو

 

ایسا نہ کوئی ہے نہ کوئی ہو نہ ہوا ہو

سایہ بھی تو اِک مثل ہے پھر کیوں نہ جدا ہو

 

اللّٰہ کا محبوب بنے جو تمھیں چاہے

اس کا تو بیاں ہی نہیں کچھ تم جسے چاہو

 

دل سب سے اُٹھا کر جو پڑا ہو تِرے دَر پر

اُفتادِ دَو عالم سے تعلق اُسے کیا ہو

 

اُس ہاتھ سے دل سوختہ جانوں کے ہرے کر

جس سے رُطبِ سوختہ کی نشونما ہو

 

ہر سانس سے نکلے گل فردوس کی خوشبو

 

گر عکس فگن دل میں وہ نقش کف پا ہو

 

اُس دَر کی طرف اس لئے میزاب کا منہ ہے

وہ قبلۂ کونین ہے یہ قبلہ نما ہو

 

بے چین رکھے مجھ کو ترا دَردِ محبت

مٹ جائے وہ دِل پھر جسے اَرمانِ دَوا ہو

 

یہ میری سمجھ میں کبھی آ ہی نہیں سکتا

ایمان مجھے پھیرے کو تو نے دیا ہو

 

اس گھر سے عیاں نورِ الٰہی ہو ہمیشہ

تم جس میں گھڑی بھر کے لیے جلوہ نما ہو

 

مقبول ہیں اَبرو کے اِشارے سے دعائیں

کب تیر کماندارِ نبوت کا خطا ہو

 

ہو سلسلہ اُلفت کا جسے زلفِ نبی سے

الجھے نہ کوئی کام نہ پابندِ بلا ہو

 

شکر ایک کرم کا بھی ادا ہو نہیں سکتا

دل اُن پہ فدا جانِ حسنؔ اُن پہ فدا ہو

تم ذات خدا سے نہ جدا ہو نہ خدا ہو

تم ذاتِ خدا سے نہ جدا ہو نہ خدا ہو

اللّٰہ کو معلوم ہے کیا جانیے کیا ہو

 

یہ کیوں کہوں مجھ کو یہ عطا ہو یہ عطا ہو

وہ دو کہ ہمیشہ میرے گھر بھر کا بھلا ہو

 

جس بات میں مشہورِ جہاں ہے لبِ عیسیٰ

اے جانِ جہاں وہ تری ٹھوکر سے ادا ہو

 

ٹوٹے ہوئے دَم جوش پہ طوفانِ معاصی

دامن نہ ملے ان کا تو کیا جانیے کیا ہو

 

یوں جھک کے ملے ہم سے کمینوں سے وہ جس کو

اللّٰہ نے اپنے ہی لئے خاص کیا ہو

 

مٹی نہ ہو برباد پس مرگ الٰہی

جب خاک اُڑے میری مدینہ کی ہوا ہو

منگتا تو ہے منگتا کوئی شاہوں میں دکھا دے

جس کو مِرے سرکار سے ٹکڑا نہ ملا ہو

 

قدرت نے اَزَل میں یہ لکھا اُن کی جبیں پر

جو اُن کی رضا ہو وہی خالق کی رضا ہو

 

ہر وقت کرم بندہ نوازی پہ تلا ہے

کچھ کام نہیں اس سے برا ہو کہ بھلا ہو

 

سو100 جا سے گنہگار کا ہو رختِ عمل چاک

پردہ نہ کھلے گر تِرے دامن سے بندھا ہو

 

اَبرار نکوکار خدا کے ہیں خدا کے

اُن کا ہے وہ اُن کا ہے جو بد ہو جو برا ہو

 

اے نفس اُنہیں رَنج دیا اپنی بدی سے

کیا قہر کیا تو نے اَرے تیرا برا ہو

 

اللّٰہ یوں ہی عمر گزر جائے گدا کی

سر خم ہو دَرِ پاک پر اور ہاتھ اُٹھا ہو

 

شاباش حسنؔ اَور چمکتی سی غزل پڑھ

دِل کھول کر آئینۂ اِیماں کی جلا ہو

دل درد سے بسمل کی طرح لوٹ رہا ہو

دل درد سے بسمل کی طرح لوٹ رہا ہو

سینہ پہ تسلی کو ترا ہاتھ دَھرا ہو

 

کیوں اپنی گلی میں وہ روادارِ صدا ہو

جو بھیک لئے راہِ گدا دیکھ رہا ہو

 

گر وقتِ اَجل سر تری چوکھٹ پہ جھکا ہو

جتنی ہو قضا ایک ہی سجدہ میں ادا ہو

 

ہمسایۂ رحمت ہے ترا سایۂ دیوار

رُتبہ سے تنزل کرے تو ظِلِّ ہُما ہو

 

موقوف نہیں صبحِ قیامت ہی پہ یہ عرض

جب آنکھ کھلے سامنے تو جلوہ نما ہو

 

دے اس کو دَمِ نزع اگر حور بھی ساغر

 

 

منہ پھیر لے جو تشنۂ دِیدار ترا ہو

 

فردوس کے باغوں سے ادھر مل نہیں سکتا

جو کوئی مدینہ کے بیاباں میں گما ہو

 

دیکھا اُنہیں محشر میں تو رحمت نے پکارا

آزاد ہے جو آپ کے دامن سے بندھا ہو

 

آتا ہے فقیروں پہ اُنہیں پیار کچھ ایسا

خود بھیک دیں اور خود کہیں منگتا کا بھلا ہو

 

وِیراں ہوں جب آباد مکاں صبح قیامت

اُجڑا ہوا دِل آپ کے جلووں سے بسا ہو

 

ڈھونڈھا ہی کریں صدرِ قیامت کے سپاہی

وہ کس کو ملے جو تِرے دامن میں چھپا ہو

 

جب دینے کو بھیک آئے سرِ ُکوئے گدایاں

لب پر یہ دعا تھی مرے منگتا کا بھلا ہو

 

جھک کر اُنہیں ملنا ہے ہر اِک خاک نشیں سے

کس واسطے نیچا نہ وہ دامانِ قبا ہو

 

تم کو تو غلاموں سے ہے کچھ ایسی محبت

ہے ترکِ اَدَب ورنہ کہیں ہم پہ فدا ہو

 

دے ڈالیے اپنے لبِ جاں بخش کا صدقہ

اے چارۂ دِل دَردِ حسنؔ کی بھی دوا ہو

عجب رنگ پر ہے بہارِ مدینہ

عجب رنگ پر ہے بہارِ مدینہ

کہ سب جنتیں ہیں نثارِ مدینہ

 

مبارک رہے عندلیبو تمہیں گل

ہمیں گل سے بہتر ہیں خارِ مدینہ

 

بنا شہ نشیں خسروِ دو جہاں کا

بیاں کیا ہو عز و وَقارِ مدینہ

 

مری خاک یارب نہ برباد جائے

پسِ مرگ کردے غبارِ مدینہ

 

کبھی تو معاصی کے خرمن میں یا رب

لگے آتشِ لالہ زارِ مدینہ

 

رگِ گل کی جب نازُکی دیکھتا ہوں

مجھے یاد آتے ہیں خارِ مدینہ

 

مَلائک لگاتے ہیں آنکھوں میں اپنی

شب و روز خاکِ مزارِ مدینہ

 

جدھر دیکھیے باغِ جنت کھلا ہے

نظر میں ہیں نقش و نگارِ مدینہ

 

رہیں اُن کے جلوے بسیں اُن کے جلوے

مرا دل بنے یادگارِ مدینہ

 

حرم ہے اسے ساحت ہر دو عالم

جو دل ہو چکا ہے شکارِ مدینہ

 

دو عالم میں بٹتا ہے صدقہ یہاں کا

ہمیں اِک نہیں ریزہ خوارِ مدینہ

 

بنا آسماں منزلِ ابن مریم

گئے لامکاں تاجدارِ مدینہ

 

مرادِ دلِ بلبلِ بے نوا دے

خدایا دِکھا دے بہارِ مدینہ

 

شرف جن سے حاصل ہوا انبیا کو

وہی ہیں حسنؔ اِفتخارِ مدینہ

نہ ہو آرام جس بیمار کو سارے زمانے میں

نہ ہو آرام جس بیمار کو سارے زمانے سے

اُٹھا لے جائے تھوڑی خاک اُن کے آستانے سے

 

تمہارے دَر کے ٹکڑوں سے پڑا پلتا ہے اِک عالم

گزارا سب کا ہوتا ہے اِسی محتاج خانے سے

 

شب ِاَسرا کے دولھا پر نچھاوَر ہونے والی تھی

نہیں تو کیا غرض تھی اتنی جانوں کے بنانے سے

 

کوئی فردوس ہو یا خلد ہو ہم کو غرض مطلب

 

لگایا اب تو بستر آپ ہی کے آستانے سے

 

نہ کیوں اُن کی طرف اللّٰہ سو سو پیار سے دیکھے

جو اپنی آنکھیں ملتے ہیں تمہارے آستانے سے

 

تمہارے تو وہ احساں اور یہ نافرمانیاں اپنی

ہمیں تو شرم سی آتی ہے تم کو منہ دکھانے سے

 

بہارِ خلد صدقے ہو رہی ہے رُوئے عاشق پر

کھلی جاتی ہیں کلیاں دِل کی تیرے مسکرانے سے

 

.8زمیں تھوڑی سی دیدے بہر مدفن اپنے کوچہ میں

لگا دے میرے پیارے میری مٹی بھی ٹھکانے سے

 

پلٹتا ہے جو زائر اُس سے کہتا ہے نصیب اُس کا

ارے غافل قضا بہترہے یاں سے پھر کے جانے سے

 

بلالو اپنے دَر پر اب تو ہم خانہ بدوشوں کو

پھریں کب تک ذلیل و خوار دَر دَر بے ٹھکانے سے

 

نہ پہنچے اُن کے قدموں تک نہ کچھ حسن عمل ہی ہے

حسنؔ کیا پوچھتے ہو ہم گئے گزرے زمانے سے

شیطان سے حفاظت

روزانہ دس بار ’’ اَعُوْذُ بِاللّٰہِ مِنَ الشَّیْطٰنِ الرَّجِیْم ‘‘ پڑھنے والے پر شیطان سے حفاظت کے لیے اللّٰہ عَزَّوَجَلَّ ایک فرشتہ مقرر فرما دیتا ہے ۔ (فیضان سنت، باب نیکی کی دعوت، ص۱۰۵)

مبارک ہو وہ شہ پردے سے باہر آنے والا ہے

مبارک ہو وہ شہ پردے سے باہر آنے والا ہے

گدائی کو زمانہ جس کے دَر پر آنے والا ہے

 

چکوروں سے کہو ماہِ دِل آرا ہے چمکنے کو

خبر ذَرَّوں کو دو مہر منور آنے والا ہے

 

فقیروں سے کہو حاضر ہوں جو مانگیں گے پائیں گے

کہ سلطانِ جہاں محتاج پروَر آنے والا ہے

 

کہو پروانوں سے شمع ہدایت اب چمکتی ہے

خبر دو بلبلوں کو وہ گل تر آنے والا ہے

 

کہاں ہیں ٹوٹی امیدیں کہاں ہیں بے سہارے دل

کہ وہ فریاد رس بیکس کا یاوَر آنے والا ہے

 

ٹھکانا بے ٹھکانوں کا سہارا بے سہاروں کا

غریبوں کی مدد بیکس کا یاور آنے والا ہے

 

بر آئیں گی مرادیں حسرتیں ہوجائیں گی پوری

کہ وہ مختارِ کل عالم کا سروَر آنے والا ہے

 

مبارک دَرد مندوں کو ہو مژدہ بیقراروں کو

قرارِ دِل شکیبِ جانِ مضطر آنے والا ہے

 

گنہگارو نہ ہو مایوس تم اپنی رِہائی سے

مدد کو وہ شفیعِ روزِ محشر آنے والا ہے

 

جھکا لائے نہ کیوں تاروں کو شوقِ جلوۂ عارِض

کہ وہ ماہ ِدل آرا اَب زمیں پر آنے والا ہے

 

کہاں ہیں بادشاہانِ جہاں آئیں سلامی کو

کہ اب فرماں روائے ہفت کشور آنے والا ہے

 

سلاطینِ زمانہ جس کے دَر پر بھیک مانگیں گے

فقیروں کو مبارک وہ تونگر آنے والا ہے

 

یہ ساماں ہو رہے تھے مدتوں سے جس کی آمد کے

وہی نوشاہ باصد شوکت و فر آنے والا ہے

 

وہ آتا ہے کہ ہے جس کا فدائی عالمِ بالا

وہ آتا ہے کہ ِدل عالم کا جس پر آنے والا ہے

 

نہ کیوں ذَرَّوں کو ہو فرحت کہ چمکا اَختر قسمت

سحر ہوتی ہے خورشید منور آنے والا ہے

 

حسنؔ کہہ دے اُٹھیں سب امتی تعظیم کی خاطر

کہ اپنا پیشوا اپنا پیمبر آنے والا ہے

جائے گی ہنستی ہو ئی خلد میں امت ان کی

جائے گی ہنستی ہوئی خلد میں اُمت ان کی

کب گوارا ہوئی اللّٰہ کو رِقت ان کی

 

ابھی پھٹتے ہیں جگر ہم سے گنہ گاروں کے

ٹوٹے دِل کا جو سہارا نہ ہو رحمت ان کی

 

