Sahir Ludhianvi Poetry Lyrics
Bujha Diye Hain Khud Apnay Haathon
Bujha Diye Hain Khud Apnay Haathon
Mohabbaton Kay Diye Jala Kay
Meri Wafa Ne Ujaar Di Hain
Umeed Ki Bastiyan Basa Kay
Tujhay Bhulaa Dain Gay Apnay Dil Se
Yeh Faisala To Kiya Hai Lakin
Na Dil Ko Maloom Hai Na Hum Ko
Jeeyein Gay Kaisay Tujhay Bhulaa Kay
Kabhi Milein Gay Jo Raastay Main
To Munh Phair Kar Palat Parein Gay
Kahin Sunein Gay Jo Naam Tera To
Chup Rahein Gay Nazar Jhukaa Kay
Na Sochnay Par Bhi Sochta Hoon
Keh Zindgani Main Kya Rahay Ga ?
Teri Tamana Ko Dafan Kar Kay
Teray Khayalon Se Door Jaa Kay
Is Tarah Zindagi Ne Diya Hai Hamara Saath
Is Tarah Zindagi Ne Diya Hai Hamara Saath
Jaisay Koi Nibah Raha Ho Raqeeb Se
Chalo Aik Baar Phir Se Ajnabi Ban Jayein Hum Dono
Khoobsurat Morr
Chalo Aik Baar Phir Se Ajnabi Ban Jayein Hum Dono
Na Main Tum Se Koi Umeed Rakhon Dil’nawazi Ki
Na Tum Meri Taraf Daikho Ghalt Andaaz Nazron Se
Na Meray Dil Ki Dharkan Larr’kharaye Teri Baton Se
Na Zahir Ho Tumhari Kash’ma’kash Ka Raaz Nazron Se
Tumhein Bhi Koi Uljhan Rokti Hai Paish Qadmi Se
Mujhay Bhi Log Kehtay Hain Keh Yeh Jalway Par’raiye Hain
Meray Hum’raah Bhi Ruswaiyan Hain Meray Mazi Ki
Tumharay Saath Bhi Guzri Hui Raaton Kay Saye Hain
Ta’aruf Rog Ho Jaye To Is Ka Bhoolna Behtar
Taluq Bojh Ban Jaye To Is Ka Torna Acha
Woh Afsana Jissay Anjaam Tak Laana Na Ho Mumkin
Ussay Aik Khoobsurat Morr De Kar Chorna Acha
Chalo Aik Baar Phir Se Ajnabi Ban Jayein Hum Dono
Fiza’ein Soch Rahi Hain Keh Ibn-E-Adam Ne
Fiza’ein Soch Rahi Hain Keh Ibn-E-Adam Ne
Khird Ganwa Kay Junoon Aazma Kay Kya Paya
Wohi Shakist-E-Tamana Wohi Gham-E-Ayaam
Nigaar-E-Zeest Ne Sab Kuch Luta Kay Kya Paya
Faraib-E-Jannat Farda Kay Jaal Toot Gaye
Faraib-E-Jannat Farda Kay Jaal Toot Gaye
Hayat Apni Umeedon Pe Sharam’saar Si Hai
Chaman Main Jashan-E-Darood-E-Bahar Ho Bhi Chuka
Magar Nigah-E-Gul-O-Lala So’gawar Si Hai
Fiza Main Garam Bagulon Ka Raqs Jaari Hai
Fiza Main Garam Bagulon Ka Raqs Jaari Hai
Ufaq Pe Khoon Ki Meena Chalak Rahi Hai Abhi
Kahan Ka Mehar Munawar , Kahan Ki Tanveer’ein
Keh Baam-O-Dar Pe Siyahi Jhalak Rahi Hai Abhi
Umar Bhar Reengtay Rehnay Se Kahin Behtar Hai
Umar Bhar Reengtay Rehnay Se Kahin Behtar Hai
Aik Lamha Jo Teri Rooh Main Wusat Bhar De
Aik Lamha Jo Teray Geet Ko Shokhi De Day
Aik Lamha Jo Teri Lay Main Mussarat Bhar De
Zakham Khurda Hain Takhyul Ki Uranein Teri
Zakham Khurda Hain Takhyul Ki Uranein Teri
Teray Geeton Main Teri Rooh Kay Gahm Paltay Hain
Sar’mageen Aankhon Main Youn Hasratein Lo Deti Hain
Jaisay Veeran Mizaron Pe Diye Jaltay Hain
Teray Nazuk Se Paron Par Yeh Zar-O-Seem Ka Bojh
Teray Nazuk Se Paron Par Yeh Zar-O-Seem Ka Bojh
Teri Parwaz Ko Azaad Na Honay De Ga
Tu Ne Rahat Ki Tamana Main Jo Gham Pala Hai
Woh Teri Rooh Ko Abaad Na Honay De Ga
Ae Tarb Zaar-E-Jawani Ki Parishan Titli
Ae Tarb Zaar-E-Jawani Ki Parishan Titli
Tu Bhi Ik Bu-E-Giraftaar Hai Maloom Na Tha
Teray Jalwon Main Baharein Nazar Ati Thein Mujhay
Tu Sitam Khurda-E-Adbaar Hai Maloom Na Tha
Main Ne Jis Waqat Tujhay Pehlay Pehal Daikha Tha
Main Ne Jis Waqat Tujhay Pehlay Pehal Daikha Tha
Tu Jawani Ka Koi Khawab Nazar Aayi Thi
Husan Ka Naghma-E-Javed Hui Thi Maloom
Ishq Ka Jazba-E-Be’taab Nazar Aayi Thi
Meri Dar’manda Jawani Ki Tamana’on Kay
Meri Dar’manda Jawani Ki Tamana’on Kay
Muz’mahil Khawab Ki Tabeer Bata De Mujh Ko
Teray Daman Main Gulistan Bhi Hain Veeranay Bhi
Mera Hasil , Meri Taqdeer Bata De Mujh Ko
Kon Janay Meray Amroz Ka Farda Kya Hai
Kon Janay Meray Amroz Ka Farda Kya Hai
Qurbatein Barh Kay Pash-E-Maan Bhi Hi Jati Hain
Dil Kay Daman Se Lipat’ti Hui Rangeen Nazrein
Daikhtay Daikhtay Anjaan Bhi Ho Jati Hain
Tera Andaz-E-Karam Aik Haqeeqat Hai Magar
Tera Andaz-E-Karam Aik Haqeeqat Hai Magar
Yeh Haqeeqat Bhi Haqeeqat Ka Fasana Hi Na Ho
Teri Manoos Nigahon Ka Yeh Motaat Payam
Dil Kay Khoon Karnay Ka Aik Aur Bahana Hi Na Ho
Teray Hathon Ki Hararat Teray Sanson Ki Mehak
Teray Hathon Ki Hararat Teray Sanson Ki Mehak
Tairati Rehti Hai Ehsaas Ki Pinhaai Main
Dhoondti Rehti Hain Takhiyul Ki Baanhein Tujh Ko
Sard Raton Ki Sulagti Hui Tanhai Main
Tu Kisi Aur Kay Daman Ki Kali Hai Lakin
Tu Kisi Aur Kay Daman Ki Kali Hai Lakin
Meri Raatein Teri Khushbu Se Basi Rehti Hain
Tu Kahin Bhi Ho Teray Phool Se Aariz Ki Qasam
Teri Palkein , Mei Aankhon Main Jhuki Rehti Hain
Pyar Par Bas To Nahin Hai Mera Lakin Phir Bhi
Pyar Par Bas To Nahin Hai Mera Lakin Phir Bhi
Tu Bata De Keh Tujhay Pyar Karon Ya Na Karon
Tu Ne Khud Apnay Tabasam Se Jagaya Hai Jinhein
In Tamana’on Ka Izhaar Karon Ya Na Karon
Meri Ujri Hui Neendon Kay Shabistano Main
