MUSTAFA JAAN E REHMAT PE LAAKHON SALAAM NAAT LYRICS

Mustafa Jaan E Rehmat Pe Laakhon Salaam
Shamme Bazme Hidayat Pe Laakhon Salaam

Mehre Charkhe Nubuvvat Pe Roushan Durood
Ghul E Baagh E Risaalat Pe Laakhon Salaam

Shehre Yaare Iram Tajdaare Haram
Nau Bahaar E Shafa’at Pe Laakhon Salaam

Shab E Asra Ke Dulha Pe Da-im Durood
Nausha E Bazme Jannat Pe laakhon Salaam

Arsh Ki Zebo Zeenat Pe Arshi Durood
Farsh Ki Teebo Nuzhat Pe laakhon Salaam

Noor E Ain E Latafat Pe Alt(a)f Durood
Jaibo Jaine Najafat Pe Laakhon Salaam

Sarve Naaz E Kidam Maghze Raaze Hikam
Yakka Taaze Fazilat Pe Laakhon Salaam

Nukta E Sirre Wahdat Pe Yakta Durood
Markaze Daure Kasrat Pe Laakhon Salaam

Sahibe Raj’ate Shamso Saqqul Qamar
Naib E Daste Qudrat Pe Laakhon Salaam

Jiske Zere Liwa Adamo Man Siva
Uss Sada E Siyadat Pe Laakhon Salaam

Arsh Ya Farsh Hai Jiske Zere Nageen
Uski Qaahir Riyasat Pe Laakhon Salaam

Asle Har Buudo Bahbood Takhme Wajood
Qasim E Kanze Ne’amat Pe Laakhon Salaam

Fathe Baab E Nubuvvat Pe Behad Durood
Khatme Daur E Risalat Pe Laakhon Salaam

Sharke Anwaare Qudrat Pe Noori Durood
Fat-he Az Haare Qurbat Pe Laakhon Salaam

Be-Saheemo Q(a)simo Adeelo Maseel
Jouhar E Farde Izzat Pe Laakhon Salaam

Sirre Ghaib E Hidayat Pe Ghaibi Durood
Itre Jaibe Nihayat Pe Laakhon Salaam

Maahe Lahoote Khilwat Pe Laakhon Durood
Shahe Naasoot E Jalwat Pe Laakhon Salaam

Kanze Har Bekaso Benawa Par Durood
Harze Har Rafta Taaqat Pe Laakhon Salaam

Partave Isme Zaate Ahad Par Durood
Nuskha E Jaameiyyat Pe Laakhon Salaam

Mat-La’e Har Sa’adat Pe As’ad Durood
Maqtae Har Siyadat Pe Laakhon Salaam

Khalq Ke Dadras Sabke Fariyad Ras
Kahfe Roze Musibat Pe Laakhon Salaam

Mujhse Bekas Ki Daulat Pe Laakhon Durood
Mujhse Bebas Ki Quvvat Pe Laakhon Salaam

Shamme Bazme D(a)na Hu Mai Gum Kun Ana
Shar-He Matne Huviyyat Pe Laakhon Salaam

Intiha E Daayi Ibtida E Yakee
Jam’a Tafreeqo Kasrat Pe Laakhon Salaam

Kasrat E Baad E Qillat Pe Aksar Durood
Izzate Baade Zillat Pe Laakhon Salaam

Rabb E Aala Ki Ne’amat Pe Aala Durood
Haq Ta’ala Ki Minnat Pe Laakhon Salaam

Hum Ghareebo Ke Aaqa Pe Behad Durood
Hum Faqeeri Ki Sarwat Pe Laakhon Salaam

Farhate Jaane Mo’min Pe Behad Durood
Ghaize Qalbe Jalalat Pe Laakhon Salaam

Sab-Be Har Sabb Muntaha E Talab
Illate Julmo Illat Pe Laakhon Salaam

Masdar E Mujhariyyat Pe Azhar Durood
Mazhar E Masdariyyat Pe Laakhon Salaam

Jiske Jalwe Se Murjhayi Kaliyan Khili
Uss Ghul E Paak Mimbat Pe Laakhon Salaam

Qadde Be-Saaya Ke Saya E Marhamat
Jille Mamdud E Raafat Pe Laakhon Salaam

Tairan E Quds Jiski Hai Kumriyan
Us Sahi Sarve Kaamat Pe Laakhon Salaam

Wasf Jiska Hai Aayina E Haqnuma
Us Khuda Saaz Tal’at Pe Laakhon Salaam

Jiske Aage Sare Sarwara Kham Rahe
Uss Sare Taaje Rif’at Pe Laakhon Salaam

Wo Karam Ki Ghata Ghesu E Mushk Sa
Lakka E Abre Raafat Pe Laakhon Salaam

Lailatul Qadr Me Matlail Fajre Haq
Maang Ki Istiqamat Pe Laakhon Salaam

Lakht Lakhte Dile Har Jigar Chaak Se
Shaana Karne Ki Haalat Pe Laakhon Salaam

Duur O Nazdeek Ke Sunne Waale Wo Kaan
Kaan E La’le Karamat Pe Laakhon Salaam

Chashma E Mehr Me Mouje Noor E Jalaal
Us Raghe Hashemiyyat Pe Laakhon Salaam

Jiske Mathe Shafa’at Ka Sehra Raha
Us Jabeen E Sa’adat Pe Laakhon Salaam

Jinke Sajde Ko Mehraab E Kaaba Jhuki
Unn Bhavon Ki Latafat Pe Laakhon Salaam

Unki Aankhon Pe Wo Saaya Afghan Miza
Zilla E Qasr E Rahmat Pe Laakhon Salaam

Ashq Baari E Mizgan Pe Barse Durood
Silke Durre Shafa’at Pe Laakhon Salaam

Ma’ana E Qad Ra-aa Maqsad E Maa Tagaa
Nargis E Baaghe Qudrat Pe Laakhon Salaam

Jiss Taraf Uth Gayi Dam Me Dam Aa Gaya
Us Nigah E Inayat Pe Laakhon Salaam

Nichee Aankhon Ki Sharmo Haya Par Durood
Unchi Beene Ki Rifa’at Pe Laakhon Salaam

