kya tha jo ghari bhar ko tum laut ke aa jaate Lyrics
kya tha jo ghari bhar ko tum laut ke aa jaate
bemaar e muhabbat ko soorat toh dikha jaate
qasid payam e khat ko dena bahut na tool
bas mukhtasir yeh kehna aankhein taras gayin
yun zindagi guzaar raha hoon tere bagair
jaise koi gunah kiye jaa raha hoon main
nazuk tere mareez ka haal hai
din kat chuka hai raat ka katna muhaal hai
aa jaa ke aas tootne waali hai pyar ki
bhujne lagi hai shama tere intezaar ki
itna toh karam karte kuch dard mujhe de kar
tasawwur mein chale aate tumhara kya bigad jaata
tera parda bana rehta mujhe deedar ho jaata
jaati hui dekh ke mayyat dekh ke bhi wallah tum uth ke aa na sake
do chaar kadam to dushman bhi takleef gawara karte hain
dekh jaate mere lut te hue armaanon ko
itna toh karam karte kuch dard mujhe de kar
itna toh karam karte kuch dard mujhe de kar
ik baar mere aansu daaman se sukha jaate
lazzat e intezar leta hoon yun shab e gham guzar leta hoon
jab bhi dasti hai mujhko tanhayi naam tere pukaar leta hoon
phir dard e judayi ko mehsoos na main karta
achcha tha agar mujhko deewana bana jaate
mujh par gham e furqat ki tohmat na kabhi lagti
ankhon mein agar apni tasveer basa jaate
phir unse ‘Fana’ mujhko rehta na gila koi
darmaan na mera karte deedar kara jaate
~~~~Urs Mubarak QUTBUL AQTAAB GAUSUL WAQT HAZRAT SAYYED JALALUDDIN HUSAIN urf “MAKHDOOM JAHANIYA JAHANGASHT” BUKHARI radiyallahu anhu (Urs :- 10, Zul Hijjatul Haraam, Mazare Paak :- Uch Sharif, Pakistan)~~~~
“VILADAT SHARIF”
> Aapki Viladate Ba Sa’aadat 14, Shabanul Moazzam 707 Hijri baroz Jumeraat Madinatus Saadat Uch Sharif me hui. Aapka Mubarak Naam HAZRAT SAYYED JALALUDDIN BUKHARI. Kunniyat ABU ABDULLAH Laqab MAKHDOOM JAHANIYA JAHANGASHT va SAYYAHE AALAM he. Aapka Naame Naami Aapke Jaade Karim MAKHDOOMUL AALAM HAZRAT SAYYED JALALUDDIN SURKH POSH BUKHARI radiyallahu anhu ke Naam par rakha gaya. Aapke Vaalide Maajid ka Naam HAZRAT SAYYED AHMED KABIR BUKHARI quddasa sirrahu he. Aapka Silsila e Nasab Satrah (17) Vaasto se IMAM E AALI MAQAM HAZRAT SAYYEDNA IMAM E HUSAIN SHAHID E KARBALA radiyallahu anhu se ja milta he.
“TALIM O TARBIYAT”
> Aapki Ibtedaai Taalim Uch Sharif me hui. HAZRAT ALLAMA QAZI BAHAUDDIN Aapke Ustad the. Ustad ke Visaal ke baad mazid Taalim hasil karne ki garz se Aap Multan tashrif le gae. yaha Aapne HAZRAT SHAIKH MOOSA va HAZRAT SHAIKH MAJDUDDIN jese Shafiq Ustado se padha. Phir Aap Makka Mukarrama tashrif le gae aur waha Quran e Paak ki Saato Qiraate sikhi phir waha se Madina Tayyaba tashrif le aae. Harmain Sharifain me Aapne SHAIKH E MAKKA HAZRAT IMAM ABDULLAH YAFAI va HAZRAT SHAIKH ABDULLAH MITRI Alayhimurrehma se mukhtalif Kitabe aur Sihah Sitta padhi. HAZRAT SHAIKH ABDULLAH MITRI se Aap Tahajjud ke waqt Avaariful Ma’aarif va Hadis Sharif ka dars lete. Aapne Apne Ustad se jis Avaariful Ma’aarif ka dars liya thaw o nuskha HAZRAT SAYYEDNA SHAIKH SHAHABUDDIN UMAR SOHARVARDI radiyallahu anhu ke mutaale me reh chukka tha.