Meri Ujri Hui Neendon Kay Shabistano Main
Tu Kisi Khawab Kay Paikar Ki Tarah Aayi Hai
Kabhi Apni Si , Kabhi Ghair Nazar Aayi Hai
Kabhi Ikhlaas Ki Moorat Kabhi Harjaai Hai
Meray Khawabon Kay Jharokon Ko Sajanay Wali
Meray Khawabon Kay Jharokon Ko Sajanay Wali
Teray Khwabon Main Kahin Mera Guzar Hai Keh Nahin
Pooch Kar Apni Nigahon Se Bata De Mujh Ko
Meri Raton Kay Muqaddar Main Sehar Hai Keh Nahin
Chaar Din Ki Yeh Rafaqat , Jo Rafaqat Bhi Nahin
Umar Bhar Kay Liye Azaar Hui Jati Hai
Zinfagi Youn To Hamesha Se Parishan Si Thi
Ab To Her Saans Garaan Baar Hui Jati Hai
Main Ne Her Chand Gham-E-Ishq Ko Khona Chaha
Main Ne Her Chand Gham-E-Ishq Ko Khona Chaha
Gham-E-Ulfat Gham-E-Duniya Main Samona Chaha
Wohi Afsanay Meri Simat Rawan Hain Ab Tak
Woh Sholay Meray Seenay Main Nihan Hain Ab Tak
Wohi Be’sood Khalish Hai Meray Seenay Main Hanooz
Wohi Be’kaar Tamana’ein Jawan Hain Ab Tak
Woh Hi Gaisu Meri Raaton Pe Hain Bikhray Bikhray
Wohi Aankhein Meri Janib Nigran Hain Ab Tak
Kasrat-E-Gham Bhi Meray Gahm Ka Madawa Na Hui
Meray Be’chain Khayalon Ko Sakon Mil Na Saka
Dil Ne Duniya Kay Her Aik Dard Ko Apna To Liya
Muz’mahil Rooh Ko Andaz-E-Junoon Mil Na Saka
Meri Takhiyul Ka Sheeraza Barham Hai Wohi
Meray Bujhtay Huye Ehsaas Ka Aalam Hai Wohi
Wohi Be’jaan Iraday Wohi Be’rang Sawal
Wohi Be’rooh Kasha’kash Wohi Be’chain Khayal
Aah Isi Kash Mukash Subha-O-Masa Ka Anjaam
Main Bhi Na’kaam Meri Saa’ei Amal Bhi Na’kaam
Taaj Teray Liye Aik Mazhar Ulfat Hi Sahi
Taaj Teray Liye Aik Mazhar Ulfat Hi Sahi
Tujh Ko Is Wadi-E-Rangeen Se Aqeedat Hi Sahi
Meray Mehboob Kahin Aur Mila Kar Mujh Se
Bazam-E-Shahi Main Ghareebon Ka Guzar Kya Mahni
Sibat Jis Raah Main Hon Satoot-E-Shahi Kay Nishan
Us Par Ulfat Bharri Roohon Ka Safar Kya Mahni
Meray Mehboob Pas-E-Parda Tasheer-E-Wafa
Tu Ne Satoot Kay Nishano Ko To Daikha Hota
Murda Shahon Kay Muqabar Se Behalnay Walay
Apnay Tareek Makano Ko To Daikha Hota
Un’ginat Logon Ne Duniya Main Mohabbat Ki Hai
Kon Kehta Hai Keh Sadaq Na Thay Jazbay Un Kay
Lakin Un Kay Liye Tasheer Ka Saman Nahin
Kiyon Woh Log Bhi Apni Hi Tarah Muflis Thay
Yeh Imaraat-O-Maqabar Yeh Faseelein Yeh Hisaar
Mutlaq-Ul-Hukam Shehinshah’on Ki Azmat Kay Satoon
Seena Dhar Kay Na’soor Hain Kehna Na’soor
Jazb Hai In Main Teray Meray Ajdaad Ka Khoon
Meri Mehboob ! Unhein Bhi To Mohabbat Ho Gi
Jin Ki Sa’naahi Ne Bakhshi Hai Ussay Shakal-E-Jameel
Un Kay Payaron Kay Maqabar Rahay Be’naam-O-Namood
Aaj Tak Un Par Jalaai Na Kisi Ne Qandeel
Yeh Chaman Zaar Yeh Jamna K Akinara , Yeh Mehal
Yeh Munqish Dar-O-Dewaar Yeh Mehraab Yeh Taaq
Ik Shehinshah Ne Doulat Ka Sahara Lay Kar
Hum Ghareebon Ki Mohabbat Ka Uraya Hai Mazaq
Meri Mehboob ! Kahin Aur Mila Kar Mujh Se
Main Ne Jo Geet Teray Pyar Ki Khatar Likhay
Main Ne Jo Geet Teray Pyar Ki Khatar Likhay
Aaj Un Geeton Ko Bazar Main Lay Aaya Hoon
Aaj Dukaan Pe Nelaam Uthay Ga Un Ka
Tu Ne Jin Geeton Pe Rakhi Thi Mohabbat Ki Asaas
Aaj Chandi Kay Tarazu Main Tullay Gi Her Cheez
Meray Afkaar , Meri Shairy , Mera Ehsaas
Jo Teri Zaat Se Mansoob Thay Un Geeton Ko
Muflasi Jins Bananay Ko Utar Aayi Hai !
Daikh Is Arsa-E-Geh Mehnat-O-Sarmaya Main
Meray Naghmay Bhi Meray Paas Nahin Reh Saktay
Teray Jalway Kisi Zar Daar Ki Meraas Sahi
Teray Khaakay Bhi Meray Paas Nahin Reh Saktay
Aaj Un Geeton Ko Bazar Main Lay Aaya Hoon
Main Ne Jo Geet Teray Pyar Ki Khatar Likhay
Meri Na’kaam Mohabbat Ki Kahani Mat Chairro
Meri Na’kaam Mohabbat Ki Kahani Mat Chairro
Apni Mayoos Umangon Ka Fasana Na Suna
Zindagi Talkh Sahi , Zehar Sahi , Sam Hi Sahi
Dard-O-Aazaar Sahi , Jabar Sahi , Gham Hi Sahi
Lakin Is Dard-O-Gham-O-Jabar Ki Wusat Ko To Daikh
Zulam Ki Chaaon Main Dam Torti Khalqat Ko To Daikh
Apni Mayoos Umangon Ka Fasana Na Suna
Meri Na’kaam Mohabbat Ki Kahani Mat Chairr
Jalsa Gahon Main Yeh Dehshat Zada Sehmay Amboh
Rah’guzaron Pe Falakat Zada Logon Kay Garoh
Bhook Aur Pyas Se Yaz’murda Siyah Faam Zameen
Teera-O-Taar Makan , Muflis-O-Beemaar Makeen
Noh-E-Insaan Main Yeh Sarmaya-O-Mehnat Ka Tazaad
Aman-O-Tehzeeb Kay Parcham Talay Qomon Ka Fasaad
Her Taraf Aatish-O-Aahan Ka Yeh Sailaab-E-Azeem
Nit Naye Tarz Pe Hoti Hui Duniya Taqseem
Leh’lahatay Huye Khaiton Pe Jawani Ka Samaa
Aur Deh’qaan Kay Chappar Main Na Batti Na Dhuwan
Door Sahil Pe Woh Shafaaf Makano Ki Qataar
Sar’saratay Huye Pardon Main Sim’mattay Gulzar
Dar-O-Dewaar Pe Anwar Ka Sailaab Rawan
Jaisay Aik Shair-E-Madhosh Kay Khawabon Ka Jahan
Yeh Sabhi Kiyon Hai Yeh Kya Hai Mujhay Kuch Sochnay De
Kon Insaan Ka Khuda Hai Mujhay Kuch Sochnay De
Apni Mayoos Umangon Ka Fasana Na Sunaa!