Jinke Aage Charage Qamar Jhilmilay
Un Azaaro Ki Tal’at Pe Laakhon Salaam

Unke Khad Ki Suhulat Pe Behad Durood
Unke Qad Ki Rishaqat Pe Laakhon Salaam

Jis Se Tareek Dil Jagmagane Lage
Us Chamak Waali Rangat Pe Laakhon Salaam

Chaand Se Muh Pe Taaba Darkhsha Durood
Namak Aagi Sabahat Pe Laakhon Salaam

Shabnam E Baagh E Haq Yani Rukh Ka Araq
Uski Sachhi Baraakat Pe Laakhon Salaam

Khat Ki Girde Dahan Wo Dilara Faban
Sabz E Nahre Rehmat Pe Laakhon Salaam

Rishe Khus Mu’atadil Marham E Reshe Dil
Hala E Mah E Nudrat Pe Laakhon Salaam

Patli Patli Ghul E Quds Ki Pattiya
Un Labon Ki Nazakat Pe Laakhon Salaam

Wo Dahan Jiski Har Baat Wahee E Khuda
Chashma E Ilmo Hiqmat Pe Laakhon Salaam

Jiske Paani Se Shadaab Jaan O Jinaa
Uss Dahan Ki Taravat Pe Laakhon Salaam

Jis Se Khari Kuve Shira E Jaan Bane
Us Julale Halavat Pe Laakhon Salaam

Wo Jabaan Jisko Sab Kun Ki Kunji Kahe
Uski Naafiz Huqumat Pe Laakhon Salaam

Uski Pyari Fasahat Pe Behad Durood
Sakee Dilkash Balaghat Pe Laakhon Salaam

Uski Baaton Ki Lazzat Pe Laakhon Durood
Uske Khutbe Ki Haibat Pe Laakhon Salaam

Woh Dua Jiska Joban Bahaar E Qubool
Us Naseem E Ijabat Pe Laakhon Salaam

Jinke Guchche Se Lachche Jhade Noor Ke
Un Sitaro Ki Nuzhat Pe Laakhon Salaam

Jiski Taskeen Se Rote Hue Has Pade
Us Tabassum Ki A’adat Pe Laakhon Salaam

Jis Me Nahre Hai Shiro Shakar Ki Rawan
Us Gale Ki Nazarat Pe Laakhon Salaam

Dosh Bar Dosh Hai Jin Ke Shaane Sharaf
Aise Shaano Ki Shauqat Pe Laakhon Salaam

Hajre Aswad Ka’aba E Jaan O Dil
Yaani Mehre Nubuvvat Pe Laakhon Salaam

Ru-e Aaina E Ilme Pushte Huzoor
Pushti E Qasr E Millat Pe Laakhon Salaam

Haath Jis Samt Utha Ghanee Kar Diya
Mouje Behre Sama’at Pe Laakhon Salaam

Jisko Baare Do Aalam Ki Parwah Nahi
Aise Bazoo Ki Quvvat Pe Laakhon Salaam

Ka’aba E Deen O Imaan Ke Dono Sutoon
Sayyedaine Risalat Pe Laakhon Salaam

Jiske Har Khat Main Hai Mouje Noor E Karam
Us Kafe Bahre Himmat Pe Laakhon Salaam