“BAIT O KHILAFAT”
> 🎋 Silsila e Aaliya Soharvardiya Me Aapko Apne Vaalid e Majid HAZRAT SAYYEDNA SULTAUL AULIA SAYYED AHMED KABIR Radiyallahu Anhu Aur HAZRAT SAYYEDNA SADRUDDIN MOHAMMED GOUS Radiyallahu Anhu Aur SHAIKHUL ISLAM SAYYEDNA RUKNUDDIN ABUL FATAH Radiyallahu Anhu Se Bait va Iraadat Niz Ijazat va Khilafat Ka Sharf Hasil Tha. Aur Dusre Tariqe Par Bhi Aapko Silsila e Soharvardiya Ki Ijazat Hasil Thi.
🎋 Silsila e Aaliya Qadriya Me aapko HAZRAT SAYYEDNA IMAM SHAIKH AFIFUDDIN ABDULLAH YAAFAI Radiyallahu anhu Ijazat Va Khilafat Ka Sharf Haasil He.
🎋 Silsila e Aaliya Chishtiya Me Aapko HAZRAT SAYYEDNA SARKAR MAKHDOOM NASIRUDDIN CHARAG E DEHLI Radiyallahu Anhu Se Ijazat va Khilafat Ka Sharf Hasil Tha.
🎋 HAZRAT SAYYEDNA RAAJU QATAAL Radiyallahu Anhu Farmate He Ke
🌹 “Agarche HAZRAT SAYYEDNA MAKHDOOM JAHANIYA Radiyallahu Anhu Ko Kamo Besh Tin So (300) Sahibe Irshad Aur Mashaikh Se Ijazat Va Khilafat Ka Sharf Hasil He, Lekin Aakhir Me Jab SAYYEDNA KHWAJA NASIRUDDIN MEHMOOD CHARAG DAHELVI Radiyallahu Anhu Ki Khidmat Me Pahonche aur Unse Mashaikhe Chisht Ka Khirqa Haasil Kiya Aur Qism Qism Ki Zaahiri Aur Batini Nemato Se Behravar Hue To aapko Is Qadr Dil Joi Hasil Hui Ke Phir Kisi Shaikh Ki Sohbat Ki Zaroorat Na Rahi. Uske Baad Aap Muridin Ki Tarbiyat va Hidayat Me Mashgool Ho Gae Aur Ek Jahaa Ne Aapse Faiz Hasil Kiya”
“UN AKAABIRIN KE NAAM JINSE AAPNE FAIZ HASIL KIYA”
🎋 HAZRAT SAYYEDNA MAKHDOOM JAHANIYA radiyallahu anhu ke chhote bhai jo Aapke Khalifa bhi he HAZRAT KHWAJA ABUL FAZL SADRUDDIN RAJU QATAAL radiyallahu anhu farmate he ke Mere Bade Bhai aur mere Pir o Murshid HAZRAT MAKHDOOM JAHANIYA JAHANGASHT radiyallahu anhu ne Tinso (300) Sahibe Irshad Mashaikh se Ne’amate Baatini Hasil ki he aur unke Mubarak Hatho se Khirqe zebe tan farmae he.