دیکھ آنکھیں نہ دکھا مہر قیامت ہم کو

جن کے سایہ میں ہیں ہم دیکھی ہے صورت ان کی

 

حسنِ یوسف دَمِ عیسٰی پہ نہیں کچھ موقوف

جس نے جو پایا ہے پایا ہے بدولت ان کی

 

ان کا کہنا نہ کریں جب بھی وہ چاہیں ہم کو

سرکشی اپنی تو یہ اور وہ چاہت اُن کی

 

پار ہو جائے گا اِک آن میں بیڑا اپنا

کام کر جائے گی محشر میں شفاعت ان کی

 

حشر میں ہم سے گنہگار پریشاں خاطر

عفو رحمن و رحیم اور شفاعت ان کی

 

خاکِ دَر تیری جو چہروں پہ مَلے پھرتے ہیں

کس طرح بھائے نہ اللّٰہ کو صورت ان کی

 

عاصیو کیوں غم محشر میں مرے جاتے ہو

سنتے ہیں بندہ نوازی تو ہے عادت ان کی

 

جلوۂ شانِ الٰہی کی بہاریں دیکھو

قَدْ رَاَ الْحَق کی ہے شرح زیارت ان کی

 

باغِ جنت میں چلے جائیں گے بے پوچھے ہم

وقف ہے ہم سے مساکین پہ دولت اُن کی

 

یاد کرتے ہیں عدو کو بھی دعا ہی سے وہ

ساری دنیا سے نرالی ہے یہ عادت ان کی

 

ہم ہوں اور ان کی گلی خلد میں واعظ ہی رہیں

اے حسنؔ ان کو مبارک رہے جنت ان کی

ہم نے تقصیر کی عادت کرلی

ہم نے تقصیر کی عادت کرلی

آپ اپنے پہ قیامت کرلی

 

میں چلا ہی تھا مجھے روک لیا

مِرے اللّٰہ نے رحمت کر لی

 

ذِکرِ شہ سن کے ہوئے بزم میں محو

ہم نے جلوت میں بھی خلوت کر لی

 

نارِ دوزخ سے بچایا مجھ کو

مِرے پیارے بڑی رحمت کرلی

 

بال بیکا نہ ہوا پھر اس کا

آپ نے جس کی حمایت کرلی

 

رَکھ دیا سر قدمِ جاناں پر

اپنے بچنے کی یہ صورت کرلی

 

نعمتیں ہم کو کھلائیں اور آپ

جو کی روٹی پہ قناعت کرلی

 

اس سے فردوس کی صورت پوچھو

جس نے طیبہ کی زِیارت کرلی

 

شانِ رحمت کے تصدق جاؤں

مجھ سے عاصی کی حمایت کر لی

 

فاقہ مستوں کو شکم سیر کیا

آپ فاقہ پہ قناعت کرلی

 

اے حسنؔ کام کا کچھ کام کیا

یا یوہیں ختم پہ رخصت کرلی

جنتی محل

فرمانِ مصطفیٰ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم : جسے یہ پسند ہوکہ اُس کے لیے (جنت میں ) محل بنایا جائے اور اس کے درَجات بلند کیے جائیں ، اسے چاہیے کہ جو اس پرظلم کرے یہ اُسے معاف کرے اورجو اُسے محروم کرے یہ اُسے عطا کرے اورجو اُس سے قَطعِ تعلق کرے یہ اُس سے ناطہ(یعنی تعلق)جوڑے ۔ (مستدرک حاکم ، ۹ / ۱۳۸، الحدیث : ۲۳۵۸۹دارالمعرفۃ بیروت)

کیا خدا داد آپ کی امداد ہے

کیا خدا داد آپ کی اِمداد ہے

اک نظر میں شاد ہر ناشاد ہے

 

مصطفیٰ تو برسرِ اِمداد ہے

عفو تو کہہ کیا ترا اِرشاد ہے

 

بن پڑی ہے نفسِ کافر کیش کی

کھیل بگڑا لو خبر فریاد ہے

 

اس قدر ہم اُن کو بھولے ہائے ہائے

ہر گھڑی جن کو ہماری یاد ہے

 

نفسِ اَمَّارہ کے ہاتھوں اے حضور

 

داد ہے بیداد ہے فریاد ہے

 

پھر چلی بادِ مخالف لو خبر

ناؤ پھر چکرا گئی فریاد ہے

 

کھیل بگڑا ناؤ ٹوٹی میں چلا

اے مِرے والی بچا فریاد ہے

 

رات اندھیری میں اکیلا یہ گھٹا

اے قمر ہو جلوہ گر فریاد ہے

 

عہد جو اُن سے کیا روزِ اَلست

کیوں دِلِ غافل تجھے کچھ یاد ہے

 

میں ہوں میں ہوں اپنی امت کے لئے

کیا ہی پیارا پیارا یہ اِرشاد ہے

 

وہ شفاعت کو چلے ہیں پیشِ حق

عاصیو تم کو مبارکباد ہے

 

کون سے دل میں نہیں یادِ حبیب

قلبِ مومن مصطفیٰ آباد ہے

 

جس کو اس در کی غلامی مل گئی

وہ غمِ کونین سے آزاد ہے

 

جن کے ہم بندے وہی ٹھہرے شفیع

پھر دلِ بیتاب کیوں ناشاد ہے

 

اُن کے در پر گر کے پھر اُٹھا نہ جائے

جان و دل قربان کیا اُفتاد ہے

 

یہ عبادت زاہدو بے حب دوست

مفت کی محنت ہے سب برباد ہے

 

ہم صفیروں سے ملیں کیونکر حسنؔ

سخت قید اور سنگدل صیاد ہے

آپ کے در کی عجب توقیر ہے

آپ کے دَر کی عجب توقیر ہے

جو یہاں کی خاک ہے اِکسیر ہے

 

کام جو اُن سے ہوا پورا ہوا

اُن کی جو تدبیر ہے تقدیر ہے

 

جس سے باتیں کی انہیں کا ہوگیا

واہ کیا تقریر پرتاثیر ہے

 

جو لگائے آنکھ میں محبوب ہو

خاکِ طیبہ سرمۂ تسخیر ہے

 

صدرِ اَقدس ہے خزینہ راز کا

سینہ کی تحریر میں تحریر ہے

 

ذَرَّہ ذَرَّہ سے ہے طالع نورِ شاہ

آفتابِ ُحسن عالمگیر ہے

 

لطف کی بارش ہے سب شاداب ہیں

اَبر جودِ شاہ عالمگیر ہے

 

مجرمو اُن کی قدم پر لوٹ جاؤ

بس رِہائی کی یہی تدبیر ہے

 

یانبی مشکل ُکشائی کیجیے

بندۂ دَر بے دِل و دِل گیر ہے

 

وہ سراپا لطف ہیں شانِ خدا

وہ سراپا نور کی تصویر ہے

 

کان ہیں کانِ کرم جانِ کرم

آنکھ ہے یا چشمۂ تنویر ہے

 

جانے والے چل دئیے ہم رہ گئے

اپنی اپنی اے حسنؔ تقدیر ہے

نہ ہو مایوس میرے دکھ درد والے

نہ مایوس ہو میرے دُکھ دَرد والے

درِ شہ پہ آ ہر مرض کی دَوا لے

 

جو بیمارِ غم لے رہا ہو سنبھالے

وہ چاہے تو دَم بھر میں اس کو سنبھالے

 

نہ کر اس طرح اے دِلِ زار نالے

 

وہ ہیں سب کی فریاد کے سننے والے

 

کوئی دَم میں اب ڈوبتا ہے سفینہ

خدارا خبر میری اے ناخدا لے

 

سفر کر خیالِ رُخِ شہ میں اے جاں

مسافر نکل جا اُجالے اُجالے

 

تہی دست و سودائے بازارِ محشر

مری لاج رکھ لے مرے تاج والے

 

زہے شوکت آستانِ ُمعلی

یہاں سر جھکاتے ہیں سب تاج والے

 

سوا تیرے اے ناخدائے غریباں

وہ ہے کون جو ڈُوبتوں کو نکالے

 

یہی عرض کرتے ہیں شیرانِ عالم

کہ تو اپنے کتوں کا کتا بنالے

 

جسے اپنی مشکل ہو آسان کرنی

فقیرانِ طیبہ سے آکر دعا لے

 

خدا کا کرم دستگیری کو آئے

تیرا نام لے لیں اگر گرنے والے

 

دَرِ شہ پر اے دِل مرادیں ملیں گی

یہاں بیٹھ کر ہاتھ سب سے اُٹھالے

 

گھرا ہوں میں عصیاں کی تاریکیوں میں

خبر میری اے میرے بدرالدجیٰ لے

 

فقیروں کو ملتا ہے بے مانگے سب کچھ

یہاں جانتے ہی نہیں ٹالے بالے

 

لگائے ہیں پیوند کپڑوں میں اپنے

اُڑھائے فقیروں کو تم نے دوشالے

 

مٹا کفر کو دِین چمکا دے اپنا

بنیں مسجدیں ٹوٹ جائیں شوالے

 

جو پیشِ َصنم سر جھکاتے تھے اپنے

بنے تیری رحمت سے اللّٰہ والے

 

نگاہے زِ چشمِ کرم بر َحسنؔ ُکن

َ بکویَت رَسیدست آشفتہ حالے

قبلہ رُخ بیٹھنے سے بینائی تیز ہوتی ہے

حضرت سیدناامام شافعی عَلَیْہِ رَحْمَۃُ اللّٰہِ الْقَوِی فرماتے ہیں : چارچیزیں آنکھوں کی (بینائی کی )تقویت کا باعث ہیں : (1)قبلہ رُخ بیٹھنا(2)سوتے وقت سرمہ لگانا(3)سبزے کی طرف نظر کرنا اور(4)لباس کو پاک وصاف رکھنا ۔ (احیاء العلوم، ۲ / ۲۷، دارصاد ر بیروت)

نہیں وہ صدمہ یہ دل کو کس کا خیالِ رحمت تھپک رہا ہے

نہیں وہ صدمہ یہ دل کو کس کا خیال رحمت تھپک رہا ہے

کہ آج رُک رُک کے خونِ دِل کچھ مری مژہ سے ٹپک رہا ہے

 

لیا نہ ہو جس نے اُن کا صدقہ ملا نہ ہو جس کو اُن کا باڑا

نہ کوئی ایسا بشر ہے باقی نہ کوئی ایسا مَلک رہا ہے

 

کیا ہے حق نے کریم تم کو اِدھر بھی لِلّٰہ نگاہ کر لو

کہ دیر سے بے نوا تمہارا تمہارے ہاتھوں کو تک رہا ہے

 

ہے کس کے گیسوئے مشک بو کی شمیم عنبر فشانیوں پر

کہ جائے نغمہ صفیر بلبل سے مشک اَذفر ٹپک رہا ہے

 

یہ کس کے روئے نکو کے جلوے زمانے کو کر رہے ہیں روشن

یہ کس کے گیسوئے مشک بو سے مشامِ عالم مہک رہا ہے

 

حسنؔ عجب کیا جو اُن کے رنگِ ملیح کی تہ ہے پیرہن پر

کہ رنگ پر نور مہر گردوں کئی فلک سے چمک رہا ہے

مرادیں مل رہی ہیں شاد شاد ان کا سوالی ہے

مرادیں مل رہی ہیں شاد شاد اُن کا سوالی ہے

لبوں پہ اِلتجا ہے ہاتھ میں روضہ کی جالی ہے

 

تری صورت تری سیرت زمانے سے نرالی ہے

تری ہر ہر ادا پیارے دلیلِ بے مثالی ہے

 

بشر ہو یا مَلک جو ہے تِرے دَر کا سوالی ہے

تری سرکار والا ہے ترا دَربار عالی ہے

 

وہ جگ داتا ہو تم سنسار باڑے کا سوالی ہے

دَیا کرنا کہ اس منگتا نے بھی گدڑی بچھالی ہے

 

منور دل نہیں فیض قدومِ شہ سے رَوضہ ہے

 

مُشَبَّک سینۂ عاشق نہیں رَوضہ کی جالی ہے

 

تمہارا قامت یکتا ہے اِکا بزمِ وَحدت کا

تمہاری ذات بے ہمتا مثالِ بے مثالی ہے

 

فروغِ اَخترِ بدْر آفتابِ جلوۂ عارِض

ضیائے طالعِ بدْر اُن کا اَبروئے ہلالی ہے

 

وہ ہیں اللّٰہ والے جو تجھے والی کہیں اپنا

کہ تو اللّٰہ والا ہے ترا اللّٰہ والی ہے

 

سہارے نے تِرے گیسو کے پھیرا ہے بلاؤں کو

اشارے نے تِرے اَبرو کے آئی موت ٹالی ہے

 

نگہ نے تیر زحمت کے دِلِ اُمت سے کھینچے ہیں

مژہ نے پھانس حسرت کی کلیجہ سے نکالی ہے

 

فقیرو بے نواؤ اپنی اپنی جھولیاں بھرلو

کہ باڑا بٹ رہا ہے فیض پر سرکار عالی ہے

 

تجھی کو خِلعتِ یکتائیِ عالم ملا حق سے

تِرے ہی جسم پر موزوں قبائے بے مثالی ہے

 

نکالا کب کسی کو بزمِ فیض عام سے تم نے

نکالی ہے تو آنے والوں کی حسرت نکالی ہے

 