Noor Ke Chashme Lehraye Dariya Bahee
Ungliyon Ki Karamat Pe Laakhon Salaam

Eid E Mushkil Kusha E Ke Chamke Hilaal
Nakhoono Ki Basharat Pe Laakhon Salaam

Raf’a E Zikre Jalalat Pe Arfa’a Durood
Sharhe Sadre Sadarat Pe Laakhon Salaam

Dil Samajh Se Waraa Hai Magar Yu Kahu
Guncha E Raaze Wahdat Pe Laakhon Salaam

Kul Jahaan Milk Aur Jou Ki Roti Ghiza
Uss Shikam Ki Kana’at Pe Laakhon Salaam

Jo Ki Azme Shafa’at Pe Khinch Kar Bandhi
Us Qamar Ki Himayat Pe Laakhon Salaam

Ambiya Tah Kare Jaanu Unke Huzoor
Jaanuo Ki Wajahat Pe Laakhon Salaam

Saake Asl E Qidam ShaakhE Nakhle Karam
Sham’e Raah E Isabat Pe Laakhon Salaam

Khayi Quraan Ne Khaaqe Guzar Ki Qasam
Us Kafe Paa Ki Hur mat Pe Laakhon Salaam

Jis Suhani Ghadi Chamka Taibah Ka Chaand
Us Dil Afroz Sa’at Pe Laakhon Salaam

Pehle Sajde Pe Rouze Ajal Se Durood
Yaadgari E Ummat Pe Laakhon Salaam

Zar’e Shadab E Har Zar’e Pur Sheer Se
Barkaate Reja’at Pe Laakhon Salaam

Bhaiyo Ke Liye Tark Pistan Kare
Doodh Peeto Ki Nisfat Pe Laakhon Salaam

Mahde Waala Ki Qismat Pe Behad Durood
Burje Maah E Risalat Pe Laakhon Salaam

ALLAH ALLAH Wo Bachpane Ki Phaban
Us Khuda Bhaati Surat Pe Laakhon Salaam

Uth-Te BuTo Ki Nashwo Numa Par Durood
Khilte Guncho Ki Nikhat Pe Laakhon Salaam

Fazl E Paidaishi Par Hamesha Durood
Khelne Se Karahat Pe Laakhon Salaam

A’etela E Jabillat Pe Aala Durood
A’etedal E Tivayat Pe Laakhon Salaam

Be Banavat Adaa Par Hazaro Durood
Be Takalluf Malahat Pe Laakhon Salaam

Bhini Bhini Mahak Par Mahakti Durood
Pyari Pyari Nafasat Pe Laakhon Salaam

Meethi Meethi Ibarat Pe Shireen Durood
Achhi Achhi Isharat Pe Laakhon Salaam

Seedhi Seedhi Ravish Par Karoron Durood
Saadi Saadi Tabi’at Pe Laakhon Salaam

Roze Garmo Shabe Teera Wo Taar Me
Koho Sahra Ki Khalvat Pe Laakhon Salaam

Jiske Ghere Me Hai Ambiya O Malak
Us Jahangeer E Ba’sat Pe Laakhon Salaam

Andhe Sheeshe Jhalajhal Damakne Lage
Jalwa Rezi E Daawat Pe Laakhon Salaam

Lutf E Bedari E Shab Pe Behad Durood
Aalam E Khwab E Rahat Pe Laakhon Salaam

Kh(a)nda-e Subho Ishrat Pe Noori Durood
Giry(a) E Abre Rehmat Pe Laakhon Salaam

Nirmi E Khu E Leenat Pe Daim Durood
Garmi E Shaane Satavat Pe Laakhon Salaam

Jiske Aage Khinchi Gardane Jhuk Gayi
Us Khuda Dad Shoukat Pe Laakhon Salaam

Kisko Dekha Ye Moosa Se Pooche Koyi
Aankh Waalo Ki Himmat Pe Laakhon Salaam

Girde Mah Daste Anjum Me Rakhshan Hilaal
Badr Ki Daf’e Zulmat Pe Laakhon Salaam

Shore Takbeer Se Thar-Tharati Zameen
Zumbishe Joushe Nusrat Pe Laakhon Salaam

Na’araha E Dileran Se Ban Gunjte
Gurrashe Kose Jur-at Pe Laakhon Salaam

Woh Chaka Chaak Khanjar Se Aati Sadaa
Mustafa Teri Soulat Pe Laakhon Salaam

Unke Aage Wo Hamza Ki Jaan-Baaziyan
Shere Gurrane Satvat Pe Laakhon Salaam

Al Gharaz Unke Har mu Pe Laakhon Durood
Unki Har Khu Wa Khaslat Pe Laakhon Salaam