Meri Na’kaam Mohabbat Ki Kahani Mat Chairr !
Apnay Seenay Se Lagaye Huye Umeed Ki Laash
Apnay Seenay Se Lagaye Huye Umeed Ki Laash
Mud’daton Zeest Ko Na’shaad Kiya Hai Main Ne
Tu Ne To Aik Hi Sadmay Se Kiya Tha Do Chaar
Dil Ko Her Tarah Se Bar’baad Kiya Hai Main Ne
Jab Bhi Rahon Main Nazar Aye Hareeri Malboos
Sard Aahon Main Tujhay Yaad Kiya Hai Main Ne
Aur Ab Jab Keh Meri Rooh Ki Pinhaai Main
Aik Sun’saan Si Maghmoom Ghatta Chaai Hai
Meri Mehboob , Yeh Hungama-E-Tajdeed-E-Wafa
Meri Afsurda Jawani Kay Liye Raas Nahin
Main Ne Jo Phool Chunay Teray Qadmon Kay Liye
Un Ka Dhundla Sa Tasawur Bhi Meray Paas Nahin
Aik Yak Basta Udasi Hai Dil-O-Jaan Pe Mohaat
Ab Meri Rooh Main Baqi Hai Na Umeed Na Josh
Reh Gaya Dab Kay Garaan Baar Sala’sal Kay Talay
Meri Dar’manda Jawani Ki Umangon Ka Kharosh
Reg’zaron Main Bagolon Kay Siwa Kuch Bhi Nahin
Saya-E-Abar-E-Gurezan Se Mujhay Kya Lena
Bujh Chukay Hain Meray Seenay Main Mohabbat Kay Kanwal
Ab Teray Husan-E-Pash-E-Maan Se Mujhay Kya Lena
Teray Aariz Pe Yeh Dhalkay Huye Seemi Aansu
Meri Afsurdagi-E-Gham Ka Madawa To Nahin
Teri Mehboob Nigahon Ka Payam-E-Tajdeed
Ik Talaafi Hi Sahi Meri Tamana To Nahin
Khilwat-O-Jalwat Main Tum Mujh Se Mili Ho Baar’ha
Khilwat-O-Jalwat Main Tum Mujh Se Mili Ho Baar’ha
Tum Ne Kya Daikha Nahin , Main Muskura Sakta Nahin
Main Keh Mayoosi Meri Fitrat Main Daakhil Ho Chuki
Jabar Bhi Khud Par Karon To Gun’guna Sakta Nahin
Mujh Main Kya Daikha Keh Tum Ulfat Ka Dam Bharnay Lagein
Main To Khud Apnay Bhi Koi Kaam Aa Sakta Nahin
Rooh Afza Hai Junoon-E-Ishq Kay Naghmay Magar !
Ab Main In Gaa’iye Huye Geeton Ko Gaa Sakta Nahin
Main Ne Daikha Hai Shakist Saaz Ulfat Ka Samaa
Ab Kisi Tehreek Par Bar’bat Utha Sakta Nahin
Dil Tumhari Shiddat-E-Ehsaas Se Waqif To Hai
Apnay Ehsa’saat Se Daman Chura Sakta Nahin
Tum Meri Ho Kar Bhi Be’gana Pao Gi Mujhay
Main Tumhara Ho Kar Bhi Tum Main Samaa Sakta Nahin
Gaa’iye Hain Main Ne Khaloos-E-Dil Se Bhi Ulfat Kay Geet
Ab Riya ‘Kaari Se Bhi Chahon To Gaa Sakta Nahin
Kis Tarah Tum Ko Bana Loon Main Shareek-E-Zindagi
Main To Apni Zindagi Ka Baar Utha Sakta Nahin
Yaas Ki Tareekiyon Main Doob Janay Do Mujhay
Ab Main Sham’ma-E-Aarzu Ki Lo Barha Sakta Nahin
Chand Kaliyan Nishat Ki Chun Kar
Chand Kaliyan Nishat Ki Chun Kar
Mud’daton Mehav-E-Yaas Rehta Hoon
Tera Milna Khushi Ki Baat Sahi
Tujh Se Mil Kar Udaas Rehta Hoon
Ufaq Kay Dareechay Se Kirno Ne Jhaanka
Ufaq Kay Dareechay Se Kirno Ne Jhaanka
Fiza Tan Gayi Raastay Muskuraye
Simat’nay Lagi Narm Kohray Ki Chadar !
Jawan Shaakh’saron Ne Ghoongat Uthaye
Prindon Ki Awaz Se Khait Chonkay
Pur’israar May Main Rahat Gun’gunaye
Haseen Shabnam Alood Pak’dandiyon Se
Lipatnay Lagay Sabz Pairron Kay Saye
Woh Dour Aik Teelay Pe Aanchal Se Jhalka
Tasawur Main Lakhon Diye Jhil’milaye
Daikha Hai Zindagi Ko Kuch Itna Qareeb Se
Daikha Hai Zindagi Ko Kuch Itna Qareeb Se
Chehray Tamaam Lagnay Lagay Hain Ajeeb Se
Ae Rooh-E-Asar Jaag , Kahan So Rahi Hai Tu
Awaz De Rahay Hain Payamber Saleeb Se
Is Reegti Hayat Ka Kab Tak Uthaein Baar
Bee’maar Ab Uljahnay Lagay Hain Tabeeb Se
Is Tarah Zindagi Ne Diya Hai Hamara Saath
Jaisay Koi Nibha Raha Ho Raqeeb Se
Jab Kabhi Us Ki Tawajo Main Kami Payi Gayi
Jab Kabhi Us Ki Tawajo Main Kami Payi Gayi
Az Sar-E-No Dastaan-E-Shouq Dohraai Gayi
Bik Gaye Jab Teray Lab Phir Tujh Ko Kya Shikwa Agar
Zindgani Bada-O-Saghar Se Behlaai Gayi
Ae Gham-E-Duniya ! Tujhay Kya Ilam Teray Wastay
Kin Bahano Se Tabiyat Raah Pe Laai Gayi
Hum Karein Tark-E-Wafa Acha Chalo Youn Hi Sahi
Aur Agar Tark-E-Wafa Se Bhi Na Ruswai Gayi
Kaisay Kaisay Chasham-O-Aariz Gard-E-Gham Se Bujh Gaye
Kaisay Kaisay Paikron Ki Shaan Zebai Gayi
Dil Ki Dharkan Main Tawazan Aa Chala Hai Khair Ho
Meri Nazrein Bujh Gayi Ya Teri Ra’nai Gayi
Un Ka Gham , Un Ka Tasawur Un Kay Shikway Ab Kahan
Ab To Yeh Baatein Bhi Ae Dil Ho Gayi Aai Gayi
Arsa-E-Hasti Main Ab Tesha Zano Ka Dour Hai
Rasam-E-Changaizi Uthi , Toqeer Taar’tari Gayi !