بڑھے کیونکر نہ پھر شکلِ ہلال اِسلام کی رونق

ہلالِ آسمانِ دِیں تری تیغ ہلالی ہے

 

فقط اِتنا سبب ہے اِنعقادِ بزمِ محشر کا

کہ اُن کی شانِ محبوبی دِکھائی جانے والی ہے

 

خدا شاہد کہ روزِ حشر کا کھٹکا نہیں رہتا

مجھے جب یاد آتا ہے کہ میرا کون والی ہے

 

اُتر سکتی نہیں تصویر بھی ُحسنِ سراپا کی

کچھ اس درجہ ترقی پر تمہاری بے مثالی ہے

 

نہیں محشر میں جس کو دَسترس آقا کے دامن تک

بھرے بازار میں اس بے نوا کا ہاتھ خالی ہے

 

نہ کیوں ہو اِتحادِ منزلت مکہ مدینہ میں

وہ بستی ہے نبی والی تو یہ اللّٰہ والی ہے

 

شرف مکہ کی بستی کو ملا طیبہ کی بستی سے

نبی والی ہی کے صدقے میں وہ اللّٰہ والی ہے

 

وہی والی وہی آقا وہی وارِث وہی مولیٰ

میں اُن کے صدقے جاؤں اور میرا کون والی ہے

 

پکار اے جانِ عیسیٰ سن لو اپنے خستہ حالوں کی

مرض نے درد مندوں کی غضب میں جان ڈالی ہے

 

مرادوں سے تمہیں دامن بھرو گے نامرادوں کے

غریبوں بیکسوں کا اَور پیارے کون والی ہے

 

ہمیشہ تم کرم کرتے ہو بگڑے حال والوں پر

بگڑ کر مری حالت نے مری بگڑی بنا لی ہے

 

تمہارے دَر تمہارے آستاں سے میں کہاں جاؤں

نہ مجھ سا کوئی بیکس ہے نہ تم سا کوئی والی ہے

 

حسنؔ کا دَرد دُکھ موقوف فرما کر بحالی دو

تمہارے ہاتھ میں دنیا کی موقوفی بحالی ہے

کرے چارہ سازی زیارت کسی کی

کرے چارہ سازی زِیارت کسی کی

بھرے زخم دل کے مَلاحت کسی کی

 

چمک کر یہ کہتی ہے طلعت کسی کی

کہ دیدارِ حق ہے زِیارت کسی کی

 

نہ رہتی جو پردوں میں صورت کسی کی

نہ ہوتی کسی کو زِیارت کسی کی

 

عجب پیاری پیاری ہے صورت کسی کی

ہمیں کیا خدا کو ہے اُلفت کسی کی

 

ابھی پار ہوں ڈوبنے والے بیڑے

سہارا لگا دے جو رحمت کسی کی

 

کسی کو کسی سے ہوئی ہے نہ ہو گی

 

خدا کو ہے جتنی محبت کسی کی

 

دَمِ حشر عاصی مزے لے رہے ہیں

شفاعت کسی کی ہے رحمت کسی کی

 

رہے دِل کسی کی محبت میں ہر دَم

رہے دل میں ہر دَم محبت کسی کی

 

ترا قبضہ کونین و مَا فِیْہِمَا پر

ہوئی ہے نہ ہو یوں حکومت کسی کی

 

خدا کا دِیا ہے ترے پاس سب کچھ

ترے ہوتے کیا ہم کو حاجت کسی کی

 

زمانہ کی دولت نہیں پاس پھر بھی

زمانہ میں بٹتی ہے دولت کسی کی

 

نہ پہنچیں کبھی عقل کل کے فرشتے

خدا جانتا ہے حقیقت کسی کی

 

ہمارا بھروسہ ہمارا سہارا

شفاعت کسی کی حمایت کسی کی

 

قمر اِک اِشارے میں دو ٹکڑے دیکھا

زمانہ پہ روشن ہے طاقت کسی کی

 

ہمیں ہیں کسی کی شفاعت کی خاطر

ہماری ہی خاطر شفاعت کسی کی

 

مصیبت زَدو شاد ہو تم کہ ان سے

نہیں دیکھی جاتی مصیبت کسی کی

 

نہ پہنچیں گے جب تک گنہگار اُن کے

نہ جائے گی جنت میں اُمت کسی کی

 

ہم ایسے گنہگار ہیں زُہد والو

ہماری مَدد پر ہے رحمت کسی کی

 

مدینہ کا جنگل ہو اور ہم ہوں زاہد

نہیں چاہیے ہم کو جنت کسی کی

 

ہزاروں ہوں خورشیدِ محشر تو غم کیا

یہاں سایہ ُگستر ہے رحمت کسی کی

 

بھرے جائیں گے خلد میں اَہلِ عصیاں

نہ جائے گی خالی شفاعت کسی کی

 

وہی سب کے مالک انہیں کا ہے سب کچھ

نہ عاصی کسی کے نہ جنت کسی کی

 

رَفَعْنَا لَکَ ذِکْرَک پر تصدق

سب اُونچوں سے اُونچی ہے رِفعت کسی کی

 

اُترنے لگے مَا رَمَیْتَ یَدُ اللّٰہ

چڑھی ایسی زوروں پہ طاقت کسی کی

 

گدا خوش ہوں خَیْرٌلَّک کی صدا ہے

کہ دِن دُونی ہے بڑھتی دولت کسی کی

 

فَتَرْضٰینے ڈالی ہیں باہیں گلے میں

کہ ہو جائے راضی طبیعت کسی کی

 

خدا سے دُعا ہے کہ ہنگامِ رُخصت

زبانِ حسنؔ پر ہو مِدحت کسی کی

جان سے تنگ ہیں قیدی غمِ تنہائی کے

جان سے تنگ ہیں قیدی غمِ تنہائی کے

صدقے جاؤں میں تری اَنجمن آرائی کے

 

بزم آرا ہوں اُجالے تری زیبائی کے

کب سے مشتاق ہیں آئینے خود آرائی کے

 

ہو غبارِ دَرِ محبوب کہ گردِ رَہ دوست

جزوِ اَعظم ہیں یہی سرمۂ بینائی کے

 

خاک ہو جائے اگر تیری تمناؤں میں

کیوں ملیں خاک میں اَرمان تمنائی کے

 

وَ رَفَعْنَا لَکَ ذِکْرَک کے چمکتے خورشید

لامکاں تک ہیں اُجالے تری زیبائی کے

 

دلِ مشتاق میں اَرمانِ لقا آنکھیں بند

 

قابل دِید ہیں اَنداز تمنائی کے

 

لب جاں بخش کی کیا بات ہے سُبْحَانَ اللّٰہ

تم نے زندہ کیے اعجاز مسیحائی کے

 

اپنے دامن میں چھپائیں وہ مرے عیبوں کو

اے زہے بخت مری ذِلت و رسوائی کے

 

دیکھنے والے خدا کے ہیں خدا شاہد ہے

دیکھنے والے تِرے جلوۂ زیبائی کے

 

جب غبارِ رَہِ محبوب نے عزت بخشی

آئنے صاف ہوئے عینکِ بینائی کے

 

بار سر پر ہے نقاہت سے گرا جاتا ہوں

صدقے جاؤں ترے بازو کی توانائی کے

 

عَالِمُ الْغَیْب نے ہر غیب سے آگاہ کیا

صدقے اِس شان کی بینائی و دانائی کے

 

دیکھنے والے ہو تم رات کی تاریکی میں

کان میں سمع کے اور آنکھ میں بینائی کے

 

غیبی نطفے ہیں وہ بے علم جنم کے اندھے

جن کو انکار ہیں اس علم و شناسائی کے

 

اے حسنؔ کعبہ ہی افضل سہی اس در سے مگر

ہم تو خوگر ہیں یہاں ناصیہ فرسائی کے

پردے جس وقت اٹھیں جلوۂ زیبائی کے

پردے جس وقت اُٹھیں جلوۂ زیبائی کے

وہ نگہبان رہیں چشمِ تمنائی کے

 

دھوم ہے فرش سے تا عرش تری شوکت کی

خطبے ہوتے ہیں جہانبانی و دارائی کے

 

حسن رنگینی و طلعت سے تمہارے جلوے

گل و آئینہ بنے محفل و زیبائی کے

 

ذَرَّۂ دشتِ مدینے کی ضیا مہر کرے

اچھی ساعت سے پھریں دن شب تنہائی کے

 

پیار سے لے لیے آغوش میں سر رحمت نے

پائے انعام ترے دَر کی جبیں سائی کے

 

لاش اَحباب اسی دَر پر پڑی رہنے دیں

کچھ تو اَرمان نکل جائیں جبیں سائی کے

 

جلوۂ گر ہو جو کبھی چشم تمنائی میں

پردے آنکھوں کے ہوں پردے تیری زیبائی کے

 

خاکِ پامال ہماری بھی پڑی ہے سرِ راہ

صدقے اے رُوحِ رَواں تیری مسیحائی کے

 

کیوں نہ وہ ٹوٹے دلوں کے کھنڈر آباد کریں

کہ دکھانے ہیں کمال اَنجمن آرائی کے

 

زینتوں سے ہیں حسینانِ جہاں کی زینت

زینتیں پاتی ہیں صدقے تری زیبائی کے

 

نامِ آقا ہوا جو لب سے غلاموں کے بلند

بالا بالا گئے غم آفتِ بالائی کے

 

عرش پہ کعبہ و فردوس و دلِ مومن میں

شمع اَفروز ہیں اِ ّکے تری یکتائی کے

 

ترے محتاج نے پایا ہے وہ شاہانا مزاج

اس کی گدڑی کو بھی پیوند ہوں دارائی کے

 

اپنے ذَرَّوں کے سیہ خانوں کو روشن کر دو

مہر ہو تم فلکِ انجمن آرائی کے

 

پورے سرکار سے چھوٹے بڑے اَرمان ہوں سب

اے حسنؔ میرے مِرے چھوٹے بڑے بھائی کے

دمِ اضطراب مجھ کو جو خیال یار آئے

دمِ اضطراب مجھ کو جو خیالِ یار آئے

مِرے دِل میں چین آئے تو اسے قرار آئے

 

تری وحشتوں سے اے دِل مجھے کیوں نہ عار آئے

تو اُنہیں سے دور بھاگے جنھیں تجھ پہ پیار آئے

 

مِرے دل کو دردِ اُلفت وہ سکون دے الٰہی

 

میری بے قراریوں کو نہ کبھی قرار آئے

 

مجھے نزع چین بخشے مجھے موت زندگی دے

وہ اگر میرے سرہانے دَمِ اِحتضار آئے

 

سبب وُفورِ رحمت مری بے زبانیاں ہیں

نہ فغاں کے ڈھنگ جانوں نہ مجھے پکار آئے

 

کھلیں پھول اُس پھبن کے کھلیں بخت ہر چمن کے

مِرے گل پہ صدقے ہو کر جو کبھی بہار آئے

 

نہ حبیب سے محب کا کہیں ایسا پیار دیکھا

وہ بنے خدا کا پیارا تمہیں جس پہ پیار آئے

 

مجھے کیا اَلم ہو غم کا مجھے کیا ہو غم اَلم کا

کہ علاج غم اَلم کا مرے غمگسار آئے

 

جو امیر و بادشاہ ہیں اسی دَر کے سب گدا ہیں

تمہیں شہریار آئے تمہیں تاجدار آئے

 

جو چمن بنائے بن کو جو جناں کرے چمن کو

مِرے باغ میں الٰہی کبھی وہ بہار آئے

 

یہ کریم ہیں وہ سرور کہ لکھا ہوا ہے دَر پر

جسے لینے ہوں دو عالم وہ امیدوار آئے

 

ترے صدقے جائے شاہا یہ ترا ذلیل منگتا

ترے دَر پہ بھیک لینے سبھی شہریار آئے

 

چمک اُٹھے خاکِ تیرہ بنے مہر ذَرَّہ ذَرَّہ

مِرے چاند کی سواری جو سر مزار آئے

 

نہ رُک اے ذلیل و رُسوا دَرِ شہریار پر آ

کہ یہ وہ نہیں ہیں حاشا جنہیں تجھ سے عار آئے

 

تری رحمتوں سے کم ہیں مرے جرم اِس سے زائد

نہ مجھے حساب آئے نہ مجھے شمار آئے

 

گل خلد لے کے زاہد تمہیں خارِ طیبہ دے دوں

مِرے پھول مجھ کو دیجے بڑے ہوشیار آئے

 

بنے ذَرَّہ ذَرَّہ گلشن تو ہو خار خار گلبن

جو ہمارے اُجڑے بن میں کبھی وہ نگار آئے

 

ترے صدقے تیرا صدقہ ہے وہ شاندار صدقہ

وہ وقار لے کے جائے جو ذلیل و خوار آئے

 

ترے دَر کے ہیں بھکاری ملے خیر دَم قدم کی

ترا نام سن کے داتا ہم اُمیدوار آئے

 

حسنؔ ان کا نام لے کر تو پکار دیکھ غم میں

کہ یہ وہ نہیں جو غافل پس اِنتظار آئے

تم ہو حسرت نکالنے والے

تم ہو حسرت نکالنے والے

نامرادوں کے پالنے والے

 

میرے دشمن کو غم ہو بگڑی کا

آپ ہیں جب سنبھالنے والے

 

تم سے منہ مانگی آس ملتی ہے

اور ہوتے ہیں ٹالنے والے

 

