Meri ulfat Madine se yun hi nahi Mere Aaqa ka roza Madine mein hai lyrics

Meri ulfat Madine se yun hi nahi
Mere Aaqa ka roza Madine mein hai
Mein Madine ki jaanib na kaise khinchu
mera deen aur dunya madine mein hai

Arsh e Azam pe jis ki barri shaan hai
roza e mustafa jis ki pehchaan hai
jis ka humpalla koi muhalla nahi
eik aisa muhalla Madine mein hai

phir mujhe maut ka koi khatra na ho
maut kiya zindagi ki bhi parwa na ho
kash sarkar eik baar mujh se kahein
ab tera marna jina Madine mein hai

Sarware do jahaa se dua hai meri
Han bado chashme tar ilteja hai meri
Un ki fehrist mein mera bhi naam ho
Jin ka roz Aana jana Madine mein hai

jab nazar suye taiba rawana huee
sath dil bhi gaya sath jaan bhi gayi
main muneer ab rahunga yahan kis liye
mera sara asasa Madine mein hai