Bhar’ka Rahay Hain Aag Lab-E-Naghma Gar Se Hum
Bhar’ka Rahay Hain Aag Lab-E-Naghma Gar Se Hum
Khamosh Kya Rahein Gay Zamanay Kay Dar Se Hum
Kuch Aur Barh Gaye Jo Andheray To Kya Hua
Ma’yoos To Nahin Hain Talooh-E-Sehar Se Hum
Lay De Kay Apnay Paas Faqat Aik Nazar To Hai
Kiyon Dekhein Zindagi Ko Kisi Ki Nazar Se Hum
Mana Keh Is Zameen Ko Na Gulzaar Kar Sakay
Kuch Khaar Kam To Kar Gaye Guzray Jidher Se Hum
Nafs Kay Loch Main Rum Hi Nahin , Kuch Aur Bhi Hai
Nafs Kay Loch Main Rum Hi Nahin , Kuch Aur Bhi Hai
Hayat , Saghar Sam Hi Nahin , Kuch Aur Bhi Hai
Teri Nigah Meray Gham Ki Paas’daar Sahi
Meri Nigah Main Gham Hi Nahin , Kuch Aur Bhi Hai
Meri Nadeem Mohabbat Ki Rif’aton Se Na Guzar
Buland Bam-E-Haram Hi Nahin , Kuch Aur Bhi Hai
Yeh Ijtinaab Hai Aks Shaoor-E-Mehboobi
Yeh Ehtiyat Sitam Hi Nahin Kuch Aur Bhi Hai
Idher Bhi Aik Achat’ti Nazar Keh Duniya Main
Farogh-E-Mehfil Jam Hi Nahin , Kuch Aur Bhi Hai
Naye Jahan Basaye Hain Fikar-E-Aadam Ne
Ab Is Zameen Pe Iram Hi Nahin , Kuch Aur Bhi Hai
Her Qadam Marhala-E-Daar-O-Saleeb Aaj Bhi Hai
Her Qadam Marhala-E-Daar-O-Saleeb Aaj Bhi Hai
Jo Kabhi Tha Wohi Insaan Ka Naseeb Aaj Bhi Hai
Jag’magatay Hain Ufaq Par Yeh Sitaray Lakin
Raasta-E-Manzil Hasti Ka Moheeb Aaj Bhi Hai
Sar-E-Maqtal Jinhein Jana Tha Woh Jaa Bhi Ponchay
Sar-E-Manzil Koi Mohtaat Khateeb Aaj Bhi Hai
Ehal-E-Daanish Ne Jissay Amar-E-Mu’sanam Jana
Ehal-E-Dil Kay Liye Woh Baat Ajeeb Aaj Bhi Hai
Teri Yaad Hai Ya Meri Aziyat Koshi
Aik Nashtar Sa Rag-E-Jaan Kay Qareeb Aaj Bhi Hai
Kon Janay Yeh Tera Shair Aashafta Mizaaj
Kitnay Maghroor Khudaon Ka Raqeeb Aaj Bhi Hai
Hawas Naseeb Nazar Ko Kahin Qaraar Nahin
Hawas Naseeb Nazar Ko Kahin Qaraar Nahin
Main Muntazir Hoon Magar Tera Intizaar Nahin
Hum Hi Se Rang-E-Gulistan Hum Hi Se Rang-E-Bahar
Hum Hi Ko Nazam-E-Gulistan Pe Ikhtayar Nahin
Abhi Na Chairr Mohabbat Kay Geet Ae Mutrab
Abhi Hayat Ka Mahol Khush’gawar Nahin
Tumharay Ehad-E-Wafa Ko Main Ehad Kya Samjhon
Mujhay Khud Apni Mohabbat Pe Aitabar Nahin
Na Janay Kitnay Gilay Is Main Muztarib Hain Nadeem
Woh Aik Dil Jo Kisi Ka Gila Guzar Nahin
Gu’raiz Ka Nahin Qatil Hayat Se Lakin !
Jo Sach Kahon Keh Mujhay Mout Na’gawar Nahin
Yeh Kis Maqam Pe Poncha Diya Zamanay Ne
Keh Ab Hayat Pe Tera Bhi Ikhtiyar Nahin
Yeh Zameen Jis Qadar Sajai Gayi
Yeh Zameen Jis Qadar Sajai Gayi
Zindagi Ki Tarap Barhaai Gayi
Aainay Se Bigar Kar Baith Gaye
Jin Ki Surat Jinhein Dikhai Gayi
Dushmano Hi Se Bair Nibh Jaye
Doston Se To Aashnai Gayi
Nasal Dar Nasal Intizaar Raha
Qasar Tootay Na Be’nawai Gayi
Zindagi Ka Naseeb Kya Kehiye
Aik Seeta Thi Ji Satai Gayi
Hum Na Otaar Thay Na Paighambar
Kiyon Yeh Azmat Hamein Dilaai Gayi
Mout Paai Saleeb Par Hum Ne
Umar Ban Baas Main Bitaai Gayi
Khudariyon Kay Khoon Ko Arzan Na Kar Sakay
Khudariyon Kay Khoon Ko Arzan Na Kar Sakay
Hum Apnay Joharon Ko Nu’mayan Na Kar Sakay
Ho Kar Kharab Main Ne Teray Gham To Bhula Diye
Lakin Gham-E-Hayat Ka Dar’maan Na Kar Sakay
Toota Talisam Ehad-E-Mohabbat Kuch Is Tarah
Phir Aarzu Ki Sham’ma Farozan Na Kar Sakay
Her Shay Qareeb Aa Kay Kashish Apni Kho Gayi
Woh Bhi Ilaaj Shouq-E-Gurezan Na Kar Sakay
Kis Darja Dil’shikan Thay Mohabbat Kay Haadsay
Hum Zindagi Main Phir Koi Armaan Na Kar Sakay
Mayousi’on Ne Cheen Liye Dil Kay Wal’walay
Woh Bhi Nishat-E-Rooh Ka Samaan Na Kar Sakay
Saza Ka Haal Sunaein Jaza Ki Baat Karein
Saza Ka Haal Sunaein Jaza Ki Baat Karein
Khuda Mila Ho Jinhein Woh Khuda Ki Baat Karein
Unhein Pata Bhi Chalay Aur Woh Khafa Bhi Na Hon
Is Ehtiyaat Se Kya Mud’daa Ki Baat Karein
Hamaray Ehad Ki Tehzeeb Main Qaba Hi Nahin
Agar Qaba Ho To Band-E-Qaba Ki Baat Karein
Her Aik Dour Ka Mazhab Naya Khuda Laya
Karein To Hum Bhi Magar Kis Khuda Ki Baat Karein
Wafa Sha’aar Kai Hain , Koi Haseen Bhi To Ho
Chalo Phir Aaj Usi Be’wafa Ki Baat Karein
Main Zinda Hoon Yeh Mushtahir Keejiye
Main Zinda Hoon Yeh Mushtahir Keejiye
Meray Qaatlon Ko Khabar Keejiye
Zameen Sakhat Hai Aasman Door Hai
Basar Ho Sakay To Basar Keejiye
Sitam Kay Bhout Se Hain Rad-E-Amal
Zaroori Nahin Chasham-E-Tar Keejiye
Wohi Zulam Baar-E-Deegar Hai
Wohi Jurm Baar-E-Deegar Keejiye
Qafs Torna Baad Ki Baat Hai
Abhi Khawaish Baal-O-Par Keejiye
Bhout Ghuttan Hai Koi Surat-E-Biyan Nikaly
Bhout Ghuttan Hai Koi Surat-E-Biyan Nikaly
Agar Sada Na Uthay Kam Se Kam Fagan Niklay
Faqeer-E-Shaher Kay Tan Par Libas Baqi Hai
Ameer-E-Shaher Kay Arman Abhi Kahan Niklay
Haqeeqatein Hain Salamat To Khawab Bhout Saray
Malaal Yeh Hai Keh Kuch Khawab Raigaan Niklay
Idher Bhi Khaak Urri Hai Udhar Bhi Khaak Urri
Jahan Jahan Se Baharon Kay Karwan Niklay
Sadiyon Se Insan Yeh Sunta Aaya Hai
Sadiyon Se Insan Yeh Sunta Aaya Hai
Dukh Ki Dhoop Kay Aagay Sukh Ka Saya Hai
Hum Ko In Sasti Khushiyon Ka Lobh Na Do
Hum Ne Soch Samjh Kar Gham Apnaya Hai
Jhoot To Qatil Thehra Us K Akya Rona
Sach Ne Bhi Insaan Ka Khoon Bahaya Hai
Janam Kay Din Se Mout Ki Zad Main Hain !