Unke Har Naam O Nisbat Pe Naami Durood
Unke Har Waqt O Haalat Pe Laakhon Salaam

Unke Maula Ki Un Par Karoron Durood
Unke As-habo Itrat Pe Laakhon Salaam

Paar-Haye Suhuf Ghuncha E Qudus
Ahle Bait E Nubuvvat Pe Laakhon Salaam

Aab E Tathir Se Jis Me Paude Jame
Uss Riyaze Najaabat Pe Laakhon Salaam

Khuun E Khairur Rusul Se Hai Jinka Khameer
Unki Be Lous Tinat Pe Laakhon Salaam

Uss Batul E Jigar Para E Mustafa
Haj-La Aara E Iffat Pe Laakhon Salaam

Jiska Aanchal Na Dekha Maho Meher Ne
Uss Rida E Nazahat Pe Laakhon Salaam

Sayyeda Zahira Tayyeba Tahira
Jaan E Ahmad Ki Raahat Pe Laakhon Salaam

Hasne Mujtaba Sayyedul Askhiyan
Raakib E Doshe Izzat Pe Laakhon Salaam

Ouj E Mehre Huda Mouje Bahre Nida
Ruh E Rouhe Sakhavat Pe Laakhon Salaam

Shahad Khware Lu-aab E Zabaan E Nabi
Chaashni Geer Ismat Pe Laakhon Salaam

Uss Shaheed E Balaa Shahe Ghulghu Kabaa
Bekase Dashte Gurbat Pe Laakhon Salam

Durre Durje Najaf Mehre Burje Sharaf
Range Ru E Shahadat Pe Laakhon Salam

Ahle Islaam Ki Maadarane Shafeeq
Baanuvane Tahaarat Pe Laakhon Salaam

Jalw(a)-Giyyane Baitush-Sharaf Par Durood
Pard Giyyane Iffat Pe Laakhon Salaam

Siyyema Pahli Maa Kah-Fe Amno Amaan
Haq Gujare Rifaqat Pe Laakhon Salaam

Arsh Se Jispe Tasleem Naazil Hui
Us Saraa E Salamat Pe Laakhon Salaam

Manzillum Min Kasab La Nasab La Sakhab
Aise Koshak Ki Zeenat Pe Laakhon Salaam

Binte Siddeeq Araam E Jaan E Nabi
Us Hareem E Bara-at Pe Laakhon Salaam

Yaani Hai Sura E Noor Jinki Gawah
Unki PurNoor Surat Pe Laakhon Salaam

Jinme Ruhul Qudus Be-Ijazat Na Jaaye
Un Suradiq Ki Ismat Pe Laakhon Salaam

Sahm’e Taabaane Kaashaana E Ijtehaad
Mufti E Chaar Millat Pe Laakhon Salaam

Jaan-Nisaran E Badro Uhad Par Durood
Haq Guzaaran E Bai’at Pe Laakhon Salaam

Wo Daso Jinko Jannat Ka Muzda Mila
Uss Mubarak Jama’at Pe Laakhon Salaam

Khaas Uss Saabik E Saire Kurbe Khuda
Ouhad E Kamiliyat Pe Laakhon Salaam

Sai-E Mustafa Mai-E Istafa
Izzo Naaze Khilafat Pe Laakhon Salaam

Asdaqus-Sadeqi Sayyedul Muttaqi
Chashmo Goshe Vejarat Pe Laakhon Salaam

Woh Umar Jis Ke Aada Pe Shaida Sakar
Uss Khuda Dost Hazrat Pe Laakhon Salaam

Fareeqe Haqqo Baatil Imamul Huda
Taighe Maslule Shiddat Pe Laakhon Salaam

Tarjumaan E Nabi Ham-Zabaan E Nabi
Jaan E Shaan E Adaalat Pe Laakhon Salaam

Jaahid E Masjid E Ahmadi Par Durood
Ddoulat E Jaishe Usrat Pe Laakhon Salaam

Durre Mansoor Quraan Ki Silke Bahee
Zouje Do Noor E Iffat Pe Laakhon Salaam

Yaani Usmaan Saahab Kamees E Huda
Hulla Pushe Shahadat Pe Laakhon Salaam

Murtaza Shere Haq Ashja-Ul Ashja-e
Saaqi E Sheero Sharbat Pe Laakhon Salaam

Asl E Nasl E Safaa Wajhe Wasle Khuda
Baab E Fasle Wilayat Pe Laakhon Salaam

Awwali Dafa E Ahle Rifzo Khuruj
Chaar Mi Rukne Millat Pe Laakhon Salaam

Shere Shamsheer-J(a)n Shahe Khaibar-Shikan
Parvat E Dost Qudrat Pe Laakhon Salaam