لب جاں بخش سے جلا دِل کو

جان مردے میں ڈالنے والے

 

دستِ اَقدس بجھا دے پیاس میری

میرے چشمے اُبالنے والے

 

ہیں ترے آستاں کے خاک نشیں

تخت پر خاک ڈالنے والے

 

روزِ محشر بنا دے بات مری

ڈھلی بگڑی سنبھالنے والے

 

بھیک دے بھیک اپنے منگتا کو

اے غریبوں کے پالنے والے

 

ختم کردی ہے اُن پہ موزونی

واہ سانچے میں ڈھالنے والے

 

ان کا بچپن بھی ہے جہاں پرور

 

کہ وہ جب بھی تھے پالنے والے

 

پار کر ناؤ ہم غریبوں کی

ڈُوبتوں کو نکالنے والے

 

خاکِ طیبہ میں بے نشاں ہو جا

اَرے اَو نام اُچھالنے والے

 

کام کے ہوں کہ ہم نکمے ہوں

وہ سبھی کے ہیں پالنے والے

 

زَنگ سے پاک صاف کر دل کو

اَندھے شیشے اُجالنے والے

 

خارِ غم کا حسنؔ کو کھٹکا ہے

دِل سے کانٹا نکالنے والے

اللّٰہ اللّٰہ شہ کونین جلالت تیری

اللّٰہ اللّٰہ شہِ کونین جلالت تیری

فرش کیا عرش پہ جاری ہے حکومت تیری

 

جھولیاں کھول کے بے سمجھے نہیں دوڑ آئے

ہمیں معلوم ہے دولت تری عادت تیری

 

تو ہی ہے مُلکِ خدا مِلکِ خدا کا مالک

راج تیرا ہے زمانہ میں حکومت تیری

 

تیرے اَنداز یہ کہتے ہیں کہ خالق کو ترے

سب حسینوں میں پسند آئی ہے صورت تیری

 

اس نے حق دیکھ لیا جس نے ادھر دیکھ لیا

کہہ رہی ہے یہ چمکتی ہوئی طلعت تیری

 

بزمِ محشر کا نہ کیوں جائے بلاوا سب کو

کہ زمانہ کو دکھانی ہے وَجاہت تیری

 

عالم رُوح پہ ہے عالم اَجسام کو ناز

چوکھٹے میں ہے عناصر کے جو صورت تیری

 

جن کے سر میں ہے ہوا دشت نبی کی رِضواں

 

ان کے قدموں سے لگی پھرتی ہے جنت تیری

 

تو وہ محبوب ہے اے راحت جاں دِل کیسے

ہیزمِ خشک کو تڑپا گئی فرقت تیری

 

مہ و خورشید سے دن رات ضیا پاتے ہیں

مہ و خورشید کو چمکاتی ہے طلعت تیری

 

گٹھڑیاں بندھ گئیں پر ہاتھ ترا بند نہیں

بھر گئے دل نہ بھری دینے سے نیت تیری

 

موت آ جائے مگر آئے نہ دل کو آرام

دَم نکل جائے مگر نکلے نہ اُلفت تیری

 

دیکھنے والے کہا کرتے ہیں اللّٰہ اللّٰہ

یاد آتا ہے خدا دیکھ کے صورت تیری

 

مجمع حشر میں گھبرائی ہوئی پھرتی ہے

ڈُھونڈنے نکلی ہے مجرم کو شفاعت تیری

 

نہ ابھی عرصۂ محشر نہ حسابِ امت

آج ہی سے ہے کمربستہ حمایت تیری

 

تو کچھ ایسا ہے کہ محشر کی مصیبت والے

دَرد دُکھ بھول گئے دیکھ کے صورت تیری

 

ٹوپیاں تھام کے گر عرشِ بریں پر دیکھیں

اُونچے اُونچوں کو نظر آئے نہ رِفعت تیری

 

حسن ہے جس کا نمک خوار وہ عالم تیرا

جس کو اللّٰہ کرے پیار وہ صورت تیری

 

دونوں عالم کے سب اَرمان نکالے تو نے

نکلی اِس شانِ کرم پر بھی نہ حسرت تیری

 

چین پائیں گے تڑپتے ہوئے دِل محشر میں

غم کسے یاد رہے دیکھ کے صورت تیری

 

ہم نے مانا کہ گناہوں کی نہیں حد لیکن

تو ہے اُن کا تو حسنؔ تیری ہے جنت تیری

 

باغ جنت میں نرالی چمن آرائی ہے

باغِ جنت میں نرالی چمن آرائی ہے

کیا مدینہ پہ فدا ہو کہ بہار آئی ہے

 

اُن کے گیسو نہیں رحمت کی گھٹا چھائی ہے

اُن کے اَبرو نہیں دو قبلوں کی یکجائی ہے

 

سنگریزوں نے حیاتِ اَبدی پائی ہے

ناخنوں میں ترے اِعجازِ مسیحائی ہے

 

سرِ بالیں انہیں رحمت کی اَدا لائی ہے

حال بگڑا ہے تو بیمار کی بن آئی ہے

 

جان گفتار تو رَفتار ہوئی رُوحِ رَواں

دَم قدم سے ترے اعجازِ مسیحائی ہے

 

جس کے ہاتھوں کے بنائے ہوئے ہیں حسن و جمال

اے حسیں تیری اَدا اس کو پسند آئی ہے

 

تیرے جلوؤں میں یہ عالم ہے کہ چشم عالم

تابِ دِیدار نہیں پھر بھی تماشائی ہے

 

جب تری یاد میں دنیا سے گیا ہے کوئی

جان لینے کو دلہن بن کے قضا آئی ہے

 

سر سے پا تک تری صورت پہ تصدق ہے جمال

اس کو موزونیٔ اَعضا یہ پسند آئی ہے

 

تیرے قدموں کا تبرک یدِ بیضائے کلیم

تیرے ہاتھوں کا دِیا فضل مسیحائی ہے

 

دَردِ دِل کس کو سناؤں میں تمہارے ہوتے

بیکسوں کی اِسی سرکار میں سنوائی ہے

 

آپ آئے تو منور ہوئیں اَندھی آنکھیں

آپ کی خاکِ قدم سرمۂ بینائی ہے

 

ناتوانی کا اَلم ہم ضعفا کو کیا ہو

ہاتھ پکڑے ہوئے مولا کی توانائی ہے

 

 

جان دی تو نے مسیحا و مسیحائی کو

تو ہی تو جانِ مسیحا و مسیحائی ہے

 

چشم بے خواب کے صدقے میں ہیں بیدار نصیب

آپ جاگے تو ہمیں چین کی نیند آئی ہے

 

باغِ فردَوس کھلا فرش بچھا عرش سجا

اِک تِرے دَم کی یہ سب اَنجمن آرائی ہے

 

کھیت سر سبز ہوئے پھول کھلے میل دُھلے

اَور پھر فضل کی گھنگور گھٹا چھائی ہے

 

ہاتھ پھیلائے ہوئے دَوڑ پڑے ہیں منگتا

میرے داتا کی سواری سر حشر آئی ہے

 

ناامیدو تمہیں مژدہ کہ خدا کی رحمت

انہیں محشر میں تمہارے ہی لئے لائی ہے

 

فرش سے عرش تک اِک دُھوم ہے اللّٰہ اللّٰہ

اور ابھی سینکڑوں پردوں میں وہ زیبائی ہے

 

اے حسنؔ ُحسنِ جہاں تاب کے صدقے جاؤں

ذَرّے ذَرّے سے عیاں جلوۂ زیبائی ہے

حضور کعبہ حاضر ہیں حرم کی خاک پر سر ہے

حضورِ کعبہ حاضر ہیں حرم کی خاک پر سر ہے

بڑی سرکار میں پہنچے مقدر یاوَری پر ہے

 

نہ ہم آنے کے لائق تھے نہ مونھ قابل دکھانے کے

مگر اُن کا کرم ذَرَّہ نواز و بندہ پروَر ہے

 

خبر کیا ہے بھکاری کیسی کیسی نعمتیں پائیں

یہ اونچا گھر ہے اس کی بھیک اَندازہ سے باہر ہے

 

تصدق ہو رہے ہیں لاکھوں بندے گرد پھر پھر کر

طوافِ خانۂ کعبہ عجب دلچسپ منظر ہے

 

خدا کی شان یہ لب اور بوسہ سنگ اَسود کا

ہمارا مونھ اَور اس قابل عطائے ربِّ اَکبر ہے

 

جو ہیبت سے رُکے مجرم تو رحمت نے کہا بڑھ کر

 

چلے آؤ چلے آؤ یہ گھر رَحْمٰن کا گھر ہے

 

مقامِ حضرتِ خلت پدر سا مہرباں پایا

کلیجہ سے لگانے کو حطیم آغوشِ مَادَر ہے

 

لگاتا ہے غلافِ پاک کوئی چشم پرنم سے

لپٹ کر ملتزم سے کوئی محوِ وصلِ دِلبر ہے

 

وطن اور اس کا تڑکا صدقے اس شامِ غریبی پر

کہ نورِ رُکن شامی رُوکشِ صبح منور ہے

 

ہوئے اِیمان تازہ بوسۂ رُکن یمانی سے

فدا ہو جاؤں یمن و اَیمنی کا پاک منظر ہے

 

یہ زمزم اس لئے ہے جس لئے اس کو پئے کوئی

اسی زَمزم میں جنت ہے اسی زَمزم میں کوثر ہے

 

شفا کیوں کر نہ پائیں نیم جاں زہر معاصی کے

کہ نظارہ عراقی رکن کا تریاقِ اَکبر ہے

 

صفائے قلب کے جلوے عیاں ہیں سعی مسعٰی سے

یہاں کی بے قراری بھی سکونِ جانِ مضطر ہے

 

ہوا ہے پیر کا حج پیر نے جن سے شرف پایا

انہیں کے فضل سے دن جمعہ کا ہر دن سے بہتر ہے

 

نہیں کچھ جمعہ پر موقوف اَفضال و کرم اُن کے

جو وہ مقبول فرما لیں تو ہر حج حج اَکبر ہے

 

حسنؔ حج کر لیا کعبہ سے آنکھوں نے ضیا پائی

چلو دیکھیں وہ بستی جس کا رَستہ دِل کے اندر ہے

سحر چمکی جمال فصل گل آرائشوں پر ہے

سحر چمکی جمالِ فصل گل آرائشوں پر ہے

نسیم رُوح پروَر سے مشامِ جاں معطر ہے

 

قریبِ طیبہ بخشے ہیں تصور نے مزے کیا کیا

مرا دل ہے مدینہ میں مدینہ دل کے اندر ہے

 

ملائک سر جہاں اپنا جھجکتے ڈرتے رکھتے ہیں

قدم ان کے گنہگاروں کا ایسی سر زمیں پر ہے

 

اَرے او سونے والے دِل ا رےاو سونے والے دِل

سحر ہے جاگ غافل دیکھ تو عالم منور ہے

 

سہانی طرز کی طلعت نرالے رنگ کی نکہت

نسیمِ صبح سے مہکا ہوا پرنور منظر ہے

 

تَعَالَی اللّٰہ یہ شادابی یہ رنگینی تَعَالَی اللّٰہ

بہارِ ہشت جنت دَشت طیبہ پر نچھاوَر ہے

 

ہوائیں آرہی ہیں کوچۂ پرنورِ جاناں کی

کھلی جاتی ہیں کلیاں تازگی دل کو مُیَسر ہے

 

منور چشم زائر ہے جمالِ عرشِ اَعظم سے

نظر میں سبز قبہ کی تجلی جلوہ گستر ہے

 

یہ رفعت دَرگہِ عرش آستاں کے قرب سے پائی

کہ ہر ہر سانس ہر ہر گام پر معراجِ دیگر ہے

 

محرم کی نویں تاریخ بارہ منزلیں کرکے

وہاں پہنچے وہ گھر دیکھا جو گھر اللّٰہ کا گھر ہے

 

نہ پوچھو ہم کہاں پہنچے اور ان آنکھوں نے کیا دیکھا

جہاں پہنچے وہاں پہنچے جو دیکھا دل کے اندر ہے

 

ہزاروں بے نواؤں کے ہیں جمگھٹ آستانہ پر

طلب دل میں صدائے یَارَسُوْلَ اللّٰہ لب پر ہے

 

لکھا ہے خامۂ رحمت نے دَر پر خطِّ قدرت سے

جسے یہ آستانہ مل گیا سب کچھ میسر ہے

 

خدا ہے اس کا مالک یہ خدائی بھر کا مالک ہے

خدا ہے اس کا مولیٰ یہ خدائی بھر کا سروَر ہے

 

زمانہ اس کے قابو میں زمانے والے قابو میں

یہ ہر دفتر کا حاکم ہے یہ ہر حاکم کا اَفسر ہے

 

عطا کے ساتھ ہے مختار رحمت کے خزانوں کا

خدائی پر ہے قابو بس خدا ہی اس سے باہر ہے

 

کرم کے جوش ہیں بذل و نعم کے دور دَورے ہیں

 

عطائے بانوا ہر بے نوا سے شیر وشکر ہے

 

کوئی لپٹا ہے فرطِ شوق میں روضہ کی جالی سے

کوئی گردن جھکائے رعب سے بادیدۂ تر ہے

 

کوئی مشغولِ عرضِ حال ہے یوں شادماں ہو کر

کہ یہ سب سے بڑی سرکار ہے تقدیر یاوَر ہے

 

