WAH KYA JUDO O KARAM HAIN SHAHE BAT-HA TERA NAAT LYRICS
Wah Kya Joodo Karam Hain Shahe Bat-Ha Tera
Nahi Sunta Hi Nahi Maangne Waala Tera
Dhaare Chalte Hain Ataa Ke Wo Hain Qatra Tera
Tare Khilte Hain Sakhaa Ke Wo Hain Zar-ra Tera
Faiz Hain Ya Shahe Tasneem Nirala Tera
Aap Pyaso Ke Tajas-sus Me Hain Dariya Tera
Agniya(n) Palte Hain Dar Se Wo Hain Bada Tera
Asfiya Chalte Hain Sar Se Wo Hain Rasta Tera
Farsh Waale Teri Shaukat Ka Uloo Kya Jaane
Khusrava Arsh Pe Udta Hain Pharera Tera
Aasmaa(n) Khwan, Zamee(n) Khwan Zamana Mehmaan
Sahibe Khana Laqab Kiska Hain Tera Tera
Main To Maalik Hi Kahunga Ke Ho Maalik E Habeeb
Ya’ani Mehboobo Muheeb Me Nahi Mera Tera
Tere Qadmo Me Jo Hain Ghair Ka Muh Kya Dekhe
Kaun Nazro Pe Chadhe Dekh Ke Talwa Tera
Bahre Sa-il Ka Hu Sa-il Na Kuwe Ka Pyasa
Khud Bujha Jaye Kaleja Mera Cheeta Tera
Chor Haakim Se Chupa Karta Hain Ya Uske Khilaf
Tere Daamam Me Chupe Chor Anokha Tera
Aankhein Thandi Ho Jigar Taze Ho Jaan-E-Sairaab
Sachhe Suraj Wo Dil-Aara Hai Ujala Tera
Aik Main Kya Mere Isyaa(n) Ki Haqeeqat Kitni
Mujhse Sau Laakh Ko Kaafi Hain Ishara Tera
Muft Paala Tha Kabhi Kaam Ki Aadat Na Padee
Ab Amal Poochte Hain Haaye Nikamma Tera
Tere Tukdo Se Pale Ghair Ki Thokar Pe Na Daal
Jhidkiya Khaaye Kaha Chor Ke Sadqa Tera
Khwaro Bimaro Khatavaro Gunahgaar Hu Main
Rafe’ao Nafe’ao Shafe’a Lakab Aaqa Tera
Meri Taqdeer Buri Ho To Bhali Karde Ki Hain
Mahwo Isbaat Ke Daftar Me Kadoda Tera
Tu Jo Chahe To Abhi Mayl Mere Dil Ke Dhule
Ke Khuda Dil Nahi Karta Kabhi Mayla Tera
Kiska Muh Takiye Kaha Jaiye Kis Se Kahiye
Tere Hi Qadmo Pe Mitt Jaye Yeh Paala Tera
Tu Ne Islam Diya Aaqa Tu Ne Jama’at Me Liye
Tu Kareem Ab Koi Phirta Hain Atiyya Tera
Maut Sunta Hu Sitam Talkh Hain Jahraaba-e Nab
Kaun La De Mujhe Talwo Ka Ghusala Tera
Dur Kya Janiye Bad-kaar Pe Kaise Guzre
Tere Hi Dar Pe Mare Be-kaso Tanha Tera
Tere Sadqe Mujhe Ik Boond Bohat Hain Teri
Jis Din Achho Ko Mila Jam Chalakta Tera
Haram-O-Taibah Wa Baghdad Jidhar Kije Nigah
Jyot Padti Hain Teri Noor Hain Chanta Tera
Teri Sarkaar Me Laata Hain Raza Usko Shafe’a
Jo Mera Ghous Hain Aur Laadla Beta Tera
WAH KYA JOODO KARAM WITH TAZMEEN NAAT LYRICS
Koi Duniya E Ata Me Nahi Hamta Tera
Ho Jo Hatim Ko Moyassar Ye Nazara Tera
Keh Uthe Dekh Ke Bakhshish Me Ye Rutba Tera
Wah Kya Joodo Karam Hai Shahe Batha Tera
Nahi Sunta Hi Nahi Mangne Wala Tera.
Kuch Bashar Hone Ke Naate Tujhe Khud Sa Jaane
Aur Kuch Mahaz Payaami Hi Khuda Ka Jaane
Inki Aukaat Hi Kya Hai Ke Ye Itna Jaane
Farsh Wale Teri Shaukat Ka Uloo Kya Jaane
Kusrawa Arsh Pe Udta Hai Pharera Tera.
Kai Pushton Se Ghulami Ka Ye Rishta Hai Bahaal
Yahi Tifli Aur Jawaani Ke Bitaaye Maho Saal
Ab Budhape Me Khudara Hame Yoon Dar Se Na Taal
Tere Tukdon Pe Pale Ghair Ki Thokar Pe Na Daal
Jhidkiya Khaaye Kaha Chchod Ke Sadqa Tera.
Ghame Dauran Se Ghabraiye To Kisse Kahiye
Ab Apni Uljhan Kise Batlaiye Kisse Kahiye
Cheer Kar Dil Kise Dikhlaiye Kisse Kahiye
Kiska Muh Takiye Kaha Jaaiye Kisse Kahiye
Tere Hi Qadmon Pe Mit Jaaye Ye Paala Tera.
Nazre Ushshaqe Nabi Hai Ye Mera Harfe Ghareeb
Mimbare Waaz Pe Ladte Rahe Aapas Me Khateeb
Ye Aqeeda Rahe Allah Kare Mujh Ko Naseeb
Mai To Maalik Hi Kahunga Ke Ho Maalik Ke Habeeb
Yani Mehboobo Muhib Me Nahi Mera Tera.
Tujh Se Har Chand Woh Hai Qadro Fazaail Me Rafee’
Kar Naseer Aaj Magar Fikre Raza Ki Tausee’
Paas Hai Uske Shafa’at Ka Waseela Bhi Waqee’
Teri Sarkar Me Laata Hai Raza Usko Shafee’
Jo Mera Gaus Hai Aur Laadla Beta Tera.