Maahi E Rifzo Tafzeel O Nasb O Khurooj
Haami E Deen O Sunnat Pe Laakhon Salaam

Momeni Peshe Fat-ho Pase Fat-h Sab
Ahle Khairo Adaalat Pe Laakhon Salaam

Jis Musalmaan Ne Dekha Unhe Ik Nazar
Uss Nazar Ki Basaarat Pe Laakhon Salaam

Jinke Dushman Pe Laanat Hai ALLAH Ki
Un Sab Ahle Muhabbat Pe Laakhon Salaam

Baaqi E Saakiyaan E Sharaab E Tahur
Zain E Ahle Ibadat Pe Laakhon Salaam

Aur Jitne Hai Shehzade Uss Shah Ke
Un Sab Ahle Makaanat Pe Laakhon Salaam

Unki Baala Sharafat Pe Aala Durood
Unki Waala Siyadat Pe Laakhon Salaam

Shafa’e Maaliki Ahmad Imam E Haneef
Chaar Baagh E Imamat Pe Laakhon Salaam

Kaamilan E Tareeqat Pe Kaamil Durood
Haamilan E Shariat Pe Laakhon Salaam

Ghouse Aazam Ima Muttuka Wannuka
Jalwa E Shaan E Qudrat Pe Laakhon Salaam

Kutbe Abdaalo Irshaad O Rushdurshaad
Muh-yi-e Deen O Millat Pe Laakhon Salaam

Mard E Khaile Tareeqar Pe Behad Durood
Farde Ahle Haqeeqat Pe Laakhon Salaam

Jiski Mimbar Bani Gardan E Awliyah
Uss Qadam Ki Karamat Pe Laakhon Salaam

Shah E Barkaato Barkaate Peshiniyan
Nou Bahar E Tareeqat Pe Laakhon Salaam

Sayyid Aale Muhammad Imamur Rashheed
Ghul E Rouze Riyazat Pe Laakhon Salaam

Hazrat E Hamza Shere Khuda Wa Rasool
Zeenat E Qaadriyat Pe Laakhon Salaam

Naam O Kaam O Tano Jaan O Haal O Makaal
Sabme Achhe Ki Surat Pe Laakhon Salaam

Noor-Jaan Itre-Majmu’a Aale Rasool
Mere Aaqa E Ne’amat Pe Laakhon Salaam

Zaibe Sajjada Sajjade Noori Nihaad
Ahmad E Noor Teenat Pe Laakhon Salaam

Be Azaabo Aetaabo Hisaabo Kitaab
Ta Abad Ahle Sunnat Pe Laakhon Salaam

Tere Un Dosto Ke Tufaile Khuda
Banda-E Nange Khilqat Pe Laakhon Salaam

Mere Ustaad Maa-Baap Bhai Behen
Ahle Wuldo Ashirat Pe Laakhon Salaam

Ek Mera Hi Rehmat Me D’awa Nahi
Shah Ki Saari Ummat Pe Laakhon Salaam

Kaash Mehshar Me Jab Unki Aamad Ho Aur
Bheje Sab Unki Shouqat Pe Laakhon Salaam

Mujhse Khidmat Ke Qudsi Kahe Haa ‘Raza’
Mustafa Jaan E Rehmat Pe Laakhon Salaam

MUSTAFA JAAN E REHMAT PE LAAKHON SALAAM NAAT LYRICS IN URDU

مصطفی جانِ رحمت پہ لاکھوں سلام
شمعِ بزمِ ہدایت پہ لاکھوں سلام

مِہرِ چرخِ نبوت پہ روشن دُرود
گلِ باغِ رسالت پہ لاکھوں سلام

شہرِ یارِ ارم تاج دارِ حرم
نوبہارِ شفاعت پہ لاکھوں سلام

شبِ اسرا کے دولہا پہ دائم دُرود
نوشۂ بزمِ جنّت پہ لاکھوں سلام

عرش کی زیب و زینت پہ عرشی دُرود
فرش کی طیب و نُزہت پہ لاکھوں سلام

نورِ عینِ لطافت پہ اَلطف دُرود
زیب و زینِ نظافت پہ لاکھوں سلام

سروِ نازِ قِدَم مغزِ رازِ حِکَم
یکّہ تازِ فضیلت پہ لاکھوں سلام

نقطۂ سِرِّ وحدت پہ یکتا دُرود
مرکزِ دورِ کثرت پہ لاکھوں سلام

صاحبِ رَجعتِ شمس و شقُ القمر
نائبِ دستِ قدرت پہ لاکھوں سلام

جس کے زیرِ لِوا آدم و من سِوا
اس سزائے سیادت پہ لاکھوں سلام

عرش تا فرش ہے جس کے زیرِ نگیں
اُس کی قاہر ریاست پہ لاکھوں سلام

اصل ہر بُود و بہبود تُخمِ وجود
قاسمِ کنزِ نعمت پہ لاکھوں سلام

فتحِ بابِ نبوت پہ بے حد دُرود
ختمِ دورِ رسالت پہ لاکھوں سلام

شرقِ انوارِ قدرت پہ نوری دُرود
فتقِ اَزہارِ قدرت پہ لاکھوں سلام

بے سہیم و قسیم و عدیل و مثیل
جوہرِ فردِ عزت پہ لاکھوں سلام

سِرِّ غیبِ ہدایت پہ غیبی دُرود
عطر جیبِ نہایت پہ لاکھوں سلام

ماہِ لاہوتِ خَلوت پہ لاکھوں دُرود
شاہِ ناسوتِ جَلوت پہ لاکھوں سلام

کنزِ ہر بے کس و بے نوا پر دُرود
حرزِ ہر رفتہ طاقت پہ لاکھوں سلام

پرتوِ اسمِ ذاتِ اَحد پر دُرود
نُسخۂ جامعیت پہ لاکھوں سلام

مطلعِ ہر سعادت پہ اسعد دُرود
مقطعِ ہر سیادت پہ لاکھوں سلام