کمینہ بندۂ دَر عرض کرتا ہے حضوری میں

جو موروثی یہاں کا مدح گستر ہے ثنا گر ہے

 

تری رحمت کے صدقے یہ تری رحمت کا صدقہ تھا

کہ ان ناپاک آنکھوں کو یہ نظارہ میسر ہے

 

ذلیلوں کی تو کیا گنتی سلاطین زمانہ کو

تری سرکار عالی ہے ترا دَربار برتر ہے

 

تری دولت تری ثروَت تری شوکت جلالت کا

نہ ہے کوئی زمیں پر اَور نہ کوئی آسماں پر ہے

 

مطاف و کعبہ کا عالم دکھایا تو نے طیبہ میں

ترا گھر بیچ میں چاروں طرف اللّٰہ کا گھر ہے

 

تجلی پر تری صدقے ہے مہر و ماہ کی تابش

پسینے پر ترے قربان روحِ مشک و عنبر ہے

 

غم و افسوس کا دافع اِشارہ پیاری آنکھوں کا

دلِ مایوس کی حامی نگاہِ بندہ پروَر ہے

 

جو سب اچھوں میں ہے اچھا جو ہر بہتر سے ہے بہتر

ترے صدقے سے اچھا ہے ترے صدقے میں بہتر ہے

 

رکھوں میں حاضری کی شرم ان اَعمال پر کیونکر

مرے اِمکان سے باہر مری قدرت سے باہر ہے

 

اگر شانِ کرم کو لاج ہو میرے بلانے کی

تو میری حاضری دونوں جہاں میں میری یاوَر ہے

 

مجھے کیا ہو گیا ہے کیوں میں ایسی باتیں کرتا ہوں

یہاں بھی یاس و محرومی یہ کیونکر ہو یہ کیونکر ہے

 

بلا کر اپنے کتے کو نہ دیں چمکار کر ٹکڑا

پھر اس شانِ کرم پر فہم سے یہ بات باہر ہے

 

تذبذب مغفرت میں کیوں رہے اس دَر کے زائر کو

کہ یہ درگاہِ والا رحمت خالص کا منظر ہے

 

مبارک ہو حسنؔ سب آرزوئیں ہو گئیں پوری

اب اُن کے صدقے میں عیش اَبد تجھ کو میسر ہے

بہاروں پر ہیں آج آرائشیں گلزار جنت کی

بہاروں پر ہیں آج آرائشیں گلزارِ جنت کی

سواری آنے والی ہے شہیدانِ محبت کی

 

کھلے ہیں گل بہاروں پر ہے پھلواری جراحت کی

فضا ہر زخم کی دامن سے وابستہ ہے جنت کی

 

گلا کٹوا کے بیڑی کاٹنے آئے ہیں اُمت کی

کوئی تقدیر تو دیکھے اَسیرانِ مصیبت کی

 

شہیدِ ناز کی تفریح زخموں سے نہ کیونکر ہو

ہوائیں آتی ہیں اُن کھڑکیوں سے باغِ جنت کی

 

کرم والوں نے دَر کھولا تو رحمت نے سماں باندھا

کمر باندھی تو قسمت کھول دی فضلِ شہادت کی

 

علی کے پیارے خاتونِ قیامت کے جگر پارے

زمیں سے آسماں تک دُھوم ہے ان کی سیادت کی

 

زمینِ کربلا پر آج مجمع ہے حسینوں کا

جمی ہے اَنجمن رَوشن ہیں شمعیں نور و ظلمت کی

 

یہ وہ شمعیں نہیں جو پھونکدیں اپنے فدائی کو

یہ وہ شمعیں نہیں رو کر جو کاٹیں رات آفت کی

 

یہ وہ شمعیں ہیں جن سے جان تازہ پائیں پروانے

یہ وہ شمعیں ہیں جو ہنس کر گزاریں شب مصیبت کی

 

یہ وہ شمعیں نہیں جن سے فقط اِک گھر منور ہو

یہ وہ شمعیں ہیں جن سے رُوح ہو کافور ظلمت کی

 

دلِ حور و ملائک رہ گیا حیرت زَدہ ہو کر

کہ بزمِ گل رُخاں میں لے بلائیں کس کی صورت کی

 

جدا ہوتی ہیں جانیں جسم سے جاناں سے ملتے ہیں

ہوئی ہے کربلا میں گرم مجلس وصل و فرقت کی

 

اسی منظر پہ ہر جانب سے لاکھوں کی نگاہیں ہیں

اسی عالم کو آنکھیں تک رہی ہیں ساری خلقت کی

 

ہوا چھڑکاؤ پانی کی جگہ اَشکِ یتیماں سے

بجائے فرش آنکھیں بچھ گئیں اہلِ بصیرت کی

 

ہوائے یار نے پنکھے بنائے پر فرشتوں کے

سبیلیں رکھی ہیں دیدار نے خود اپنے شربت کی

 

اُدھر اَفلاک سے لائے فرشتے ہار رحمت کے

اِدھر ساغر لئے حوریں چلی آتی ہیں جنت کی

 

سجے ہیں زخم کے پھولوں سے وہ رنگین گلدستے

بہارِ خوشنمائی پر ہے صدقے رُوح جنت کی

 

ہوائیں گلشن فردَوس سے بس بس کر آتی ہیں

نرالی عطر میں ڈوبی ہوئی ہے رُوح نکہت کی

 

دِل پُر سوز کے سلگے اگر سوز ایسی کثرت سے

کہ پہنچی عرش و طیبہ تک لپٹ سوزِ محبت کی

 

اُدھر چلمن اٹھی حسن اَزَل کے پاک جلوؤں سے

اَدھر چمکی تجلی بدرِ تابانِ رسالت کی

 

زمین کربلا پر آج ایسا حشر برپا ہے

کہ کھنچ کھنچ کر مٹی جاتی ہیں تصویریں قیامت کی

 

گھٹائیں مصطفیٰ کے چاند پر گھر گھر کر آتی ہیں

سیہ کارانِ اُمت تیرہ بختانِ شقاوَت کی

 

یہ کس کے خون کے پیاسے ہیں اُسکے خون کے پیاسے

بجھے گی پیاس جس سے تشنہ کامانِ قیامت کی

 

اکیلے پر ہزاروں کے ہزاروں وَار چلتے ہیں

 

مٹا دی دین کے ہمراہ عزت شرم و غیرت کی

 

مگر شیر خدا کا شیر جب بپھرا غضب آیا

پَرے ٹوٹے نظر آنے لگی صورت ہزیمت کی

 

کہا یہ بوسہ دے کر ہاتھ پر جوشِ دِلیری نے

بہادر آج سے کھائیں گے قسمیں اس شجاعت کی

 

تصدق ہو گئی جانِ شجاعت سچے تیور کے

فدا شیرانہ حملوں کی اَدا پر رُوح جرأت کی

 

نہ ہوتے گر حسین ابن علی اس پیاس کے بھوکے

نکل آتی زمینِ کربلا سے نہر جنت کی

 

مگر مقصود تھا پیاسا گلا ہی ان کو کٹوانا

کہ خواہش پیاس سے بڑھتی رہے رویت کے شربت کی

 

شہیدِ ناز رکھ دیتا ہے گردن آبِ خنجر پر

جو موجیں باڑ پر آ جاتی ہیں دَریائے اُلفت کی

 

یہ وقت زخم نکلا خوں اُچھل کر جسم اَطہر سے

کہ روشن ہوگئی مشعل شبستانِ محبت کی

 

سر بے تن تن آسانی کو شہر طیبہ میں پہنچا

تن بے سر کو سرداری ملی ملک شہادت کی

 

حسنؔ سنی ہے پھر اِفراط و تفریط اس سے کیونکر ہو

اَدَب کے ساتھ رہتی ہے رَوِش اَربابِ سنت کی

نجدیا سخت ہی گندی ہے طبیعت تیری

نجدیا سخت ہی گندی ہے طبیعت تیری

کفر کیا شرک کا فضلہ ہے نجاست تیری

 

خاک منہ میں تِرے کہتا ہے کسے خاک کا ڈھیر

مٹ گیا دِین ملی خاک میں عزت تیری

 

تیرے نزدیک ہوا کذبِ الٰہی ممکن

تجھ پہ شیطان کی پھٹکار یہ ہمت تیری

 

بلکہ کذاب کیا تونے تو اِقرارِ وُقوع

اُف رے ناپاک یہاں تک ہے خباثت تیری

 

علم شیطاں کا ہوا علم نبی سے زائد

پڑھوں لَاحَوْل نہ کیوں دیکھ کے صورت تیری

 

بزمِ میلاد ہو کانا۱؎ کے جنم سے بدتر

اَرے اَندھے اَرے مردُود یہ جرأت تیری

 

علم غیبی میں مجانین و بہائم کا شمول

کفر آمیز جنوں زا ہے جہالت تیری

 

یادِ خر سے ہو نمازوں میں خیال اُن کا برا

اُف جہنم کے گدھے اُف یہ خرافت تیری

 

اُن کی تعظیم کرے گا نہ اگر وقت نماز

ماری جائے گی ترے منہ پہ عبادت تیری

 

ہے کبھی بوم کی حلت تو کبھی زاغ حلال

جیفہ خواری کی کہیں جاتی ہے عادت تیری

 

ہنس کی چال تو کیا آتی گئی اپنی بھی

اِجتہادوں ہی سے ظاہر ہے حماقت تیری

 

کھلے لفظوں میں کہے قاضیِ شوکاں مدد دے

یاعلی سن کے بگڑ جائے طبیعت تیری

 

تیری اَٹکے تو وکیلوں سے کرے اِستمداد

اور طبیبوں سے مدد خواہ ہو علت تیری

 

ہم جو اللّٰہ کے پیاروں سے اِعانت چاہیں

شرک کا چرک اُگلنے لگی ملت تیری

 

عبد وہاب کا بیٹا ہوا شیخ نجدی

اس کی تقلید سے ثابت ہے ضلالت تیری

 

اُسی مشرک کی ہے تصنیف کتاب التوحید

جس کے ہر فقرہ پہ ہے مہر صداقت تیری

 

ترجمہ اس کا ہوا تفویۃ الایماں نام

جس سے بے نور ہوئی چشم بصیرت تیری

 

واقف غیب کا اِرشاد سناؤں جس نے

 

کھول دی تجھ سے بہت پہلے حقیقت تیری

 

زَلزلے نجد میں پیدا ہوں فتن برپا ہوں

یعنی ظاہر ہو زمانہ میں شرارت تیری

 

ہو اُسی خاک سے شیطان کی سنگت پیدا

دیکھ لے آج ہے موجود جماعت تیری

 

سر مُنڈے ہوں گے تو پاجامے گھٹنے ہوں گے

سر سے پا تک ہے یہی پوری شباہت تیری

 

اِدَّعا ہوگا حدیثوں پہ عمل کرنے کا

نام رکھتی ہے یہی اپنا جماعت تیری

 

اُن کے اَعمال پہ رَشک آئے مسلمانوں کو

اس سے تو شاد ہوئی ہوگی طبیعت تیری

 

لیکن اُترے گا نہ قرآن گلوں سے نیچے

ابھی گھبرا نہیں باقی ہے حکایت تیری

 

نکلیں گے دین سے یوں جیسے نشانہ سے تیر

آج اس تیر کی نخچیر ہے سنگت تیری

 

اپنی حالت کو حدیثوں سے مطابق کر لے

آپ کھل جائے گی پھر تجھ پہ خباثت تیری

 

چھوڑ کر ذکر ترا اَب ہے خطاب اَپنوں سے

کہ ہے مَبغُوض مجھے دِل سے حکایت تیری

 

مِرے پیارے مِرے اپنے مِرے سنی بھائی

آج کرنی ہے مجھے تجھ سے شکایت تیری

 

تجھ سے جو کہتا ہوں تو دل سے سن انصاف بھی کر

کرے اللّٰہ کی توفیق حمایت تیری

 

گر تِرے باپ کو گالی دے کوئی بے تہذیب

غصہ آئے ابھی کچھ اور ہو حالت تیری

 

گالیاں دیں انہیں شیطان لعین کے پَیرو

جن کے صدقہ میں ہے ہر دولت و نعمت تیری

 

جو تجھے پیار کریں جو تجھے اپنا فرمائیں

جن کے دل کو کرے بے چین اَذِیت تیری

 

جو تِرے واسطے تکلیفیں اٹھائیں کیا کیا

اپنے آرام سے پیاری جنہیں راحت تیری

 

جاگ کر راتیں عبادت میں جنہوں نے کاٹیں

کس لئے اس لئے کٹ جائے مصیبت تیری

 

حشر کا دن نہیں جس روز کسی کا کوئی

اس قیامت میں جو فرمائیں شفاعت تیری

 

اُن کے دشمن سے تجھے رَبط رہے میل رہے

شرم اللّٰہ سے کر کیا ہوئی غیرت تیری

 

تو نے کیا باپ کو سمجھا ہے زیادہ اُن سے

جوش میں آئی جو اس درجہ حرارت تیری

 

ان کے دشمن کو اگر تو نے نہ سمجھا دشمن

وہ قیامت میں کریں گے نہ رَفاقت تیری

 

اُن کے دشمن کا جو دشمن نہیں سچ کہتا ہوں

دعویٰ بے اَصل ہے جھوٹی ہے محبت تیری

 

