Jiski Janib Woh Nazar Apni Utha Dete Hain Lyrics
Jiski Janib Woh Nazar Apni Uthha Dete Hain
Jiski Janib Woh Nazar Apni Uthha Dete Hain,
Uski Soyi Hui Taqdeer Jaga Dete Hain.
Teri Duzdeeda Nigahoñ Ko Dua Dete Haiñ,
Jitne Chubhte Hain Ye Teer, Utna Maza Dete Hain.
Jab Se Dekha Hai Unheñ Apna Mujhe Hosh Nahiñ,
Jaane Kya Cheez Woh Nazroñ Se Pila Dete Hain.
Takht Kya Cheez Hai Aur Laal-o-Jawahir Kya Haiñ,
Ishq Wale To Khudayi Bhi Luta Dete Hain.
Ek Din Aisa Bhi Aata Hai Mohabbat Mein Zaroor,
Khud Wo Ghabra Ke Naqab Apna Utha Dete Hain.
Apni Barbadi Pe Khush Hoon Yeh Suna Hai Jabse,
Woh Jisse Apna Samajhte Hain Mitta Dete Hain.
Apne Daman Ko Zara Aap Bacha Kar Rakhna,
Sard Aahoñ Se Bhi Hum Aag Laga Dete Hain.