خلق کے داد رس سب کے فریاد رس
کہفِ روزِ مصیبت پہ لاکھوں سلام

مجھ سے بے کس کی دولت پہ لاکھوں دُرود
مجھ سے بے بس کی قوت پہ لاکھوں سلام

شمعِ بزمِ دنیٰ ہُوْ میں گم کُن اَنَا
شرحِ متنِ ہُوِ یَّت پہ لاکھوں سلام

انتہائے دوئی ابتدائے یکی
جمع تفریق و کثرت پہ لاکھوں سلام

کثرتِ بعدِ قلّت پہ اکثر دُرود
عزتِ بعدِ ذلّت پہ لاکھوں سلام

ربِّ اعلا کی نعمت پہ اعلا دُرود
حق تعالیٰ کی منّت پہ لاکھوں سلام

ہم غریبوں کے آقا پہ بے حد دُرود
ہم فقیروں کی ثروت پہ لاکھوں سلام

فرحتِ جانِ مومن پہ بے حد دُرود
غیظِ قلبِ ضلالت پہ لاکھوں سلام

سببِ ہر سبب منتہائے طلب
علّتِ جملہ علّت پہ لاکھوں سلام

مصدرِ مظہریت پہ اظہر دُرود
مظہرِ مصدریت پہ لاکھوں سلام

جس کے جلوے سے مرجھائی کلیا ں کھلیں
اُس گلِ پاک مَنبت پہ لاکھوں سلام

قدِّ بے سایہ کے سایۂ مرحمت
ظلِ ممدود رافت پہ لاکھوں سلام

طائرانِ قُدُس جس کی ہیں قُمریاں
اُس سہی سرو قامت پہ لاکھوں سلام

وصف جس کا ہے آئینۂ حق نما
اُس خدا ساز طلعت پہ لاکھوں سلام

جس کے آگے سرِ سروراں خم رہیں
اُس سرِ تاجِ رفعت پہ لاکھوں سلام

وہ کرم کی گھٹا گیسوے مُشک سا
لکّۂ ابرِ رافت پہ لاکھوں سلام

لَیْلَۃُ القدر میں مطلعِ الفجر حق
مانگ کی استقامت پہ لاکھوں سلام

لخت لختِ دلِ ہر جگر چاک سے
شانہ کرنے کی عادت پہ لاکھوں سلام

دُور و نزدیک کے سُننے والے وہ کان
کانِ لعلِ کرامت پہ لاکھوں سلام

چشمۂ مِہر میں موجِ نورِ جلال
اُس رگِ ہاشمیت پہ لاکھوں سلام

جس کے ماتھے شفاعت کا سہرا رہا
اُس جبینِ سعادت پہ لاکھوں سلام

جن کے سجدے کو محرابِ کعبہ جھکی
اُن بھووں کی لطافت پہ لاکھوں سلام

اُن کی آنکھوں پہ وہ سایہ افگن مژہ
ظلۂ قصرِ رحمت پہ لاکھوں سلام

اشک باریِ مژگاں پہ برسے دُرود
سلکِ دُرِّ شفاعت پہ لاکھوں سلام

معنیِ قَدْ رَأیٰ مقصدِ مَاطَغیٰ
نرگسِ باغِ قدرت پہ لاکھوں سلام

جس طرف اٹھ گئی دم میں دم آ گیا
اُس نگاہِ عنایت پہ لاکھوں سلام

نیچی آنکھوں کی شرم و حیا پر دُرود
اونچی بینی کی رفعت پہ لاکھوں سلام

جن کے آگے چراغِ قمر جھلملائے
اُن عِذاروں کی طلعت پہ لاکھوں سلام

اُن کے خد کی سُہُولت پہ بے حد دُرود
اُن کے قد کی رشاقت پہ لاکھوں سلام

جس سے تاریک دل جگمگانے لگے
اُس چمک والی رنگت پہ لاکھوں سلام

چاند سے منہ پہ تاباں درخشاں دُرود
نمک آگیں صباحت پہ لاکھوں سلام

شبنمِ باغِ حق یعنی رُخ کا عَرَق
اُس کی سچی بَراقت پہ لاکھوں سلام

خط کی گردِ دہن وہ دل آرا پھبن
سبزۂ نہرِ رحمت پہ لاکھوں سلام

رِیشِ خوش معتدل مرہمِ رَیش دل
ہالۂ ماہِ نُدرت پہ لاکھوں سلام

پتلی پتلی گلِ قُدس کی پتّیاں
اُن لبوں کی نزاکت پہ لاکھوں سلام

وہ دہن جس کی ہر بات وحیِ خدا
چشمۂ علم و حکمت پہ لاکھوں سلام

جس کے پانی سے شاداب جان و جناں
اُس دہن کی طراوت پہ لاکھوں سلام

جس سے کھاری کنویں شیرۂ جاں بنے
اُس زُلالِ حلاوت پہ لاکھوں سلام

وہ زباں جس کو سب کُن کی کنجی کہیں
اُس کی نافذ حکومت پہ لاکھوں سلام

اُس کی پیاری فصاحت پہ بے حد دُرود
اُس کی دل کش بلاغت پہ لاکھوں سلام

اُس کی باتوں کی لذّت پہ بے حد دُرود
اُس کے خطبے کی ہیبت پہ لاکھوں سلام

وہ دُعا جس کا جوبن قبولِ بہار
اُس نسیمِ اجابت پہ لاکھوں سلام

جن کے گچھّے سے لچھّے جھڑیں نور کے
اُن ستاروں کی نُزہت پہ لاکھوں سلام

جس کی تسکیں سے روتے ہوئے ہنس پڑیں
اُس تبسم کی عادت پہ لاکھوں سلام

جس میں نہریں ہیں شیٖر شکر کی رواں
اُس گلے کی نضارت پہ لاکھوں سلام

دوش بردوش ہے جن سے شانِ شَرَف
ایسے شانوں کی شوکت پہ لاکھوں سلام

حَجَرِ اسودِ کعبۂ جان و دل
یعنی مُہرِ نبوت پہ لاکھوں سلام

روئے آئینۂ علم پُشتِ حضور
پُشتیِ قصرِ ملّت پہ لاکھوں سلام

ہاتھ جس سمت اُٹھّا غنی کر دیا
موجِ بحرِ سماحت پہ لاکھوں سلام

جس کو بارِ دو عالم کی پروا نہیں
ایسے بازو کی قوّت پہ لاکھوں سلام