بلکہ ایمان کی پوچھے تو ہے ایمان یہی

اُن سے عشق اُن کے عدو سے ہو عداوَت تیری

 

اَہلسنت کا عمل تیری غزل پر ہو حسنؔ

جب میں جانوں کہ ٹھکانے لگی محنت تیری

مسدسات

تمہید ذِکرِ معراج شریف

 

ساقی کچھ اپنے بادہ کشوں کی خبر بھی ہے

ہم بیکسوں کے حال پہ تجھ کو نظر بھی ہے

جوشِ عطش بھی شدتِ سوزِ جگر بھی ہے

کچھ تلخ کامیاں بھی ہیں کچھ دردِ سر بھی ہے

ایسا عطا ہو جام شرابِ طہور کا

جس کے خمار میں بھی مزہ ہو سُرور کا

 

اب دیر کیا ہے بادۂ عرفاں قوام دے

ٹھنڈک پڑے کلیجہ میں جس سے وہ جام دے

تازہ ہو رُوح پیاس بجھے لطفِ تام دے

یہ ِتشنہ کام تجھ کو دعائیں مُدام دے

اُٹھیں سُرور آئیں مزے جھوم جھوم کر

ہو جاؤں بے خبر لب ساغر کو چوم کر

 

فکر بلند سے ہو عیاں اِقتدارِ اَوج

چہکے ہزار خامہ سرِ شاخ سارِ اَوج

ٹپکے گلِ کلام سے رنگِ بہارِ اَوج

ہو بات بات شانِ عروج اِفتخارِ اَوج

فکر و خیال نور کے سانچوں میں ڈھل چلیں

مضموں فرازِ عرش سے اُونچے نکل چلیں

 

اس شان اس ادا سے ثنائے رسول ہو

ہر شعر شاخِ گل ہو تو ہر لفظ پھول ہو

حضار پر سحابِ کرم کا نزول ہو

سرکار میں یہ نذرِ محقر قبول ہو

ایسی تَعَلِّیوں سے ہو معراج کا بیاں

سب حاملانِ عرش سنیں آج کا بیاں

 

معراج کی یہ رات ہے رحمت کی رات ہے

فرحت کی آج شام ہے عشرت کی رات ہے

ہم تیرہ اَختروں کی شفاعت کی رات ہے

اعزازِ ماہِ طیبہ کی رُویت کی رات ہے

پھیلا ہوا ہے سرمۂ تسخیر چرخ پر

یا زُلف کھولے پھرتی ہیں حوریں اِدھر اُدھر

 

دِل سوختوں کے دِل کا سویدا کہوں اسے

پیرِ فلک کی آنکھ کا تارا کہوں اسے

دیکھوں جو چشم قیس سے لیلیٰ کہوں اسے

اپنے اندھیرے گھر کا اُجالا کہوں اُسے

یہ شب ہے یا سوادِ وطن آشکار ہے

مشکیں غلافِ کعبۂ پروَردَگار ہے

 

اس رات میں نہیں یہ اندھیرا جھکا ہوا

کوئی گلیم پوش مراقب ہے باخدا

مشکیں لباس یا کوئی محبوب دلربا

یا آہُوئے سیاہ یہ چرتے ہیں جابجا

 

اَبرِ سیاہ مست اُٹھا حالِ وَجد میں

لیلیٰ نے بال کھولے ہیں صحرائے نجد میں

 

یہ رُت کچھ اَور ہے یہ ہوا ہی کچھ اَور ہے

اب کی بہارِ ہوش رُبا ہی کچھ اَور ہے

رُوئے عروسِ ُگل میں صفا ہی کچھ اَور ہے

چبھتی ہوئی دلوں میں ادا ہی کچھ اَور ہے

گلشن کھلائے بادِ صبا نے نئے نئے

گاتے ہیں عندلیب ترانے نئے نئے

 

ہر ہر گلی ہے مشرقِ خورشید نور سے

لپٹی ہے ہر نگاہ تجلیٔ طور سے

رُوہت ہے سب کے منہ پہ دلوں کے سرور سے

مردے ہیں بے قرار حجابِ قبور سے

ماہِ عرب کے جلوے جو اُونچے نکل گئے

خورشید و ماہتاب مقابل سے ٹل گئے

 

ہر سمت سے بہار نواخوانیوں میں ہے

نیسانِ جودِ رب گہر اَفشانیوں میں ہے

چشم کلیم جلوے کے قربانیوں میں ہے

غل آمَدِ حضور کا رُوحانیوں میں ہے

اِک دُھوم ہے حبیب کو مہماں بلاتے ہیں

بہرِ براق خلد کو جبریل جاتے ہیں

نغمۂ روح

اِستمداد از حضرت سلطانِ بغداد رَضِیَ اللّٰہُ تَعَالٰی عَنْہ

اے کریم ابنِ کریم اے رہنما اے مقتدا

اَخترِ برجِ سخاوَت گوہر دُرجِ عطا

آستانے پر ترے حاضر ہے یہ تیرا گدا

لاج رکھ لے دست و دامن کی مِرے بہرِ خدا

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

شاہِ اِقلیمِ وِلایت سرورِ کیواں جناب

ہے تمہارے آستانے کی زمیں گردوں قباب

حسرتِ دل کی کشاکش سے ہیں لاکھوں اِضطراب

التجا مقبول کیجے اپنے سائل کی شتاب

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

 

سالک راہِ خدا کو رہنما ہے تیری ذات

مسلک عرفانِ حق میں پیشوا ہے تیری ذات

بے نوایانِ جہاں کا آسرا ہے تیری ذات

تشنہ کاموں کے لئے بحر عطا ہے تیری ذات

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

ہر طرف سے فوجِ غم کی ہے چڑھائی اَلغِیاث

کرتی ہے پامال یہ بے دست و پائی اَلغِیاث

پھر گئی ہے شکل قسمت سب خدائی اَلغِیاث

اے مِرے فریاد رَس تیری دُہائی اَلغِیاث

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

نفسِ اَمَّارہ کے پھندے میں پھنسا ہوں اَلعِیاذ

دَر ترا بیکس پنہ کوچہ ترا عالم مَلاذ

رحم فرما یا ملاذی لطف فرما یا مَعاذ

حاضرِ دَر ہے غلامِ آستاں بہرِ نواز

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

شہر یار اے ذی وقار اے باغِ عالم کی بہار

بحرِ اِحساں رُشحۂ نیسانِ جود کردِگار

ہوں خزانِ غم کے ہاتھوں پائمالی سے دوچار

عرض کرتا ہوں تِرے در پر بچشمِ اَشکبار

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

بر سر پرخاش ہے مجھ سے عدوئے بے تمیز

رات دن ہے دَرپئے قلب حزیں نفس رَجیز

مبتلا ہے سو بلاؤں میں مری جانِ عزیز

حل مشکل آپ کے آگے نہیں دُشوار چیز

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

اِک جہاں سیرابِ فیض اَبر ہے اب کی برس

ترنوا ہیں بلبلیں پڑتا ہے گوشِ گل میں رَس

ہے یہاں کشت تمنا خشک و زِندانِ قفس

 

اے سحابِ رحمت حق سوکھے دھانوں پر برس

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

فصلِ گل آئی عروسانِ چمن ہیں سبز پوش

شادمانی کا نوا سنجانِ گلشن میں ہے جوش

جوبنوں پر آگیا حسن بہارِ گل فروش

ہائے یہ رنگ اور میں یوں دام میں گم کردہ ہوش

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

منکشف کس پر نہیں شانِ ُمعلی کا عروج

آفتابِ حق نما ہو تم کو ہے زیبا عروج

میں حضیض غم میں ہوں اِمداد ہو شاہا عروج

ہر ترقی پر ترقی ہو بڑھے دُونا عروج

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

تاُکجا ہو پائمالِ لشکر اَفکارِ رُوح

تابکے ترساں رہے بے مونس و غمخوارِ رُوح

ہو چلی ہے کاوِشِ غم سے نہایت زَار رُوح

طالب اِمداد ہے ہر وقت اے دِلدار رُوح

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

دَبدبہ میں ہے فلک شوکت ترا اے ماہِ کاخ

دیکھتے ہیں ٹوپیاں تھامے گدا و شاہِ کاخ

قصر جنت سے فزوں رکھتا ہے عزو جاہِ کاخ

اب دکھا دے دیدۂ مشتاق کو لِلّٰہ کاخ

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

ُتو َبہ سائل اور تیرے دَر سے پلٹے نامراد

ہم نے کیا دیکھے نہیں غمگین آتے جاتے شاد

آستانے کے گدا ہیں قیصر و کسریٰ قباد

ہو کبھی لطف و کرم سے بندۂ مضطر بھی یاد

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

دیکھ کر اس نفس بد خصلت کی یہ زشتیٔ خواص

سوزِ غم سے دِل پگھلتا ہے مرا شکل رِصاص

کس سے مانگوں خونِ حسرت ہائےکشتہ کاقصاص

مجھ کو اس موذی کے چنگل سے عطا کیجے خلاص

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

ایک تو ناخن بدل ہے شدتِ اَفکارِ قرض

اس پر اَعدا نے نشانہ کر لیا ہے مجھ کو فرض

فرض اَدا ہو یا نہ ہو لیکن مرا آزار فرض

رَد نہ فرماؤ خدا کے واسطے سائل کی عرض

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

نفس و شیطاں میں بڑھےہیں سو طرح کے اِختلاط

ہر قدم دَر پیش ہے مجھ کو طریق پل صراط

بھولی بھولی سی کبھی یاد آتی ہے شکلِ نشاط

پیش بارِ کوہ کاہِ ناتواں کی کیا بساط

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

آفتوں میں پھنس گیا ہے بندۂ دَر اَلحفیظ

جان سے سو کاہشوں میں دَم ہے مضطر اَلحفیظ

ایک قلب ناتواں ہے لاکھ نشتر اَلحفیظ

المدد اے داد رَس اے بندہ پروَر اَلحفیظ

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

صبح صادِق کا کنارِ آسماں سے ہے طلوع

ڈَھل چکا ہے صورتِ شب حسن رُخسارِ شموع

طائروں نے آشیانوں میں کئے نغمے شروع

اورنہیں آنکھوں کواب تک خوابِ غفلتسے رُجوع

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

بدلیاں چھائیں ہوا بدلی ہوئے شاداب باغ

غنچے چٹکے پھول مہکے بس گیا دِل کا دماغ

آہ اے جورِ قفس دِل ہے کہ محرومی کا داغ

واہ اے لطف صبا گل ہے تمنا کا چراغ

روئے رحمت برمتاب اے کامِ جاں اَز رُوئے من

 

حرمتِ روحِ پیمبر یک نظر ُکن سوئے من

 

آسماں ہے قوس فکریں تیر میرا دِل ہدف

نفس و شیطاں ہر گھڑی کف برلب و خنجر بکف

منتظر ہوں میں کہ اب آئی صدائے لَاتَخَفْ

سروَرِ دِیں کا تصدق بہر سلطانِ نجف

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

بڑھ چلا ہے آج کل اَحباب میں جوشِ نفاق

خوش مذاقانِ زمانہ ہو چلے ہیں بد مذاق

سیکڑوں پردوں میں پوشیدہ ہے حسن اِتفاق

بر سرِ پیکار ہیں آگے جو تھے اَہل وِفاق

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

ڈَر دَرِندوں کا اَندھیری رات صحرا ہولناک

راہ نا معلوم رَعشہ پاؤں میں لاکھوں مَغاک

دیکھ کر اَبر سیہ کو دِل ہوا جاتا ہے چاک

آئیے اِمداد کو ورنہ میں ہوتا ہوں ہلاک

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

ایک عالم پر نہیں رہتا کبھی عالم کا حال

ہر کمالے را زَوال و ہر زَوالے را کمال

بڑھ چکیں شب ہائے فرقت اب توہو رَوزِ وِصال

مہر ادھر منہ کر کہ میرے دِن پھریں دِل ہو نہال

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

گو چڑھائی کر رہے ہیں مجھ پر اَندوہ و اَلم

گو پیاپے ہو رہے ہیں اہل عالم کے ستم

پر کہیں چھٹتا ہے تیرا آستاں تیرے قدم

چارۂ دردِ دلِ مضطر کریں تیرے کرم

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

ہیں کمر بستہ عداوَت پر بہت اَہل زَمن

ایک جانِ ناتواں لاکھوں اَلم لاکھوں محن

 

سن لے فریادِ حسنؔ فرما دے اِمدادِ حسن

صبح محشر تک رہے آباد تیری اَنجمن

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

ہے ترے اَلطاف کا چرچا جہاں میں چار سو

شہرۂ آفاق ہیں یہ خصلتیں یہ نیک خو

ہے گدا کا حال تجھ پر آشکارا مو بمو

آج کل گھیرے ہوئے ہیں چار جانب سے عدو

روئے رحمت برمتاب اے کام جاں اَز رُوئے من

حرمتِ روحِ پیمبر یک نظر ُکن سوئے من

 

شام ہے نزدیک منزل دُور میں گم کردہ راہ

ہر قدم پر پڑتے ہیں اس دَشت میں خس پوش جاہ

کوئی ساتھی ہے نہ رہبر جس سے حاصل ہو پناہ

اَشک آنکھوں میں قلَق دِل میں لبوں پر آہ آہ

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

 