Is Maqtal Main Kon Hamein Lay Aaya Hai
Awal Awal Jis Dil Ne Barbaad Kiya
Aakhir Aakhir Woh Dil Hi Kaam Aaya Hai
Itnay Din Ehsaan Kiya Dewano Par
Jitnay Din Logon Ne Saath Nibhaya Hai
Tang Aa Chukay Hain Kash’makash-E-Zindagi Se Hum
Tang Aa Chukay Hain Kash’makash-E-Zindagi Se Hum
Thukra Na Dain Jahan Ko Kahin Be’dili Se Hum
Mayoosi Maal-E-Mohabbat Na Poochiye !
Apno Se Paish Aaye Hain Baiga’nagi Se Se Hum
Lo Aaj Hum Ne Tor Diya Rishta-E-Umeed
Lo Ab Kabhi Gila Na Karein Gay Kisi Se Hum
Ubhrein Gay Aik Baar Abhi Dil Kay Wal’walay
Go Dab Gaye Hain Baar-E-Gham Zindagi Se Hum
Gar Zindagi Main Mil Gaye Phir Itafaaq Se
Poochein Gay Apna Haal Teri Be’basi Se Hum
Allah Re Faraib-E-Mashiyat Keh Aaj Tak
Duniya Kay Zulam Sehtay Rahay Khamoshi Se Hum
Ehal-E-Dil Aur Bhi Hain Ehal-E-Wafa Aur Bhi Hain
Ehal-E-Dil Aur Bhi Hain Ehal-E-Wafa Aur Bhi Hain
Aik Hum Hi Nahin Duniya Se Khafa Aur Bhi Hain
Hum Pe Hi Khatam Nahin Maslak-E-Shoreeda’sari
Chaak-E-Dil Aur Bhi Hain Chaak-E-Qaba Aur Bhi Hain
Kya Hua Gar Meray Yaron Ki Zubanein Chup Hain
Meray Shahid , Meray Yaron Kay Siwa Aur Bhi Hain
Sar Salamat Hai To Kya Sang-E-Malamat Ki Kami
Jaan Baqi Hai To Pai’kan-E-Qaza Aur Bhi Hain
Munsaf-E-Shaher Ki Wahidat Pe Na Harf Aa Jaye
Log Kehtay Hain Keh Arbaab-E-Jafa Aur Bhi Hain
Daikha To Tha Youn Hi Kisi Ghaflat Sha’aar Ne
Daikha To Tha Youn Hi Kisi Ghaflat Sha’aar Ne
Dewana Kar Diya Dil-E-Be’ikhtiyar Ne
Ae Aarzu Kay Dhundlay Khawabo ! Jwab Do
Phir Kis Ki Yaad Aayi Thi Mujh Ko Pukarnay
Tujh Ko Khabar Nahin , Magar Ik Sada Loh Ko
Bar’baad Kar Diya Teray Do Din Kay Pyar Ne
Main , Aur Tum Se Tark-E-Mohabbat Ki Aarzu
Dewana Kar Diya Hai Gham-E-Roz’gaar Ne
Ab Ae Dil Bata Tera Kya Khayal Hai
Hum To Chalay Thay Ka’kal Geeti Sanwarnay
Jurm-E-Ulfat Pe Hamein Log Saza Detay Hain
Jurm-E-Ulfat Pe Hamein Log Saza Detay Hain
Kaisay Na’daan Hain Sholon Ko Hawa Detay Hain
Hum Se Dewanay Kahin Tark-E-Wafa Kartay Hain
Jaan Jaye Keh Rahay , Baat Nibha Detay Hain
Aap Doulat Kay Tarazu Main Dilon Ko Tolein
Hum Mohabbat Se Mohabbat Ka Sila Detay Hain
Takhat Kya Cheez Hai Aur Laal-O-Jawahir Kya Hain
Ishq Walay To Khudai Bhi Luta Detay Hain
Hum Ne Dil De Bhi Diya , Ehad-E-Wafa Lay Bhi Liya
Aap Ab Shouq Se De Lain Jo Saza Detay Hain
Yeh Mehlon Yeh Takhton Yeh Tajon Ki Duniya
Yeh Mehlon Yeh Takhton Yeh Tajon Ki Duniya
Yeh Insan Kay Dushman Samajon Ki Duniya
Yeh Doulat Kay Bhookay Rawajon Ki Duniya
Yeh Duniya Agar Mil Bhi Jaye To Kya Hai
Her Ik Jisam Ghayel Her Ik Rooh Payasi
Nigahon Main Uljhan Dilon Main Udasi
Yeh Duniya Hai Ya Aalam-E-Bad’hawasi
Yeh Duniya Agar Mil Bhi Jaye To Kya Hai
Yahan Ik Khilona Hai Insan Ki Hasti
Yeh Basti Hai Murda Paraston Ki Basti !
Yahan Par To Jeewan Se Hai Mout Sasti
Yeh Duniya Agar Mil Bhi Jaye To Kya Hai
Jawani Bhatakti Hai Bad’kaar Ban Kar
Jawan Jism Sajtay Hain Bazar Ban Kar
Yahan Pyar Hota Hai Be-O-Paar Ban Kar
Yeh Duniya Agar Mil Bhi Jaye To Kya Hai
Jala Do Issay Phoonk Dalo Yeh Duniya
Meray Samnay Se Hat’ta Lo Yeh Duniya
Tumhari Hai Tum Hi Sambhalo Yeh Duniya
Yeh Duniya Agar Mil Bhi Jaye To Kya Hai
Ashkon Main Jo Paya Hai , Woh Geeton Main Diya Hai
Ashkon Main Jo Paya Hai , Woh Geeton Main Diya Hai
Us Par Bhi Suna Hai Keh Zamanay Ko Gila Hai
Jo Taar Se Nikli Hai , Woh Dhun Sab Ne Suni Hai
Jo Saaz Pe Guzri Hai Woh Kis Dil Ko Pata Hai
Hum Phool Hain , Auron Kay Liye Laye Hain Khushbu
Apnay Liye Lay De Kay Bas Ik Dagh Mila Hai
Tum Chali Jao Gi , Par’chaiyan Reh Jayein Gi
Tum Chali Jao Gi , Par’chaiyan Reh Jayein Gi
Kuch Na Kuch Husan Ki Rainayan Reh Jayein Gi
Tum Keh Is Jheel Kay Sahil Pe Mili Ho Mujh Se
Jab Bhi Dekhon Ga Yahin Mujh Ko Nazar Ayo Gi
Yaad Mit’ti Hai Na Manzir Koi Mitt Sakta Hai
Door Ja Kar Bhi Tum Apnay Ko Yahin Pao Gi
Ghull Kay Reh Jaye Gi Jhonkon Main Badan Ki Khushbu
Zulf Ka Aks Ghat’taon Main Rahay Ga Sadiyon
Phool Chupkay Se Chura Lain Gay Labon Ki Surkhi
Yeh Jawan Husan Fizaon Main Rahay Ga Sadiyon
Is Dharakti Hui Shadaab-O-Haseen Wadi Main
Yeh Na Samjho Keh Zara Dair Ka Qissa Ho Tum
Ab Hamesha Kay Liye Meray Muqaddar Ki Tarah
In Nazaron Kay Muqaddar Ka Bhi Hissa Ho Tum
Tum Chali Jao Gi Par’chaiyan Reh Jayein Gi !