کعبۂ دین و ایماں کے دونوں ستوں
ساعدینِ رسالت پہ لاکھوں سلام

جس کے ہر خط میں ہے موجِ نورِ کرم
اُس کفِ بحرِ ہمّت پہ لاکھوں سلام

نُور کے چشمے لہرائیں دریا بہیں
انگلیوں کی کرامت پہ لاکھوں سلام

عیدِ مشکل کُشائی کے چمکے ہِلال
ناخنوں کی بشارت پہ لاکھوں سلام

رفعِ ذکرِ جلالت پہ اَرفع دُرود
شرحِ صدرِ صدارت پہ لاکھوں سلام

دل سمجھ سے ورا ہے مگر یوں کہوں
غنچۂ رازِ وحدت پہ لاکھوں سلام

کُل جہاں مِلک اور جَو کی روٹی غذا
اُس شکم کی قناعت پہ لاکھوں سلام

جو کہ عزمِ شفاعت پہ کھنچ کر بندھی
اُس کمر کی حمایت پہ لاکھوں سلام

انبیا تَہ کریں زانُو اُن کے حضور
زانُوؤں کی وجاہت پہ لاکھوں سلام

ساق اصلِ قدم شاخِ نخلِ کرم
شمعِ راہِ اِصابت پہ لاکھوں سلام

کھائی قرآں نے خاکِ گزر کی قسم
اُس کفِ پا کی حُرمت پہ لاکھوں سلام

جس سہانی گھڑی چمکا طیبہ کا چاند
اُس دل افروز ساعت پہ لاکھوں سلام

پہلے سجدے پہ روزِ ازل سے دُرود
یادگاریِ اُمّت پہ لاکھوں سلام

زرع شاداب و ہر ضرع پُر شیٖر سے
برَکاتِ رضاعت پہ لاکھوں سلام

بھائیوں کے لیے ترکِ پِستاں کریں
دودھ پیتوں کی نِصفَت پہ لاکھوں سلام

مہدِ والا کی قسمت پہ صدہا دُرود
بُرجِ ماہِ رسالت پہ لاکھوں سلام

اللہ اللہ وہ بچپنے کی پھبَن!
اُس خدا بھاتی صورت پہ لاکھوں سلام

اُٹھتے بوٹوں کی نشوونَما پر دُرود
کھِلتے غنچوں کی نکہت پہ لاکھوں سلام

فضلِ پیدایشی پر ہمیشہ دُرود
کھیلنے سے کراہت پہ لاکھوں سلام

اعتلائے جبلّت پہ عالی دُرود
اعتدالِ طَوِیّت پہ لاکھوں سلام

بے بناوٹ ادا پر ہزاروں دُرود
بے تکلف ملاحت پہ لاکھوں سلام

بھینی بھینی مہک پر مہکتی دُرود
پیاری پیاری نفاست پہ لاکھوں سلام

میٹھی میٹھی عبارت پہ شیریں دُرود
اچھی اچھی اِشارت پہ لاکھوں سلام

سیدھی سیدھی رَوِش پر کروروں دُرود
سادی سادی طبیعَت پہ لاکھوں سلام

روزِ گرم و شبِ تیرہ و تار میں
کوہ و صحرا کی خَلوت پہ لاکھوں سلام

جس کے گھیرے میں ہیں انبیا و مَلک
اس جہاں گیر بعثت پہ لاکھوں سلام

ادھے شیشے جھلاجھل دمکنے لگے
جلوہ ریزیِ دعوت پہ لاکھوں سلام

لطفِ بیداریِ شب پہ بے حد دُرود
عالمِ خوابِ راحت پہ لاکھوں سلام

خندۂ صبحِ عشرت پہ نُوری دُرود
گِریۂ ابرِ رحمت پہ لاکھوں سلام

نرمیِ خوئے لینت پہ دائم دُرود
گرمیِ شانِ سطوت پہ لاکھوں سلام

جس کے آگے کھنچی گردنیں جھک گئیں
اُس خداداد شوکت پہ لاکھوں سلام

کس کو دیکھا یہ موسیٰ سے پوچھے کوئی
آنکھوں والوں کی ہمّت پہ لاکھوں سلام

گردِ مہ دستِ انجم میں رَخشاں ہِلال
بدر کی دفعِ ظلمت پہ لاکھوں سلام

شورِ تکبیر سے تھرتھراتی زمیں
جنبشِ جیشِ نصرت پہ لاکھوں سلام

نعرہائے دلیراں سے بَن گونجتے
غُرّشِ کوسِ جرأت پہ لاکھوں سلام

وہ چقاچاق خنجر سے آتی صدا
مصطفی تیری صَولت پہ لاکھوں سلام

اُن کے آگے وہ حمزہ کی جاں بازیاں
شیرِ غُرّانِ سطوت پہ لاکھوں سلام

الغرض اُن کے ہر موٗ پہ لاکھوں دُرود
اُن کی ہر خُو و خصلت پہ لاکھوں سلام

اُن کے ہر نام و نسبت پہ نامی دُرود
اُن کے ہر وقت و حالت پہ لاکھوں سلام

اُن کے مولا کی اُن پر کروروں دُرود
اُن کے اصحاب و عترت پہ لاکھوں سلام

پارہائے صُحف غنچہ ہائے قُدُس
اہلِ بیتِ نبوت پہ لاکھوں سلام

آبِ تطہیر سے جس میں پودے جمے
اُس ریاضِ نجابت پہ لاکھوں سلام

خونِ خیرُالرُّسل سے ہے جن کا خمیر
اُن کی بے لوث طینت پہ لاکھوں سلام

اُس بتولِ جگر پارۂ مصطفی
حجلہ آرائے عِفّت پہ لاکھوں سلام

جس کا آنچل نہ دیکھا مہ و مِہر نے
اُس رِدائے نَزاہت پہ لاکھوں سلام

سیّدہ زاہرہ طیّبہ طاہرہ
جانِ احمد کی راحت پہ لاکھوں سلام

حَسَنِ مجتبیٰ سیّدُ الاسخیا
راکبِ دوشِ عزت پہ لاکھوں سلام

اَوجِ مِہرِ ہُدیٰ موجِ بحرِ نَدیٰ
رَوحِ رُوحِ سخاوت پہ لاکھوں سلام

شہد خوارِ لُعابِ زبانِ نبی
چاشنی گیرِ عصمت پہ لاکھوں سلام

اُس شہیدِ بَلا شاہِ گلگوں قَبا
بے کسِ دشتِ غربت پہ لاکھوں سلام