🎋 GOUSUL AALAM HAZRAT SAYYEDNA MAKHDOOM ASHRAF JAHANGIR SIMNAANI radiyallahu anhu ne Apne Malfoozat “Lataaife Ashrafi” me kuchh Makhsus Mashaikh e Izaam ke Asmaae giraami zikr kiye he jinse HAZRAT MAKHDOOM PAAK radiyallahu anhu ne faiz hasil kiya he. Aur wo Asama e Paak ye he…
HAZRAT SAYYEDNA AHMED KABIR OOCHI
HAZRAT SAYYED SADRUDDIN MOHAMMAD GOUS
HAZRAT SAYYEDNA SHAIKH QAVAMUDDIN
HAZRAT SHAIKH IMAM ABDULLAH YAAFAI
HAZRAT SHAIKH ABU ISHAAQ GAAZRUNI
HAZRAT SHAIKH NAJMUDDIN KUBRA (Khwab me)
HAZRAT SAYYEDNA KHWAJA NIZAMUDDIN AULIA (Khwab me)
QUTB E ADAN HAZRAT FAQIH BISAAL
HAZRAT SAYYEDNA KHIZR Alayhissalam
🔟 HAZRAT SHAIKH RUKNUDDIN ALI (Ba Tariqae Owaisia)
HAZRAT KHWAJA QUTBUDDIN MUNAVVAR
HAZRAT SHAIKH SHAHABUL HAQ VADDIN ABU SAEED bin MEHMOOD bin MOHAMMAD KIRMAANI SHAFAI
HAZRAT SAYYED AUHDUDDIN KIRMANI
HAZRAT SHAIKH RUKNUDDIN RUKN E AALAM ABUL FATAH
HAZRAT SHAIKH NASIRUDDIN ROSHAN CHARAG E DEHLI
HAZRAT SHAIKH ABDULLAH MITRI
HAZRAT SHAIKH NAJMUDDIN ASFAHAANI
HAZRAT SHAIKH AHMED KABIR RIFAAI (Khwab me)
HAZRAT SULTAN ISAA
HAZRAT SHAIKH NOORUDDIN ALI ABDULLAH
HAZRAT SHAIKH HAMIDUDDIN MOHAMMAD HUSAIN SAMARQANDI
HAZRAT MOULANA SHAMSUDDIN MAKKI AVADHI
HAZRAT SHAIKH MOHAMMAD UBAID GAISI (Silsila e Aaliya Qadriya me)
HAZRAT SHAIKH RABBANI
HAZRAT SAYYED BAHAUDDIN ALEEM bin SAYYED ALI ridvanullahi ta’ala alayhim ajmain
“CHAND JALILUL QADR SAHABA E KIRAM KE KHIRQE JO AAPKO MILE”
🎋 HAZRAT SAYYEDNA BURHANUDDIN QUTB E AALAM BUKHARI radiyallahu anhu Apni Mash’hoor Tasnif “Jaameut Tarq” me tehrir farmate he ke…
🎋 HAZRAT MAKHDOOM JAHANIYA JAHANGASHT radiyallahu anhu ko MOULA E KAAENAAT HAZRAT SAYYEDNA ALIYYE MURTAZA radiyallahu anhu se jaari shuda Silsilo ke Alawa bhi HUZUR SARVAR E KAAENAAT sallallahu alayhi va sallam ke dusre Jalilul Qadr Sahaba e Kiram se jaari shuda Silsilo ke khirqe bhi mile he. Tafsil is tarah he….
🎋 Char (4) Khirqe HAZRAT SAYYEDNA ABU BAQR SIDDIQ radiyallahu anhu ke waste se Aapko mile.
🎋 Tin (3) Khirqe HAZRAT SAYYEDNA UMAR FAROOQ E AAZAM radiyallahu anhu ke waste se Silsila ba Silsila Aapko mile he.
🎋 Do (2) Khirqe HAZRAT SAYYEDNA ABBAS bin ABDUL MUTALLIB radiyallahu anhu ke waste se Silsila ba Silsila Aapko mile.
🎋 Khirqa e Dardaaiyya :- Ye Khirqa Aapko HAZRAT SAYYEDNA SHAIKHUL MU’AMAR DAHELVI radiyallahu anhu ke waste se unko HAZRAT SAYYEDNA ABDULLAH MITRI se mila. Unko ye Khirqa Silsila ba Silsila HAZRAT SAYYEDNA KHWAJA FUZAIL bin AYAAZ radiyallahu anhu se unko ye Khirqa Silsila ba Silsila SAHABI E RASOOL HAZRAT ABU DARDA radiyallahu anhu se mila, unko ye Khirqa ALLAH KE PYARE HABIB sallallahu alayhi va sallam se mila.