تاج والوں کو مبارک تاجِ زَر تخت شہی

بادشاہ لاکھوں ہوئے کس پر پھلی کس کی رہی

میں گدا ٹھہروں ترا میری اسی میں ہے بہی

ظل دامن خاکِ دَر دیہیم و افسر ہے یہی

روئے رحمت برمتاب اے کامِ جاں اَز رُوئے من

حرمتِ روحِ پیمبر یک نظر ُکن سوئے من

مناقب حضرت شاہ بدیع الدین مدار قُدِّسَ سِرُّہٗ الشَّرِیْف

ہوا ہوں دادِ ستم کو میں حاضرِ دَربار

گواہ ہیں دلِ مخزون و چشمِ دَریا بار

طرح طرح سے ستاتا ہے زُمرۂ اَشرار

بدیع بہرِ خدا حرمت شہِ اَبرار

مدار چشم عنایت ز من دَریغ مدار

نگاہِ لطف و کرم از حسن دریغ مدار

 

ادھر اَقارب عقارب عدو اَجانب خویش

اِ د ھر ہوں جوشِ معاصی کے ہاتھ سے دل ریش

بیان کس سے کروں ہیں جو آفتیں دَر پیش

پھنسا ہے سخت بلاؤں میں یہ عقیدت کیش

مدار چشم عنایت ز من دریغ مدار

 

 

نگاہِ لطف و کرم از حسن دریغ مدار

 

نہ ہوں میں طالب افسر نہ سائل دِیہیم

کہ سنگ منزلِ مقصد ہے خواہش زَر و سیم

کیا ہے تم کو خدا نے کریم ابن کریم

فقط یہی ہے شہا آرزوئے عبدِ اَثیم

مدار چشم عنایت ز من دریغ مدار

نگاہِ لطف و کرم از حسن دریغ مدار

 

ہوا ہے خنجرِ اَفکار سے جگر گھائل

نفس نفس ہے عیاں دَم شماریٔ بسمل

مجھے ہو مرحمت اَب دارُوئے جراحتِ دِل

نہ خالی ہاتھ پھرے آستاں سے یہ سائل

مدار چشم عنایت ز من دریغ مدار

نگاہِ لطف و کرم از حسن دریغ مدار

 

تمہارے وصف و ثنا کس طرح سے ہوں مرقوم

کہ شانِ اَرفع و اعلیٰ کسے نہیں معلوم

ہے زیر تیغِ اَلم مجھ غریب کا حلقوم

ہوئی ہے دِل کی طرف یورشِ سپاہِ ہموم

مدار چشم عنایت ز من دریغ مدار

نگاہِ لطف و کرم از حسن دریغ مدار

 

ہوا ہے بندہ گرفتارِ پنجہء صیاد

ہیں ہر گھڑی ستم ایجاد سے ستم ایجاد

حضور پڑتی ہے ہر روز اک نئی اُفتاد

تمہارے دَر پہ میں لایا ہوں جور کی فریاد

مدار چشم عنایت ز من دریغ مدار

نگاہ لطف و کرم از حسن دریغ مدار

 

تمام ذَروں پہ کالشمس ہیں یہ جود و نوال

فقیرِخستہ جگر کا بھی رَد نہ کیجے سوال

حسن ہوں نام کو پر ہوں میں سخت بد اَفعال

عطا ہو مجھ کو بھی اے شاہ جنس حسن مآل

مدار چشم عنایت ز من دریغ مدار

نگاہ لطف و کرم از حسنؔ دریغ مدار

دردِ سر کا علاج

قیصررُوم نے امیرالمؤمنین حضرت سیدناعمرفاروقِ اعظم رَضِیَ اللّٰہُ تَعَالٰی عَنْہ کو خط لکھاکہ مجھے دائِمی دردِسرکی شکایت ہے اگرآپ کے پاس اِس کی دوا ہو تو بھیج دیجئے ۔حضرت سیدناعمرفاروقِ اعظم رَضِیَ اللّٰہُ تَعَالٰی عَنْہ نے اُس کو ایک ٹوپی بھیج دی، قیصررُوم اُس ٹوپی کوپہنتاتو اسکا دردِ سر کافور ہو جاتا اور جب سر سے اُتارتا تودردِ سر پھرلوٹ آتا۔اسے بڑا تعجب ہوا ۔ آخرکاراُس نے اس ٹوپی کو اُدھیڑا تو اس میں سے ایک کاغذ برآمدہوا جس

 

 

پر ’’ بِسْمِ اللّٰہِ الرَّحْمٰنِ الرَّحِیْم ‘‘ لکھاتھا۔(تفسیر کبیر ، ۱ / ۱۵۵، داراحیاء التراث العربی بیروت)

عرض سلام بدرگاہ خیرالانام عَلَیْہِ الصَّلٰوۃُ وَالسَّلَام

اَلسَّلَام اے خسروِ دنیا و دِیں

اَلسَّلَام اے راحت جانِ حزیں

 

اَلسَّلَام اے بادشاہِ دو جہاں

اَلسَّلَام اے سرورِ کون و مکاں

 

اَلسَّلَام اے نورِ ایماں اَلسَّلَام

اَلسَّلَام اے راحتِ جاں اَلسَّلَام

 

اے شکیبِ جانِ مضطر اَلسَّلَام

آفتابِ ذَرّہ پروَر اَلسَّلَام

 

دَرد و غم کے چارہ فرما اَلسَّلَام

دَرد مندوں کے مسیحا اَلسَّلَام

 

اے مرادیں دینے والے اَلسَّلَام

دونوں عالم کے اُجالے اَلسَّلَام

 

دَرد و غم میں مبتلا ہے یہ غریب

دَم چلا تیری دُہائی اے طبیب

 

نبضیں ساقط رُوح مضطر جی نڈھال

دَردِ عصیاں سے ہوا ہے غیر حال

 

بے سہاروں کے سہارے ہیں حضور

حامی و یاوَر ہمارے ہیں حضور

 

ہم غریبوں پر کرم فرمائیے

بد نصیبوں پر کرم فرمائیے

 

بے قراروں کے سرہانے آئیے

دِلفگاروں کے سرہانے آئیے

 

جاں بلب کی چارہ فرمائی کرو

جانِ عیسٰی ہو مسیحائی کرو

 

شام ہے نزدیک منزل دُور ہے

 

پاؤں کیسے جان تک رَنجور ہے

 

مغربی گوشوں میں پھوٹی ہے شفق

زَردیٔ خورشید سے ہے رنگ فق

 

راہ نامعلوم صحرا پرخطر

کوئی ساتھی ہے نہ کوئی راہبر

 

طائروں نے بھی بسیرا لے لیا

خواہش پرواز کو رخصت کیا

 

ہر طرف کرتا ہوں حیرت سے نگاہ

پر نہیں ملتی کسی صورت سے راہ

 

سو بلائیں چشمِ تر کے سامنے

یاس کی صورت نظر کے سامنے

 

دل پریشاں بات گھبرائی ہوئی

شکل پر اَفسردَگی چھائی ہوئی

 

ظلمتیں شب کی غضب ڈھانے لگیں

کالی کالی بدلیاں چھانے لگیں

 

ان بلاؤں میں پھنسا ہے خانہ زاد

آفتوں میں مبتلا ہے خانہ زاد

 

اے عرب کے چاند اے مہرِ عجم

اے خدا کے نور اے شمعِ حرم

 

فرش کی زینت ہے دَم سے آپ کے

عرش کی عزت قدم سے آپ کے

 

آپ سے ہے جلوۂ حق کا ظہور

آپ ہی ہیں نور کی آنکھوں کے نور

 

آپ سے روشن ہوئے کون و مکاں

آپ سے پُر نور ہے بزمِ جہاں

 

اے خداوند عرب شاہ عجم

کیجیے ہندی غلاموں پر کرم

 

ہم سیہ کاروں پہ رحمت کیجیے

تیرہ بختوں کی شفاعت کیجیے

 

اپنے بندوں کی مدد فرمائیے

پیارے حامی مسکراتے آئیے

 

ہو اگر شانِ تبسم کا کرم

صبح ہو جائے شب دِیجورِ غم

 

ظلمتوں میں گم ہوا ہے راستہ

المدد اے خندۂ دَنداں نما

 

ہاں دکھا جانا تجلی کی ادا

ٹھوکریں کھاتا ہے پردیسی ترا

 

دیکھیے کب تک چمکتے ہیں نصیب

دیر سے ہے لو لگائے یہ غریب

 

ملتجی ہوں میں عرب کے چاند سے

اپنے رب سے اپنے رب کے چاند سے

 

میں بھکاری ہوں تمہارا تم غنی

لاج رکھ لو میرے پھیلے ہاتھ کی

 

تنگ آیا ہوں دلِ ناکام سے

اس نکمے کو لگا دو کام سے

 

آپ کا دَربار ہے عرش اِشتِباہ

آپ کی سرکار ہے بیکس پناہ

 

مانگتے پھرتے ہیں سلطان و امیر

رات دن پھیری لگاتے ہیں فقیر

 

غمزدوں کو آپ کر دیتے ہیں شاد

سب کو مل جاتی ہے منہ مانگی مراد

 

میں تمہارا ہوں گدائے بے نوا

کیجے اپنے بے نواؤں پر عطا

 

میں غلامِ ہیچ کارہ ہوں حضور

 

ہیچ کاروں پر کرم ہے پر ضرور

 

اچھے اچھوں کے ہیں گاہک ہر کہیں

ہم بدوں کی ہے خریداری یہیں

 

کیجیے رحمت حسنؔ پر کیجیے

دونوں عالم کی مرادیں دیجیے

رباعیات

جانِ گلزارِ مصطفائی تم ہو

مختار ہو مالکِ خدائی تم ہو

جلوہ سے تمہارے ہے عیاں شانِ خدا

آئینۂ ذاتِ کبریائی تم ہو

دیگر

یارانِ نبی کا وَصف کس سے ہو ادا

ایک ایک ہے ان میں ناظمِ نظمِ ہُدیٰ

پائے کوئی کیونکر اس رُباعی کا جواب

اے اہل سخن جس کا مصنف ہو خدا

دیگر

بدکار ہیں عاصی ہیں زیاں کار ہیں ہم

تعزیر کے بے شبہ سزاوار ہیں ہم

یہ سب سہی پر دل کو ہے اس سے قوت

اللّٰہ کریم ہے گنہگار ہیں ہم

دیگر

خاطی ہوں سیہ ُرو ہوں خطاکار ہوں میں

جو کچھ ہو حسنؔ سب کا سزاوار ہوں میں

پر اس کے کرم پر ہے بھروسہ بھاری

اللّٰہ ہے شاہد کہ گنہ گار ہوں میں

دیگر

اس درجہ ہے ضعف جاں گزائے اسلام

ہیں جس سے ضعیف سب قوائے اسلام

اے مرتوں کی جان کے بچانے والے

اب ہے تِرے ہاتھ میں دوائے اسلام

دیگر

کب تک یہ مصیبتیں اُٹھائے اسلام

کب تک رہے ضعف جاں گذائے اسلام

پھر ازسر نو اس کو توانا کر دے

اے حامیٔ اسلام خدائے اسلام

دیگر

ہے شام قریب چھپی جاتی ہے ضو

منزل ہے بعید تھک گیا رَہرو

 

اب تیری طرف شکستہ حالوں کے رفیق

ٹوٹی ہوئی آس نے لگائی ہے لو

دیگر

برسائے وہ آزادہ رَوِی نے جھالے

ہر راہ میں بہہ رہے ہیں ندی نالے

اسلام کے بیڑے کو سہارا دینا

اے ڈوبتوں کے پار لگانے والے

دیگر

سن اَحقر افرادِ زمن کی فریاد

سن بندۂ پابندِ محن کی فریاد

یارب تجھے واسطہ خداوندی کا

رہ جائے نہ بے اثر حسن کی فریاد

دیگر

جو لوگ خدا کی ہیں عبادت کرتے

کیوں اَہلِ خطا کی ہیں حقارت کرتے

بندے جو گنہگار ہیں وہ کس کے ہیں

کچھ دیر اُسے ہوتی ہے رحمت کرتے

دیگر

دنیا فانی ہے اہل دنیا فانی

شہر و بازار و کوہ و صحرا فانی

دل شاد کریں کس کے نظارہ سے حسنؔ

آنکھیں فانی ہیں یہ تماشا فانی

دیگر

اس گھر میں نہ پابند نہ آزاد رہے

غمگین رہے کوئی نہ دِل شاد رہے

تعمیر مکاں کس کے لیے ہوتا ہے

کوئی نہ یہاں رہے گا یہ یاد رہے

تواریخ از تصنیف مصنف

تاریخ مثنوی شفاعت و نجات مصنفہ مولیٰنا مولوی محمد محسن

صاحب کاکوروی وکیل مین پوری

حسنؔ اپنے محسن کی ہو کچھ ثنا

جو احسان ُحسنِ طبیعت کا ہو

 

شفاعت کا لکھا ہے اَحوال خوب

بیاں کیونکر اُس کی فصاحت کا ہو

 

دُعائیہ تاریخ میں نے کہی

یہ اچھا ذریعہ شفاعت کا ہو

۳ ۹ ۸ ۱ ء

 

 

تاریخ وِصال حضرت سیدنا و مولیٰنا شاہ آلِ رسول

رَضِیَ اللّٰہُ تَعَالٰی عَنْہُ وَ نَوَّرَ اللّٰہُ مَرْقَدَہ

جُبِّ آلِ رسول بحرِ عرفاں

رونق دہ خاندانِ برکات

 