دُرِّ دُرجِ نجف مِہرِ بُرجِ شَرَف
رنگِ رومی شہادت پہ لاکھوں سلام

اہلِ اسلام کی مادرانِ شفیق
بانوانِ طہارت پہ لاکھوں سلام

جلوگیّانِ بیتُ الشَّرَف پر دُرود
پردگیّانِ عفّت پہ لاکھوں سلام

سَیِّما پہلی ماں کہفِ امن و اماں
حق گزارِ رفاقت پہ لاکھوں سلام

عرش سے جس پہ تسلیم نازل ہوئی
اُس سرائے سلامت پہ لاکھوں سلام

منزلُُ مَّن قَصَبْ لَا نَصَبْ لَاصَخَبْ
ایسے کوشک کی زینت پہ لاکھوں سلام

بنتِ صدّیق آرامِ جانِ نبی
اُس حریمِ براء ت پہ لاکھوں سلام

یعنی ہے سورۂ نور جن کی گواہ
اُن کی پُر نور صورت پہ لاکھوں سلام

جن میں رُوح ا لقدُس بے اجازت نہ جائیں
اُن سُرادِق کی عِصمت پہ لاکھوں سلام

شمعِ تابانِ کاشانۂ اجتہاد
مفتیِ چار ملّت پہ لاکھوں سلام

جاں نثارانِ بدر و اُحُد پر دُرود
حق گزارانِ بیعَت پہ لاکھوں سلام

وہ دسوں جن کو جنت کا مژدہ ملا
اُس مبارک جماعت پہ لاکھوں سلام

خاص اُس سابقِ سیرِ قُربِ خدا
اوحَدِ کاملیَّت پہ لاکھوں سلام

سایۂ مصطفیٰ مایۂ اِصطَفیٰ
عِزّو نازِ خلافت پہ لاکھوں سلام

یعنی اُس افضلُ الخلق بعدَ الرُّسُل
ثانی اَثنَینِ ہجرت پہ لاکھوں سلام

اصدقُ الصّادِقیں سیّدُ المتّقیں
چشم و گوشِ وزارت پہ لاکھوں سلام

وہ عمر جس کے اعدا پہ شیدا سقر
اُس خدا دوست حضرت پہ لاکھوں سلام

فارقِ حقّ و باطل امامِ الہُدیٰ
تیغِ مسلول شدّت پہ لاکھوں سلام

ترجمانِ نبی ہم زبانِ نبی
جانِ شانِ عدالت پہ لاکھوں سلام

زاہدِ مسجدِ احمدی پر دُرود
دولتِ جیشِ عُسرت پہ لاکھوں سلام

دُرِّ منثور قرآں کی سلک بہی
زوجِ دو نور عفّت پہ لاکھوں سلام

یعنی عثمان صاحب قمیصِ ہدیٰ
حُلّہ پوشِ شہادت پہ لاکھوں سلام

مرتضیٰ شیرِ حق اشجع الاشجعیں
ساقی شیٖر و شربت پہ لاکھوں سلام

اصل نسلِ صفا وجہِ وصلِ خدا
بابِ فصلِ ولایت پہ لاکھوں سلام

اّولیں دافعِ اہلِ رفض و خروج
چارمی رکنِ ملّت پہ لاکھوں سلام

شیرِ شمشیر زن شاہِ خیبر شکن
پرتوِ دستِ قدرت پہ لاکھوں سلام

ماحیِ رفض و تفضیل و نصب و خروج
حامیِ دین و سنت پہ لاکھوں سلام

مومنیں پیشِ فتح و پسِ فتح سب
اہلِ خیر و عدالت پہ لاکھوں سلام

جس مسلماں نے دیکھا اُنھیں اک نظر
اُس نظر کی بصارت پہ لاکھوں سلام

جن کے دشمن پہ لعنت ہے اللہ کی
اُن سب اہلِ محبت پہ لاکھوں سلام

باقیِ ساقیانِ شرابِ طہور
زینِ اہلِ عبادت پہ لاکھوں سلام

اور جتنے ہیں شہزادے اُس شاہ کے
اُن سب اہلِ مکانت پہ لاکھوں سلام

اُن کی بالا شرافت پہ اعلا دُردو
اُن کی والا سیادت پہ لاکھوں سلام

شافعی مالک احمد امامِ حنیف
چار باغِ امامت پہ لاکھوں سلام

کاملانِ طریقت پہ کامل دُرود
حاملانِ شریعت پہ لاکھوں سلام

غوثِ اعظم امامُ التقیٰ والنقیٰ
جلوۂ شانِ قدرت پہ لاکھوں سلام

قطبِ ابدال و ارشاد و رُشدالرشاد
مُحییِ دین و ملّت پہ لاکھوں سلام

مردِ خیلِ طریقت پہ بے حد دُرود
فردِ اہلِ حقیقت پہ لاکھوں سلام

جس کی منبر ہوئی گردنِ اولیا
اُس قدم کی کرامت پہ لاکھوں سلام

شاہِ برکات و برکات پیشینیاں
نوبہارِ طریقت پہ لاکھوں سلام

سید آلِ محمد امام الرشید
گلِ روضِ ریاضت پہ لاکھوں سلام

حضرتِ حمزہ شیرِ خدا و رسول
زینتِ قادریت پہ لاکھوں سلام

نام و کام و تن و جان و حال و مقال
سب میں اچھے کی صورت پہ لاکھوں سلام

نورِ جاں عطر مجموعہ آلِ رسول
میرے آقائے نعمت پہ لاکھوں سلام

زیبِ سجّادہ سجّاد نوری نہاد
احمدِ نورِ طینت پہ لاکھوں سلام

بے عذاب و عتاب و حساب و کتاب
تاابد اہلِ سنّت پہ لاکھوں سلام

تیرے ان دوستوں کے طفیل اے خدا
بندۂ ننگِ خلقت پہ لاکھوں سلام

میرے اُستاد ماں باپ بھائی بہن
اہلِ وُلد و عشیرت پہ لاکھوں سلام

ایک میرا ہی رحمت میں دعویٰ نہیں
شاہ کی ساری اُمّت پہ لاکھوں سلام

کاش محشر میں جب اُن کی آمد ہو اور
بھیجیں سب اُن کی شوکت پہ لاکھوں سلام

مجھ سے خدمت کے قُدسی کہیں ہاں ! رضاؔ
مصطفی جانِ رحمت پہ لاکھوں سلام