Chashm-e-Saqi Ne Ye Kiya Khel Racha Rakha Hai Lyrics

Chashm-e-Saqi Ne Ye Kiya Khel Racha Rakha Hai Lyrics

 

 

Chashm-E-Saqi Ne Ye Kiya Khel Racha Rakha Hai,
Koi Zahid Koi Mekhawar Bana Rakha Hai,

 

Jo Phañsa Phir Na Kabhi Us Ne Rehayi Mangi,
Teri Zulfoñ Ne Ajab Jaal Bichha Rakha Hai,

 

Husn Ho, Ishq Ho, Dono Ka Asar Yaksaañ Hai,
Cheez Hai Ek Magar Naam Juda Rakha Hai,

 

Rukh Pe Lehrati Hain Kabhi Shanoñ Se Ulajh Padti Haiñ
Too Ne Zulfoñ Ko Bahut Sar Pe Chadha Rakha Ha,

 

Teri Makhmoor Nigahoñ Se Hai Raunaq Sari,
Warna Saqi Tere Maikhane Mein Kiya Rakha Hai.

 

Yuñ Hai Qaamat Mein Tera Chehra e Zeba Jaana
Jaise Ik Rahl Ne Qur’aan Utha Rakha Hai.

 

Tere Kooche Ki Gadaayi Ka Ye Aalam Tauba
Jo Gada Hai Use Sultan Bana Rakha Hai.

 

Aa Bhi Ja Aye Mere Mahaboob Ke Ik Muddat Se
Farsh Aañkhoñ Ka Sare Raah Bichha Rakha Hai.

 

Meri Nazron Mein Koi Kaise Jache Aye Sajid
Nisbat e Yaar Ne Maghroor Bana Rakha Hai

Qawwali : Sher Ali Mehr Ali Qawwal

Our Pag

Leave a Reply