“MAKHDOOM JAHANIYA” KA KHITAB”
🎋 Aapke MAKHDOOM JAHANIYA kehlane ki ek vajah to ye he ke ek Martaba Aapne Eid ki raat me HAZRAT SAYYEDNA SHAIKH BAHAUDDIN ZAKARIYA MULTANI radiyallahu anhu ke Marqade Mubarak par Hazri di aur Eidee mangi. Qabr Sharif se Aawaz aai ke “ALLAH TA’ALA ne tumhe MAKHDOOM JAHANIYA ka khitab bakhsha he, tumhe yahi Eidee bahot he”
🎋 Uske Baad Aapne HAZRAT MAKHDOOM SHAIKH SADRUDDIN radiyallahu anhu ke Mazar Sharif par Hazri di aur Eidee mangi. Qabr Sharif se Aawaz aai tumhari Eidee vahi he jo Hamare Bavajaan ne farmai he.
🎋 Phir Aapne Apne Pir o Murshid HAZRAT SAYYEDNA MAKHDOOM RUKNUDDIN RUKN E AALAM radiyallahu anhu se Eidee mangi to HAZRAT SAYYEDNA RUKN E AALAM radiyallahu anhu ne farmaya ke Tumhari Eidee vahi he jo mere Bavajaan HAZRAT SHAIKH SADRUDDIN aur mere Dada Jaan HAZRAT SAYYEDNA BAHAUDDIN ZAKARIYA MULTANI radiyallahu anhu ne Inayat farmai he.
🎋 Jab HAZRAT SAYYEDNA MAKHDOOM JAHANIYA radiyallahu anhu Apne Pir o Murshid ki Baargah se bahar tashrif laae to jo bhi Aapko ddekhta tha yahi kehta tha ke “MAKHDOOM JAHANIYA AA RAHE HE”
“HAYATUNNABI KE MUTALLIQ AAPKA AQIDA”
🎋 “30 Saal Ki Umr Sharif Me Aapne Apne Vaalid e Majid Se Ijazat Le Kar Harmain Sharif Ka Pehla Safar Farmaya. Makka Sharif Me 7 Saal Qayaam Farmaya, Ulmaa va Muhaddisin Se Khususan HAZRAT SAYYEDNA IMAM ABDULLAH YAAFAI Aur Madina Sharif Me HAZRAT ABDULLAH MITRI Radiyallahu anhum Se Ilm e Hadis hasil Kiya Aur Sanade Li”.
🎋 Jis Waqt aap Madina Tayyaba Me Muqim The Waha Ke Baaz Saadate Kiram Ne Aapse “Sayyed” Hone Ki Sanad Maangi. Aap Un Saadate Kiram Ko Lekar SARKARE DO AALAM Sallallahu Alayhi Va Sallam Ke Mavaajeh sharif Me Haazir Hue Aur Adab Se Arz Kiya
🌹 “ASSALAMU ALAYKUM YA JADDI” Yaani “AE NAANA JAAN ! AAP PAR SALAAM HO”. Foran Hi Aapko Jawab Mila “WALEKASSALAM YA VALADI VA YA QURRATA AYNI VA ANTA MINNI VA MIN AHLI BAITI” Yaani “AUR TUM PAR BHI SALAAM HO AE MERE BETE AUR MERI AANKHO KI THANDAK AUR TUM MUJHSE AUR MERE AHLE BAIT SE HO”.……
🎋 Madina Tayyaba Me Aap 2 Saal Muqim Rahe . Us Qayam Ke Doran Aapko Masjide Nabvi Sharif Me Imaamat Ke Faraiz Anjaam Dene ka Sharf Bhi Hasil Hua.