Kuch Na Kuch Husan Ki Rainaiyan Reh Jayein Gi
Yeh Wadiyan , Yeh Fizaein Bulaa Rahi Hain Tumhein
Yeh Wadiyan , Yeh Fizaein Bulaa Rahi Hain Tumhein
Khamoshiyon Ki Sadaein Bulaa Rahi Hain Tumhein
Taras Rahay Hain Jawan Phool Hont Choonay Ko
Machal Machal Kay Hawaein Bulaa Rahi Hain Tumhein
Tumhari Zulfon Se Khushbu Ki Bhanak Lenay Ko
Jhuki Jhuki Si Ghata’ein Bulaa Rahi Hain Tumhein
Haseen Champ’pai Pair’ron Ko Jab Se Dekha Hai
Nadi Ki Mast Adaein Bulaa Rahi Hain Tumhein
Mera Kaha Na Suno , Un Ki Baat To Sun Lo
Her Aik Dil Ki Dua’ein Bulaa Rahi Hain Tumhein
Tap’tay Dil Par Youn Girti Hai
Tap’tay Dil Par Youn Girti Hai
Teri Nazar Se Pyar Ki Shabnam
Jaltay Huye Junglon Par Jaisay
Barkha Barsay Ruk Ruk Tham Tham
Hosh Main Thori Be’hoshi Hai
Be’hoshi Main Hosh Hai Kam
Tujh Ko Panay Ki Koshish Main
Dono Jahan Se Kho Gaye Hum
Tum Agar Mujh Ko Na Chaho To Koi Baat Nahin
Tum Agar Mujh Ko Na Chaho To Koi Baat Nahin
Tum Kisi Aur Ko Chaho Gi To Mushkil Ho Gi
Ab Agar Mail Nahin Hai To Judai Bhi Nahin
Baat Torri Bhi Nahin Tum Ne Banai Bhi Nahin
Yeh Sahara Bhi Bhout Hai Meray Jeenay Kay Liye
Tum Agar Meri Nahin Ho To Paraai Bhi Nahin
Meray Dil Ko Na Saraho To Koi Baat Nahin
Ghair Kay Dil Ko Saraho Gi To Mushkil Ho Gi
Tum Haseen Ho Tumhein Sab Hi Payar Kartay Hon Gay
Main Jo Marta Hoon To Kya Uar Bhi Martay Hon Gay
Sab Ki Aankhon Main Usi Shouq Ka Toofan Ho Ga
Sab Kay Seenay Main Yeh Hi Dard Ubhartay Hon Gay
Meray Gahm Main Na Kar’raho To Koi Baat Nahin !
Aur Kay Gham Main Kar’raho Gi To Mushkil Ho Gi
Phool Ki Tarah Hanso Sab Ki Nigahon Main Raho
Apni Masoom Jawani Ki Panahon Main Raho
Mujh Ko Woh Din Na Dikhana Tumhein Apni Hi Qasam
Main Tarasta Rahon Tum Ghair Ki Banhon Main Raho
Tum Jo Mujh Se Na Nibhao To Koi Baat Nahin
Kisi Dushman Se Nibhao Gi To Mushkil Ho Gi
Tum Agar Mujh Ko Na Chaho To Koi Baat Nahin
Tum Kisi Aur Ko Chaho Gi To Mushkil Ho Gi
Jo Baat Tujh Main Hai , Teri Tasveer Main Nahin
Jo Baat Tujh Main Hai , Teri Tasveer Main Nahin
Rangon Main Tera Aks Dhala To Na Dhal Saki
Sanson Ki Aanch Jisam Ki Khushbu Na Dhal Saki
Tujh Main Jo Loch Hai Meri Tehreer Main Nahin
Be’jaan Husan Main Kahan Raftaar Ki Adaa
Inkaar Ki Adaa Hai Na Iqraar Ki Adaa
Koi Lachak Bhi Zulf-E-Girah Geer Mian Nahin
Duniya Main Koi Cheez Nahin Hai Teri Tarah
Phir Aik Baar Samnay Aa Jaa Kisi Tarah
Kya Aur Ik Jhalak Meri Taqdeer Main Nahin
Raat Bhi Hai Kuch Bheegi Bheegi
Raat Bhi Hai Kuch Bheegi Bheegi
Chand Bhi Hai Kuch Madham Madham
Tum Ayo To Aankhein Kholay
Soi Hui Payal Ki Chham Chham
Kis Ko Bataein Kaisay Bataein
Aaj Ajab Hai Dil Ka Aalam
Chain Bhi Hai Kuch Halka Halka
Dard Bhi Hai Kuch Madham Madham
Yeh Zulf Agar Khul Kay Bikhar Jaye To Acha
Yeh Zulf Agar Khul Kay Bikhar Jaye To Acha
Is Raat Ki Taqdeer Sanwar Jaye To Acha
Jis Tarah Se Thori Si Teray Saath Katti Hai
Baqi Bhi Isi Tarah Guzar Jaye To Acha
Duniya Ki Nigahon Main Bura Kya Hai Bhala Kya
Yeh Bojh Agar Dil Se Utar Jaye To Acha
Waisay To Tum Hi Ne Mujhay Barbaad Kiya Hai
Ilzaam Kisi Aur Kay Sar Jaye To Acha
Parbaton Kay Pairron Par Shaam Ka Basera Hai
Parbaton Kay Pairron Par Shaam Ka Basera Hai
Sur’mai Ujaala Hai , Cham’pai Andhera Hai
Dono Waqat Miltay Hain Do Dilon Ki Surat Main
Aasman Ne Khush Ho Kar Rang Sa Bakhaira Hai
Thehray Thehray Pani Main Geet Sar’saratay Hain
Bheegay Bheegay Jhonkon Main Khushbu’on Ka Daira Hai
Kiyon Na Jazab Ho Jayein Is Haseen Nazaray Main
Roshni Ka Jhurmat Hai , Mastiyon Ka Ghaira Hai
Mujhay Galay Se Laga Lo Bhout Udaas Hoon Main
Mujhay Galay Se Laga Lo Bhout Udaas Hoon Main
Gham-E-Jahan Se Churra Lo Bhout Udaas Hoon Main
Yeh Intizar Ka Dukh Ab Saha Nahin Jata
Tarap Rahi Hai Mohabbat Raha Nahin Jata
Tum Apnay Paas Bula Lo Bhout Udaas Hoon Main
Her Ik Saans Main Milnay Ki Payas Palti Hai
Sulag Raha Hai Badan Aur Rooh Jalti Hai
Bachaa Sako To Bachaa Lo Bhout Udaas Hoon Main
Bhatak Chuki Hoon Bhout Zindagi Ki Rahon Main
Mujhay Ab Aa Kay Chupa Lo Bhout Udaas Hoon Main
Mera Sawal Na Talo Bhout Udaas Hoon Main
Apna Dil Paish Karon , Apni Wafa Paish Karon
Apna Dil Paish Karon , Apni Wafa Paish Karon
Kuch Samjh Main Nahin Aata Tujhay Kya Paish Karon
Teray Milnay Ki Khushi Main Koi Naghma Chairon