وہ واقف رَمز لا و اِلَّا

وہ کاشف سِرِّ نفی و اِثبات

 

عازِم ہوئے سوئے دارِ عقبیٰ

اس غم کی گھٹا سے دِن ہوا رات

 

رِضواں نے کہی حسنؔ سے تاریخ

اب خُلد میں دیکھیے کرامات

۶۳۴ ۶۶۲

دیگر

اچھے کے پیارے میرے سہارے

باہر ہیں بیاں سے اُن کے مناقب

 

وہ اور شریعت وہ اور طریقت

دو دِل یک اَرماں یک جاں دو قالب

 

عبد و خدا میں مانندِ برزَخ

مقصود وقاصد مطلوب و طالب

 

دَریائے رحمت گلزارِ رافت

جانِ مراحم کانِ مواہب

 

نجم منازِل شمع محافل

مہر مشارِق ماہِ مغارِب

 

خلق خدا کے کیوں نہ ہوں رہبر

ہیں مصطفیٰ کے فرزند و نائب

 

ہے اُ ن کے دم سے عزت کی عزت

تاجِ مراتب راسِ مناصب

 

جب اُس قمر نے لی راہِ جنت

تھی اَشک اَفشاں چشم کواکب

 

میں نے کہی یہ تاریخ رحلت

قطب المشائخ اصل مطالب

۹۶ ۱۲ھ

تاریخ طبع وتالیف رسالہ نگارستان

لَطافت مصنفۂ خود

ہوگیا ختم یہ رسالہ آج

شکر خالق کریں نہ کیونکر ہم

سنِ تالیف اے حسنؔ سن لے

مَنبعِ وَصف شہر یارِ حرم

۲ ۰ ۱۳ ھ

دیگر

یہ چند وَرق نعت کے لایا ہے غلام آج

اِنعام کچھ اس کا مجھے اے بحرِ سخا دو

میں کیا کہوں میری ہے یہ حسرت یہ تمنا

میں کیا کہوں مجھ کو یہ صلا دو یہ صلا دو

تم آپ مرے دل کی مرادوں سے ہو واقف

خیرات کچھ اپنی مجھے اے بحرِ عطا دو

ہیں یہ سن تالیف فقیرانہ صدا میں

والی میں تصدق مجھے مِدحت کی جزا دو

۲ ۰ ۱۳ھ

تاریخ طبع دیوانِ حضور احمد خان صاحب آثم بریلوی

ہے یہ دیوان اُس کی مدحت میں جس کی ہر بات ہے خدا کو قبول

جس کے قبضہ میں دو جہاں کا ملک جسکے بندوں میں تاجدار شمول

جس پہ قرباں جناں جناں کے چمن جس پہ پیارا خدا خدا کے رسول

جسکے صدقے میں اہل ایماں پر ہر گھڑی رحمتِ خدا کا نزول

جس کی سرکار قاضی حاجات جس کا دربار معطی مامول

یہ ضیائیں اسی کے دم کی ہیں یہ سخائیں اسی کے ہیں معمول

دن کو ملتا ہے روشنی کا چراغ شب کو کھلتا ہے چاندنی کا پھول

اُس کے در سے ملے گدا کو بھیک اسکے گھر سے ملے دعا کو قبول

اے حسنؔ کیا حسن ہے مصرعِ سال باغِ اسلام کے کھلے کیا پھول

۴ ۱۳۰ھ

قطعہ تاریخ وِصالِ اعلٰی حضرت عظیم البرکت سیدی و ملجائی مرشدی ومولائی عالی جناب مولانا مولوی سید شاہ ابوالحسین احمد نوری میاں صاحب رَضِیَ اللّٰہُ تَعَالٰی عَنْہُ

شیخِ زمانہ حضرتِ سید ابوالحسین

جانِ مراد کانِ ہدیٰ شانِ اِہتدا

 

نورِ نگاہ حضرتِ آلِ رسول کے

اچھے میاں کے لخت جگر آنکھوں کی ضیا

 

خود عین نور سیدی عینی کے نورِ عین

عشقی کے دل کے چین مرے دَرد کی دوا

 

میرے بزرگ بھی اسی دَر کے غلام ہیں

میں بھی کمینہ بندہ اسی بارگاہ کا

 

ما بندۂ قدیم و توئی خواجۂ کریم

پروردۂ تو ایم بیفزائے قدرِ ما

 

جانِ ظہور اب کوئی اِخفا کا وقت ہے

حائل جو پردہ بیچ میں تھا وہ بھی اُٹھ گیا

 

اَسرار کا ظہور ہو شانِ ظہور سے

استار سے اٹھائیے اب پردۂ خفا

 

اعلان سے دکھائیے وہ قادری کمال

اِظہار کیجے شوکت قدرت کا برملا

 

دروازے کھول دیجیے اِمدادِ غیب کے

کاسے لیے کھڑے ہیں بہت دیر سے گدا

 

یا سیدی میں کہہ کے پکاروں بلا کے وقت

تم لَا تَخَفْ سناتے ہوئے آؤ سرورا

 

داتا مرا سوال سنو مجھ کو بھیک دو

منگتا تمہارا تم کو تمہیں سے ہے مانگتا

 

آیا ہے دُور سے یہی سنتا ہوا فقیر

باڑا بٹے گا حضرتِ نوری کے نور کا

 

مجھ سا کوئی سقیم نہ تم سا کوئی کریم

میری طلب طلب ہے تمہاری عطا عطا

 

ِللّٰہ نگاہِ مہر ہو مجھ تیرہ بخت پر

آنکھوں کو نور دِل کو عنایت کرو جلا

 

دارَین میں علو مراتب کرو عطا

تم مظہر علی ہو علی مظہر علا

 

خوش باش اے حسنؔ ترے دشمن ملول ہوں

 

جس کا گدا ہے تو وہ ہے غمخوارِ بے نوا

 

تاریخ اب وصالِ مقدس کی عرض کر

حاصل ہو پورے شعر سے خاطر کا مدعا

 

وہ سیدِ وَلا گئے جب بزمِ قدس میں

اچھے میاں نے اُٹھ کے گلے سے لگالیا

۸۴۴ ۲۴ ۱۳ھ

قطعہ تاریخ ولادتِ باسعادت نبیرہ حضرت اَخُ الاعظم عالم اہلسنت جناب مولانا حاجی محمد احمد رضا خاں صاحب قادری مُدَّ ظِلُّہُمْ بخانہ برخوردار مولوی حامد رضا خاں سَلَّمَہُمُ اللّٰہُ تَعَالٰی

شکرِ خالق کس طرح سے ہو ادا

اِک زباں اور نعمتیں بے اِنتہا

پھر زباں بھی کس کی مجھ ناچیز کی

وہ بھی کیسی جس کو عصیاں کا مزا

اے خدا کیونکر لکھوں تیری صفت

اے خدا کیونکر کہوں تیری ثنا

گننے والے گنتیاں محدود ہیں

تیرے اَلطاف و کرم بے اِنتہا

سب سے بڑھ کر فضل تیرا اے کریم

ہے وُجودِ اَقدسِ خیرالورا

ہر کرم کی وجہ یہ فضل عظیم

صدقہ ہیں سب نعمتیں اس فضل کا

فضل اور پھر وہ بھی ایسا شاندار

جس پہ سب اَفضال کا ہے خاتما

اولیا اس کے کرم سے خاصِ حق

انبیا اس کی عطا سے انبیا

خود کرم بھی خود کرم کی وجہ بھی

خود عطا خود باعث جود و عطا

اس کرم پر اس عطا و جود پر

ایک میری جان کیا عالم فدا

کردے اِک نم سے جہاں سیرابِ فیض

جوش زن چشمہ کرم کے میم کا

جان کہنا مبتذل تشبیہ ہے

اللّٰہ اللّٰہ اس کے دامن کی ہوا

جان دی مردوں کو عیسیٰ نے اگر

اس نے خود عیسیٰ کو زندہ کردیا

بے سبب اس کی عطائیں بے شمار

بے غرض اس کے کرم بے اِنتہا

 

ALLAH ALLAH SHAH-E-KONAIN JALA’LAT TERI NAAT LYRICS

Allah Se Kya Pyar Hai Usmaan Ghanni Ka Lyrics
Assalam Aye Kursawe Duniya O Deen Lyrics
Baagh E Jannat Mein Nirali Chaman Aarai Hai – Naat Lyrics
Baharon Per Hai Aaraishain Gulzar E Jannat Ki Lyrics
Bazme Mahshar Munaqqid Kar Mahare Samane Jamal Lyrics
Chaaye Gham Ke Baadal Kale Lyrics
Chashm-E Dil Chahe Jo Anwaar Se Rabt Lyrics
Darde Dil Kar Mujhe Ata Ya Rab Lyrics
Dasht-E Madinah Ki Hai Ajab Pur Bahar Subah Lyrics
Dunya O Deen K Is K Maqasid Husool Hain Lyrics
Dushman Hai Gale Ka Haar Aaqa Lyrics
Ho Agar Madhe Kafe Pa Se Munawwar Kaghaz Lyrics
Hon Jo Yaad E Rukh E Pur Noor Mein Margane Qafas Lyrics
Hum Ne Taqseer Ki Aadat Karli Lyrics
Huva Houn Daad E Sitam Ko Main Hazir E Darbar Lyrics
Ise Kehte Hain Khizare Qoum Baaz Ahmaq Zamana Mein Lyrics
Jaan Ba-Lab Hon Aa Meri Jaan Al – Ghiyas Lyrics
Jaan Se Tang Hain Qaidi Gham E Tanhai Ki Lyrics
Janib Maghrib Woh Chamka Aaftab Lyrics
Jate Hain Sue Madina Ghar Se Hum Lyrics
Jayegi Hansti Hui Khuld Main Ummat Un Ki Lyrics
Jitna Mere Khuda Ko Hai Lyrics
Jo Ho Sar Ko Rasai Un Ke Dar Tak Lyrics
Jo Noor Baar Huwa Aftaab E Husn E Malih Lyrics
Kahoon Kya Haal Zahid Gulshan Tayyiba Ki Nuzhat Ka Lyrics
Khake Taiba Ko Agar Dil Mein Ho Waqt Mehfooz Lyrics
Khuda Ki Khalq Mein Sab Anabia Khaas Lyrics
Khushbu E Dast-E Taiba Se Bas Jaye Gir Dimagh Lyrics
Kiya Khuda Daad Aap Ki Imdad Hai Lyrics
Kon Kaheta Hai Ke Zeenat Khuld Ki Achhi Nahi Lyrics
Kuch Gham Nahi Agar Che Zamana Ho Bar Khilaaf Lyrics
Kya Karen Mehfil Dildar Ko Kyon Kar Dekhen Lyrics
Kya Musda Jaan Bakhash Sunaye Ga Qalam Aaj Lyrics
Madinah Mein Hai Woh Saman Bargaah Rafi Lyrics
Marhaba Izzat O Kamaal E Huzoor Lyrics
Muati Matlab Tumhara Har Ishara Ho Gaya Lyrics
Mubarak Ho Woh Shah Parde Se Bahar Aane Wala Hai Lyrics
Mujrim E Haibat Zada Jab Fard E Isyan Lyrics
Muraadein Mil Rahi Hain Shaad Shaad Unka Suwali Hai Lyrics
Na Kyun Arashen Karta Khuda Lyrics
Na Mayoos Ho Mere Dukh Dard Wale Lyrics
Nahi Woh Sadma Yeh Dil Ko Kis Ka Lyrics
Najdiya Sakht Hi Gandi Hai Tabiyat Teri Lyrics
Nigah-E-Lutf Ke Ummidwar Ham Bhi Hein Lyrics
Parde Jis Waqt Uthain Jalwa E Zaibai Ke Lyrics
Qibla Ka Bhi Kaaba Rukhe Neko Nazar Aaya Lyrics
Range Chaman Pasand Nah Phoolon Ki Bُo Pasand Lyrics
Rehmat Na Kis Tarah Ho Gunahgar Ki Taraf Lyrics
Saaqi Kuch Apne Baadakashoun Ki Khabar Bhi Hai Lyrics
Sakhiya Kyun Jab Rindon Par Hai To Na Mehrban Lyrics
Sani Ne Ik Baagh Lagaya Lyrics
Sehar Chamki Jamal Fasal Gul Araishon Par Hai Lyrics
Sire Subh-E Sa’aadat Ne Gireban Se Nikala Lyrics
Sun Lo Meri Iltija Achhe Miyan Lyrics
Tasawwur Lutf Deta Hai Dahane E Paak Sarwar Ka Lyrics
Tawaanaai Nahi Sadma Uthane Ki Zara Baaqi Lyrics
Tera Zuhoor Huwa Chashm-E Noor Ki Ronaqe Lyrics
Tere Dar Pe Sajid Hain Shahan Aalam Lyrics
Toor Ne To Khoob Dekha Jalwa E Shan E Jamal Lyrics
Tum Ho Hasrat Nikalne Wale Lyrics
Tum Zaat-E Khuda Se Nah Judda Ho Nah Khuda Ho Lyrics
Tumhara Naam Musibat Mein Jab Liya Hoga Lyrics
Woh Uthi Deikh Lo Gird E Sawari Lyrics
Ya Rab Tu Hai Sab Ka Mola Lyrics
Zaat-E Wala Pay Baar Baar Durood Lyrics