“SAHAB E KIRAM KE MUTALLIQ AAPKA AQIDA”
🎋 HAZRAT SAYYEDNA MAKHDOOM JAHANIYA JAHANGASHT radiyallahu anhu Sahaba ki Mohabbat se Sarshaar the. Sahab e kiram ke tariqo par khas Nazar rakhte the, Taravih me Quran e karim 27vi Shab me khatm karte the kyunki ye Sahaba e kiram ka mamool tha. MAKHDOOM PAAK radiyallahu anhu ka Irshad he ke “Sahaba e kiram NABI E KARIM sallallahu alayhi va sallam ke tarbiyat yaafta he isliye hame unki Itteba’a karni chahiye”
🎋 “Khazana e Jalali” ka 14va Baab Fazilate Sahaba aur Ahle Bait me qalamband kiya gaya he. HAZRAT MAKHDOOM PAAK radiyallahu anhu farmate he ke ASHRA E MUBASHSHIRA Ahle Jannat se he, unhone Darakht ke niche NABI E KARIM sallallahu alayhi va sallam se bait ki thi aur NABI E KARIM sallallahu alayhi va sallam ne unko Jannat ki Basharat di thi.
🎋 HAZRAT MAKHDOOM PAAK radiyallahu anhu farmate he ke NABI E KARIM sallallahu alayhi va sallam ke Baad Behtarin Insaan HAZRAT SAYYEDNA ABU BAQR SIDDIQ he, phir HAZRAT SAYYEDNA UMAR FAROOQ E AAZAM, phir HAZRAT SAYYEDNA USMAN E GANI aur phir HAZRAT SAYYEDNA ALIYYE MURTAZA radiyallahu anhum ajmain. Sahaba e kiram ka zikr Aib o ta’an se nahi karna chahiye unko Bhalai se yaad karna chahiye.
“HAZRAT AMIR E MUAWIYA radiyallahu anhu KE MUTALLIQ AAPKA AQIDA”
🎋 HAZRAT MAKHDOOM JAHANIYA JAHANGASHT radiyallahu anhu se mansoob ek safarnaame me ek Waqia darj he ke HAZRAT MAKHDOOM PAAK radiyallahu anhu kisi Shaher me tashrif le gae aur waha ke rehne walo ne HAZRAT SAYYEDNA AMIR E MUAWIYA radiyallahu anhu ko Gaaliya di to HAZRAT MAKHDDOM PAAK ne unko qaail kar diya aur wo sab Taaib ho kar Hazrat ke halqae iradat me dakhil ho gae.
🎋 HAZRAT SAYYEDNA MAKHDOOM PAAK radiyallahu anhu farmate he ke Mene kaha ke ye Munasib nahi he, HAZRAT AMIR MUAWIYA radiyallahu anhu bhi Sahaba e kiram me se he ye sun kar wo mujh se jhagad pade aur Jung o Jidaal ki noubat aa gai, Buri bhali baate unhone kehni shuru ki, Aakhir kaar me hi jeeta.
🎋 Unme se ek Shakhs Faazil, Aalim, Munsif aur Haakim tha usne meri aur unki Guftagu me tamiz kar ke unhe Ilzaam diya aur Jhoota qaraar diya uske baad sab log Taaib hue. Quran e Majid ya Hadis Sharif me kahi is Baat ka Huqm nahi aaya ke kisi Sahabi par La’anat o Malaamat karo.
🎋 Pas jo Shakhs ALLAH ke huqm ke khilaf kare aur Na Munasib baate kahe wo bada Gunahgaar he. Jab unhone ye sachi baate suni to sabhi ne touba ki aur AHLE SUNNAT va JAMA’AT ka Mazhab Ikhtiyaar kiya aur is Dua go (MAKHDOOM PAAK) ke Khandan ke Muhib (Mohabbat karne wale) ban gae aur RAAFZI giroh se bilkul taaib ho gae.