Ya Teray Dard-Ej-Udai Ka Gila Paish Karon
Meray Khawabon Main Bhi Tu , Meray Khayalon Main Bhi Tu
Kon Si Cheez Tujhay Tujh Se Juda Paish Karon
Jo Teray Dil Ko Lubhaye Woh Ada Mujh Main Nahin
Kiyon Na Tujh Ko Koi Teri Hi Adaa Paish Karon
Naghma-O-Shair Ki Soghaat Kissay Paish Karon
Naghma-O-Shair Ki Soghaat Kissay Paish Karon
Yeh Chalaktay Huye Jazbaat Kissay Paish Karon
Shokh Aankhon Kay Ujalon Ko Lutaon Kis Par
Mast Zulfon Ki Siyah Raat Kissay Paish Karon
Garm Sanson Main Chuppay Raaz Bataon Kis Ko
Narm Honton Main Dabbi Baat Kissay Paish Karon
Koi Hum’raaz To Paon Koi Hum’dam To Milay
Dil Ki Dharkan Kay Isharaat Kissay Paish Karon
Jayein To Jayein Kahan , Samjhay Ga Kon Yahan
Jayein To Jayein Kahan
Samjhay Ga Kon Yahan , Dard Bharray Dil Ki Zuban
Jayein To Jayein Kahan
Ma’yousiyon Ka Maj’ma Hai Jee Main
Kya Reh Gaya Hai Is Zindagi Main
Rooh Main Gham , Dil Main Dhuwan
Jayein To Jayein Kahan
Un Ka Bhi Gham Hai Apna Bhi Gham Hai
Ab Dil Kay Bachnay Ki Umeed Kam Hai
Aik Kashti So Toofan
Jayein To Jayein Kahan
Unhein Kho Kar Dukhay Dil Ki Dua Se Aur Kya Mangon
Unhein Kho Kar Dukhay Dil Ki Dua Se Aur Kya Mangon
Main Hairaan Hoon Keh Aaj Apni Wafa Se Aur Kya Mangon
Gir-E-Baan Chaak Hai , Aankhon Main Aansu Lab Pe Aahein Hain
Yeh Kafi Hai Duniya Ki Hawa Se Aur Kya Mangon
Meri Bar’badiyon Ki Daastan Un Tak Ponch Jaye
So Us Kay Mohabbat Kay Khuda Se Aur Kya Mangon
Mujhay Galay Se Laga Lo Bhout Udaas Hoon Main
Mujhay Galay Se Laga Lo Bhout Udaas Hoon Main
Ghma-E-Jahan Se Chura Bhout Udaas Hoon Main
Yeh Intizar Ka Dukh Ab Saha Nahin Jata
Tarap Rahi Hai Mohabbat Raha Nahin Jata
Tum Apnay Paas Bula Lo Bhout Udaas Hoon Main
Her Ik Saans Main Milnay Ki Payas Palti Hai
Sulag Raha Hai Badan Aur Rooh Jalti Hai
Bachaa Sako To Bachaa Lo Bhout Udaas Hoon Main
Bhatak Chuki Hoon Bhout Zindagi Ki Rahon Main
Mujhay Ab Aa Kay Chupa Lo Bhout Udaas Hoon Main
Mera Sawal Na Talo Bhout Udaas Hoon Main
Zindagi Bhar Nahin Bhoolay Gi Woh Barsaat Ki Raat
Zindagi Bhar Nahin Bhoolay Gi Woh Barsaat Ki Raat
Aik Anjaan Haseena Se Mulaqat Ki Raat
Haye Woh Reshmi Zulfon Se Barasta Pani
Phool Se Galon Pe Ruknay Ko Tarasta Pani
Dil Main Toofan Uthaye Huye Jazbaat Ki Raat
Zindagi Bhar Nahin Bhoolay Gi Woh Barsaat Ki Raat
Darr Kay Bijli Se Achanak Woh Lipatna Us Ka
Aur Phir Sharam Se Bal Kha Kay Simat’na Us Ka
Kabhi Daikhi Na Suni Aisi Tilismaat Ki Raat
Zindagi Bhar Nahin Bhoolay Gi Woh Barsaat Ki Raat
Surkh Aanchal Ko Daba Kar Jo Nichora Us Ne
Dil Pe Jalta Hua Ik Teer Sa Chora Us Ne
Aag Pani Main Lagatay Huye Halaat Ki Raat
Zindagi Bhar Nahin Bhoolay Gi Woh Barsat Ki Raat
Meray Naghmon Main Jo Basti Hai Woh Tasveer Thi Woh
No’jawani Kay Haseen Khawab Ki Tabeer Thi Woh
Aasmano Se Utar Ayi Thi Jo Raat Ki Raat
Zindagi Bhar Nahin Bhoolay Gi Woh Barsaat Ki Raat
Jeewan Kay Safar Main Raahi , Miltay Hain Bichar Janay Ko
Jeewan Kay Safar Main Raahi , Miltay Hain Bichar Janay Ko
Aur De Jatay Hain Yaadein Tanhai Main Tarpanay Ko
Ro Ro Kay Inhein Rahon Main Khona Para Ik Apnay Ko
Hans Hans Kay In Hi Rahon Main Apnaya Tha Be’ganay Ko
Ab Sath Na Guzrein Gay Hum Lakin Yeh Fiza Wadi Ki
Dohrati Rahay Gi Barson Bhoolay Huye Afsanay Ko
Tum Apni Nayi Duniya Main Kho Jao Paraye Ban Kar
Jee Paye To Hum Jee Lain Gay , Marnay Ki Saza Panay Ko
Main Ne Chand Aur Sitaron Ki Tamana Ki Thi
Main Ne Chand Aur Sitaron Ki Tamana Ki Thi
Mujh Ko Raaton Ki Siyahi Kay Siwa Kuch Na Mila
Main Woh Naghma Hoon Jissay Pyar Ki Mehfil Na Mili
Woh Musafir Hoon Jissay Koi Bhi Manzil Na Mili
Zakham Paye Hain Baharon Ki Tamana Ki Thi
Main Ne Chand Aur Sitaron Ki Tamana Ki Thi
Kisi Gaisu Kisi Aanchal Ka Sahara Hi Nahin
Raastay Main Koi Dhundla Sa Sitara Hi Nahin
Meri Nazron Ne Nazaron Ki Tamana Ki Thi
Main Ne Chand Aur Sitaron Ki Tamana Ki Thi
Dil Main Na’kaam Umeedon Kay Baseray Paye
Roshni Lenay Ko Nikla To Andheray Paye
Rang Aur Noor Kay Dharon Ki Tamana Ki Thi
Main Ne Chand Aur Sitaron Ki Tamana Ki Thi
Tum Na Janay Kis Jahan Main Kho Gaye
Tum Na Janay Kis Jahan Main Kho Gaye
Hum Bharri Duniya Main Tanha Ho Gaye
Mout Bhi Aati Nahin
Aas Bhi Jaati Nahin
Dil Ko Yeh Kya Hua
Koi Shay Bhaati Nahin
Aik Jaan Aur Laakh Gham
Ghatt Kay Reh Jaye Na Dam
Ayo Tum Ko Daikh Lain !
