SUBHA TAIBAH ME HUI BAT’TA HAIN BAADA NOOR KA NAAT LYRICS

SUBHA TAIBAH ME HUI BAT’TA HAIN BAADA NOOR KA NAAT LYRICS

 

Subha Taibah Me Hui Bat’ta Hain Baada Noor Ka
Sadqa Lene Noor Ka Aaya Hain Taara Noor Ka

Baaghe Taibah Me Suhana Phool Phoola Noor Ka
Mast Bu Hain Bul Buley Padhti Hain Kalmah Noor Ka

Baarhvi Ke Chaand Ka Mujra Hai Sajdah Noor Ka
Baarah Burjo Se Jhuka Ik Ik Sitara Noor Ka

Unke Kasre Kadr Se Khuld Ek Kamra Noor Ka
Sidra Paayi Baagh Me Nanha Sa Pauda Noor Ka

Arsh Bhi Firdaus Bhi Us Shahe Waala Noor Ka
Yeh Musagman Burj Wo Muskuye A’ala Noor Ka

Aayi Bida’at Chayi Zulmat Rang Badla Noor Ka
Maahe Sunnat Mehre Tala’at Le Le Badla Noor Ka

Tere Hi Maathe Raha Ay Jaan Sehra Noor ka
Bakht Jaaga Noor Ka Chamka Sitara Noor Ka

Main Gada Tu Baadshah Bharde Piyala Noor Ka
Noor Din Duna Tera De Daal Sadqa Noor Ka

Teri Hi Jaanib Hai Paanchi Waqt Sajdah Noor Ka
Rukh Hain Qibla Noor Ka Abru Hai Qa’aba Noor Ka

Pusht Par Dhalka Sar-E-Anwar Se Shimla Noor Ka,
Dekhein Moosa Tur Se Utra Sahifah Noor Ka

Pech Karta Hai Fida Hone Ko Lamha Noor ka,
Gird-E Sar Phirne Ko Banta Hai Imamah Noor Ka

Kya Bana Naam-E Khuda Asra Ka Dulha Noor Ka,
Sar Pe Sehra Noor Ka Bur Main Shahana Noor Ka

Wasf-E Rukh Main Gati Hain Hoorein Tarana Noor Ka,
Qudrati Binau Mai Bajta Hai Lehra Noor Ka

Taaj Waale Dekh Kar Tera Imama Noor Ka
Sar Jhukate Hai Ilahi Bol Baala Noor Ka

Sham’a Dil Mishkaat Tan Seena Zujaja Noor Ka
Teri Surat Ke Liye Aaya Hain Sura Noor Ka

Tere Aage Khaaq Par Jhukta Hai Maatha Noor Ka
Noor Ne Paaya Tere Sajde Se Seema Noor Ka

Tu Hain Saaya Noor Ka Har Azwa Tukda Noor Ka
Saaye Ka Na Saaya Hota Hain Na Saaya Noor Ka

Kya Bana Naame Khuda Asra Ka Dulha Noor Ka
Sar Pe Sehra Noor Ka Bar Me Shahana Noor Ka

Naariyon Ka Daur Tha Dil Jal Raha Tha Noor Ka
(Ay Umar)Tumko Dekha Ho Gaya Thanda Kaleja Noor Ka

Jo Gada Dekho Liye Jaata Hai Toda Noor Ka
Noor Ki Sarkaar Hai Kya Isme Toda Noor Ka

Bheek Le Sarkaar Se La Jald Kaasa Noor Ka
Maahe Nau Taiba Me Bat’ta Hai Mahina Noor Ka

Teri Nasl-E-Paak Me Hain Bachha Bachha Noor Ka
Tu Hain Aine Noor Tera Sab Gharana Noor Ka

Noor Ki Sarkaar Se Paaya Do-shala Noor Ka
Ho Mubarak Tumko Zunnurain Joda Noor Ka

Tab Mehr Hashr Se Chaunke Na Kushtah Noor Ka,
Bhundiya Rehmat Ki Dene Ayei Chinta Noor Ka

Tab-E Sum Se Chaundhiya Kar Chand Unhee Qadmo Phira,
Hans Ke Bijli Ne Kaha Dekha Chalawa Noor Ka

Aankh Mil Sakti Nahi Dar Par Hai Pehra Noor Ka
Taab Hain Be-Hukm Par Maare Parinda Noor Ka

Chaand Jhuk Jaata Jidhar Ungli Utha De Mahd Me
Kya Hi Chalta Tha Isharo Par Khilona Noor Ka

Ek Seene Tak Mushabeh, Ik Wahan Se Pa’oon Tak,
Husn-E Sibtayn Unke Jamaun Main Hai Nima Noor Ka

Kaaf Gesu Haa Dahan Ya Abru Aankhein Ain Swaad
Kaaf Haa Ya Ain Swaad Unka Hain Chehra Noor Ka

Ay “Raza” Ye Ahmed E Noori Ka Faize Noor Hain
Ho Gayi Meri Ghazal Badh Kar Qaseedah Noor Ka

 

SUBHA TAYBA ME HUWI CHHAYI HAI REHMAT NOOR KI NAAT LYRICS

Subha tayba me huwi chhayi hai rehmat noor ki
Sadqa lene aagayi is dar pe ummat noor ki

Unki jalwat noor ki hai unki khalwat noor ki
Wo sarapa noor hain, hai unki shoukat noor ki

Aankh mehwe deed ho dil me ho tal’at noor ki
Waqt e aakhir ho ata mujhko ziyarat noor ki

Kaise bhayengi use duniya ki ye ranaayiya’n
Loh e dil par naqsh jo karle wo tal’at noor ki

Kanz e makhfi e khuda e paak ke hakim hain wo
Bat rahi hai aaj bhi do jag me nemat noor ki

Ek pal me kabe ko qibla banaya noor ne
Kya hi chalti hai do alam par hukumat noor ki

Chaand rukh apna udhar karta jidhar jaate Huzoor
Do jahan ka aaj bhi qibla hai tal’at noor ki

Najdiyon ko ho mubarak hurqat e naar e jaheem
Ham faqeeron ko ata hogi shaf’at noor ki

Qabr ka khauf o khatar tujh ko bhala kyun hai “Tameem”
Gor e teera me ata hogi wo tal’at noor ki

Az qalam- Peerzada Syed Tameem Ashraf Hussaini Ashrafi
Farzand e Sajjada Nasheen Bargah e Shamsiya Huzoor Qutbe Raichur