“HUZUR GAUSIYAT MA’AAB RADIYALLAHU ANHU SE AAPKI AQIDAT VA NISBAT”
🎋 “Ek Din Aapki Khanqah Me Ek Kothri Jis Me Ghaas Rakhi Hui Thi Aag lag Gai Aur Shole Bhadakne Lage. Aapne Ek Chutki Mitti Lekar Buland Aawaz Se “YA SHAIKH ABDUL QADIR JILANI SHAY ANILLAH” Kaha Aur Aag Ki Taraf Phenk Diya To Aag Foran Bujh Gai.
🎋 HAZRAT SAYYEDNA MAKHDOOM JAHANIYA JAHANGASHT Radiyallahu Anhu Farmate He Ke SARKAR GOUSE AAZAM Quddasa Sirrahu Ka Irshad e Paak He
🌹 “KHUSH KHABRI HO UNHE JINHONE MUJHKO DEKHA, YA MERE DEKHNE WALE KO DEKHA, YA MERE DEKHNE WALE KE DEKHNE WALE KO DEKHA”
🎋 Us Ke Baad Irshad Farmaya Ke
🌹 “ALHAMDULILLAH ! Mene HAZRAT SHAIKH SHARFUDDIN MEHMOOD TASTARI Quddasa Sirrahu Ko Dekha, Unhone SHAIKHU SHUYUKH SAYYEDNA UMAR SHAHABUDDIN SOHARVARDI Quddasa Sirrahu Ko Dekha Aur Unhone HUZUR SAYYEDNA GOUSE AAZAM Radiyallahu Anhu Ko Dekha.”
“BARGAH E GARIB NAWAZ ME HAZRI”
🎋 HAZRAT SAYYEDNA JALAALUDDIN BUKHARI MAKHDUM JAHAANIYAAN JAHAAN GASHT (radiyallahu anhum) Apne Safarnaame me Tehrir farmate hai ke AJMER SHARIF ki sarzamin me SILSILA-E-CHISHTIYA ke sargaroh HAZRAT SAYYEDNA KHWAJA MUEENUDDIN CHISHTI Aaram farma hai. Aapki paayenti ANAAR KA EK DARAKHT tha. Jiski ye Khaasiyat thi ke JO SHAKHS SAAT ANAAR KHA LETA WOH VALI HO JAATA aur Jisne Aulaad ki Aarzu se khaaya HAQ TA’AALA NE US KO FARZAND ATAA FARMAYA, HINDUSTAN ME AAP HI KE KADAM SE ISLAAM AAYA.
🎋 Fakir jab Aapke Mazar Sharif par haazir hua to arz kiya AS SALAMU ALAYKUM YA KHWAJA MOINUDDIN CHISHTI Apna Dast Mubarak dije Dastbosi karu. Usi waqt Mazar Mubarak se Ek NOORAANI Haath baraamad hua aur Salaam ka javaab bhi mila Maine MUSAAFAH AUR DASTBOSI KA SHARF HAASIL KIYA. . .
“HAZRAT SAYYEDNA MAKHDOOM ASHRAF JAHANGIR SIMNAANI radiyallahu anhu AAPKI BARGAH ME”
🎋 ‘Siyarul Aarifin’ me he HAZRAT SAYYEDNA MAKHDOOM ASHRAF JAHANGIR SIMNAANI radiyallahu anhu farmate he ke Jab ye faqir pehli baar HAZRAT SAYYEDNA MAKHDOOM JAHANIYA radiyallahu anhu ki Khidmat me Hazir hua to Aapne Qutbiya aur Gousiya ke qism qism ke Maqamat aur Darjaat Ataa farmae.
🎋 Pehli raat jab me Aapki Ijazat se Aapki khalvat gaah me dakhil hua to mene dekha ke Aapke Jism ke Aaza Alaahida hokar Saat (7) Maqamat par pade hue he aur har Uzv Mukhtalif zabano me Haq Ta’ala ki Laa Mutanaahi Tasbih o Hamd bayan kar raha he. Me ye dekh kar ghabra gaya, Aap fouran apni asli Haalat par aa gae aur farmaya ke MAKHDOOM ASHRAF ye Maqam tumhe Mubarak ho.
