Aariz-e-shams-o-qamar Se Bhi Hain Anwar Aeriyan Lyric in Urdu
عارض شمس و قمر سے بھی ہیں انور ایڑیاں
عرش کی آنکھوں کے تارے ہیں وہ خوشتر ایڑیاں
جاں بجا پر تو فگن ہیں آسماں پر ایڑیاں
دن کو ہیں خورشید شب کو ماہ و اختر ایڑیاں
نجم گردوں تو نظر آتے ہیں چھوٹے اور وہ پاؤں
عرش پر پھر کیوں نہ ہوں محسوس لاغر ایڑیاں
دب کے زیرِ پا نہ گنجائش سمانے کو رہی
بن گیا جلوہ کفِ پا کا ابھر کر ایڑیاں
ان کا منگتا پاؤں سے ٹھکرادے وہ دنیا کا تاج
جس کی خاطر مرگئے منعم رگڑ کر ایڑیاں
دو قمر دو پنجئےخور دو ستارے دس ہلال
ان کے تلوے پنجے ناخن پائے اطہر ایڑیاں
ہائے اس پتھر سے اس سینہ کی قسمت پھوڑیے
بے تکلف جس کے دل میں یوں کریں گھر ایڑیاں
تاج روح القدس کے موتی جسے سجدہ کریں
رکھتی ہیں واللہ وہ پاکیزہ گوہر ایڑیاں
ایک ٹھوکر میں احد کا زلزلہ جاتا رہا
رکھتی ہیں کتنا وقار اللہ اکبر ایڑیاں
چرخ پر چڑھتے ہی چاندی میں سیاہی آگئی
کرچکی ہے بدر کو ٹکسال باہر ایڑیاں
اے رضا طوفان محشر کے طلاطم سے نہ ڈر
شاد ہو ہیں کشتیِ امت کو لنگر ایڑیاں
- Tere Sadqe Me Aaqa Sare Jahan Ko Deen Mila Lyrics
- MAIN BEHAK SAKOON YE MAJAL KYA LYRICS
- Ya Shah-e-Umam Ek Nazar-e-Karam lyrics
- Khak Suraj Se Andheron Ka Izala Hoga Aap Aaen To Mere Ghar Mein Ujala Hoga
- Tafsir Al Jalalain 4 Vol Set Urdu PDF Book Download
- KAAM RUKNE KA NAHI AYE DILE NADA KOI NAAT LYRICS
- Dharti choome la charan wa jag me aelay rab ke meet Lyrics
- Ay Khuda Tu Hame Muaf Kar De Lyrics