Doobti Nazron Se Hum
Tum Na Janay Kis Jahan Main Kho Gaye
Hum Bharri Duniya Main Tanha Ho Gaye
Kabhi Kabhi Meray Dil Main Khayal Aata Hai
Kabhi Kabhi Meray Dil Main Khayal Aata Hai
Keh Jaisay Tujh Ko Banaya Gaya Hai Meray Liye
Tu Ab Se Pehlay Sitaron Main Bas Rahi Thi Kahin
Tujhay Zameen Pe Bulaya Gaya Hai Meray Liye
Kabhi Kabhi Meray Dil Main Khayal Aata Hai
Keh Badalti Yeh Nigahein Meri Amanat Hain
Yeh Gaisu’on Ki Ghanni Chaon Hai Meri Khatar
Yeh Hont Aur Yeh Banhein Meri Amanat Hain
Kabhi Kabhi Meray Dil Main Khayal Aata Hai
Keh Jaisay Bajti Hain Shehnaiyan Si Rahon Main
Sohaag Raat Hai Ghoongat Utha Raha Hoon Main
Simat Rahi Hai Tu Sharma Kay Apni Banhon Main
Kabhi Kabhi Meray Dil Main Khayal Aata Hai
Keh Jaisay Tu Mujhay Chahay Gi Umar Bhar Youn Hi
Keh Luttay Gi Meri Taraf Pyar Ki Nazar Youn Hi
Main Jaanta Hoon Keh To Ghair Hai Magar Youn Hi
Kabhi Kabhi Meray Dil Main Khayal Aata Hai
Main Pal Do Pal Ka Shair Hoon
Main Pal Do Pal Ka Shair Hoon
Pal Do Pal Meri Kahani Hai
Pal Do Pal Meri Hasti Hai
Pal Do Pal Meri Jawani Hai
Mujh Se Pehlay Kitnay Shair
Aye Aur Aa Kar Chalay Gaye
Kuch Aahein Bhar Kar Loat Gaye
Kuch Naghmay Gaa Kar Chalay Gaye
Woh Bhi Ik Pal Ka Qissa Thay
Main Bhi Ik Pal Ka Qissa Hoon
Kal Tum Se Juda Ho Jaon Ga
Jo Aaj Tumhara Hissa Hoon
Main Pal Do Pal Ka Shair Hoon
Kal Aur Ayein Gay Naghmon Ki
Khilti Kaliyan Chun’nanay Walay
Mujh Se Behtar Kehnay Walay
Tum Se Behtar Sun’nanay Walay
Kal Mujh Ko Koi Yaad Karay
Kiyon Mujh Ko Koi Yaad Karay
Masroof Zamana Meray Liye
Kiyon Waqat Apna Barbaad Karay
Main Pal Do Pal Ka Shair Hoon
Pal Do Pal Meri Kahani Hai
Mohabbat Tark Ki Main Ne , Giribaan Si Liya Main
Mohabbat Tark Ki Main Ne , Giribaan Si Liya Main
Zamanay Ab To Khush Ho , Zehar Yeh Bhi Pee Liya Main Ne
Abhi Zinda Hoon Lakin Sochta Hoon Khilwat Main
Keh Ab Tak Kis Tamana Ke Saharay Jee Liya Main Ne
Inhain Apn Anahin Keh Sakta Par Itna Bhi Kiya Kam Hai
Keh Kuch Muddat Haseen Khawbon Main Kho Kar Jee Liya Main Ne
Bas Ab To Daaman-E-Dil Chor Do Be’kaar Umeedo
Bhout Dukh Seh Liye Main Ne Bhout Din Jee Liya Main Ne
Main Pal Do Pal Ka Shaair Hoon
Main Pal Do Pal Ka Shaair Hoon
Pal Do Pal Meri Kahani Hai
Pal Do Pal Meri Hasti Hai
Pal Do Pal Meri Jawani Hai
Mujh Se Pehlay Kitney Shaier
Aye Aur A Kar Chalay Gaye
Kuch Aahaien Bhar Kar Loat Gaye
Kuch Naghmay Ga Kar Chalay Gaye
Woh Bhi Ik Pal Ka Qissa Thay
Main Bhi Ik Pal Ka Qissa Goon
Kal Tum Se Juda Ho Jayon Ga
Go Aaj Tumhara Hissa Hoon
Main Pal Do Pal Ka Shair Hoon
Kal Aur Ayien Ge Naghmon Ki
Khilti Kaliyaan Chun’na’nay Waly
Mujh Se Behtar Kehnay Walay
Tum Se Behtar Sun’na’nay Walay
Kal Mujh Ko Koi Yaad Karay
Kyn Koi Mujh Ko Yaad Karay
Masroof Zamana Meray Liye
Kyn Waqat Apna Barbaad Karay
Main Pal Do Pal Ka Shaier Hoon
Pal Do Pal Meri Kahani Hai
Poet : Sahir Ludhanvi
Main Ne Chaand Aur Sitaron Ki Tamana Ki Thi
Main Ne Chaand Aur Sitaron Ki Tamana Ki Thi
Mujh Ko Raton Ki Sihayi Ke Siwa Kuch Na Mila
Main Woh Naghma Hoon Jissay Piyaar Ki Mehfil Na Mili
Woh Musafir Hoon Jissay Koi Bhi Manzil Na Mili
Zakham Paye Hain Baharon Ki Tamana Ki Thi
Main Ne Chaand Aur Sitaron Ki Tamana Ki Thi
Kisi Gaisoo Kisi Anchal Ka Sahara Bhi Nahin
Rastay Main Koi Dhundla Sa Sitara Bhi Nahin
Meri Nazron Ne Nizaron Ki Tamana Ki Thi
Main Ne Chaand Aur Sitaron Ki Tamana Ki Thi
Dil Main Na-Kaam Umeedon Ke Basairay Paye
Roshni Lenay Ko Nikla To Andheray Paye
Rang Aur Noor Ke Dhar’on Ki Tamana Ki Thi
Main Ne Chand Aur Sitaron Ki Tamana Ki Thi
Poet : Sahir Ludhanivi
Kabhi Kabhi Meray Dil Main Khyal Ata Hai
Kabhi Kabhi Meray Dil Main Khyal Ata Hai
Keh Zindagi Teri Zulfon Ki Naram Chay’on Main
Guzarney Pati To Shadaab Ho Bhi Sakti Thi
Yeh Tair’gi Jo Meri Zeest Ka Muqadar Hai
Teri Nazar Ki Shua’on Main Kho Bhi Sakti Thi
Ajab Na Tha Keh Main Be-Gana-E-Alam Ho Kar
Teray Jamaal Ki Ranayon Main Kho Rehta
Tera Gudaaz Badan . Teri Neem Baz Ankhain
Inhi Haseen Fasano Main Hehav Ho Rehta
Magar Yeh Na Ho Saka Aur Ab Yeh Aalam Hai
Keh Tu Nahin Tera Gham ,Teri Justago Bhi Nahin
Guzar Rahi Hai Kuch Is Tarah Zindagi Jaisay
Issay Kisi Ke Saharay Ki Arzoo Bhi Nahin
Zamaney Bhar Ke Dukhon Ko Laga Chuka Hoon Galay
Guzar Raha Hoon , Kuch Anjani Raah Guzharon Se
Maheeb Saye Meri Simat Barhtay Atay Hain
Hayat-O-Mout Ke Pur-Hole Khaar’zaron Se
Na Ko Jada-E-Manzil Na Roshni Ka Suraagh
Bhatak Rahi Hai Khala’yon Main Zindagi Meri
In Khala’yon Main Rah Jayon Ga Kabhi Kho Kar
Main Janta Hoon Meri Hum Nafas Magar Youn Hi
Kabhi Kabhi Meray Dil Main Khyal Ata Hai
Sab Main Shamil Ho Magar Sab Se Juda Lagte Ho
Sab Main Shamil Ho Magar Sab Se Juda Lagte Ho
Sirf Hum Se Nahin Khud Se Bhe Khafa Lagte Ho
Aankh Uthati Hai Na Jukhte Hai Kisi Ke Khatar
Saans Charte Hai Na Rukhte Hai Kisi Ke Khatar
Jo Kisi Dar Pe Na Thehray Woh Hawa Lagte Hai
Zulf Lehray To Aanchal Main Chupa Late Hai
Honth Tharayen To Dantoon Main Chupa Late Hai
Jo Kabhi Khul Ke Na Barsay Woh Ghata Lagte Hai
Jagi Jagi Na Nazar Aye Ho Soi Soi !!!!!!
Tum Ho Kiya Apnay Khylat Main Khoye Khoye
Kisi Mayoos Muqadar Ki Dua Lagte Ho
Poet : Sahir Ludihanvi