Ham Dare Aaqa Pe Sar Apna Jhuka Lete Hain
Sach Bataana Are Duniya Tera Kya Lete Hain
Us Ko Aankhon Pe Bithaatye Hain Zamaane Waale
Jis Ko Mehboobe Khuda Apna Bana Lete Hain
Waqt Ki Kaid Nahi Hai Ye Karam Ki Baatein
Jab Bhi Sarkaar Ki Marzi Ho Bula Lete Hain
Gham Ke Maaro Ka Tabeebo Na Karo Koi Ilaaj
Ham Ghame Ishqe Nabi Me Bhi Maza Lete Hain
Patharon Tum To Ho Pathar Magar Aaqa Mere
Tum Se Gar Chahe To Kalma Bhi Padha Lete Hain
Jab Nahi Milti Kahi Se Bhi Suqoon Ki Daulat
Teri Mehfil Tere Dewaane Sajaa Lete Hain
Ye Bhi Sarkaar Ki Rehmat Hai Karam Hai Unka
Ham Jahaa Jaaye Waha Rang Jamaa Lete Hain
Gumbade Khazra Khuda Tujh Ko Salaamat Rakhe
Dekh Lete Hain Tujhe Pyaas Bujha Lete Hain
Jab Se Dekha Hai Niyazi Wo Riyazul Jannah
Hum To Ghar Baith Ke Jannat Ki Hawa Lete Hai
Popular Posts
-
Wo Sue Lalazar Phirte Hain 25 views
-
Na Mere Sukhan Ko Sukhan Kaho (Naat) 24 views