Ahle Sirat Rooh E Amin Ko Khabar Karen Lyrics in Urdu
اہلِ صراط رُوحِ امیں کو خبر کریں
جاتی ہے اُمتِ نبوی فرش پر کریں
اِن فتنہ ہائے حشر سے کہدو حَذر کریں
نازوں کے پالے آتے ہیں رہ سے گزر کریں
بد ہیں تو آپ کے ہیں بھلے ہیں تو آپ کے
ٹکڑوں سے یَہاں کے پلے رُخ کِدھر کریں
سرکار ہم کمینوں کے اطوار پر نہ جائیں
آقا حضور اپنے کرم پر نظر کریں
ان کی حرم کے خار کشیدہ ہیں کس لئے
آنکھوں میں آئیں سر پہ رہیں دل میں گھر کریں
جالوں پہ جال پڑ گئے لِلہ وقت ہے
مشکل کشائی آپ کے ناخن اگر کریں
منزل کڑی ہے شان تبسّم کرم کرے
تاروں کی چھاؤں نور کے تڑکے سفر کریں
کلک رضا ہے خنجرِ خونخوار برق بار
اعدا سے کہدو خیر منائیں نہ شر کریں