🎋 Dusri Martaba jab me Aapki Khalvat gaah me Hazir hua to dekha ke Aapka Jism sharif Tajalliye Isme Ilaahi “YA BASEET” ki vajah se is qadr vasi’a ho gaya tha ke pura kamra Aapke Jism se bhar gaya tha balke surakho se bhi Gosht baahar nikal raha tha. Thodi der baad Aap apni asli Haalat par aa gae aur farmaya ye Maqam bhi tumhe Mubarak ho.
🎋 Tisri Martaba jab me Aapki khalvat gaah me hazir hua to Aapka Jism Mubarak Shishe ki tarah Lateef va Musaffa ho chukka tha ke chhote se chhote zarre bhi saare Jism me Nazar aa rahe the. Kuchh der ke baad Aap Apni Asli Haalat par aa gae aur farmaya Biradaram SAYYED ASHRAF ye sab tujhe Mubarak ho.
🎋 Rukhsat hote waqt Aapne Haazirine Majlis ke samne Zikre Jehri aur tamam Haajaat ke liye Taavize Gafoori inayat farmaya aur Irshad farmaya ke Mere aur Tumhare Darmiyan Mohabbat ka aisa mazboot Rishta qaaim ho chukka he jisme doori ya Nazdiki se koi farq nahi padta.
“HAZRAT BADRUDDIN YAMANI Alayhirrehma KA JANAZA”
🎋 Ek Martaba HAZRAT SAYYEDNA MAKHDOOM JAHANIYA JAHANGASHT radiyallahu anhu Jidda Sharif ki ek Masjid me tashrif farma the ke ek Janaza laya gaya. Aapne Kashf ke zariye maloom kar liya ke Ye HAZRAT BADRUDDIN YAMANI radiyallahu anhu ka Janaza he Jo Akaabir Aulia Allah me se he.
🎋 Hajj kar ke lout rahe the ke Raaste me Inteqaal ho gaya he. Aapne Janaza lane walo se farmaya ke Dafn me jaldi na karna Mumkin he inhe saktaa ho gaya ho. Ye farma kar Aapne chand Raka’at Namaz nafl padhi aur Quran e Majid ki tilavat me mashgool ho gae.
🎋 Phir Aayate Karima “Yukhrijul Hayya Minal Mayyiti va Yukhrijul Mayyita Minal Hayy” ka vird karne lage.
🎋 Logo ne dekha ke HAZRAT SAYYEDNA BADRUDDIN YAMANI radiyallahu anhu “ASH HADU AL LAA ILAAH VA ASH HADU ANNA MUHAMMADAR RASULULLAH” padhte hue uth kar beth gae.
“AAPKE KHULFA”
> Aapke Khulafa ki Taadad bahot kasir thi. chand ke naam hasbe zel he.
- HAZRAT SAYYENA MAKHDOOM SADRUDDIN RAAJU QATAAL
- HAZRAT SHAIKH AKHI RAAJGIRI
- HAZRAT SAYYEDNA MAKHDOOM ASHRAF JAHANGIR SIMNANI
- HAZRAT SHAIKH SHARFUDDIN MASH’HADI
- HAZRAT SAYYED SIKANDAR MAS’OOD JAHANIYA TIRMIZI
- HAZRAT KHWAJA MEHMOOD KARANTVI
ridvanullahi alayhim ajmain
“VISAAL SHARIF VA MAZAR E PAAK”
> :- 10 Zil Hijjatul Haraam Hijri 785 Me. Sultan Firoz Shah Tughlaq Ke Dour Me 78 Saal Ki Umr Sharif Me Hua. Aapka Mazar e Paak Pakistan Ke Uch Sharif Me Dariya e Satluj Aur Dariya e Chinab Ke Sangam Par Waqe He.*_
📚 (Makhdoom Jahaniya, Gulzare Chisht, Tazkirae Aulia e Paak o Hind, Tazkirae Aulia e Pakistan)